|
||ترفيه وَمسآبقآت مَرَح ، تسلية ، مسابقات ، فعاليات .. الخ |
|
أدوات الموضوع |
25 / 04 / 2002, 26 : 01 AM | #1 | |||||||
من مؤسسي الوئام
شكراً: 0
تم شكره 0 مرة في 0 مشاركة
|
مذكــــــــــرات شغــــــــــالة ..
[c]ببساطه تبصرت بحال الشغالات فكتبت
مذكرات على لسان احدهن وللمعلوميه الكتابه بلغة الشغالة بعد ان جلست في الخليج 48 سنه وبعد ماتزوجت خليجي وعندها منه عيال: انا جامعيه لا ومعاي دبلوم تمريض كنت استلم بديرتي 18دولار جتني فرصه لاتقدر بثمن وهي السفر لاحد دول الخليج كمربيه او كما كُتب بالعقد مديرة منزل ب 57 دولار بسرعه بسرعه طلّعت جواز وودعت اهلي امي وابوي واخواني وقمت اطامر من مطار لمطار ومن تكسي لتكسي وبعد رحلى 22ساعة وصلت لاول الطريق المؤدي لمستقبل اسرتي امرأه عجوز صح ملابسه سيئه بس ماهمني صح اعيالهم كثار ماهمني صح ابوهم هو اللي جابني من المطار بددسنهالقديمه اللي فيها غنام بالحوض ماهمني صح ركّب معي وهو جاي كم رجال واخذ منهم فلوس لكن ماهمني صح نزل الغنم اللي معه بنص الطريق وخلاهن ياكلن من الربيع لكن ماهمني صح وصح وصح لكن ولا بيهمني المهم الصح الكبيره اللي تضيق الصدر اننا نزلنا بيت غريب في الوسط فيه خشبه طالعه لفوق وسقف البيت مثل جدرانه خيوط سوداء وسمعتهم يسمونه بيت شعر ماهمني المهم قالوا يالله تعالي نوديك للمستشفى قلت ليه مافيني شي قالوا نفحصك يمكن تكوني مريضه او بك ايدز طيب موافقه بس على شرط كلكم تفحصون معي يمكن فيكم ايدز لا وغنمكم بعد صراحه انا خايفه من العدوى منكم قال ابوهم اسمعو هالخبله وش تقول تبيني انا ابو مطلق افحص مثل الشغالات اعقبي يالعطرى يالحبصه عادي طنشت وفحصت وهم قالوا باكر نفحص وعرفت انهم مايعرفون وش معنى دختور المهم جاء الليل وقلت ماما انا وين انام وين تنامي ايوه ماما انا وين انام ابومطلق اسمع هالخبله وش تقول وش تقول ياام مطلق تقول وين انام بسيطه قولي لها مع الغنم بعدين شفت شي ماصدقته بابا وماما ومطلق وسعود وصيته كلهم نامو بالخيمه وماراحو للبيت وانا نمت جنب صيته باكر قمت بدري رحت اقيس ضغط ابو مطلق وااااااااااااااااوه عالي مره سكر ام مطلق واااااااااااااااه مرتفع مره الكلسترول عند سعود ومطلق فوق المعدل قلتلهم لازم البيت اليوم كله ياكل خبز بر قالوا ميخالف بس روحي حطي للغنم علف ايش بابا روحي حطي للعلف غنم اقصد للغنم علف بابا روح انت وشو انا اروح يالخبله اجل انتِ ليش جايه بابا انا مديرة منزل انا مربية وشو ؟ ايوه بابا اذا رحنا للبيت انا مسؤله عن الاكل عن الصحة عن البيبي رحنا وين يالخبله؟ للبيت يالخبله هذا بيتنا لالالالالالالالالالالالالالالالا [/c] [c]باكر نكمل :D :D :D [/c] |
|||||||
حَسْبـِي .. أنِّي أُنْثـَى ..
|
||||||||
25 / 04 / 2002, 56 : 03 PM | #2 | |||||||
عضو شرف
شكراً: 0
تم شكره 0 مرة في 0 مشاركة
|
يووووه أختي أردينا .....
