ذكريات(للي درسو بمدارس حكوميه)

14 / 02 / 2002, 13 : 04 PM

] ايييه..... عندما كنت بالمرحله الابتدائيه..مرحله الطفوله….وهنا سأقص عليكم يااولادي ماضي قديم...لازلت اتذكره..واليكم القصه
…كان الجو بارد ممطرا....وناائما بفراشي...احلم احلام طفوليه بريئه جدا جدا ..كان حلمي عبارهIعن (اطلطل على بنت الجيران.,وهي ماتدري...وانا بالحلم @@)
وانا رايح في تاسع نومه وليست سابع نومه كما هي عندكم...كان نومنا هو النوم الحئيئي بيعيش ياحبيبي..وين رحت انا ؟؟...ايه كان نومنا ازين من نومكم..انتوا نومكم الساعه اربع الفجر تقومون ثلاث العصر...وحنا الساعه ثمان ليلا...موعد اقلاع السعبوله على المخده وهي في متن الفم..امحق فم..يعني الزبده اني نايم ومخلص...ونرجع للقصه..مادري الا وانا احلم...الا كنه ابوي نقز علي وانا اطلطل على البنت.. واتخبي...مابيها تشوفني...الا والاب الحنون...عطاني مخمس لزق خدي بالجدار...هذا وهو ابوي اجل لو بيشوفني ابوها ..ماودي اتخيل ؟؟؟؟...من قوه الكف جحدت ام الحلم وقمت اصرخ فازعا...تخبرون طفل بريئ جدا.ويوم قمت.ومادريت الا الشاشه طلعتلي خضراء..حاولت اهز راسي يمين يسار...تقول دش موراس خخخخخخ..ولكن...عرفت انه الغمص له دور كبير في الشاشه الخضراء..ولازم عمل فورمات لازالة الفايروس اللي بعيوني...وفعلا ازلته بطرف اصبعي الابهام.ومسحته بثوبي..وعندما اتضحت الرؤيه..الا وأبي الحنون يقول لي...قم قم ياورعون..هيا استيقظ..لقد حان موعد المدرسه...وهنا قمت بنشاط وحيويه..وانا اسحب رجولي وراي الى الحمام وازحف زحفا وانواع التصقع بالجدران لاغسل وجههي.بلاي توني ماصحصحت..غسيل الوجهه.؟؟..اتذكر كنا نتنح علىالمويه عشر دقايق...طبعا هي نوم..ماتدري الا صافق بالمغسله...
.وتقوم بعدها.تغسل وجهك وخشمك مصعرر………
.ونرجع للقصه.فقد كان جسمي هزيلا....كأنني ظاطور!!!
وذهبت الى الشارع...لكي امسك طريقي الى المدرسه مشيا على الاقداااام
وانا بالطريق في الشتاء البارد الممطر ....الذي كان يصفق بالقرعتي==وكانت عيارتي المصقال....نظرا لصغر رأسي..يعني لاحد يقول ليه مالبست طاقيه..اخاف البسها ماشوف...واللي بيشوفني..بس طاقيه وكتوف مباشره..عاد تخيلوها بكيفكمJ
اول مافي قصات للوراعين زينا الحين....لالالا..اول يحطونا عند حلاق هندي...اشك انه مستقدم بمهنه غسال..اول مادخلت عليه...كان شعري للكتوف...وحلو وشزيني..وماغير اهزه يمين ويسار خخخ يسمع بالحلوين..المهم اول مادخلت عليه بقذلتي الطويله والسوالف طويله واخرتها كنها اصابع يد...قصات اووووول..لحد يناظر..اجي واقوله خفف القذله والشعر شوي عشان التفتيش اللي بالمدرسه مايدرون انه شعري طويل...ومن ثم يجيك الغسال عفوا الحلاق وهو يهز راسه يمين ويسار يعني يعني فاهم..ومن كثر مايهزها ويلفها تخاف انه راسه بيطيح بحضنك مفكوك..ماعلينا جاك وبدي بالقص...اول مايبدي يعرم القذله عرم...تقول عضها ..ماقصها بمقص ملعون الجدف..وراح تمشي عقبها على باقي راسي...لين ماخلالالالالالالالاني...كني فرخ صوص توه طالع من البيضه...مكان شعر ومكان مافيه..المهم يوم عرفت انه الحلا والزين...اغتصبه مني ابو فسيه..قلتله يارجال كملها موس..وخلها تبيييين الصعارير...والفلقات..عيال حارتنا مايعقلون خخخخ يحبون يمزحون معي واجد.وعاد .. شوف الهندي وش بيحطلك خريطه من الجروووح....هالمره الي رحت فيها المدرسه بخريطه امريكا الشماليه
الحين وين...مدلعين بزارينااا
البيبي جونسون...مااخترعوه عندنا من اول
كنا اول ...بالاسبوع مره..كل اسبوع بقااز....امك تحطك بالبانيو...وتغلسك اخر اسبوع بالقااز من القمل والشوائب الاخري المتعلقه الخ الخ
المهم نرجع لقصتنا....وذهبت....الى هناك....الى تلك المدرسه المشئوومه...وانا رجلاي الهزيلاتاان...تتنافض من البرد ومن شدة الخوف
لاني لم احل الواجب...حق العلووم..نقف قليلا عند مدرس العلوم..لانه قلبي انعصر حزنا على ماكان يحل بي...بسببه..
