لا تسألني .. جاوب وبس

مرااااحب ..


موضوعي سؤال مابي منكم إجابة بقد ماأنا أبي منكم تحليل ..

بمعنى حاولوا تفهمون السؤال والقصد منه , وكل واحد يقول لي وش فهم ويعلق تعليق مختصر أو بإسهاب بناء على اللي فهمه ..

بعد كذا راح تكون لي عودة وراح أكتب كل اللي بخاطري عن المعنى اللي قصدته طبعا ..


سؤالي هو ..

كل واحد يطالع في ساعته الخاصة فيه ويقول لي ..
كم في دقيقته من ساعة ؟!

في انتظاركم ..

الشمـــــــــــس

مساء الخير

ياهلا والله معزبتنا :p

هذا صميدع وموجود ذكرني عاد

البلشة اللي مابيده ساعة وش يسوي :o

وبعدين تعالي كم في دقيقته من ساعة

كيف تجي طال عمرك كيف استوعبها انا لان عقلي

مقفل هاليومين بس اذا ممكن تعيريني

ساعتك عشان اعرف كم ساعة في دقايق اجيبها بالتمام :D

الشكوى لله واعتقد ان الاجابة ساعة وحدة في دقائق بيتنا

لاني شايفهم على ساعة البيت :o

يمكن ساعتنا مهويه مادري بس اعتقد انها صح وحسبي الله

على الجنان اللي مو راضي يفكني المرة الاولى مظلوم واليوم

الشمس ( الله يستر ) :p

سلام طال عمرك ...

المسافر ...

مساء الورد ..

هلا المسافر ..

الله يذكر أيام عزبتنا والمعزبة بالخير ..
إيـــــــــــــــه دنيا .. كانت أيام .. <==== ماهيب عاقلة جدّة الأحفاد


خلك الحين من الساعة اللي تنلبس باليد .. أصلا هالساعات اكتشفت إنها مالها قيمة ..

ابحث عن ساعة أخرى ..

فيه الساعة البيلوجية الداخلية .. هذي اللي إذا جت الساعة خمس الفجر دقت وصحتني من عز نومي ..
شي في حلمي يزورني ويصحيني ..

وياهي أحلام .. عن جد شي غريب , والله أشك في المكان أحيانا .. بس مابي أذكرها هنا وأطلع عن الموضوع الأساس .


نرجع للسؤال ..

ألحين إنت تقول ساعة وحدة في الدقايق ..

طيب يعني في كل دقيقة ساعة ؟!

قبل لا تجاوب بإيه أو لا ..

تذكر إني قلت أبي تحليل وراي , مابي جواب ..
عشان كذا أبيك تجي مجنون عادي .. خل عقلك برا قبل لا تدخل الموضوع .. <=== يذكرني بخوينا المرجوج


أطلق لفكرك العنان وجاوب ..

فكر ليه أنا سألت كم في الدقيقة من ساعة وماقلت كم في الساعة من دقيقة ..

يالله عاد .. خربت الموضوع .. بس بقول شي آخير
الإجابة راح تكون فلسفية أكثر من إنها واقعية ..

وسلامتك وسلامة السامعين ..


أنتظرك من دون عقل






الشمـــــــــس

افهمت شئ

كل اللي اعرفه ان فيه 60 دقيقه بالساعه

مرحبا ..

اختي الشمس اشكرك كل الشكر للموضوع .. وخلينا نطلق العنان لافكارنا فيه قليلاً ...

وهذا الفكر المظلومي واللي يسوي :D:D

نجي للمهم الحين ...

انتي سؤالك يقول كم دقيقته من ساعه ؟؟ ...

اختي الغاليه ..

من الصعب جداً عد الساعات في الدقيقه اللي تمر علينا الايام هذي .. لانه اصبحت اطول من اي دقيقه قد مرت علينا .. في الدقيقه نشوف كل شئ يتغير وكانه سنين وبنين مضت بسرعه البرق .. وكل هذا وانا احاول من زمن طويل وانا احاول اعد او اعرف كم ساعه كانت تكفي زمان اول علشان تمر دقيقه من دقايقنا الحين ... دقايقنا الحين اصبحت مثل قطعه اسفنجيه قابله للزياده دون النقصان وتحت جو ممطر بتواصل دون انقطاع والمنطقه اللي توجد بها هذه الاسفنجه مليئه بالرطوبه ...

ومهما والله وصفت وتكلمت ماراح اقدر اوصل للتفسير الكامل على سؤالك لانه بصراحه سؤال يدور حول العصر والايام اللي نعيش فيها الان دون تحديد للوقت بالظبط فالدقيقه الواحده اصبحت اطول من اي زمن اخر ومع ذلك تمر باسرع من مانتصور .. اذا طول الدقيقه هي في الاحداث اللي نشوفها وكنا نعتقد ان الاحداث هذه ماتصير الا في كذا سنه او وقت طويل .. لكن اللي صار صار في ثواني مو دقيقه بس


هذا اللي عندي الحين .. والجنان خفيف ... بس بعقل المره هذي :D:D


ولي رجعه اذا لقيت شئ ثاني قريب تشااااااااااو ...


