الفزعه ياشباب

السلام عليكم والرحمه ......
تكفون يا شباب ابي منكم الفزعه انا ابي اتزوج بس بالقوه جمعت شي بسيط ايه ابتزوج الصيفيه ذي ...ملكه مع زواج..
وانا ابي فزعتكم معي هاه ابي القطه اللي بيعطيني ثلاجه ابنبسط الى ابعد الحدود...ولا تدرون ابي القطه في اثاث بيت كامل..وترا قالوا في المثل :يابخت من جمع راسين بالحلال ؟؟؟ وش قلتوا ..
بس لا احد يقط علي مسجل ترا شاريه من زمان **ملاحظه شريط خالد
الجديد انا ماشريته تكفون جيبوه لي (ياهاجري) ...وبعد التلفون مع الكاشف لا احد يقول نسيت الكاشف يجيب التلفون معه..ايه لحظه ابي بعد اشتراك انترنت شهر مفتوح عشان اتواصل معكم واعلمكم هو الزواج زين ولا شين؟؟؟
آسف طولت عليكم...بس قلت يمكن احد يقط لي ...
ابي الرد بسرعه ترا الملكه قريبه...


**ملاحظه:...اللي يقط اعزمه ولا ترا.....؟؟؟؟ اكيد بتقطون انا اعرف !!!! شكراً.....تصبحون على احلى من العسل ..آمين.
أخوكم الحاضر الغايب :مجــــنــون بــنــت ابــوهــا

يسعدلي مساك اخوي مجنون بنت ابوها
الف الف مبروك
والله سعدك اخوي
لكن الله يعينك من بداية الزواج تبي القطه
اجل بعد الزواج ايش بتسوي


الـمـهم انت تامر امر اخوي
عزيز وغالي والله
واحنا اخوانك واخواتك

انا عني ماراح ارفضلك طلب
ابـجيبـلـك شريط خالد يا هاجري ولا يهمك
غالي والطلب رخيــص :D
لكن لا تنسى تعزمني على الزواج

والله يسعدكم يا رب
شـــــــوق

الى ألأخت العزيزه شــــــــــــــوق........
تحيه طيبه وبعد....خذيها بصراحه انتي اميره اسم على مسمى...
لا خلا ولا عدم....والله يسعدك دنيا وآخره...آمين.
اول شي حبيت اسلم عليك واشكرك...وترا كلماتك ذي ابسطتني وارتحت وياها...المهم يا اخت شوق انا حبيت اكتب موضوعي بس من سبيل المزاح وتنشيط المنتدى بس.
واتوقعت ان اغلب الشباب راح يفزع بس خساره شكلهم مادروا عن موضوعي ؟؟؟؟؟ يمكن مشغولين ولا....يبون قطه بعد.هههههههههههه.
لا تخافين أختي شــــــــــــوق, ان الله احيانا تكونين اول شخص ينعزم بزواجي و ان عاش راسي راح تكونين ضيفة الشرف في زواجي..
بس ..خساره شكل الصيفيه هذي مافيه ملكه ولا شي ..مو البنت بالمستشفى صاير عليها حادث امس العصر مع احد اخوانها ..ادعي من الله انه يقومها بالسلامه...ادعيلها ياشوق..!!!
يمكن تتعافى وتصيرالملكه الصيفيه هذي...؟
المهم يا أختي شـــــــــــــــــــــوق اثبتي انك من النوع اللي يحب يعطي كل شي وهذا ان دل دل على اصلك الطيب وكرمك الحاتمي
وهذا والله مو نفاق فأنا لا اعرفك ولاتعرفيني الا في هذا المنتدى كأخوه وأعضاء ...نتشارك في مواضيع تهمنا كشباب...
فهذا يحسب لك في حسن المعامله والأخلاق ....
أخيراً..تقبلي مني كل التحيات ...واعذريني على ألإطاله..حتى لو امدح فيك يبيلي مساحه توازي منتدى كامل...بس هذا اللي قدرت عليه...
واعذريني ثاني مره لانه جاني اتصال من احد اخوان البنت بس ماراح ارفع السماعه لين انشر الموضوع..
وشكراً مره اخرى....يا ألأميره..
أخوك : ..مــــــجـــنـــون بـــنــت ابــــوها

......


..

هلا بمجنون بنت ابوها

حياااك

والف مبروك مقدماً

اخوي معاك حق

ويابخت من وفق بين راسين
عبارة جميلة


شوف اخوي

ابشر بالقطة
وابشر بمن ينشر موضوعك هذا
في كذا موقع
بس
القطه بالنصف
بيني وبينك

لاتقول طماع

انت لك نصف القطه ولك البنت
وانا نصف القطة وبس

ثم اخوي
طلب صغير
ولو اني خجلان منه
بس
امون عليك
مثل ماتمون انت


اخوي ياليت
تعطيني النية
على بنتكم الاولى
يعني اول بنت يرزقكم الله بها
تكون من نصيبي

انت بس
قول جاتك
وربك يسهل الامور



اشكرك مجنون بنت ابوها



..



