|
||ترفيه وَمسآبقآت مَرَح ، تسلية ، مسابقات ، فعاليات .. الخ |
|
أدوات الموضوع |
15 / 07 / 2002, 16 : 09 PM | #1 | |||||||
وئامي فعال
شكراً: 0
تم شكره 0 مرة في 0 مشاركة
|
(كت كات ) بنكهة ( البف باف ) !
مرحبا بالحلوين جميعًا ..
أدري اني من زمان ما شاركت معكم .. وأدري ان بعضكم قال ( يووووه وش جابه ذا القديم ) .. بس رجائي من الجميع أن يقبلوا اعتذاري وكل اللي كان شاغلني ارتباطات ... الله يعينني ويعين الحلوين جميعا .. يقولون .. من طول الغيبات جاب الغنايم .. وهذاني جايب لكم بعض الغنايم تحت عنوان ( كت كات بنكهة البف باف ) .. أكيد كلكم تعرفون الـ( كت كات ) .. وتعرفون لذة ان الواحد يمصمص له اصبع كت كات على رواق .. خاصة اذا جاك اصبع الكت كات على قولتهم ( مأرمش من برا .. وطري ولزيز من قوا ) .. صراحة الشعور خيالي لا يوصف .. حينما يتناغم هذا الإحساس مع طعم الكت كات المثير ورائحته النفاثة وكأنك غريق في هذه الحياة متمسك بقطعة من ( البسكوت ) لتنقذك من أن تموتا شهيدًا للكت كات بين أمواج ( الشوكولاته ) .. فتبقى أسيرًا لهذا المنتج العجيب المدعو بالكت كات مدى الحياة <----( حسافة عليهم الدعاية ببلاش ) ابطلع من هالمقدمة الغزلية في الكت كات قبل ماتغرقنا ( سعابيل ) الحلوين من أعضاء المنتدى والزوار .. بس كل المسألة ومافيها اني حبيت أبدأ موضوعي بمقدمة غزلية على طريقة الشعر العربي القديم <---( اللي يسمعه يقول هذا الكتكوت بن المسّـ .. قصدي الملوّح "2* ) ولا أحد ينشبلي ويقولي وراك تتغزل .. ترا كل اللي قلته مجرد غزل (عذري) عفيف <-----( كني ببعض الناس بدا يفكر غلط الحين .. سلمولي على أبو صلوح بس ) خلوني أبدا بصلب الموضوع اللي كنت بقوله لكم .. هذا الله يسلمكم ويسلم اللي يقرون ويسلمني معهم .. كان ياماكان في قديم الزمان وسالف العصر و ...... و ....... و آآآآآآ .. واللي هو هو لاحد يدقق .. هذا يوم الخميس الماضي كنت عند أحد الأقارب في بيتهم الموقر نتبادل أطراف الحديث أثناء ماكان التلفزيون مشغل على أحد القنوات الفضائية اللي كانت تعرض حفلة لأحد المغنيين المعروفين .. واللي كان مطرب قريبي المفضل .. وأثناء ماحنا جالسين .. مسّكت غلط مع قريبي هذا انه ياكل ( كت كات ) في هالمكان وفي هاللحظة .. عاد قريبي هذا اذا مسّكت معه انه يسوي شي .. فاعرف انه بعد مشيئة الله بيسويه .. ولو على جثته .. وراسه وألف يمين لايسويه على قولة المصريين .. ويقلب عنيف ومرعب وشرس .. وركز لي على الأخيرة .. قام أخونا برحلة استكشافية في أرجاء بيتهم بحثًا عن الكت كات في أرجاء بيتهم .. وتوج هالعناء في النهاية بكت كات جديد يحبه قلبك .. بعداقتحام غرفة اخته الصغيرة وإقدامه على هجوم مسلح على شنطة هالمسكينة .. ولم يسفر هذا الهجوم عن أي خسائر في الأرواح ولله الحمد .. جا لمي في الغرفة اللي كنت أنا واياه جالسين فيها .. وهو طاق لي الابتسامة على خشته بعد الغنائم اللي استولى عليها في معركته الميمونة .. وعلى طول ومن دون أية مقاومة خشع للوضع وسلم نفسه .. وجعل روحه تنساق وراء لذة التمتع بالكت كات ( المسروق ) .. واذنك ماتسمع الا صوت الهدوء اللي مايقطعه الا مزمزة اصبع الكت كات الشهيد .. وكأنه أبو هشام اذا طب في المفطح في عروس خلق الله اللي يعرفهم واللي مايعرفهم <----( جنى على عمره ) وأثناء هاللحظات ظهر فاصل إعلاني على الشاشة واللي كان محتواه الآتي : الدعاية الأولى عبارة عن إعلان لمزيل عرق ((نسائي)) مع ان أغلب اللي يحبون هالمطرب من الشباب -- يجي بعدها دعاية ( كت كات ) وفي أثناء الدعاية يتم الإعلان عن منتج جديد للكت كات بالشوكولاته البيضاء (افلقني ان أحد شراه ) -- الدعاية الثالثة دعاية لمبيد حشري واللي هو الـ( البف باف ) أو