|
بوحْ الشعِر والنثر .. للشعر الفصيح والشعبي والنثر " المنقول " |
|
أدوات الموضوع |
28 / 07 / 2008, 58 : 01 PM | #1 | |||||||
كاتبه متميزة
شكراً: 0
تم شكره 0 مرة في 0 مشاركة
|
الـرقـم بـايـخ لـكـن الـصـوت قـتـال
::
البارحة جاني مـن الحـب مرسـال من عقب ما بينـي وبينـه خصيمـة // وانا ترى في الحـب مانيـب فعّـال ولا بعـد ولّـع بقلبـي هشيـمـه // ولا بعد غنّيت فـي ساعـة وصـال ولا بعد ذقـت الفـراق وجحيمـه // ولا جرى دمعي على الخـد همّـال ولابعـد جربـت مــرّ الهزيـمـة // حتى وردنـي تالـي الليـل جـوال وانا على شاهي وبسكـوت ديمـة // الرقم بايخ لكـن الصـوت قتـال كنه مثل صـوت المذيعـة حليمـة // قالت مساء الخير يـا طيّـب الفـال قلـت ارحبـي ترحيبـةٍ مستديمـة // بالعود والصفـري ودلـة وفنجـال واجبك يا بنت الأصـول الكريمـة // ردت بضحكة ثم قالت وش الحـال؟ قلت اشهد إن الحال عقبك سقيمـة // قالت وهي تضحك بعد مثل الأطفال وأنا بعـد كنـي بدونـك يتيمـة // من يـوم قالتهـا تزلزلـت زلـزال من فجعتي كنـي مسـوي جريمـة // قلت ارفعي صوتك ترى مابه ارسال كـذاب لكـنّ المصيبـة عظيمـة // قالت أقول اسمع ترى هرجنـا طـال ممكـن تصاحبنـي ترانـي وسيمـة // واسمي الحقيقي أول حروفـه الـدال لكـن يسمّونـي البنـات الزعيمـة // صحيح أحب الفخفخة واعشق المال لكـن ترانـي طاهـرة مستقيـمـة // ما عندي امغازل ولا لعب جهّـال ما عندي إلا في الشرف والحشيمـة // بس الصراحة قلبي لشوفتـك مـال واصبحت وحدك جالسٍ في صميمه // فكّر بعقلك واترك القيـل والقـال واحذر تطيع اهل العقـول العقيمـة // وارسل علي الحين خمسميـة ريـال أشحن بهـا جـوال أختـي غنيمـة // أو طقم غالي فيه خاتـم وسلسـال أروح بـه فـي عـرس ولاّ عزيمـة // قلت الحقيقة مانيب رجـل أعمـال ولانـي بتاجـر والمـوارد عديـمـة // أنا الصراحة شبـه عطّـال بطّـال وعلاقتـي بالفقـر جـداً حميـمـة // والراتب الله يرحم الحـال مـا زال محـدود والمصـروف ربـي عليمـه // والدين بـالآلاف والبنـك شغّـال ياكـل فلوسـي بالربـا والظليمـة // والسوق طايح والغلا ضيّـق البـال والموت والله صايـر اكبـر غنيمـة // قالت تحمّل بـس والحمـل ينشـال خلك شديد الباس صلـب العزيمـة // ياخي تصرّف جعلك اتصيـر نشّـال أهـم شـي إن النوايـا سليـمـة // لابد تفهمني علـى كـل الأحـوال ما دمت من أهل العقـول الفهيمـة // قلت إيه والله فاهم اللي على البـال لكن تـرى هـذي علينـا قديمـة // يا بنت هـذا صايـر اليـوم مـوال للي تبي تلعب علـى ابـن اللئيمـة // يا بنت ما تدرين كـم فيـه محتـال يلعب على الحبلين وانتـي غشيمـة // يا بنت كم من جاهلة دمعها سـال من عقب ما جات العواقب وخيمـة // والبنت لا اقفى عرضها بيد الأنـذال والله مـا يبقـى لهـا أي قيـمـة // قالت تبي ولاّ فخلّك علـى جـال مهوب ناقصنـي نصايـح حكيمـة // عز الله إنك للأسف منـت رجّـال وانك قليل الذوق ما فيـك شيمـة // يا لعنبو اللي مـا يسطّـرك بنعـال حتـى يعلمـك الغـزل يـا بهيمـة // ( تفو ) عليك وصكّت الخط في الحال مدري ( تفو ) هي مدح ولاّ شتيمـة // عجبتني وحبيت تضحكون معاي شرايكم فيها؟؟؟؟ :: |
|||||||
|
||||||||
28 / 07 / 2008, 57 : 04 PM | #2 | |||||||
مشرف عام
شكراً: 0
تم شكره مرة واحدة في مشاركة واحدة
|
ههههههههههههههههههههههههههههههههه
