اريد وجهة نظر البنات والشباب اذا يبون يشاركون ..

هذا سؤال لقيته بالجريده قبل فتره واخذت اتناقش فيه مع زميلاتي بالدوام وابي اعرف وجهة نظركم ..

اهو يخص البنات اكثر بس موضوعي مفتوح لكلا الجنسين ..

شنو اللي ممكن تتسامحين فيه مع زوجك ..

انه يخونك مع امراءه اخرى ويرجع لك .. او انه يتزوج عليكي ..؟؟؟

جميع البنات في دوامي ابدو وجهة نظر واحده تقريبا بس ابي اعرف رايكم بعد ..

وانا بانتظار مشاركاتكم ..

مرحبـــــــــــــــــــا ...........فطــــــــامي

الامرين احلهما مر بالنسبه للفتيات ...........

للاسف ان سبيل الحرام اسهل واقصر من الحلال

في تصوري ان المراء لو خيرت بين هذين الامرين لاختارت

ان يخونها والمهم يكون لها وحدها في النهايه

ولا تقبل باي حال ان يتزوج عليها

اي انها اختارت له الحرام

وحرمت عليه الحلال .......لمصلحة شخصية
...........................
وفي رائي لو ان كل زوجة نظرت الى زواج زوجها من

اخرى هو ابتلاء لها وصبرت عليه فان الله سياجرها
...
اضرب مثلا
الجهاد في سبيل الله له من الاجر العظيم الشي الكثير

ولكن من منا يمكن ان يذهب للجهاد بسهوله دون خوف او تردد
...................
والمهم في الامر انها تعرف انه مع زوجة اخرى

نظيفه في بيتها

وليس كل ليله في احضان فتاة

وربما ينقل لها امراض هيا في غنى عنها

..اعتذر على الاطاله


...................
تحياتي ،،،،،

تحياتي فطامي

يعطيك العافية من جديد وياهلا

عزيزتي اعتقد اني مايد ابدا لازواج مرة ثانية ولاخيانه

يعني يوم يصير كذا اترك الهم واذا كان هذا النهاية لاي مشكلة

اعتقد اني اسامح اذا ترك الطرف الثاني الاول بعد زواجه تحياتي

المسافر0....

انا فطامي اذا خيرني رجلي (الله يجيبه) بختار انه يتزوج علي ولا يسوي شئ حرام بس اني ادور الرومانسي مع دانه ورحايل اذا لقيته ما اتوقع انه بيسوي شئ من هذه الاشياء

هلا بأختي فطامي كيفك تبون الصراحة انا لو كنت مكانها اقول له تزوج ولا تقرب الحرام
لكن ان لما تقولي زوجتي (ياحسرة وينها) خن ولا تتزوج طبعا اتزوج واتركها

سلام

تسؤ ..
والله مشكلة ..

أنا بصير طماعة :o مابي الاثنين .. لازم يعني .. يايخون يايتزوج ؟!!
أبيه يملكني وأملكه على حد سواء ..

وبالنسبة لسؤالك عيوني فطامي ..
واضحة الإجابة اللي راح يختارها الكل .. أكيد الثانية
لأن الأولى فيها خداع , فيها طعن في الظهر
وأسوأ شي على الإنسان أنه يكتشف انه اللي أعطاه الأمان يخدعه
فمابالك إذا صار بين الزوجين
والشي الأهم إن الخيانة محرمة , والمرأة اللي تحب زوجها أكيد ماتتمنى له الشي هذا

لكن كمان مافيه زوجة تتمنى زوجها يتزوج عليها ..
وفي كلتا الحالتين هو ماراح يلجأ للخيانة او الزواج إلا إذا صار قاصر عليه شي
وإذا الزوجة مقصرة فعلا في حقه ( باستثناء الرجال اللي مايملا عينهم شي )

ووووووبس

يالله سلام ..

مراااحب...

اهلين بالغاليه .. فطامي ..

اول شي .. احب اقولك .. انك وحشتينا ..

وبالنسبه للموضوع اكيد الاختيار راح يكون
ان المرأه ترضى بالخيانه .. لاكن لا يتزوج
عليها .. لان الزواج هو اكبر المصائب بالنسبه
لها .. والخيانه تستطيع ان تتعايش معها ..

وبس ..


وتحياتي لك




الكوبرا...؟؟؟

مراااااااحب.....



ااااااااااا سؤالك صعب واجابته اصعب...
كلا الامرين مر....


لكن لو حيرت بين الااثنين...الثانيه ارحم...
لان الواحد اذا خسر دينه واخلاقه...خسر كل شي..ولا ايه..........

السلام...

اولا احب اشكركم كلكم على مشاركتكم ..

امير الليالي ..

المسافر ..

المملوحه ..

محمد القحطاني ..

شموسه ..

abs33 ..

الكوبرا ..هلا وغلا بالكوبرا شلونك عزيزي حمد الله على السلامه ومشكور على كلامك الحلو وماتشوفش وحش (( بالمصري ))..:D:D

تسلمون على مشاركتكم يا اعزائي ..

بس في نقطه انا ماوضحتها ولها اثر بالموضوع ..

انا لما قصدت الخيانه ..انه يخونها مره او مرتين ويرجع لها تاااااااااااائب ..يعني يقولها ماراح اعيدها..ويعتذر لها ..

هل تسامحه هني وتفضل على هذي النزوه الزواج ولا تقول انه غلط وتاب بس انه ما يتزوج علي ؟؟؟؟؟؟

اللي خانها مره يافطامي اكيد بيعجبه الوضع ويخونها اكثر من مره صح والا انا غلطانه