فعلاً اخوي

بدات الاجازة
وبدات مواسم الافرااح
وكم من شخص
يعاني من هذه المشكلة التي اشرت اليها في موضوعك
والتي يجب ان تراعى وخاصة من اهل الزوجة

عموماً
لانقول الا
كان الله في عونهم
وجمعهم على خير بمن يحبون

والف الف مبروك
لكل عريسين

وعقبال الجميع يارب




مرااحب

هلا بك اخوي الوافي....كيفك....
اعذرني..لأني تاخرت على الرد ...لأسباب منعتني من الرد سريعاً..
المهم اشكرك اخوي على البادره الطيبه...وترا موضوعي كان كله مزح
حبيت بس انشط نفسي بعد الخمول....اللي صابني...
اما اذا كان هناك قطه ابشر بالنصف .....
وبعد الزفه في سيارتك وش تبي بعد ..
البنت اللي تبي تجيني ما ضنتي اعطيك لأن في واحد حاجزها قبلك...
بس ممكن الثانيه....ويالله تمون علي اخوي مبروك..مقدماً..
بس شكل مافيه ملكه الصيفيه ذي ..يالله خيرها بغيرها.
يالله انا استاذن جاني رفيق دربي ابو (جلنار) البنت اللي اموت فيها**تراها بنت صغيره مو هذيك اللي....لالالا بنت رفيق دربي اللي اموت فيها مثل عمري..
مشكور اخوي الوافي مره ثانيه...وشكراً
أخوك مــــجــنــون بــنــت ابــوهــــا

هلا والله تامر امر

ابشر باللي يرضيك انا من ايدك اليمين لايدك الشمال باللي

تامر فيه وجايب معاي نفسي عشان اساعدك تامر امر وانا في

الخدمة اخوي تحياتي

المسافر...

هلا بالغالي مجنون بنت ابوها

انا قطعت اجازتي بطلب من خالد اللي قال لي عن موضوعك


المهم ابشر بسعدك


انا ابي احيي لك الحفل بصوتي و كلماتي بس ما لقيت رقاصه


هههههههههههه

المهم امر سم تحت امرك حنا كلنا بس اخاف اذا جينا يقولون لنا انتم ليش قاطين وجيهكم ؟؟....من عزمكم؟؟...لانك انت بتصير مشغول عننا

الى ألأخ...المسافر......
هلا بك اخوي...عزيز وغالي... وعساك على القوه دوم...ابد حبيت امزح شوي..
بس ان شاءالله وقت العوزه اطلبكم واختاج فزعتكم...
وتسلم يمينك اخوي ..ومشكور مره ثانيه بس انت تزوجت ولا بعدك عزوبي..؟؟؟ اتمنى انك عزوبي عشان احضر زواجك.ههههههههه. معليش اذا انت متزوج تزوج الثانيه...واذا قالوا لك ليش قل واحد من الشباب يبي يشوفني معرس مره ثانيه....
شكراً مره ثانيه.

الى ألأخ....ساهر الليل.....هلا وغلا...بك ..
مشكور انت والأخ خالد....بس ليش تقطع اجازتك ؟؟؟
وانا مستعد اخوي باللي يخليك تحيي الحفل بس مافيه رقاصه....يمكن اذا بغيت اتزوج من سوريا الثانيه....اخليك تروح معاي وهناك الرقاصات كثر الرز...هههههههههههههه.
وترا عيب علينا اذا واحد جا للزواج نقوله ليش قاط وجهك....
بالعكس في زواجاتنا كل واحد يقول ذاك الرجال اكيد عازمه فلان ...
واكثر ما كثر الله في زواجاتنا ريجيل ما نعرفهم بس نقول هلا وغلا...
وماعليك انت تجي وما عليك من الباقي ..لكم كلكم عين غطا وعين فراش....
بس الشقق اللي تستأجروهن عليكم ...مالي علاقه بالسكن...اكيد بتطلع الشقق غاليه...بالصيف وانت تعرف عروس المصايف حلووووووووه
ومره ثانيه مشكور اخوي.
أخوك:...مــجــنــون بــنــت ابــوهـــــا

تحياتي اخوي

يعطيك العافية والله يوفقك يالغالي

والله تراني عزوبي ماتزوجت حياك لما

يكون فيه عرس انت اول المعازيم ويعيطك

العافية اقول لاحد يسمعك ما ناقص يتزوج

من جديد هي وحدة تغنيك عن الدنيا اذا

صار توافق وياهلا من جديد تحياتي

المسافر...