كيف كان العيد زمااان ؟؟

بسم الله الرحمن الرحيم

هلا فيك كل أبوكم ،،، أكتب موضوعي هذا

وأنا أبي أطلع للسوق أبي أشتري أغراض العيد

ماقلتولي أحد يبيني أجيبله شي معي ؟

الله يرحم أيام زمان كنا نشتري الأغراض من نص رمضان

لا كنت أشتري هالفستان الي ياخذ العقل هك النفاش إلي يطير العقل

<<< أدري تقولون من وين طالعه هذي من أي عصر؟

وهالفستان ساعة البسه وساعه معلق

<<<<< ادري تقولون مطفوقه بس ماعليه

وأجمع هالشبصات والبكلات أربطهن بقروني (( شعري ))

بس هذي باللغه الكازخستانيه

وتشوفوني ساعة لابستهن وساعة منزلتهن أبغهن

لاجاء العيد تطلع جدد واقهر البنات،

وأذا جت لليلة العيد ياربي وش يصبرني الين يطلع الصبح

وأقعد أحوس بالحناء وحاطته على يدي

وإذا قمت الصبح إلقى توقيع العيد على جبهتي كالعاده

من الحناء وأنا نايمة وأحلم بهالفستان وهالشباصات

وماأصدق يطلع الصبح إلا وأنا أسابق أبوي من يقوم قبل الثاني

ويتحمم ويتلبس للعيد

ومن قبل عصفير الفجر وأنا لابسه ومتجهزه

اسم الله على قلبي وش ملحي كأني

(( هايدي )) p:p


والحين والله حتى بدف يالله أطلع أروح أشتري

سبحان الله يازمن كل شي تغير فيه

حتى فرحة العيد تغيرت

أقول المهم ماقلتوا لي وش شريتوا؟؟

خاصة البنات وإلا أنتم يالعيال ثوب وشماغ وانتهى الموضوع عندكم

يعني ماساكين تشترون وإلا ماتشتروون ماكأنكم سويتوا شي |11|


أدري طولت عليكم بضف قشي :o

أرق تحيـــــه وأعذب سلام ،،

تنـــــــــــا هيـــــــــد

هلا وغلا وأجمل مسهلا <<< مدري كيف جت بس أتوقع تنفع :D

	ماقلتولي أحد يبيني أجيبله شي معي

لا أوصيك أبيلي ميدالية لمفاتيح السيارة

	لا كنت أشتري هالفستان الي ياخذ العقل هك النفاش إلي يطير العقل

الفساتين النفاشة ‍‍!! والله الموضة القديمة :p

	والحين والله حتى بدف يالله أطلع أروح أشتري سبحان الله يازمن كل شي تغير فيه حتى فرحة العيد تغيرت

انا مثلك والله ما عاد أتحمس للعيد

دام ما فيه فلوس وش يحببني به :D

وخلااااااص العيد صار روتيني .. الساعة 7 ونص وأنت تقوم تعايد لين ما ينهد جسمك

اللللللللله يا زمان الماكنتوش :D

..

موضوعك يا تــناهيــد خلاني أرجع 11 سنة ورا .. أيام عز الطفولة

يعــطيك العــافية عالمــوضوع العسل

بانتظار جــديدك دائما تــناهــيد

تحــياتووو

هلا بالغالية تناهـيــــد

	وأذا جت لليلة العيد ياربي وش يصبرني الين يطلع الصبح وأقعد أحوس بالحناء وحاطته على يدي وإذا قمت الصبح إلقى توقيع العيد على جبهتي كالعاده من الحناء

ذكريات ايام الحناء
الحين الناس خلاص صاروا يروحون للنقاشات خخخخخخ
<< = = = من سنيييين ماحطت حناء ولافكرت تحط !!

	ومن قبل عصفير الفجر وأنا لابسه ومتجهزه

الحين الزمان تغير وصار الصبح ليل عند بعض الناس وانا منهم !

