بصراحة قصصصة محزنة جد

18 / 02 / 2003, 50 : 03 AM

"" أبي أعرس ...... زوجوني "
نزلت هذهي الكلمات مثل الصاعقة على الأم كانت صدمة لها مع أن المفروض أن كل أم تفرح لما تسمع هالكلمة من واحد من عيالها لكن سبب الصدمة كان أن هالكلمة ما صدرت من ولدها ..لكنها صدرت من .... من .... من " بنتها " إيه " بنتها "
و الله النشبه ....أنربط لسان الأم دارت فيها الدنيا ..قامت تهوجس الولد نقدر نخطب له ... لكن البنت بنبحل بها ..من وين بنجيب لها رجل !!!!!
" يمه ... ردي علي .. تكفين ... زوجيني "
صحت الأم من الهواجيس الساخنة ... القاتلة ...اللي أصابتها من الصعقةالسابقة
كانت البنت تهز كتف أمها .. و تترجى فيها :
" يمه ... أفهميني ... أنا أبي أعرس ... " ......

لكن الأم ما قدرت ترد بأي كلمة ..كانت بس تناظر في عيون بنتها و تقول بينها و بين نفسها :
" هذي اللحظة إللي ما عملت حسابها .... الظاهر بنتي كبرت و أنا ما أدري ..."
رجعت البنت و رمت بنفسها على الكرسي بكل إحباط و قالت :
" أنتم ليش ما تبون تفهموني .. أنا خلاص كبرت ... صرت حرمه .. عمري الحين فوق العشرين سنة .. يعني حرمه .... أفهميني يمه الله يخليك "
أخيراً تكلمت الأم و قالت :
" خلاص يا بنيتي ... فهمتك " ...
وهي قاعده تفكر وشلون تبي تفاتح الأبو في هالموضوع ... لا المصيبه !!!!
قربت البنت من أمها و قالت :
" يمه وشهو اللي خلاص ... أنتي تحسبيني الين الحين بزر ... بتصرفيني ؟؟ .. أنا حرمه .. أنا الحين صرت حرمه .. و كل صديقاتي اللي معي تزوجوا ... يمه الله يخليك حسي بشعوري "
والأم مسكينة يتقطع قلبها على بنيتها .. و تقول في خاطرها :
"الله يعينك يا بنيتي .. كل هذا في قلبك و متحملته "
والبنت أستمرت في صراحتها ...
" يمه أنتي أكيد تعرفين مشاعر أي بنت في عمري .. و أنا ما طلبت شيء خطاء ..طلبت العرس بس .. "
و هوجست الأم :
" العرس بس !! .. إيه هين بس .. هو العرس ينقال عنه بس ؟؟ !! "
و كملت البنت :
" يمه سامحيني على صراحتي بس ما لي غيرك أفضفض له أنتي لو تعرفين شلون إحساسي كلما فكرت في صديقاتي المتزوجات أتخيل سعادتهم ... و أتصور شعورهم فاهمتني يمه ؟؟؟ "
وقفت الأم في مكانها .. و حاولت إنها تكون صارمه عشان تنهي الحوار و قالت:
" خلاص يا بنت .. قلت لك خلاص ..
أنا فهمت و ماله داعي كل هالشرح
وإذا جاء أبوك تفاهمت معه ... أنتي تحسبين الموضوع سهل .. بينجلط الرجال فيها "
قامت البنت من مكانها .. و واجهت أمها و قالت :
" لا .. ما بعد فهمتيني .. و لا حسيتي باللي أحسه أنتي عايشه في نعيم .. أنا أشوفك كل يوم تروحين مع أبوي .. و أنا محرومه من هالشيء .. تحسبيني ما أفهم .. ما أحس أعرف شعورك لما تكونين مع الوالد "
ومسكت كتوف أمها بين إيديها و حطت عينها بعين أمها و قالت :
" يمه أفهمي ليش أنا أبي أتزوج .. "
الأم ما قدرت و دارت و جهها عن بنتها و قالت :
" يا بنت إستحي "
لكن البنت كملت كلامها :
" يمه المسأله ما فيها حياء .. هذي مشاعر طبيعية .. كله كوم .. و منظر صديقاتي كوم .. كل يوم أشوفهم الصباح يجيبونهم أزواجهم للكليه وأنا قلبي يتفطر أشوف أشكالهم مع رجالهم .. و أنقهر .. وأنا كل يوم أركب مع السواق للكليه يمه أنا كلي أحاسيس و مشاعر .. يمه أفهميني عاد "
لكن الأم ما أستحملت طاحت على الأرض مغمى عليها والظاهر إنها إنجلطت ..
جلست البنت على ركبتيها .. جنب أمها .. تحاول إنها تصحيها و هي تصرخ :
" يمه أفهميني ... أنا .... أنا .... أنا ....
أنا أبي أتزوج عشان ..
عشان أبي أركب
قـــــــــدام "

منقوووووووول "

18 / 02 / 2003, 45 : 06 AM

ههههههههههههههههه

حسبي الله ونعم الوكيل عليك

تراك جننتني

سلاموووووووووووووووو

18 / 02 / 2003, 25 : 04 PM

:D:D:D:D:D:D

هلا والله بالكاسر
نورت المنتدى العام بقصة غير طبيعيه منك
مشكور والله
ولاتحرمنا طلاتك

لولوة

18 / 02 / 2003, 14 : 07 PM

" يمه أفهميني ... أنا .... أنا .... أنا ....
أنا أبي أتزوج عشان ..
عشان أبي أركب
قـــــــــدام "

|3||3||3||3||3|

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصة طفل فلسطيني محزنة	ماري	‏ \|\| اوْرآق مُلَوَنة ..	5	22 / 06 / 2006 49 : 02 PM
اتق شر من أحسنت إليه....!!!	الجوووري	‏ \|\| اوْرآق مُلَوَنة ..	11	14 / 10 / 2004 57 : 11 AM
(((( قصة محزنة جدااا))))	دربك خضر	‏ \|\| اوْرآق مُلَوَنة ..	5	09 / 12 / 2003 19 : 09 PM
لغز محسوب جدا جدا ( !!!! )	شيحان	الالغاز المحلولة	43	10 / 10 / 2003 51 : 09 PM
إنني أحسنت الإختيــــــار	دنيا	‏ بوحْ الشعِر والنثر ..	17	13 / 09 / 2001 55 : 03 PM

الذين يشاهدون محتوى الموضوع الآن : 1 ( الأعضاء 0 والزوار 1)