بالأحرى نقدر نسميها فيلم وثائقي عن الحشرات المقرفة علشان مخرج هالإعلان جعلك الشاشة عبارة عن صرصورين من الحجم الكبير لدرجة انك تقدر تميز لون العدسة اللي لابسها الصرصور اللي هو نجم ذاك المشهد وبالأخير يتم القضاء على الصرصور الأيمن في نهاية رومنسية ومحزنة في نفس الوقت تحت نغم دقات قلبه المتباطئة بعد قدوم (البطل المغوار بف باف منقذ البنات من الصراصير الأشرار ) <---( يصلح عنوان فيلم ) -- بعد هالدعاية مباشرة تجي دعاية ( جالكسي ) المعروفة واللي فطست عليه من الضحك العبارات اللي تنقال فيها قال ايش ( العشقَ دومًا أعطيني .. فالعشقُ دومًا يحييني ) والا هاذي ( عندما تعشق الشوكولاته ) هذا والجلكسي شي يوكل وشلون لو هو شي ... كان علوم .. من جد وضع الاعلانات التجارية عندنا مزري ويبغاله إعادة نظر .. تصدقون اني التفتت على قريبي هذا بعد الفاصل وإذا بي أشوف لون وجهه بدا قريب من الأخضر الداكن .. وهو يحاول التخلص من بقايا الكت كات اللي كان معه .. ولو حصله يطلع اللي في بطنه بعد الظاهر انه مب مقصر .. والله ماألومه علشان المعادلة المنطقية تقول : كت كات + بف باف و صراصير = آآآآآآآآآآآآآآه يابطني وشلون يبون المستهلك يشوف هالإعلانات بهالترتيب ويقولون له تعال اشتر من عندنا .. يحمدون ربهم ان هالمشاهدين المستقبلين لهالدعايات ما رفعوا عليهم قضايا بسبب الجلطات القلبية اللي بغوا يسوونها لهم من هالبلاوي اللي يعرضونها على شاشاتنا .. منطقيًا أصلاً اللي بيشوف هالإعلان مافيه أمل يشتري الكت كات لأنه تقرف منه بسبب دعاية البف باف اللي بعدها والمناظر الخلابة اللي جابوها فيها .. والكلام نفسه ينطبق على البف باف بسبب القرف المزمن اللي سببه لهم تجاه الكت كات .. وبالتالي ستكون النتيجة سلبية بالنسبة لكل من المنتجين .. بكل صراحة نحتاج إلى مراقب إعلانات للمنتجات الاستهلاكية اللي تعرض على المستهلك .. والا الوضع يبي يصير في الحضيض .. انا منب متكلم عن بعض القنوات العربية الفاضحة .. خلونا منها الحين .. تصدقون قبل يومين بس .. شفت دعاية على أحد القنوات الجيدة السمعة مع اني منب من الناس اللي تسنتر عند التلفزيون الا قليل .. شفت اعلان حفاظات أطفال وفي هذا الإعلان تقبل الأم مؤخرة طفلها بشكل واضح لا يشوبه لبس في ثلاث لقطات تقريبًا وفي نهاية الاعلان يتم توضيح الفكرة حول هذا التقبيل وهي أن الشفاه ( البراطم ) أشد احساس بنعومة البشرة من أي شي آخر .. وهذا تطبيق واضح للمبدأ اليهودي ( الغاية تبرر الوسيلة ) .. لله في خلقه شؤون .. يعني معقولة خلصت الأفكار ومابقي الا هالفكرة للاعلان عن جودة هذا المنتج .. عجب عجاب كيف يفكر مثل هؤلاء الناس وغيرها من الدعايات الكثير .. ولكن الخوف من التمادي في مثل هذا الأفكار فاليوم نرى أمًا تقبل مؤخرة طفلها .. وغدًا نرى ( فتاة ....... ....... عشيقها ) عشنا وشفنا والله هالدنيا عجيبه .. حتى من الاعلانات ماسلمنا :p :p بس وش نسوي على قولة هاللبنانيين (فش خلقك ) |2| |
|||||||
|
||||||||
15 / 07 / 2002, 54 : 09 PM | #2 | |||||||
من مؤسسي الوئام
شكراً: 0
تم شكره 0 مرة في 0 مشاركة
|
اولا : دلوووووووووووووعه ياهلا بك والله منوره الترفيهي عن جد ماراح نقول وين هالقديمة لا راح نقول ياهلا والله بهالدلوعه
ثانيا : آ آ آ آ آ آ آ آ هـ جيتي عالجرح المو راضي يبرأ تصدقين عاد اني امووووووووووووووت في شيء اسمه كيت كات وكنت دايم اقول لأهلي وراكم ماسميتوني على اسمه من زود حبي فيه :D ثالثا : الدعايات وماأدراك عن الدعايات حدثي ولا حرج صارت بياخات مو دعايات اللهم يجيرنا ويفكنا منها رابعا : وذا المهم ألف شكر دلع على هاي المشاركه الراكزة تسلمين يالغالية |
|||||||
حَسْبـِي .. أنِّي أُنْثـَى ..