	أقول المهم ماقلتوا لي وش شريتوا؟؟ خاصة البنات

<< == توها بتروح تشتري بكره ان شاء الله

	وإلا أنتم يالعيال ثوب وشماغ وانتهى الموضوع عندكم يعني ماساكين تشترون وإلا ماتشتروون ماكأنكم سويتوا شي

حظهم مرتاحييييييييييين
مو مثلنا يالبنات
ههههههههههههه

موووووووووضوع رووووعه ...
كــل الشــــكر والــتــقدير لك ...

(( ياهلاااااا وغلاااااا لها عيوونك ))


تسلم أخوي على حظوورك ،،

ولا خلا ولا أعدم من الأخوان الطيبين ،،

بس ماقلتلي وش كانت تسوي وأنت صغير ؟؟

ومغامرات الطراطيع والشرووخ


<<< ناشبتلك في كل مووضوع


>>> شكله يبي يحرم يدخلي مواضيع

كل عام وأنت بألف خير

وعساك تعيد هالسنه وكل سنه (( آميــــــن))

تنـــــا هيــــــد

	بس ماقلتلي وش كانت تسوي وأنت صغير ؟؟ ومغامرات الطراطيع والشرووخ

مالله عطاني منها سبحانه ..

طول عمري ثقل بسم الله علي :D

	<<< ناشبتلك في كل مووضوع >>> شكله يبي يحرم يدخلي مواضيع

لا عااااااااد اييييييش دعوااااااااااااا

على فكرة ... ترا استدراج العضو أو المشرف عشان يرد مرتين فن :D

وأنا أقدر اللي يتعاملون معه :D

الله يستر لا ينقلب الموضوع شات

	اسم الله على قلبي وش ملحي كأني (( هايدي ))

ايه طيب

...

تشكرااااااااات خيتوووو تن تن

(( لمياء هلا وغلا فيك ))

تسامين أختي على تواصلك ،، وتشرفت بحظورك ،،

وأنتظر أبي أشوف وش شريتي ،،

علشان أشتري مثلك ،،

لك حبي وتقديري ،،

تنـــاهيــــد

(( هلا فيك لها عيوونك ))


مالله عطاك من الطراطيع هاااااااااه ؟؟ :D


أهي هين أنت وخشتك |3|


حلووووووه خشتك أعجبتني مسويه أموون |5|


طول عمرك ثقل

إيه هين ،،،،، |11|


وبعدين ليه هايدي مو معجبتك أحسن من بيتر |11|


يسعدني حظورك ،، وتفرحني ردودك أخوي لها عيوونك


تنـــــــا هيــــــــد

	سبحان الله يازمن كل شي تغير فيه حتى فرحة العيد تغيرت

--------------------
والله ألحين أحلى شي بالعيد يوم أسمع :
الله أكبر الله أكبر
لا إله إلا الله ... الله أكبر
الله أكبر ولله الحمد
(يازين هالتكبيرات)
وبعدها (إذا إنتهوا من التكبير يعني)
ينتهي العيد بالنسبه لي ..
وتحلى النومه...
وياسلام عليكي أختي ..
موضوع جميل وشيق.. وذكرتينا بأيام حلوه ..
وماأقول إلا :
هل من مزيد

(صنديد)

هلا وغلااااا ومررررحبنبوووه صنديد


تسلم على مرورك وألف شكر للمشاركه ،،


ماقلت لنا عن مشاركاتك ,انت صغير ؟؟


يعني حكاياااات زمان ياجدو سرحان


وش كنت تسوي لليلة العيد ؟؟


تحياتي ،،

تنــــــا هيـــــــد

ياهلا ابله تناهيد

منووووووره الترفيهي كله :D

حكاوي العيد ومقاضي العيد حلوة احس فيها فرحة العيد
عادة توارثناها منذ مبطي
انه بالعيد لازم كل شيء جديد
بدء بفستان العيد انتهاء بالجزمه الله يكرمكم
والبيجاما وماجاورها
بصراحه بالنسبه لي
اهم شيء عندي الخواتم
لازم كل عيد اشري خواتم والا مااحس اني عيدت زين :D

تسلمي تنتوووووووونا