فصل مؤقت" و "حجز" و "حرمان من الإفطار جزاء طالب صارح معلمه بالحقيقة

قال له: إن طريقة شرحه غير مجدية ولا تكفي لإيصال المعلومة
"فصل مؤقت" و "حجز" و "حرمان من الإفطار" جزاء طالب صارح معلمه بالحقيقة
:

دفع طالب يدرس في المرحلة المتوسطة في مدرسة أهلية بمحافظة الطائف، ثمن مصارحته لمعلمة (من جنسية عربية) حول طريقة شرحه غير المجدية ولا تكفي لإيصال المعلومة إلى الطلاب، بأن حُجز بأمر من مدير المدرسة في غرفة صغيرة عديمة التهوية، وحُرم من وجبة الإفطار، ليُفرج عنه قبل موعد الانصراف وهو في حالة سيئة.
وعند مراجعة ولي أمر الطالب المدرسة لمناقشة المعنيين إزاء ما تعرض له ابنه، وعد الوكيل بحل القضية، وفور مغادرة ولي الأمر ، وأثناء الطابور الصباحي ليوم أمس السبت، قاطع مدير المدرسة ووكيله الإذاعة المدرسية، وأمر المرشد الطلابي بإعلان ما صدر من عقوبة تجاه الطالب المعني أمام طُلاب المدرسة الذين يزيد عددهم عن 250 طالباً.
وأعلن عبر المذياع عن فصل الطالب مؤقتاً لمدة أسبوع وحسم 25 درجة من السلوك، فيما حُجز لاحقاً في غرفة المرشد الطلابي حتى انتهاء اليوم الدراسي، وأرجع المدير ذلك التصرف إلى تطبيق اللائحة.
وإزاء ذلك، التقى والد الطالب المدير العام للتربية والتعليم في محافظة الطائف محمد أبوراس في مكتبه، وأبلغه شفهياً بالواقعة، فيما كلف الأخير مشرفاً من الإدارة بمتابعة القضية والتحقيق في ملابساتها.
وعلمت "سبق" أن والد الطالب سيشكو المدرسة إلى حقوق الإنسان بعد أن كان قد هاتف ممثلها في الطائف عادل الثبيتي، الذي وعده بإنصافه وأخذ حق ابنه بعد استلام الشكوى والتأكد منها.
وكانت مشادة وقعت بين معلم مادة الرياضيات والطالب في الصف الثالث المتوسط، عندما أبلغ الطالب معلمه بأن طريقة شرحه غير مجدية ولا تكفي لإيصال المعلومة. وفي وقت لاحق، شكا طلابُ الصف المعلم للمرشد الطلابي الذي استمع بدوره لهم، ومارس لاحقاً دوره بمناقشة المعلم.
وفي الحصة التالية، تكررت المشادة عندما استفز المعلمُ الطالب، وطرده من الفصل، وأبلغ المعلم الوكيل (من أبناء جلدته) بالواقعة مشتكياً الطالب، ومرر البلاغ لمدير المدرسة الذي أمر بحجز الطالب في غرفة صغيرة عديمة التهوية، وحرمانه من وجبة الإفطار، ليفرج عنه قبل موعد الانصراف وهو في حالة سيئة.
وأبلغ الطالب والده بما جرى له، وبأن المدير والوكيل ظلا يترددان عليه وهو محتجز في الغرفة، وينظران له عبر نافذة زجاجية، الأمر الذي أثر في نفسيته ليزور بعدها ولي أمره المدرسة ويلتقي الوكيل الذي وعده بحل القضية، إلا أن مدير المدرسة كان له رأي آخر، بعقوبات إضافية أُعلنت عبر مذياع المدرسة أمام الطلاب والمعلمين.

منقووول
سالفتهم طويله
غريبه لكن فيه حلقه مفقودة ياترى الطالب سب المدرس واتلفظ عليه .....
مو معقوله عشان قاله شرحك وغيره تقوم ثائرة المدرس ومن خلفه .
بس عقاب المدرسه ماكان هو الامثل بتاتاً البته.
الله يعين عشنا وشفنا ونعيش ونشوف

حسبي الله عليهم

وشهو شايفين انفسهم وحتى ولو الطالب متلفظ عليهم مايصير يحرمونه من الافطار هذي بحد ذاتها جريمه ..

وبعدين ماذكرو ان الطالب متكلم على المدرس ..المعلمين الله يهديهم بعضهم يتصرف تصرف غير لايق مع الطلاب ..



استاذه شموووع يعطيك العافيه

.
.
.

أتوقع أن الطالب متلفظ على المدرس
وخصوص انه بمدرسه اهليه
يعني ماشي بفلوسه!!

