مسااكمـ غيمـ ومطر ودفا
.
.
من عدسة بلازي حقت النار تخيلت انو كلنا اعضاء الوئام جالسين مع بعض في البر
وجت الفكره براسي ولانو صعب تطبيقها بالحقيقه قلت مافيها شي نحلم على الورق
قصة الكشته البريه لاعضاء الوئام مع الصور
.
.
طبعا وافي استأجر له باص نقل جماعي واول شي مر اهل المدينه وشالهم كلهم
بعدين راح المدن الثانيه طبعا جمعنا كلنا وودانا البر
اول ماوصلنا طبعا الشيخ ابو خالد تكفل بالخيمه هو وبلازي
عاد بلازي عجاز عشان يجلس راح بس يسوي حقات الخيمه بالارض
بس زين هو احسن من غيره اللي من نزلو ماعرف وين راحو ماساعدو ابو خالد
ووافي ماشاء الله تكفل بشب النار والقهوه عاد هو متوصي فينا بيسوي لنا قهوة ولا على البال
و ماشاء الله بما انو الشباب معانا وهم من آكلي اللحوم فماتحلى لهم الطلعه الا بذبيحه
الذبيحه كانت فوق الباص مربطها خلف ^^ هو مشتريها وخايف عليها
اول مانزلنا ويروح ياخذ له سكين ويروح معاه عازف بالساطور بيساعده
راحت معاهم توليب وشمووع وحسن يتفرجون يوم ذبحها خلف
وتنهار توليب وتهرب وشمووعه وحسن وراهـا بيمسكونها لاتسوي بنفسها شي ولا تضيع
عاد وين بيلاقونها بهالصحاري ^^
وماشاء الله غزاله توصت بالغداء هي وراقيه و اموره حاطه يدينها بجيبها وتتفرج عليهم
وغيث تضبط الجلسه حقت الغداء تفرش الفرشه ^^
وراع المشاعر من يوم شاف الصحاري والبر هاجت مشاعره وجا بباله كم بيت يكتبهم
راح بعيد وجلس يكتب طبعا الورقه والقلم بجيبه دايما عشان بأي وقت ممكن تهيج مشاعره
الطرقي جا عنده وعشان مايخرب عليه افكاره جلس قريب من عنده وبدا يفكر بالقنص
يفكر لو انه الحين بطميه ^^
وانا ومياسم هربنا بعيد عشان ودنا نلعب مانبي نشتغل
ورسمنا خطه بالارض وبديت انا العب وميسومه تدعي اني اتعثر تبي تلعب
وحيد والمتهور برضو كانو هربانين من الشغل وفجأه شافونا وتوهقو لانعلم عليهم
اشوفهم من بعيد يحشون فينا بس مادري وش يقولون ^^
وبقيادة ملكه الاحساس ومتمني سوو فريق شباب وبنات
ورسمو لهم ملعب الحجاج كابتن الشباب و وحوور كابتنه البنات
وليث الحارس واموره حارسة البنات
وموج هادئ ووجووود دفاع وبرنس ومتمني دفاع الشباب
وملكه الاحساس رأس حربه وجابت لها هدف مقصيه بالزاويه الصعبه على ليث
وسجلت اول هدف للبنات وطبعا فازو البنات ^^
ويوم غابت الشمس تجمعو كل الحلوين عند النار وقهوة وافي ^^
وراع المشاعر يقول لنا قصايده اللي تو كتبها
والخيمه تسلم يدين ابو خالد ضبطها لنا وحط فرش للي بينام داخلها للخوافين مثلي
وتوته توته خلصت الكشتوته ^^