~ اهدي بيت شعر للي في بالك ~

" لو ما ألتقينا بالنسبّ خال وجدود
‏أرواحنا متعانقه عن قناعه " .

" يروح العمر واللي قد كسبته و السنين الاّك
‏حبيبٍ لو بهت لون المحبَة ما أختلف لونك ".

" بيني وبينه ماهو أعظم من الحُب..
بيننا أُلْفة ، وكأنه بجواري منذُ مئة عام ،
أعرفه كباطن يدي ، خوفه ، قلقه ، خجله ، وضحكاته ،
حتى أفكاره أتنبأ بها معه ، أعرفُه كأنّه منّي ".

‎أنت تبغى زبدة العلم والشي الاكيد
‎‏انت في كونٍ لحاله وخلق الله بكون

/

رجعت وعرفت اللي عليّ منْك واللي لي
‏لأنك قبل ترجع .. غيابك ماهو مفهوم

‏يوم إنك تقفّي والمشاريه .. جرح وكيّ
‏وأنا قلتها من باب غالي : عداك اللوم

‏ولو كنت بـ ألومك على ذي ولا ذي
‏ما كان الهموم يشيلها عاتق المهموم

‏على غفله .. من الضحك والسالفة والغي
‏أمسّي وأنا معطي .. وأصبح وأنا محروم

‏من الظلم لو ما كنت أحبك، رفعت إيدّي
‏ودعيت الله اللي ما نسى دعوة المظلوم

‏على الشمس كنت أدوّرك يا براد الفي
‏ترديت فيني وأنت خابرك.. طيب قوم

‏أنا قلت يا قلبي إذا إنه تعذّر .. عيّ
‏فـ لا تقبل الأعذار .. وإذا صام عنّك صوم

‏يا ليتك يابو زلاّت واجد .. تزل شوي
‏عشان إن عذرتك أمس عادي تزل اليوم

/

كايده وأتعب على شان المقام الكايد


وأتـرك الهين مع صفق الهبوب يعـدي


= بنت وأحب الطناخه والشموخ الزايد

والطناخه والشموخ أسلوم أبوي وجـدي

‎" أنا اللي ذبحني زين طبعه و منطوقه " .

" عينك اللي تسرق من القلب درّه
‏إسرقت قلبي وأنا قلبي حلالي

‏ما حسبت أبفقده بالعمر مرّه
‏صار قلبي ماهو بصدري .. قبالي ".

‎" واحد تسعى طواريه بالصدر وتطوف
‎‏واحدٍ ماكن قبله .. ولا بعده بشر ".
‎‏ - بس واحد

/


في كنف بشت الطواري والسهر واللّوعه
‏عشت ياحزن الضمير اللي ماهوب هْويّن
‏
‏البدايه ضيق بال وضحكةٍ مصنوعه
‏والنهايه وقعها تحت المحاجر بيّن
‏
‏من حوالي حول وطعون الشقى متبوعه
‏مايعالجها طبيب .. ولا تلاوة ديّن
‏
‏ناهبٍ جور الزمان حقوقي المشروعه
‏وفاقدٍ وجه السماحه والجناب الليّن

‏سجّة القلب القديمه كنّها مقطوعه
‏ولذّة النوم الحقيقيّه ماعاد تْعَيّن


/