مايعيب الرجل ؟؟

بسم الله الرحمن الرحيم
==============

معقووووووول؟
الرجال مايعيبه شئ غير جيبه
أخلاقه
سمعته
ماهي مهمة؟
ومدري ليه أتشربنا المفهوم هذا
هذي حقيقة حتى لو أنكرناها
شوف نفسك أول الشهر وآخر الشهر
أول ماينزل راتبك
تلاقي صدرك منفوخ ومشيتك متبخترة
وقبل ماينزل راتبك بكم يوم
تلاقي صدرك دخل جوه ورقبتك غطست بين أكتافك
رغم إنك إنت نفس الشخص وكل شئ حولك ماتغير
إللي أتغير بس هو
جيبك
كان منفوخ وصار عليه ريجيم
حتى القوامة
الرجل قوام على المرأة بأشياء أساسية منها النفقة
الفلوووووووووس
يعني إنت ماعندك فلوس
ماتشتغل
مفلس
خلك على جنب

هذا الموضوع وحبيت اشوف رايكم..

<<الرجال مايعيبه الا جيبه>> مقوله دارجة بين الفتيات ومعظمهن اذا تقدم لها شاب اول شي

تسأل عن كم الراتب قبل لاتسأل عن اخلاقه واذا لم يعجبها الراتب ترفض بدون تفكير

ياترى هل المادة اهم من كل شئ اهم من الاخلاق ..

بالنسبة للفتاة..

_هل تقبلي بالزواج من شاب راتبه بسيط ولماذا؟

_مارأيك في المقوله <<الرجال مايعيبه الاجيبه>>؟؟

هل المادة اهم شئ في الزواج ولماذا؟؟

بالنسبه للشاب..

ماشعورك لو تقدمت لفتاة ورفضت الزواج منك بسبب الراتب؟؟

وهل تقبل بالزواج من فتاة اقل مستوى منك من حيث المادة؟؟

ومارأيك بالمقولة <<الرجال مايعيبه الا جيبه>>بحكم ان الفتاة طلباتها ماتخلص

اتمنى اللي يدخل يعطينا رايه..

أشكرك أختي المتميزة غلا لطرح موضوع مدي صحة مقولة "الرجل ما يعيبه إلا جيبه" للنقاش.

اعتقد بأن الذين يؤمنون بصحة هذه المقولة هم من تهمهم المادة في المقام الأول قبل دين الرجل وأخلاقه وغير ذلك من الصفات المهمة،
بينما من ينظرون للمدى الأبعد فهم من يبحثون أولاً في دين الرجل وأمانته وبقية الصفات الحميدة من ثم حالته المادية.

أنا لا أنكر أهمية المال، ولكنه ليس أهم من حسن التعامل مع الزوجة واحترامها، فكم هناك من القصص الحقيقية لمن بحثن عن المال فقط فانتهى بهن الحال إلى حياة غير سعيدة بسبب سوء أخلاق أو سوء تعامل أزواجهن معهن، ولعلي أذكر هذه الرواية التي وردت في كتاب " من شيم العقلاء" التي تُظهر أن المال بدون التصرف الحسن لا شيء،
قيل لبعض العرب : أيسرك أن يكون لك مائة ألف درهم وتكون أحمق ؟
قال : لا والله ،
قيل له : ولمَ ؟
قال : أخاف أن يجني عليَّ الحمق جناية يذهب بها مالي ويبقى لي حمقي.

أمّا بالنسبة للفتاة التي ترفض الزواج منّي بسبب راتبي، فهذا من حقها، وقد يكون في هذا الرفض خير ليّ حتى لا ترهقني بالطلبات بعد الزواج - فيما لو قبلت بي- وتكون النتيجة في غير مصلحتنا

السؤال الأخير: هل تقبل بالزواج من فتاة اقل مستوى منك من حيثالمادة؟
الجواب: بالتأكيد نعم، متى ما كانت العائلة صالحة ( ديناً، خلقاً)، ومتى ما كانت الفتاة كذلك.

مرة أخرى، تقبلي شكري الجزيل أختي غلا، كما اعتذر لكِ عن التطويل في مداخلتي.
دمتِ بأمان الله وحفظه.

العفو حياك اخوي عبدالله

أولا يشرفني ويسعدني ان تكون أول من رد على موضوعي

ثانياأشكرك اخوي على اعتقادك ووجهة نظرك وانا اوافقك وكلامك معقول انه لاننكر أهمية وفضل المال ولكن مهما زاد أو نقص فهو وسيله للعيش لا اكثر

وكما ذكرت انت انه المال بدون التصرف الحسن لاشي اي أكيد انه قبل كل شي يكمن العيب في تصرف الشخص بماله اما بامور صالحه او سيئه

وكما انت تطرقت اليه ياخوي عبدالله عن حسن التعامل مع الزوجه اهم من المال صحيح فالاخلاق مطلوبه بالمقام الاول

مره ثانيه شرفني مروورك وتعليقك

لاعدمنا حضوورك

السلام عليكم اختي غلاا انا اقول ان هذا اكبر غلط تقع فيه الفتاه ولهذا السبب ازدادت نسبه الطلاق الى 60% في بلادنا
واشكرك على الرح المميز تحياتي

	المشاركة الأصلية كتبت بواسطة ((% القناص %))

	السلام عليكم اختي غلاا انا اقول ان هذا اكبر غلط تقع فيه الفتاه ولهذا السبب ازدادت نسبه الطلاق الى 60% في بلادنا واشكرك على الرح المميز تحياتي

وعليكم السلام اخي المقناص

شاكره لك تعليقك على الموضوع وشرفني مروورك

لك تحياتي

بالنسبة للفتاة..