ههههههههههههههههههههههههههههههههههههه اضحك الله سنك يامتعاطفة منقول راااائع والحمدلله انها مادقت علي والا كان صارت علوووم تقبلي تحيااااتي اخيتي |
|||||||
الغااااالي وااااافي
اقراك (حب ) ويخجلني حروفك =ياطيب الرفقه قليل الحلايا
اعيش معك اهات قلبك وخوفك =واحياك نبض ٍ بين حدب الحنايا إن غاب زولك سامرتني طيوفك =احيا بها ليل وقصيد وحكايا رغم العذاب ورغم قاسي ظروفك =منحتني حب ٍ غريب المزايا اسقيتني طعم الأمل من كفوفك =وانسيتني مر الألم والرزايا تقصر خطايه دون رد معروفك =لكن سامحني وكلي خطايا
|
||||||||
28 / 07 / 2008, 08 : 09 PM | #3 | |||||||
عضو شرف
شكراً: 0
تم شكره مرة واحدة في مشاركة واحدة
|
برا وبعـيـد
الله يكفينــا شـر المغزلجيـــات :: منقوول رائـع كـ رووعـة تواااجـدكــ :: |
|||||||
|
||||||||
28 / 07 / 2008, 56 : 09 PM | #4 | |||||||
كاتبه متميزة
شكراً: 0
تم شكره 0 مرة في 0 مشاركة
|
::
حسن المحمدي .. حيآك ربي وبيآآآآك ودوم يآرب يآرب يآرب هآلضحكه .. وهي لو بآيعه عمرهآ كآنت آاتصلت عليك هههه يآهلآ :: |
|||||||
|
||||||||
28 / 07 / 2008, 57 : 09 PM | #5 | |||||||
كاتبه متميزة
شكراً: 0
تم شكره 0 مرة في 0 مشاركة
|
::
نسيبي ..!! آنت وش جآيبك فيذآ !! هذآ آلكلآم ممنوع يقرآه ضعيفين القلوب ههههههههههههه يآلله حيوووه .. :: |
|||||||
|
||||||||
28 / 07 / 2008, 28 : 10 PM | #6 | |||||||
مدير المتابعه والتطوير
شكراً: 0
تم شكره 24 مرة في 23 مشاركة
|
الرقم بايخ لكـن الصـوت قتـال
كنه مثل صـوت المذيعـة حليمـة قالت مساء الخير يـا طيّـب الفـال قلـت ارحبـي ترحيبـةٍ مستديمـة هههههههههههههه والله حلوة هالأبيات لأنها بصراحة أول مرة اشوفها , أجل صوتها مثل صوت المذيعة حليمة.. تشبيه رائع بس حاسها بالأخير الله يهديه ,,, يعطيك العافية متعاطفة |
|||||||
اعطني قوة المنطق واترك لك منطق القوة
|
||||||||
29 / 07 / 2008, 30 : 12 AM | #7 | |||||||
كاتبه متميزة
شكراً: 0
تم شكره 0 مرة في 0 مشاركة
|
::
شفت يابو خالد .. ماله داعي هههههههه اجل ايش تبيه يسوي !! انا اشوف ان سوى الصح .. ومالي شغل بالباقي حياك ربي :: |
|||||||
|
||||||||
29 / 07 / 2008, 51 : 11 AM | #8 | |||||||
مدير عام المنتديات
شكراً: 265
تم شكره 102 مرة في 99 مشاركة
|
..............
... قصيدة بها من الطرافة والفكاهه مايرسم الابتسامه برغم ... ابدع الشاعر في سبكها واحسنت عطوف الاختيار ذوق رفيع عهدناه من عطوف شكراً لذوقك الرفيع كلك ذوق ... |
|||||||
|
||||||||
29 / 07 / 2008, 26 : 12 PM | #9 | |||||||
كاتبه متميزة
شكراً: 0
تم شكره 0 مرة في 0 مشاركة
|
..
كلك ذوووق ومرورك ذوووق وافي حياك ربي .. :: |
|||||||
|
||||||||
29 / 07 / 2008, 15 : 02 PM | #10 | |||||||
وئامي دائم
شكراً: 0
تم شكره 0 مرة في 0 مشاركة
|
مدري ( تفو ) هي مدح ولاّ شتيمـة
=================== الله يعطيك العافيه على هالمشاركه النادره صارلنا زمان ما ضحكنا - وفعلا يالمتعاطفه عوضتينا ما فات ========= كثري منها عسى عمرك يطول بالهنا والسرور |
|||||||
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ابكي من الفرقـآ وهــي مآبعــد جـآآآتـــ,, ! | ملك الحب - | بوحْ الشعِر والنثر .. | 5 | 07 / 08 / 2009 17 : 03 PM |