حمستينا يا اختي ... نبي نعرف باقي السالفة .... أتوقع تنحاش ؟؟؟؟ بس وين تروح له في هالبران .... مسكينة .... قالت مديرة منزل ... يالله أردينا ... ننتظر باقي القصة ... |
|||||||
|
||||||||
26 / 04 / 2002, 34 : 02 AM | #3 | |||||||
من مؤسسي الوئام
شكراً: 0
تم شكره 0 مرة في 0 مشاركة
|
ملجلج
[c]ابشر اخووووووووووي اليك الجزء الثاني :
لالالالالالالالا كانت لا وكان معاه مرض وجوع وتعب نفسي ابومطلق وام مطلق وسعود ومطلق وصيته الغنم والبعارين هذولا بيتي وجيراني اليوم الاول ما اكلت واليوم الثاني قلت بروح الطبيب واليوم اعاشر جابو لي الطبيب اقصد الدختور لالا الدختوره ام موضي معاها بعض الحصى وماء ماله لون لكن له ريحه غصبٍ على اللي جابني خلوني اشرب شربت وعينكم ماتشوف الانور كنت مريضه وصرت بعداد الاموات بعد عشرين يوم قمت من مكاني وقلت لهم اودي اتروش قالوا ممتاز ونطمح لجيد جدا ياصيته تعالي صبي على هالخبله ماء صيته مشكوره انا ابي اروح اتروش ههه تروحين وين يالخبله خوذي بس هالبريق وروحي ورى الشق اقصد البيت وصبي على نفسك ماء طيب صيته والشامبو والجل وشو ذا هذا اكل يالخبله خلاص مشكوره صيته روحي وقفي هناك لايجون مطلق او سعود صيته واقفه والخبله على قولهم تتروش ياصيته ياصيته شوفي ام مطلق تناديك طيب يبه وراحت صيته والخبله خافت مرررره من ابو مطلق لكنه مؤدب جدا ماسوى شي لكن حط عند البيت كيسين شعير وربطتين علف وقال يالخبله لخلصتي من التروش حطي للبعارين هالشعير وهالعلف بابا مافيه مافيه انا بس اشوف صحتك انت ماما الا والله النشبه وبعدين انتِ تبين نرجعك لاهلك لالالالا بابا خلاص انا اسوي كل شي بس مافيه اروح بابا وماما وبعد احلى دش تاخذه الخبله راحت تسحب الكيسين والعلف للبعارين لكنه خايفه تقرب منهن جاء معاها ابو مطلق وساعدها وانتهت اول مهمة على خير ويوم جاء الليل كانت السهره عند ام مطلق وطبعاً تبي تخلي صديقاتها يشوفن ان عندها شغاله تعالي صبي القهو لام موضي الدختوره وام الجازي وام ناصر وام دخيل الله انشالله ماما انشالله جت المسكينه ماسكه الدله باليمين والفنجال باليسار ومدت الفنجال لام موضي جت ام موضي وزعلت وقامت تهاوش ادري يام مطلق انت بالعنايه مخليتها تمد لي باليسار ليه اني ماني رجاله عندك يا ام موضي والله انت ارجل من كل الرجالات لكن هذي خبله ماتعرف تصب والله ماتعرف ماتعرف اسمعي انتِ اذا بغيتي تصبين امسكي الدله باليسار والفنجال باليمين انشالله ماما وجت وسوت مثل ماعلموها لكن ام دخيل الله هم زعلت ليه يا ام مطلق انتِ جايبتنا علشان تفشليننا وش فيك يام دخيل الله ليه شغالتكم تملا الفنجال ليه اني مااني رجاله مثل ام موضي لا والله انت رجاله ونص لكن هذي ماتعرف تصب واستمرت السهره كلها هواش لهالمسكينه جاء الفجر الفجر الفجر مال اول مو فجرنا حنا الساع ست والا سبع لا الفجر الساع اربع واربع ونص ام مطلق يام مطلق لبيه يابو مطلق الفطور وينه طيب انتِ هيه انتِ ابو مطلق الا هي وش اسمها والله يا ام مطلق ماادري ما سألتها طيب قوميها خل نسألها قمت من احلى نومه باحلى جو قال ابو مطلق انتِ وش اسمك بابا انا هالحين لي شهرين ولا تعرف اسمي انا اسمي ناجتيم سيتي فايشه وشو وش اسمك ايوه بابا هذا اسمي ام مطلق وش نختارلها اسم لا بابا انا ماابي اسم ثاني اسمي حلو حلو عسى ماتحلى ايامك خلاص اسمها العنود انتِ اسمك العنود على اسم ناقتنا الصفراء لا بابا الا ونص يالله سوي الفطور وجت تعلمه ام مطلق وشلون تشب النار ووشلون تعجن ووشلون تحلب الخلفات كانت ايام مايعلم به الا الله ومرت عليّ ست شهور اتروش فيها بالشهر مره وغيري ثوبي بالسبوعين مره وامشط شعري كل صبح مع انهم يقولو خلصتي الماء بيني وبينكم حبيت هالجو بس فيه شيين مضيقات صدري الاول مافيه رسايل لاتروح ولاتجي الثاني نظرات ابومطلق لي حاسه انه يغازلني خاصه لاصرت احلب الخلفات ولاصارت ام مطلق تسوي الغدا ومرة من المرات جتني ام مطلق وقالت انتِ معرسه قلت لها وشلون معرسه قالت انتِ متزوجه قلت ليش ماما قالت اولدي مطلق يبي يحيرك سألتها يعني وشلون قالت يبيك زوجه له قلت لازم اروح ديرتنا ولازم بابا يوافق ولازم ولازم قالت حنا نجيب ابوك راعي يساعدك وناخذ رايه طيب ماما مافيه مشكله ابو مطلق سمع هالكلام وقال لالالا العنود لي انا وانا ابو مطلق وشو يابو مطلق انت ماتستحي على دمك تاخذ مرت ولدك لا ما استحي انتم اللي ماتستحون تاخذون العنود مني وانا اللي جايبها والله ياللي يقرب منها لارميه مثل ما ارمي الحبارى اها بس مابقى الا ذي يابو مطلق عين خير اسمعي انتِ والله ان ماعقلتي لاطلقك لا لا خلاص بكيفك يابو مطلق بابا لكن انا مايبي انت ولا يبي مطلق انا يبي انا يبي انا يبي دخيل الله ولد ام دخيل الله افاااااااااااااااااا ياذا العلم وش هالكلام يام مطلق وراح ابو مطلق لابو دخيل الله ((طبعا دخيل الله شاب وسيم يعرف يقرأ وفارس شجاع يركب الخيل ويصيد ودايم يجيب للعنود ارانب عشان كذا حبته واحيانا بالليل تجي العنود هي وصيته لاخت دخيل الله ويصير بين العنود ودخيل الله نظرات بريئه)) [/c] |
|||||||
حَسْبـِي .. أنِّي أُنْثـَى ..
