مــراتــع . . . الــشــوق

السلام عليكم ورحمة الله وبركاته

لكل وئامي هنا تقديري واحترامي

هذه العتيقة أتمنى أن تكون شافعاً لغيابي



بثوبها الرث جئت بها لتشهد على سفري الطويل



أتمنى أن تتسع صدوركم لقراءتها



لأستفيد من آرائكم وتوجيهاتكم



مــراتع الــشـوق

يحتار فكري وانا دايم على النية=فالكلمة اللي تقال بعكس معناها
الواقع احلام والاحلام وردية=سحابة الصيف ما تسقيك من ماها
في درب الاصحاب كم تعبت رجليه=أدور اعلى قمم للعز وارقاها
ولقيت واحد وادور واحد زيه=بمواصفات الصديق اللي طلبناها
أما يجي صاحبي ميه على ميه=ولا المناقيص يوم العيد فرقاها
والكامل الله وخلق الكون ماريه=والذنب والعذر لآدمها وحّواها
والفكر رجال والافكار طرقيه=والشعر لبّ الشعور ونوح ورقاها
يارب جنبني عيون الحرامية=باستعرض الذاكرة من خوف لاانساها
من عقب ماقّفلت بارقام سريه=اليوم قررت افك القفل واقراها
تهدى جنوني ليا استعرضت ماضيه=ليالي الشوق جلستها وقمراها
مراتع الشوق يوم قلوبنا حيه=مايقدر الشك يتجرأ وياطاها
منابع الصدق فيها والشفافيه=لوتشرب امة محمد منه كفّاها
ينبت على الجال نعناع ومراميه=وتندي عروقه ليامرت وحياها
ياحي ذكر الحبيب ونعنبو حيه=عزالله انه يحّد النفس لاقصاها
لاقلت انا ابغاك في حاجة ضروريه=دوّر له اعذار ما تمشي ومشّاها
ولااحترت الشمس كلٍ دوّر الفيّه=وليلات نصف الشهر يازين مسراها
اليا اكتمل بدرها هبّت شماليه=واستعطفت عطرها والوان حناها
الطيف ضيف بمكان من الأهميه=ولا ينزل من القلوب الا سويداها
علمني الحب واشكال الفدائية=وكل المحبين صّنفها وسمّاها
وسقت الخطى في طريق العشق عبريه=وصارت قضية هواي اعقد قضاياها
ورحت اشتكي بس من يسمع شكاويّه=كل العرب ضايقة بهموم ليلاها
في كل نسمة هوى حالة جنائيه=ناسٍ تحسب الهوى ناقة تمطاها
وناس يسوطونها مثل الملوخيه=اطرافها تحترق ماجاد جّواها
وحنا رسمنا لها لوحات فنيه=وابيات لاضاق صدر الشوق غناها
حب الشرف نور فوجيه الحياويه=ناس لها حدود ماتقدر تعداها
وياعين موليتي ياعـــين موليه=وليامتى وانت ياقلبي تحراها
حرام تخسر ثمان سنين هجريه=يمديك حررت بيت القدس لولاها !
راحت ولا جبت لاهذي ولاذيه=شوف الزمن كيف خادعني وسواها
والناس للناس والدورات عكسيه=حتى البهايم تحب تعيش دنياها
ماكل رجال وقفاته بطوليه=ولايشبه اصل الوجيه الامراياها
ولولا غلاء الأصل ماانباعت تجاريه=لاحدنا الوقت رحنا واشتريناها
أنقاض وامراض اكثرها وراثيه=يارب تاخذ دكاترها ومرضاها
مافيه أطباء بدون أخطاء طبيه=والعافية كاسيتنا ونتمناها
وكل يبي روح له روحه بلاجيه=وينشد عن آخر فريضة كيف صلاها
ماغادر الله لاحسنة ولا سيه=أعمالك اللي عملت هناك تلقاها
أحدٍ غلبه النعاس بحضن حوريه=وأحدٍ جهنم تحضنته شظاياها
يارب رحمتك لاضاعت هقاويّه=وكل الوجيه اذعنت قدام مولاها
ماعندي الا دعاك ارفع به يديه=تختار نفسي وتهديها لتقواها
أنا موحدك توحيد الألوهيه=شهادة ٍ قلتها واعرف معناها

واعذروني

..............

....

قال عتيقة قال !!


قديمك جديد يابعد حيي





قصيدة رائعة
وكلمات جميلة ومعبرة


ابداع لايستغرب من اهل الابداع




سلمت يداك خيووو



...

صح لسانك وعلا شانك
وبيّض الله وجهك

ماشاء الله رائعه

و

أما يجي صاحبـي ميـه علـى ميـه **** ولا المناقيـص يـوم العيـد فرقاهـا

كذا .. والا العيد فرقاها
عزالله انك ابدعت
.
.
سلمت ودمت

حي الله التاج والله وصح لسانك
رائع ماكتبت لنا من ابيات

سجل اعجابي

ان قلت ذا التاج قال الشعر من زيه
.............اللي بيوته تشرفني بمعناها

شاعر جزل مايغني (طاق طاقيه )
.............مراقي حروف شعره صعب ترقاها


الراااااااااااااااااااااااااااااااااااااااائع

التاااااااج


صح لسانك مليوووووووون ولا يسدون


حق للشعر ان يفتخر بك


لن تفيك الكلمات حقك


سبك وحبك واستحضار للمعاني غير مسبوق

وخلق للصور دون تكرار ممل ولا اختصار مخل


سجل اعجابي سيدي


وتقبل تحياتي


تلميذك / حسن

صح لسـانكـ مليوووووون

رائـع ومبـدع

لآعدمنـا هالدرر وهالإبداع الشعري

بإنتظـار المزيد يالتـاج

::

أستاذي وافي

حيالله حضورك وتشريفك

حضور يطغى على كل ملامح الجمال

فيزداد جمالاً

شكراً لوفائك

طارق

مرحبا مليار ب طارقنا

الأروع دائماً حضورك وتشريفك

شكرا لقلبك

عازف الإيقاع

مقطوعاتك الموسيقية لا زلت اتذكرها

وش رأيك ؟

نتعاون ونسجل كاسيت

أنتظر الرد على أن تكون أول نسخه حصريه هنا في الوئام

دمت بخير

اخوي الكبير

حسن المحمدي

أخجلتني بهذا الترحيب والإطراء الذي لاأستحقه ما دمت أنت والأساتذه الموجودين هنا تتنفسون الشعر

أنا جئت هنا للإستفادة من النقد والتوجيه

ولكن سعة صدرك طغت على كل شيء

بالنسبة لأبياتك :

ان قلت ذا التاج قال الشعر من زيه
.............اللي بيوته تشرفني بمعناها

شاعر جزل مايغني (طاق طاقيه )
.............مراقي حروف شعره صعب ترقاها

فمحلها القلب

دمت بخير استاذي

المتهور

لاهنت على مرورك

تسلم يا متهور

عشت وعاش الابداااااااااااااااااااااااااااااااااع

شاعر المنتدى

شاعر كبير ونستفيد منه

صح لسانك يامبدع
قصيدة جزلة من شاعر جزل
بيض الله وجهك تاجوووه

التاج :
الله يرج بليسك ياخالي احرجتني انا متفق مع
الموسيقار عبدالرب إدريس والشاعر { جوهر}
لكن ان شاء الله في الايام المقبلات هههه