تحياتي
مظلوم

......مرحبـــــــا شموسه…..

ازمه الساعات منتشره ه اليومين………

وش السوال هذا…
كم فى دقيقه من الساعه…..
الى اعرفه ان ساعه فى الى فيها دقايق مو العكس…!!!!
الساعه الحين..راح منها..4 دقايق…..

ه الدقايق....تعتبنى.مره اسرع من الريح.....اقرب لثوانى..ومره.
اطول من الدهر.............واحيان..اتمنى لو توقف العقارب عن..الجرى..وره الدقايق..............

شكلى جبت العيد….
الله…يستر…

ماعلينا….حليليها بسرعه خلينا نفهم..

سلام..
...

كم ساعة بالدقيقة ..
شوفي الشمس .. أنا أخذت الموضوع بجد .. وقعدت أحلل .. وتذكرت مسج عندي بالجوال .. يقول : جيت بأهدي لك ساعة .. مالقيت أحلى من الساعة اللي عرفتك فيها ..
فإحتمال .. يكون هناك تفسيرين من وجهة نظري ..
الأول : الساعة التي يستغلها الإنسان في ما هو مفيد .. حتى لو كانت دقيقة .. فهي تمثل بالنسبة لغيره أكثر من ساعة .
بمعنى آخر : الزمن الإنتاجي .. فقد يعمل أحدنا .. لمدة يوم كامل .. وغيره ينجز هذا العمل في ساعة وربما أقل ..
فالقصد هو إستغلال الدقائق .. وإستثمارها بالشكل الصحيح .

الثاني : يأتي بمعنى الإنتظار .. فعندما ننتظر شخصا ويطول إنتظاره كثيراً .. فإن الدقيقة تمثل ساعات بالنسبة لوقت المنتظر .. وهذا يعتمد على أهمية الموضوع بالنسبة للمنتظر .


تحياتي للجميع .

مساء الورد ..

حبايبي أشكركم كثير كثير كثير ..

لي عودة للرد والتحليل .. بجلس على ردودكم وأفصلها كل واحد على حدة ..

بس الحين لي كلام مع مرهم وللجميع ..


عزيزي مرهم هذا هو المطلوب ..
أبي الجميع ياخذون الموضوع بجد .. صدقوني أنا جادة بكل ماتعنيه هذي الكلمة من معنى

وفي انتظار البقية ..


الشمــــــــــــس

السلام عليكم ورحمة الله وبركاته

وانا ابرد جاء ببالي
دقات قلبي المرء فائلة له ان الحياة دقائق وثواني

ابي اجاوبك...

في دقيقه... كم ساعه

والله هذا على حسب حالتي النفسيه ان كنت زعلانه ومهومه يطوال
الوقت
والا اذا كنت انتظر شئ عقرب الساعه ما يتحرك

اما في حالة ما اكون سعيده ومبسوطه الوقت بسرعه يمر بدون ما

اشعر به

سلام

هلا أختي : شموسه ......

تقولين كم في الدقيقة من ساعة .....
شي جميل ....

بصراحة أنا عندي في الدقيقة من ساعة ( كل الوقت ، وبدون أن تقوم
بعملية حسابة ) .....
أي أن الوقت لا يحسب بالساعة أو الدقيقة أو الثانية .....
هذا طبعا من وجهة نظري .... بمعنى أخر أن الوقت هو عندما يكون عندك
غرض وتريد أن تقضيه ففي هذه الحالة نفكر في أن نقوم بالعمل
على أفضل وجه وبالطريقة المطلوبة ....
والزمن غير مطلوب ... لأن في بعض الحالات إذا كان يجب أن تقوم
بانهاء الشي في الوقت المحدد ربما لا يمكن ذلك وتكون بحاجة إلى
وقت أطول ....
ففي هذه الحالة ينتج عن ذلك الشيئ الذي لا ترغب بحصوله ....

ولكن هناك بعض الحالات بحاجة إلى زمن ( طبعا هذه الحالات لا تنطبق
عليها نظريتي عندما قلت لا حاجة للزمن ) ....
ومثل هذه الحالات : كالحالات الطارئه في المستشفيات أو عمليات الإنقاذ
أو عمليات الاسعافات الاولية ...... وهناك مثل هذه الحالات الطارئه
ولكن الذي قصدته هو كل العمل الروتيني الخاص بك ......
فعندي أنا كما قلت الوقت غير مهم وأنما المهوم هو أتقان العمل
ولا يهم هل أخذ هذا العمل دقيقة أو ساعة أو يوم أو أكثر .....

هل هذا ماأردتيه يا شموووووووووسه ؟؟؟؟؟


تحياتي لكم : وحداااااااااااااااني ......