مدرس العلوم....اعتقد كان مصارع قبل لايجي هيئه التدريس
عليه ضربه ويعلم الله اني لن انساها ماحييت..كان يعفط اصبع يده اللي بالنص...ويضربك على راسك..من قوه الضربه تحس مخك وصل لركبتك اليمين
ماودي اتذكر بعد...هاذي صوره اعتقد تكفي...ونرجع للقصه..خخخخ ياكثر ماحذف يمين ويسار عن القصه..معليش سامحوني..المهم نرجع.
واذهب الى هناااااااااااك....وتدعس قدماي عتبه المدير مباشره-----لاني متأخر
كنت دائما اقوم بدري...بس ذاك اليوم تخبرون مطر وبرد..يبيلك تمشي دفع رباعي...باينيك ورجولك يالله توصل من الطين
وهنا المدير يعطيك ترحيب يحبه قلبكم..فلكه....تسخينيه ....بدل طابور الصباح
نقف عند الفلكه...لربما احدا لايعلمها...هي عباره عن مربوع صغير وفيه حبل يندقوا بمسمارين..طرف الحبل مسمار والطرف الاخر مسمار وعلى وين ..على عرض المربوع نفسه..ويضعون رجلينك داخل الحبلين..ويدورون المربون ثلاث لفات اواربع..حتي تطلع العروق من رجولك...وبعدا مابعلقون رجولك كأنك ذبيحه
المجرمين.: الاول والثاني : الذين يمسكون المربوع لرفع رجلينك وهم اثنين...القف اثنين بالمدرسه...ومسويلي فيها يتحكحكون بالمدرسين.
المجرم الثالث: المدير..وعاد يجي....اخو تايسون...مدير المدرسه...اللي مايرحم....الخيزرانه تلصق بظهره...وتجيك ماشيه ثلاث الاف على رجولك....تحس انه روحك ودها تطلع من اذانيك وتصررخ اااااااااااااه....وترجع مكانها
وهنا اذهب الى فصلي وانا دموعي اربعتون اربعتون...وهنا ....تبدا..الحرب النفسيه مع اول حصه.....رياضياااااااااااااااااااات ويدخل علينا مدرس الرياضيات...بدون سلام ولا كلام...تحس انه مشحوووون...صفقنا بجدول الضرب..بلاه مشتاق لخدودنا..واحد ضرب واحد...اسهل منها مافيييه ادري...بس من كثر مايلخمك ماتدري الا والكف جايييك يمشي خمسين مليون وتطيح على الطاولات والكراسي وتدعس زميلك جمبك اللي جالسه سيقانه تتنافض من الرهبتي والخوف...تقول زيران عنده..وبشق الانفس..يااالله تخلص الحصه..بعد ماجاك انواع الترطيع..تأتي الحصه الثانيه...اشوى وناسه رياضه ...الجسم السليم في اللي مدري وشهو السليم...نركض من الفصلي ونحن نصرخ باحسن الاهازيج وهووهووووه هووهوووه...وناسه والكل بالفصول الاخري يسمعونا وهم منقهررررين...ونأخذ الكره والكل الذي يعض ثوبه..او يربطه على خصره..ونركض كلنا علىالكوره تقول ماشيفين كووره خخخخخ...وانواع الشوت على حوش الجيران وكل شوي داقين عليهم الجرس ونقول :
ولااريد ان اطيل عليكم لهم نحن طلاب مدرسه ابو بكر لمحو الاميه...محو الاميه؟؟خخخخ لالا للنموذجيه...ايه هاااذي هي @@ .. ونرتز كلنا عند الباب وكل واحد يدهن حواجبه بسعبولته على انه نبي نتكشخ عند شغالتهم..ولين اخذنا الكوررره ناخذها وحنا نبتسم وخدودنا حمرررر مستحييييين..كانها معطتنا ورده مو كووووره خخخخخخخخ... طفوله بريئه جدا جداا جدااااا.
.. لاونرجع نغسل وجيهنا..ونرجع للفصل الا الفسحه جااايه...الله الله الله حان موعد الطعام...وهنا اذهب الى المقصف لكي اشتري الساندوتش...ولكن ...الساندوتش لن تصل الا بعرين بكس جايك على خدك وثلاثين شوته جايتك على الشنطه من تحت...الى ان تصل الى راعي المقصف..ابو يمن.تقوله عدنا واحد شكشوكه...ويعطيك الكبده...خخخخ ولا يوم عطاني اللي ابيه...كله عكس...واذهب آآكل الساندوتش وانا اصيح من اللي جاني...المهم وتأتي الطلعه..... نصارخ طلعه طلعه واللي نايم يصحىى....بستغربون وراها حصتين وطلعه...وناسه الدواام خخخخ...بس انا ماودي امصخها من كثر ماهبي مااصخه.......ولكن هذا الجزء الاول اما الجزء الثاني سيأتي بالطريق...طبعا اذااااااااااااااااااا اعجبتكم الاولي...ولا اضف وجهي اززين وانااظركم من بعيد خخخ في الختام اتمني ان يعجبكم الجزء الاول مع العلم انها اول مشاركه..وبدايه الجلسه على كبودكم..كنكم شاربين لبن بعد وجبه ماكدونالز وبااي

