مواقف مضحكه من موقع آخر

حصلت مواقف مضحكة لأشخاص مشاركين من مواقع أخرى أرجو أنها تحوز على رضاكم :



هذه مجموعة مواقف طريفه من موقع مجلس عنيزه الرهيب( وتخيلوا انكم مكان ها المساكين )) وارجو منكم التعليق على افضلها وارجو ان تتحفونا بما لديكم من مواقـــــــــــــف



(باص البنات )

هذا واحد ما ودي اقول اسم الشهرة حقه طبعا عندنا ... هذا مسوي مغازلجي كتب له رقم في ورقه كبيره على شان يكون رقمه واضح عند البنات , مر من جنبه باص زجاجه مظلل شوي ومليان .. قال بس هو اللي انا ابغى , طلع الرقم من الدرج وصار يشر للي في الباص وهم يطالعون وش عنده ومره يجي من يمين الباص ومره شمال , وقف عند الاشارة قال فرصتي ويفتح الشباك حق السيارة على شان يكون رقمه اوضح ......فجأه انفتح شباك الباص اللي من جهته ... انبسط صاحبنا .. واكتمل فتح الشباك الا وصاحبنا يفتح عيونه زين الا صار باص عمال .. ويلملم قطع الغيار اللي طاحت من وجهه وياخذ يمين ..... وبس


( الصدق زمان )

تقول فتاة عن جدتها عندما سافرت بالطائرة لأول مرة ، حيث جاءت المضيفة وقدمت لها الطعام ، فما كان منها إلا أن قالت : والله لو أدري أني أبكلف عليكم ماجيت

!!!!


( تضـامن شديد )

تقول بعد تخرجي من الجامعة عينت ( مرشدة تربوية ) في أحدى المدارس ، وفي أول عملي جاءتني طالبة وأخذت تحدثني عن شعورها تجاه فقدها لأمها التي توفيت منذ سنوات ، وأخذت تشرح لي شوقها إليها ، وافتقادها لها في كثير من المواقف التي تواجهها ، وأنها ...وانها وانها.. وقامت الطالبة عن مقعدها ، وأمسكت بكتفي وهي تحاول تهدئتي ، وتطلب مني التوقف عن البكاء


(خطـوبة تفحيط)

خطب احد الأشخاص أخت صديقــه وأراد من صديقه أن يمكنه من رؤيتها - دون أن تشعر الفتاة - وقام الأخ وضبط الموقف حيث اشترى بعض الأغراض وأدخل السيارة في الفناء الداخلي للمنزل ونادى أخــته لحمل الأغراض من السيارة - والخاطب يبصبص من شباك المجلس - وجاءت البنت وحملت كرتون البيبسي وقامت تركض و تدوربالكرتون و( تفحط ) كأنها تقود سيارة !!!!!! ولم تعلم البنت الأ في ليلة الزواج حين اخبرها الزوج فما كان منها الا ان بكت من شدة الخجل ،،،،ه


بسرعة

موقف ما راح انساه كنت داخل مسجد وقت المغرب ومتأخر والامام يقرا في سورة بعد ما خلص من الفاتحة وكان الميكرفون متعطل المهم دخلت متحمس وبالحق على الصلاة معهم الا وعلى دخلتي اسمع الامام يقول (ضالين ) وانا على دخلتي كبرت وقلت آمين .. الا واللي في الصف الاخير ماتوا من الضحك وقطعوا صلاتهم .. وانا احسب الامام في الفاتحه وهو يقرا سورة ثانية .. وسكت الامام شوي وكأن وده يضحك .. واناما علي قاصر ضحكت معهم المضحك اني كنت متحمس


( الشغالـة )

اتصلوا علينا المطار قالوا ترى شغالتكم وصلت .. وعلى شان نفتك من تفويض استلام رحت بنفسي أخذ الشغاله .. المهم وصلت المطار وخذات الشغالة بطبيعة الحال معها شنطه فيها ملابسها .. استلمت الشغاله وطلعنا للسيارة فتحت الشنطه على شان تحط شنطتها .. تفاجأت ... أن الشغاله مدت رجلها بتركب في الشنطه قدام العالم .. وانا ما مسكت نفسي ما قلت لها لا قعدت اضحك وما مسكت نفسي وقمت أشر لها على شان تنزل والعالم تضحك .. المهم في الاخير نزلت من الشنطه .. بس بعد ما كل الموجودين جاهم مسيل الدمووع من الضحك


