اطفال ...لكن كبار

بسم الله الرحمن الرحيم
السلام عليكم ورحمة الله تعالى وبركاته

شخباركم اعضاء المنتدى ..انشاء الله بخير وعال العال
ودي احكيلكم مواقف صارتلي ...بس\ مواقف ايش ؟؟...بجد غريبة .

اوكي الاول ...
على نهاية السنة طبعا تصير مدارس الثانوية مدارس ابتدائي.. يعني الوحدة اما تييب وياها اختها/ اخوها لصغير واذا ما عندها الاقارب والارحام واذا ما لقت اي واحد من عيال الحارة...
(موبهذا هو الموضوع )....
اذكر مرة وحدة من الربع يابت وياها بنت جيرانهم ...وبنت جيرانهم هذي اخت وحدة من الفنانات الخليجيات ..يعني اختها مغنية تطلع على التلفزيون .._(.ما اعرف وش تغني لكن جي قالولي الربع) ..واخت هالمغنية اللي يت و يا ربيعتي صف رابع على ما اذكر وطبعا انا كالعادة ما عندي سالفة قلت اروح اسولف ويا هالبنية (احب سوالف لصغارية )...
وانا اسولف وياها سالتها ربيعتي قالت لها انتي يوم بتكبرين ايش تبي تصيري ..بتغني مثل (....) ولا ايش؟؟؟
توقعوا عاد الجواب ...تدرون ايش قالت ؟؟؟
قالت لااااااااا ما راح اغني.. اصلا الاغاني حرام ...
اتخيلوا عاد ..هذي لصغيرة تعرف ان مجرد استماع الاغاني ومعازف الشيطان حرام ....واختها والعياذ بالله تغني ...وكثير من شباب المسلمين منغمسين في شهواتهم وجعلوا الموسيقى قرآنهم ..(نسال الله العفو والعافية في الدنيا والآخرة)
سبحان الله ...ما اقول غير ربنا يحفظها ...

الموقف الثاني ..
اتذكر يوم كنت في سيارة وعدالي ولد صغيرون ...وبما انه ما كان في اي حد يسولف وياه قلت ما عليه اسولف وياه ..
بدانا ندردش انا وهو في بداية الكلام صراح بدا يقولي كلام غريب ..يعني كلام اكبر عن عمره..قلت يمكن سمعه من اي حد ..لكن حصل موقف ايقنت فيه انه طفل فيلسوف ..
مرينا يمب المقبرة ..قلتله ايش رايك الحين ابطل باب السيارة وادفك وتطيح وندفنك هنا وننتهي من موضوعك بدل ما تتّعب اهلك ويجيبوك من هناك وسالفة طويلللللة ..
تدرون ايش قاللي ..
؟؟؟؟؟؟؟
قاللي انتي ليش مستعجلة ؟؟ اصلا هالارض كلنا منها واليها ..بعدين انا موبمستعد للحساب
وبعدها قاللي بيتين شعر وكانه يقوللي خذيهم حكمة لك للابد
قال..
ولدتك امك يا بن آدم باكيا ..والناس حولك يضحكون سرورا
.فاعمل ان تكون اذا بكوا. .في يوم موتك ضاحكا مسرورا
صراحة الولد افحمني بكلامه واجبرني على احترامه ..وربنا يرعاه ويحميه .ويحميكم ويحمي اطفال المسلمين ....آمين يارب

اختكم في الله ..
بنت الاسلام ..نداء

والله هالموقفين حلوة:D:D
ترى الصغار مو دايم صغار
احيانا يكونون اكبر منا:p
انتبهي المرة الجاية
تحياتي


لولوة

وعليكم السلام ورحمة الله وبركاته

أشكرك

مقال ممتع وصياغته جميلة باللهجة العامية .

وفقكم الله