_هل تقبلي بالزواج من شاب راتبه بسيط ولماذا؟
الاخلاق اهم عندي من كل شي ان شاء الله يعيشني على خبز وماي واخلاقه حلوة ارحم من اللي معيشني بنعيم واخلاقة شينة
وعادي انا خطيبي على مكافأة الجامعة ومكافأة على مكافأة بيمشي الحال وانا موافقة دام اخلاقة تمام

_مارأيك في المقوله <<الرجال مايعيبه الاجيبه>>؟؟
لست مؤمنه بمثل هذه الاقاويل

هل المادة اهم شئ في الزواج ولماذا؟؟
صحيح تكون مهمة ما انكر ذلك ولا كيف راح اعيش معاه بس لازم ما تكون عقبة كبيرة ضد الزواج

يعطييك العافية قلبي موضوع راقي
ننتظر جديدك

	المشاركة الأصلية كتبت بواسطة التوليب

	بالنسبة للفتاة.. _هل تقبلي بالزواج من شاب راتبه بسيط ولماذا؟ الاخلاق اهم عندي من كل شي ان شاء الله يعيشني على خبز وماي واخلاقه حلوة ارحم من اللي معيشني بنعيم واخلاقة شينة وعادي انا خطيبي على مكافأة الجامعة ومكافأة على مكافأة بيمشي الحال وانا موافقة دام اخلاقة تمام _مارأيك في المقوله <<الرجال مايعيبه الاجيبه>>؟؟ لست مؤمنه بمثل هذه الاقاويل هل المادة اهم شئ في الزواج ولماذا؟؟ صحيح تكون مهمة ما انكر ذلك ولا كيف راح اعيش معاه بس لازم ما تكون عقبة كبيرة ضد الزواج يعطييك العافية قلبي موضوع راقي ننتظر جديدك

ربي يعاافيك توليب

ويسلموووو على المروور الراقي

ماننحرم طلتك الحلوه

السلام عليكم ورحمة الله وبركاته

أهلا أختي غلا ... مشكووورة ع الموضوع الشيق ...

قبل ما أبدأ بالاجابات بس أحب أقول انو في نظري مو صحيح انو البنات اغلبهم دحين بيهتموا براتب الرجال قد ايش !!! بالعكس الي اعرفه وما ادرس صح الا لا انو اغلب البنات يوفقوا ويبغوا اي زواج نظرا لزيادة العنوسة .. أهم شي انو يكون مقتدر ع الزواج وفتح بيت ... خاصة لو كمان كانت موظفة وتقدر تساعد .. ما أدري لازمنا نعمل احصائية ...

خليني أبدأ بالاجابات ...

السؤال الاول : لو رفضتني فتاة بسبب راتبي ...
والله أكيد حاتضايق وما ادري هل حأحس بالعجز والنقص أو لا ... بس ممكن كتير حيحسوا بالشي دا لو ترفضوا عشان دا السبب ... لآنو مهما كان يبقى نقص المادة والفقر في المجتمع المادي نقص وعيب
لكن من حق البنت انها ترفض ومو لازم نعيب عليها كدا ... زي رفض الرجل البنت لو ما كانت حلوة

السؤال التني : رأي في المقولة انو الرجل ما يعيبه الا جيبه .!
بصراحة مش مقتنع فيها لسبب واحد انو مو بس جيبه لكن مو ممكن تعيبه أخلاقه واصله وفصله وشكله ووظيفته وغيره
المشكلة انو مو اقتناعي او لا هو الي يخلي المقولة صائبة أو مخطئة .... اذا المجتمع تعار على الشئ انو عيب أو لا فحيكون عيب .. ولازم اعمل لأن ما يكون في العيب دا خاصة انو شي حميد انو الواحد يحاول يطور نفسه ويصبح مكتفي ومقتدر ... لكن ما يؤدي الشي دا لاحتقار البسطاء وتهميشهم ....
لكن ابقى اقول انو من عيوب الرجل فقره .. وقد قال احد الصحابة عمر او رعي بن ابي طالب رضي الله عنهما " لو كان الفقر رجلا لقتلته "

السؤال الثالث : هل ممكن اتزوج بالمرأة اقل مني مادة !!
ايوا ...

للجميع التحية والشكر لمشاركتهم في الموضوع ...
غلا اجدد شكري ليكي

الحجاج

وعليكم السلام ورحمة الله وبركاته

هلا بك اخي الحجاج انا اللي شاكره لك مروورك متصفحي

وأسعدني مرووركم الكريم

تحياتي لكم