|
||||||||
16 / 07 / 2002, 51 : 06 PM | #3 | |||||||
عضو شرف
شكراً: 0
تم شكره 0 مرة في 0 مشاركة
|
هههههههه هلا اخوي دلوووووع ,,, كيفك ياقمر ؟؟
عساك بخير معاك سمير خالد ,,, تشرفت بمعرفتك ,,, بالنسبة للكيت كات ,, أنا من ناحيتي مابحبوووووووووووش :D ياتويكس يابلاش تشكرات أفندم |
|||||||
|
||||||||
16 / 07 / 2002, 52 : 07 PM | #4 | |||||||
من مؤسسي الوئام
شكراً: 0
تم شكره 0 مرة في 0 مشاركة
|
دلع هاي وحده أموره
مش واحد :D |
|||||||
حَسْبـِي .. أنِّي أُنْثـَى ..
|
||||||||
16 / 07 / 2002, 00 : 09 PM | #5 | |||||||
عضو شرف
شكراً: 0
تم شكره 0 مرة في 0 مشاركة
|
أوف ,, آها ,, شكلي جبت العيد يا أردينا ,,,,
إختي دلع والله آسف ,, ظنيتك ولد ,,,, حقك علي إستري علي ياأردينا ,, لايدري الــ wafe |
|||||||
|
||||||||
16 / 07 / 2002, 53 : 09 PM | #6 | |||||||
من مؤسسي الوئام
شكراً: 0
تم شكره 0 مرة في 0 مشاركة
|
|
|||||||
حَسْبـِي .. أنِّي أُنْثـَى ..
|
||||||||
17 / 07 / 2002, 35 : 02 AM | #7 | |||||||
وئامي فعال
شكراً: 0
تم شكره 0 مرة في 0 مشاركة
|
هلا حبيبتي اردينا ...
الله عليك الله .. فعلا ذوّيقه .. اجل انت تموتين بالكت كات .. بس عسى ماكرهتيه بعد هالمشاركه :D وان كرهتيه يالله بالعوض عندك مارس (حبيب قلبي) وعندك باوينتي وعندك تويكس .. اني خيرتك فاختار .. تسلمين ياقمر .. والله لايحرمنا من هالطله الحلوه .. |
|||||||
|
||||||||
17 / 07 / 2002, 44 : 02 AM | #8 | |||||||
وئامي فعال
شكراً: 0
تم شكره 0 مرة في 0 مشاركة
|
هلا اختي سميره ..
انا تمااااااااام بشوفتك عيوني .. كيفك انتي .. تشرفت بمعرفتك اختي .. وعلى قولتهم الناس اذواق ..:p انا احب (المارس) وانت تويكس واردينا كت كات .. مافيه اتفاق . تحياتي يا اموووووووره .. دلوعه .. |
|||||||
|
||||||||
17 / 07 / 2002, 52 : 02 AM | #9 | |||||||
وئامي فعال
شكراً: 0
تم شكره 0 مرة في 0 مشاركة
|
طيييييييييييييب يا سمير ..|3|
انا ولد !!!! حطمتني ..اذا على كذا باغير اسمي ... واسفك غير مقبول .. والوافي يوريك شغلك .. انا اعلمه .. انتظر اللي يجيك .. |
|||||||
|
||||||||
17 / 07 / 2002, 38 : 05 PM | #10 | |||||||
وئامي مميز
شكراً: 0
تم شكره 0 مرة في 0 مشاركة
|
مشكوووره أختي دلع على هالموضوع
وبعدين أنا أحب الكتكات بس أفضل الباونتي ( أصلا حطي عندي أي نوع من الشوكولاته وشوفي إذا يبقى شئ) أما بالنسبه للدعايات فدعاية الحفايظ هذي ما خذينها إحنا نكته في البيت ما أعتقد إنها دعايه للمنتج ولكنها نكته عليه ( الله يقرفهم ) |
|||||||
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
أروع مـآسمعــت عن التـ.ع.ــآمـــل مع النســـآ | نعناااااااعه .. | || اوْرآق مُلَوَنة .. | 7 | 23 / 08 / 2010 04 : 07 AM |
طريقة عمل تسريحة البف .. | ملكة الاحساس | مجلس عائلتي | 8 | 16 / 10 / 2008 14 : 11 PM |
سحااااااالي..بنكهة التعاااسه.. | fooody | ||ترفيه وَمسآبقآت | 15 | 31 / 05 / 2007 49 : 01 PM |
البـ ح ـــر ياحبي وأنتي ^_^ | مشرف الغامدي | بوحْ الشعِر والنثر .. | 7 | 22 / 11 / 2006 33 : 02 AM |
•·.·´¯`·.·• ( البف باستري ) •·.·´¯`·.·• | سديم | مجلس عائلتي | 21 | 18 / 10 / 2004 15 : 02 AM |