تحريك جو

فيه وحده تقول في اول ايام زواجي طلب مني زوجي ان افتح له علبة بيبسي .. وبغيت احرك الجو بشي من الفرفشة .. قمت وفتحت العلبة قدام وجهه و... يا للهول طاااااااش البيبسي على وجه وملابسه والجدار .. وانا مع خوفي جتني حاله هستيرية من الضحك وانا اشوف هالموقف


عروبة

السلام عليكم ...لي موقف مبكي ومضحك في نفس الوقت..الزمان عيدالاضحى .......المكان :- الراشد مول في الخبر...كنت اتسوق انا والوالده..وكان المكان مزحوم بشكل مش طبيعي اختكم كاشخه بنفسها وماشيه يارض انهدي محدش قدي المهم كنا في الطابق الثالث..امي اقترحت ان ننزل بالمصعد لكني صممت النزوول بالسلم الكهربائي وما ان حطيت رجلي على بداية السلم الا ياعروبه عينك ماتشوف الا النورر اتقلبت من اوله الي اخره...طبعا العبايه في جهه والغطا بجهه والشنطه اعطاني اياها واحد جزاه الله خير مادري وين لقاها ....امي سوت نفسها ماتعرفني واتبرت مني..المهم وسط ذهول المتفرجين جاتني نوبة ضحك هستيريه..الظاهر من الفشله..بدل من البكاء...من جد الله لايحط اي احد في هذا الموقف...ولكم تحياتي


خراط

يوم زواجي ... (يازينه من ذكرى) كان معي كرسيدا جي ال اكس 86 .. قال الخال (اخو الوالدة.. ذاك توه مابعد صار خال) ابعطيك سيارة مرسيدس من حقات المعرض تكشخ به كم يوم .. قلت زين، المهم اتفقنا انه يوقف الشبح عند بيت أهل المره، يوم جينا نطلع.. ركبنا .. دورت اللي يفتح لي الابواب .. مالقيته.. فتحته بيدي، يوم ركبنا .. شغلت السيارة (اشوى.. الحمدلله) .. بس بحلت أدور أزرار الأنوار.. ومرة تشتغل المساحات .. ومرة حبات البيبان (لقيتهن..) ومرة .. وبعد مشقة لقيته، المهم .. جينا للمشي .. كان قدم السيارة صندوق زبالة بلاستك كبير .. يعني مالها إلا وراء... يالله عاد وين الريوس؟؟ ومحاولة .. وثانية وعاشرة ... ومافيه فايده... حتى توكلت على الله وصدمت صندوق الزبالة ومشيت قدام ... ويسرها ربك.... المهم إن المره دريت إن السيارة مهب لي .. بدليل عدم معرفتي كيف تعمل، وكنت محرج بلحيل خاصة اني استحي قوة... بس ربك هونها علي يوم اني دريت عقب ثلاثة أيام ان فستان العرس كانت متسلفته من بنت خالته ... وقالت خل نرجعه، قلت الحمدلله مافي حدا أحسن من حدا


ام المشاكــــــــــــــــل
تذكرت موقف صارلي قبل كم سنة وما راح انساه .......مرة رحت المكتبة ونزلت من السيارة وشريت مجلة ......المهم من حماسي على قرايتها صرت اقراها وانا طالعة من المكتبة وانا منسجمة مع المجلة دخلت السيارة وقعدت اقرا الا السواق يطق قزازة السيارة وناظرت القزازة الثانية الا صاحب السيارة مبتسم وطبعا استحيت من هالموقف مرة ما كان لي داعي ابدا وارجو انه ما في احد تعرض لهاموقف المحرج


