[ساهر الليل ●]

مارايكم بمستوى الطلبه هاليومين؟؟


مستوى متهالك

في السابق كان الحصول على نسبه في الثمانينات شيء شبه صعب في الثانويه العامه
و الان اصبح المتفوقين اكثر بكثيييير من الطلبه ذوي المستويات المتدنيه

ليش

مع العلم انك لو تسال طالب من متفوقي اليوم في صميم مواده تجد اجاباته ضعيفه..و بنفس الوقت اشعر بضيق افق في تفكير الطلبه الان

في السابق كان الطالب يبذل مجهود جبار في الاختبارات
و الان تجد الطالب ليلة الاختبار يشاهد مباراه في كرة القدم و مع ذلك تجد نتيجته بعد الاختبارات ممتازه........كيف؟

هل طالب هاليومين نابغه؟؟....و هل جميع الطلبه نوابغ؟؟

شيء يدعو للاستغراب

بعد تخطي المرحله الثانويه وتاتي مرحلة الجد..((الجامعه))
تجد الطالب يتعثر....و هذا واقع؟؟...........ليش؟


انتشار ظاهرة الدروس الخصوصيه بشكل ملفت للانتباه.........شيء يدعو للقلق.ماهي اسبابها؟و لماذا لا يفهم الطالب الا عن طريقها؟؟مع ان مدرسها هو نفسه مدرس الماده.



طالب في الصف الاول الثانوي لا يجيد القسمه؟؟
و من اكبر مصائب الطلبه في الرياضيات في المرحله الثانويه عندما يجد المساله فيها اس او جذر او كسر؟؟ما هذا؟

الطالب يوجه مشاكل في اشياء درسها في المرحله المتوسطه و الابتدائيه؟

تخيلو لي اخ ضحكت عليه و هو يدرس بالصف الاول الثانوي و قلت له انت حافظ جدول الضرب؟؟قال نعم...قلت له طيب و جدول الجمع؟؟ قال و الله حافظه بس مو كامل!!!!!!! و المصيبه ان نتيجته بالرياضيات..امتياز....
الطالب اذا شاف الكسور كانه يشوف طلاسم.
من جهه ثانيه...في اللغه الانجليزيه تجد الطالب حافظ كلام مو عارف وش معناه...و حافظ تعبيرين ما راح يخرج الاختبار عنهم...و المشكله ما يعرف يقرا السؤال بالاختبار و تلقاه كاتب لك التعبيرين.

في مدرسه بالقصيم...هناك طالب رسب باللغه الانجليزيه بالصف الثالث الثانوي..الفصل الدراسي الاول....مع انه يقول انه كان يغش الاجابات من طالب متفوق و نجح المتفوق و رسب الطالب الغشاش مع انه صور ورقة المتفوق تصوير.....كيف رسب اذا؟؟


لانه نقل اسم زميله يحسبه اجابة احد الاسئله...و اكتشف المدرس الغش.

تخيلو طالب في الصف الثالث الثانوي لا يعرف يقراء!!كيف اذا وصل الى هذه المرحله



كلامي هذا لا ينفي وجود طلبه متفوقين فعلا بس انا اتكلم بصفه عامه




امل من من يقراء هذا الموضوع ان يعطيني رايه و ملاحظاته فقد اكون غلطان

[رحايــــــــــــل ●]

والله انا رايي من رايك

اتصدق الحين فيه معلمات من اللي درست معاهم
ما يعرفون جدول الضرب
لا ومعلمات رياضيات بعد

لا ومعلمات عربي اخطائهم الاملائيه اكثر من طالباتهم

بصراحه شي يخجل
الله يعين بس

كان ودي اقول كلام اكثر
بس بصراحه كلام الدراسه ما احبه :D

[خالد ●]

ساهر هلا بك موضوعك شيق وانا معك فيك 100%

وليس لدي تعقيب لاني بعيد عن الدراسه

ولكن اشياء غريبه فعلا كيف نرجوا جيلا فعالا الله يستر

[الأسير ●]