	المشاركة الأصلية كتبت بواسطة خلف الجابري

	حسبي الله عليهم وشهو شايفين انفسهم وحتى ولو الطالب متلفظ عليهم مايصير يحرمونه من الافطار هذي بحد ذاتها جريمه .. وبعدين ماذكرو ان الطالب متكلم على المدرس ..المعلمين الله يهديهم بعضهم يتصرف تصرف غير لايق مع الطلاب .. استاذه شموووع يعطيك العافيه

حياك ربي خلف هلا فيك
ممكن العقاب ماكان مثالي ابدا
بس لاتنسى انها مدرسة اهليه!
القول على الراوي والله اعلم ان الطالب قال للمرس عن طريقة شرحه ومستحيل بس من كذا بتثور عصبية المدرس
اكيد الطالب والمعلم مكبرينها شوي
البعض صحيح بتصرف تصرف غير سوي.
ويعافيك ربي استاذ خلف
شكرا لمرورك دمت بكل خير وسعادة

طبعاً دائما المدرس صح والطالب غلط هذا قانون بالمدارس عندنا حتى لو المدرس غلطان يأنهم يقهرووووووووووووون

اذاكان الموضوع زي ماذكر وانو الطالب تعرض للعقاب الشنيع ذا بس لانه عبر عن رأيه في المدرس فهذي المفروض ماتعدي بالساهل
مو لان الطالب تضرر من العقاب وحالته سيئه لا ...المفروض ماتعدي لأن فيها تحجير على ابنائنا وكبت لحريتهم في التعبير عن رأيهم ومايشعرون به

ونعلم مدى خطورة كبت الراي ومايتبعه من مخلفات سيئة مو بس على المستوى الدراسي فقط
بل حتى على الصعيد الشخصي حيث يصبح شخص سلبي لا يستطيع ان يقول لا متى مااحتاج اليها ..كل ماعليه فعله هو هز راسه وبسسس
فالكبت يولد لنا جيل منقاد وليس قائد >>زي مايقولو مع الخيل ياشقرا !!!

اما لو فيه حلقة مفقودة واتضح ان الطالب تعاقب لانه غلط على المعلم او تلفظ عليه خصوصا انو في مدرسه اهليه ..!!
خيييييير ياطيييييييير واش فيها يعني ؟؟خليه ينكسر خشمه بعد

الله يرحم ايام زمان ويرحم ابوي كان يروح للمدرسة يقول اولادي خذوهم لحم وعطوني اياهم عظم ..!
والحين والله مافيهم الا الاالعافيه وكل واحد مركزه احسن من الثاني..

بالعربي الاولاد مايبيلهم الا الشده والعين الحمراء >>>مو زينا حنا يالبنيات

شوشو يا عسل مشكوره ع الخبريه وينتطيتس ربي الف عاااااافيه ..

فعلا اتوقع فيه حلقه مفقوده
الله يعين صار التعليم عندنا كل ماله اسوا

يسعدك ربي ياعسل

	المشاركة الأصلية كتبت بواسطة راع المشاعر

	. . . أتوقع أن الطالب متلفظ على المدرس وخصوص انه بمدرسه اهليه يعني ماشي بفلوسه!!

حياك راع
ممكن ليش لأ
ومثل ماتفضلت ماشي
كل شي بفلوسه

	المشاركة الأصلية كتبت بواسطة مياسم

	طبعاً دائما المدرس صح والطالب غلط هذا قانون بالمدارس عندنا حتى لو المدرس غلطان يأنهم يقهرووووووووووووون

حياك سووووووومه
لا مو دايماً بس احيانا لما بيخطي المدرس بتتغطى من المدرسه والمدير
الا اذا كان نزيه المدير فماراح يسويها
خخخخخخخ الله يسعدك سومه

	المشاركة الأصلية كتبت بواسطة وجوووود

	اذاكان الموضوع زي ماذكر وانو الطالب تعرض للعقاب الشنيع ذا بس لانه عبر عن رأيه في المدرس فهذي المفروض ماتعدي بالساهل مو لان الطالب تضرر من العقاب وحالته سيئه لا ...المفروض ماتعدي لأن فيها تحجير على ابنائنا وكبت لحريتهم في التعبير عن رأيهم ومايشعرون به ونعلم مدى خطورة كبت الراي ومايتبعه من مخلفات سيئة مو بس على المستوى الدراسي فقط بل حتى على الصعيد الشخصي حيث يصبح شخص سلبي لا يستطيع ان يقول لا متى مااحتاج اليها ..كل ماعليه فعله هو هز راسه وبسسس فالكبت يولد لنا جيل منقاد وليس قائد >>زي مايقولو مع الخيل ياشقرا !!! اما لو فيه حلقة مفقودة واتضح ان الطالب تعاقب لانه غلط على المعلم او تلفظ عليه خصوصا انو في مدرسه اهليه ..!! خيييييير ياطيييييييير واش فيها يعني ؟؟خليه ينكسر خشمه بعد الله يرحم ايام زمان ويرحم ابوي كان يروح للمدرسة يقول اولادي خذوهم لحم وعطوني اياهم عظم ..! والحين والله مافيهم الا الاالعافيه وكل واحد مركزه احسن من الثاني.. بالعربي الاولاد مايبيلهم الا الشده والعين الحمراء >>>مو زينا حنا يالبنيات شوشو يا عسل مشكوره ع الخبريه وينتطيتس ربي الف عاااااافيه ..

حياك وجووود
اضافتك راائعه
اوافقك ي ماذكرتيه
فعلا كان المعلم بزمان اول مقدس ومحترم
لكن ذحين للاسف ،يتحدون من بيهين المدرس.
مشكورة وجوود ربي يسعد ايامك بكل خير يالغلا
لايحرمنا منك