رنين الأحزان

صار لي موقف في العطلة الصيفية الماضية ما أظن أنساه أبد بس عاد لاحد يضحك .....كنت رايحة إلى الراشد ومعي بنت خالتي وأخوي وكنا في الدور الثاني على ما أظن المهم كان قبالي محل عبد الصمد القرشي ومابينما إحنا واقفين ما أدري وش كنا ننتظر سرحت شوي وكنت أناظر لوحة المحل وأقراها طبعا الكل يتابع الجزيرة وبرنامج الإتجاه المعاكس في ذاك الوقت برعاية نفس الشركة والي يتذكر الدعاية راح يضحك علي.... المهم قريت بصوت مرتفع بعض الشيء اللوحة وكان مكتوب فيها عبد الصمد القرشي للعود والعنبر والعطور وكملت على موجب الدعاية إلي كنت أسمعها في الجزيرة نبع له جزور وما أنزل عيوني عن اللوحة إلا وألاقي المحاسب الي في المحل ميت من الضحك على خبالي ويحاول يكتم الضحك لدرجة تغير لون وجهي طبعا أنا كنت في قمة الإحراج ودي الارض تنشق وتبلعني وأخوي أستغرب الضحك ووسألني وش مسوية أنحشت بالأول من المكان لأنه أخونا المحاسب ماسكت أبد وخبرت أخوي بالقصة وخلاني مهزله للصغير والكبير ماخلا أحد في البيت ماضحكه علي هذا الي حصل .....مسكينة رنين والله ضحكو عليها


شوفه بالغصب
والله المواقف كثيره ومن كثرتها ناسيتها لكن اتذكر موقف حصل لاحد صديقاتي محرج مره وهاكم الموقف..... صديقتي هذي انخطبت وطبعا جاء العريس وابوه لاهل البنت عشان يتفقون على لوازم الفرح واللازي منه ..انتم عارفين طبعا 00المهم اللي حصل ان صديقتي واخواتها يبغون يشفون العريس وكان في غرفه مجاوره لغرفة المجلس يفصل بينهم باب سحاب ....صديقتي هذه واخواتها متجمعين عند الباب ومطفين النور وكل واحدة تدفع الثانيه تبغى تشوف وفي هذه المعمعه والدافع والمدفوع لشوفة العريس ولكثرة الظغط والدفع مادريت صديقتي الا وهي مدفوعه من الباب الا وهي على رجول العريس طايحه طبعا موقف لا تحسد عليه الا والكل يضحك حتى ابوها والعريس يضحك ويقول والله جتك هديه في زبديه وكان لسه ما شافها ههههههههه موقف رهيب صح




:D :D :D :D :D :D :D :D :D

بلــــــــــــــــــــــــــــــــــــــو

مواقف مره حلوه

اذا فيه ثانى اعطينا خل نوسع صدورنا

تحياتى

مرررررحبا بلوووووووو

وسعت صدورنا

الله يوسع رزقك

كل هذه مواقف

كله ولا البنت المسكينه

وين تودي وجهها من زوجها

وهي اذا قابلته تقابله اخر شياكه

اتري كرتون البيبسي له فوائد

-------------
تحياااااااتي

موااااقف تجنن..

بلوووووووووووووو

هلا بلوووووو


روعه

وسعت صدورنا و الله

شكرا لك

بس احلي موقف هو الاخير

هديه مغلفه للعريس

هههه

هلا وغلا شمس الضحى وأبشري أن شاء الله وأذا عندك أنتي مواقف ترا ما يخدم بخيل الله يحييتس

أحنا في الخدمة.............!

هلا وغلا أمير الليالي :D :D ....شفت شلون البنت ودها تشوف رجلها على العموم هي سنة الحياة

لابد للمرأة أن ترا زوجها من باب اللطافة والأستحباب والله جاببها له :D :D :D

هلا وغلا دموووووووع الله يحييتس يا مرحب أحنا في الخدمة لزرع الأبتسامة وألا الحياة ما تخلص

مشاكلها أنشهد :D :D :D :D


هلا وغلا وئام بس مو مشكلتي أذا صارت صدوركم وسيعة تقولون بلوووو هو اللي وسعها ....بس فيه

حركة بس فيها دفع فلوس روحوا للخياط اذا مره توسعت الصدور وقولوا له يضيقها ههههههه
:D :D :D :D :D

الله مير يحييكم جميع

تسلم والله على المواقف الحلوه ونتمنا منك المزيد مثل هذي المواقف الله يرضي عليك والله انك وسعت صدري وشكراااااااااااااااااااااااااااااا

واااااااااااااو
موضوع يجنننننننن
مواقع خطييييييييييييييره
يا حرام كله ولا اللي تفحط و اللي في الطياره
صراحه كلهم احلى من بعض