اخي ساهر
السلام عليكم :
انت تطرقت الى موضوع يكاد يكون من اهم السلبيات وللأسف في مجتمعنا ,,
اعتقد والله اعلم ان السبب في ذلك كما تطرقت انت من خلال كلامك
ان اغلب الطلبة يعتمدوا على الحفظ دون الفهم ,,
اصبح الطلبة والطالبات يبحثوا عن النتائج المؤقته فقط,,
هم كل واحد منهم هو النتيجه والشهادة والحصول عليها فقط دون
النظر الى المستقبل وكيف يبدعوا فيه.
لن يستطيعوا ان يبدعوا في مجال تخصصهم فضلا عن المجالات الأخرى
كما ذكرت ذلك الأخت محايل ,,
والله اعلم

[LAST*HOPE ●]

اخي الهمام (ساهر الليل) .. موضوع جميل .. وقوي ..



هناك عدة نقاط يجب ان نعمل حسابها .. ومن الخطأ دائما ان نقارن بين الماضي والحاضر ..



واللي تسويه انت الان .. يذكرني بالشياب .. ههههه .. اذا قامو يعلمونا بسوالفهم ويقولون ليه ما تسون مثلنا



لقد تغيرت الحاله الان عن قبل بشكل كبير .. ويكفيك اخي المغريات الموجوده الان ..



ياخي انا لما ادخل محل اطفال ما ادري انا احس بالقهر على اللي فاتني .. والا الحق على عمري واشري من هالالعاب :D



حقيقه اخوي لازم نرأف لحالهم .. الواحد منهم ما يمديه يشري عيديه .. والا يشري نجاحه .. الا ونازل عشرات الاشياء جديده واجد منها .. تلقاه ما تهنا فيها ..


حنا من اول هي شريه وحده ..طول السنه عيديه ونجاحه وكل شي .. ما ينزل عقبها شي جديد




الدراسه ..

مشكله حقيقيه ..

لكن اخوي .. فكر معاي شوي ..

ما اذكر صراحه مين اللي نزل موضوع يطلب النصح فيه للي دخل شي ما يبغاه .. بعيد عن رغبته ..


اخوي الان اصبحنا نركض خلف الماده بشكل كبير .. كل حياتنا اصبحت ماده .. ياخي حتى المواد التي ندرسها تحت مسمى المواد الدينيه .. اصبحت لتحصيل الدرجات وليست للعلم ..


مع انه شرعا محرم انك تاخذ علم شرعي لامر دنيوي ..


كثير هي الامور التي تشابكت وتعقدت في هذه الايام .. شفني قدامك احد الضحايا


خلني ابسط لك بعض الامور .. وصدقني محاوله من القلب .. وارجو انها ما تفشل زي اللي قبلها .. وهي عن احوال الطلاب :




* اعداد الطلاب :
في الماضي كان العدد اقل بكثيييير من الان .. وكان التركيز اكبر ..

وهذه نقطه تفرق عند جميع المربين التربوين .. والمدرسين .



* الحاله العقليه والنفسيه للطالب:

لا يمكن ان تقارنها الان . بالماضي ..

تذكر نفسك انت شخصيا .. هل تحس بالراحه التي تحسها قبل .. فكر بما كان يحتاويه راسك في تلك الفتره .. ثم عد وفكر بما تحتويه رؤس الطلاب هذه الايام ..!!!

شيء عجيب حقيقة ..


* المعلمون :

هذولي بعد امتداد لقضية اللي يبون رواتب زينه ونوم

ما فيه شغل بضمير .. تطنيش .. دام الراتب ماشي .. اهم شي انتبه اذا جاني الموجه ..و غيره



واشياء اخرى كثيره .. مثلا انا كا طالب جامعي .. ما اوصل للمحاضره وخاصه في الصيف .. الا وانا تافل العافيه

والله يا معاناه ومخاطر في الطريق الى الجامعه .. بالسيارات وانواع المساقط .. وفلان يحدك وتحد فلان ..