15 / 02 / 2002, 07 : 03 PM

:D :D :D

:D :D :D

:D :D :D

حلوة أيام الدراسة أول ,.,

بس فاتني ,.,

ودي أشوفك و انت تنضرب فلكة :D

الحين حال تغير ,.,

التربية الحديثة على قولتهم ,.,

الطالب هو اللي يطق المدرس ,,,., انعكست الصورة ,.,

بعد ان المدرس يشوت الطالب تشويت ,.,

يالله ذكريات حلووووة ,.,

تسلم أخوي سفاري على الذكريات المريرة ,., قصدي الحلوة ,.,

15 / 02 / 2002, 03 : 05 PM

هلا والله فيك وغلا:

ذكريات حلوه يا ملجلج000 لا والله لا شافت الحلاوه ولا يحزنون000

هذا بالنسبه للمدرسه 000 اما بالنسبه للعب اوف ونسه وسعة صدر

يا سلام 0000 شكلي بروح أنام وباتحلم000 ذكرتني بايام اول يا ملجلج

الله يذكرك بالشهاده0

[movel]مع السلامه[/movel]

26 / 02 / 2002, 30 : 05 PM

يا هلا بيك اخ سفاري منورنا وخلينا نشوفك

بس معاك احلامك لو سمحت

نقره لعرض الصورة في صفحة مستقلة

ويااااااا من ذكريات حلوه

:p

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شوفو وش بيصير لو درسو الاولاد مع البنات	الشاماني	‏ \|\|ترفيه وَمسآبقآت	0	09 / 01 / 2009 28 : 03 PM
بــ نصف درزن أهداف الأهلي يفتتح دور الــ 8 لكأس الأندية العربيه	Mahsoon	‏ \|\|صدى الملآعب ..	10	15 / 01 / 2007 02 : 03 PM
يانار شبي من ضلوعي حطبكي ( درسو يهبلو )	ظـِلال الأنوثـة	‏ رِيشَة تِقَنِية	18	27 / 06 / 2004 52 : 09 AM
ذكريات	عبدالله الجهني	‏ بوحْ الشعِر والنثر ..	8	09 / 05 / 2003 46 : 06 PM
قصه سعيدان بمدارس البنات الاختلاط ترى حطيت لكم نغمات راشد الماجد	عبود طش مطش	‏ \|\|ترفيه وَمسآبقآت	0	08 / 04 / 2002 11 : 04 PM

الذين يشاهدون محتوى الموضوع الآن : 1 ( الأعضاء 0 والزوار 1)