ليته تركني

ليته تركني


الله من قلب تفجر غلايله
0 0 0 0 0 0 0 أمسى بهمه حاميات مـــلايــــله
ضيّق على صدر ضلوعه تكنه
0 0 0 0 0 0 0 من جضّته راعيه نشفت بلايــله
على فراق اللي بالاحلام زارني
0 0 0 0 0 0 0 قفى بروحي يوم عيني تخايـــله
لحظة وداعه ضمني والتوابي
0 0 0 0 0 0 0 وفج الضلوع بنفحة من جدايــله
واقفى يكابد حسرة في ضميره
0 0 0 0 0 0 0 وانا عليّ الموت دنّت مخايــــله
ما هو بوده مير الاقدار تبتلي
0 0 0 0 0 0 0 ما طالني في البعد لاشك طايــله
ليته تركني بين هذي وهذي
0 0 0 0 0 0 0 لا راح قايلّي ولا نيب سايــــــله
وياليتني ما شفت دمعة عيونه
0 0 0 0 0 0 0 يوم الوداع ولا احرقتني رحايله
ما ظن صبري يلحقنّه عزايمي
0 0 0 00 0وراع الهوى-قل الصبر-من خصايله
العام كنا لأدبح الليل نلتقي
0 0 0 0 0 0 واليوم غرقت من دموعي رسايـله
متى اشوفه واشتكي له من النّيا
0 0 0 0 0 0 0 طول الغياب اللي برتني فعايــله
واخبّره ضيم الليالي وجورها
0 0 0 0 0 0 0 واذكره باللي مضى من جمايــله
لا من تذكرته وانا ما نسيته
0 0 0 0 0 0 0 كن الزمن يجمع بعيني هوايــــله
وصار العوض ذكره وموطن هوانا
0 0 0 0 0 0 0 وحلم يجيبه لي ووقت احايـــــله

ابو الريم

الله الله
اخــوي عــابــر الـشــوق
كــمـا انــت
تبــهــرنا دائماْ بكل ماهــو جمـيــل

صـــح لسـانــك وتسـلـم ايـاديــك

شــــــــوق

تسلم يدينك عابر الشوق



وش فيكم انت و ووافي شعركم هلالي اليوم



بصراحه متعطش مررره لهذا اللون من زمااان ما شفت مثله بالمنتدى هذا

هلا وغلا

عزيتي شوق

وهذا من طيبك اختي

تحياتي

ابو الريم

عزيزي ساهر الليل

معاك ابو الريم

ميول نصراوي فن ذوق اخلاق

وكذلك الوافي شكله نصراوي

تحياتي واشواقي

عابر الشوق