واذا وصلت لقيت امة الثقلين متجمعه عند المواقف .. توقف على بعد كيلو ..

وتجاهد في ذا الحر .. وحرنا غير حر الاولين ..


وبعد كل هالتعب .. تكتشف انك متأخر (15ثانيه).. والدكتور يقول لك بكل وقاحه .. يالله برا ..

يا دكتور والله انا لي ساعه طالع من البيت .. ولو داري ان الطريق زحمه زي كذا كان صليت الفجر هنا ..

ولا من يسمع ..



هذي ليست حجه اخي .. لكن كطالب .. والله مثل هذه الامور .. وان الدكتور يساويك باللي مطنش المحاضره ونايم في البيت شي يكرهك بالدراسه .. وبالتالي يقلل مجهودك وعطائك ..



انا ربما ابعدت عن صلب الموضوع قليلا ..


لكن اذكر ايضا الضغوط النفسيه على الطالب .. كطالب .. متفرغ .. معناته يجب ان لا يفكر ولا يفعل ولا يحلم بغير الدراسه .. ويجب ان يحصل افضل النتائج والا فالويل له..


وكذا الضغوط الاعلاميه .. والتشتيت الذي يعيشه .. هل كان هناك ايا منها ..


لا تقول لي وين لاعب كوره .. والا ادارة نادي عشان تقول ضغوط اعلاميه .. هههههه .. هي جت معاي زي كذا ..

لكن قصدت التشتيت بالضبط .. من كثرة المواد الاعلاميه .. وكثرة طرق تناولها .. وارتباطهم بها من عدمه .. و .. و...


حقيقه انهم يعيشون في حرب لا يعرفون الى اين يسيرون فيها ..

واذا كنا نحن الكبار وقعنا في الكثير من الاخطاء .. ماذا تتوقع من الصغار ..؟؟


اذا كان التشتيت طالنا .. فهم اولى ..

كل هذه الاشياء سيكون لها اثر كبير في التحصيل العلمي .. بشكل عام ..


اما مسألة كيف ياخذون امتياز ..

فهذا ايضا دور التطور والحضاره .. ومثل مالها سلبيات لها ايجابيات ..

يقدر يحفظ كل مسأله حتى جت في اختبارات الوزاره على مدار عشر سنوات .. وهكذا .. يعني ما يبي لها زود ذكاء ..



اخوي مناهجنا يبي لها تطوير .. المدرسين يبي لهم تطوير .. افكار اخواننا وعيالنا واهلنا يبي لها تطوير ..


يبي لنا نزرع الثقه فيهم ..

والله فيهم ذكاء غير مسبوق.. لكن وين التشجيع ..


وين التنظيم .. وين اهتمام الاهل .. وانت تشوف ..

اهتمام بتربية الموهبه .. وتطوي التفكير .. مو جب امتياز لو بالغش !!!




انا طولت مرررررره في الموضوع .. اعتذر لك وللجميع .. لكن بالنهايه بقول لك شي .. وللاخوان ..

واحد مصري .. كنا نتكلم .. واقول له ياخي انتم يالمصاريه اذكياء .. ودايم امتياز ..

جلس يضحك .. يقول والله انتم هنا اذكا .. قلت كيف .. ياخي شوف الطلاب .. شوف درجاتهم واحوالهم ..

قال انا معاك ..لكن النهايه ايش .. حنا طوال السنه نذاكر ونتعب وبكل اللي نقدر عليه .. ونجيب امتياز بصعوبه ..

وانتم تدرسون ليلة الامتحان .. وتجيبون امتياز ..!!!!!


هذا دليل على استيعاب كبييير .. وذكاء .. لكن وين التوجيه ؟؟






وشكرا لك على هذا لاموضوع الجميل ..