|
||||||||
26 / 04 / 2002, 52 : 03 AM | #4 | |||||||
وئامي فعال
شكراً: 0
تم شكره 0 مرة في 0 مشاركة
|
ناجتيم سيتي فايشه سار اسمها العنود
شئ جميل وبعدين نحن بالانتظار سلام |
|||||||
حبيبي لو رحلت بعيد بعيش أوفا من ظنونك***يمر الوقت من عمري ولا بدل غلا ودك
|
||||||||
26 / 04 / 2002, 14 : 08 PM | #5 | |||||||
عضو شرف
شكراً: 0
تم شكره 0 مرة في 0 مشاركة
|
السلام عليكم ......
مرحبا اختي أردينا .... أشوف القصة انقلبت لفلم حلووو ... شوقتينا .... ودنا نعرف وش صار للعنود .... يالله حنا في الانتظار ..... |
|||||||
|
||||||||
27 / 04 / 2002, 05 : 01 AM | #6 | |||||||
عضو شرف
شكراً: 0
تم شكره 0 مرة في 0 مشاركة
|
لا اله الا الله
ردونه ما سارت قصه ولا فيلم حتىسارت معلقه لا والعنود كمكان يا ما نعيش ونشوف |
|||||||
|
||||||||
27 / 04 / 2002, 58 : 06 PM | #7 | |||||||
العضويه الفضيه
شكراً: 0
تم شكره 0 مرة في 0 مشاركة
|
لا لا لا هذا مافي فيلم مافي معلقه
لا لا لا هذا مافي فيلم مافي معلقه هذا إنتم عشان في
سهود (شهود) بعدين في دعوة زواج كلكم معزومين عند بدو في وانيت واحد عسان مافي إساراة إرسادات باي سلامات :D :D :D |
|||||||
وليس بمنسوب إلي العلم والحجا. فتي لاتري فيه خلائق أربع .فواحدة تقوي إلا له التي بها. ينال جسيم الخير والفضل أجمع .وثانية صدق الحياءفإنه .طباع عليه ذوالمروإة يطبع. وثالثهاحلم إذ الجهل اطلعت.إليه خبايا من فجورتسرع.ورابعة جود بملك يمينه إذنابه الحق الذي ليس يدفع
|
||||||||
28 / 04 / 2002, 10 : 01 AM | #8 | |||||||
من مؤسسي الوئام
شكراً: 0
تم شكره 0 مرة في 0 مشاركة
|
بعد دي اتش
شفت حال الدنيا كل شيء جايز فيها حتى هالهندية صار اسمها عنود .. تابع معنا الأحداث :D
|
|||||||
حَسْبـِي .. أنِّي أُنْثـَى ..
|
||||||||
28 / 04 / 2002, 13 : 01 AM | #9 | |||||||
من مؤسسي الوئام
شكراً: 0
تم شكره 0 مرة في 0 مشاركة
|
ملجلج
شو رأيك فيني أنفع أصير محكواتي :D
|
|||||||
حَسْبـِي .. أنِّي أُنْثـَى ..
|
||||||||
28 / 04 / 2002, 15 : 01 AM | #10 | |||||||
من مؤسسي الوئام
شكراً: 0
تم شكره 0 مرة في 0 مشاركة
|
لولوة
ههههههههههه
لا تستغربين ماخفي كان أعظم :D |
|||||||
حَسْبـِي .. أنِّي أُنْثـَى ..
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|