نام الوئام

....................

..................................

ما تحسون ان منتدانا فتر ؟؟
والفتور طبيعي . بس هالايام زاد ..

نام الوئـــــام وقالو البعض . ما نام........
.............. واقول لا والله غرق في منامه ..

سافر حمود وعاود القنص ضرغام...........
.............. والخمسه الخمسه عليهم ملامه...

يا جعل يومن غمّدت فيه الاقلام ..........
.............واستبدلت عفر الورق بالجهامه...

يمضي ولا يرجع على مرّ الاعوام........
............. مهمــاز دخّـــان (ن) ليوم القيامه ..

وين القروم اللي يرزّون الاعلام ؟.....
............. اللي سناهم في سماهم علامه ...

ان كان ناموا يا عسى حلو الاحلام ......
............ تبدي لهم نور الهنا والسلامه ...

واللي ورا... هيّــــا تقدّم لقـــدام........
............. احضب وعدّل جلستك بالمسامه...

تحياتي

صح لسانك

بسم الله الرحمن الرحيم

المنســـــــــــدح10

السلام عليكم ورحمة الله وبركاته
صح الله السانك

والله لا يهينك

[poet font="Simplified Arabic,5,darkblue,bold,normal" bkcolor="transparent" bkimage="backgrounds/16.gif" border="none,4,gray" type=2 line=200% align=center use=ex length=0 char="" num="0,black" filter=""]
يا المنسدح يا مرحبا عد من صام = واعداد من زكى وقضى صيامه
المنتدى يا خوك يسبح بالأحلام = واكيد بعد الحلم تجلى الغمامه
وانا معك لكن الأعراس قدام = ما خلت احدٍ يبتعد عن عمامه
واصبر وبعد ايام نرجع للأرقام = واللي مسك فكره بيرخي خطامه

[/poet]

الحسام

للجميع التحية والسلام

وين القروم اللي يرزّون الاعلام ؟
............. اللي سناهم في سماهم علامه .

اي والله وينهم ..لكن انت في الشعر ..هه وربعه ..لو بغوا شالوه في يوم

شف بلوى جيرانكم تهون عليك مصيبتك :D

والله يصبر الموعود

داهية الوئام

الشاعر المخالف للعاده


الشاعر الرائع


واخي الفاضل العاشر


وناااااااام الوئاااااام ورااااااائعه جديده رغم ان موضوعها آلمني

صح لساااااااانك ملاااااااايين يالقرم

واللي نام بكره يصحى انشالله بوجود العمالقه شرواك يالذيب


اختك واخت الجميع رعبووبه

كله كووووووم والتوقيع لحاله كووووم :D:D

رح ياشيخ الله يوسع صدرك كثر ماضحكت على هالصورة :D

المهم

قصيده روعة ومثل ماسمتك رعبوبه الشاعر المخالف للعادة

يعطيك الف عافيه

والله يرد الغياب مثل ماردني اليوم

ويصبح الوئام شعلة نشاط من جديد

تحياتي

[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,blue" filter=""]
ياالمنسدح قوم انتبه جاك زهام=رجل عطيب ولا تشيله عظامه
من اولن يسرح مع الذودمجهام=واليوم همبرجر لك الله طعامه
ومن اولن ثوبه مرودن بلا اكمام=واليوم لابس جنز جلد حزامه
ومن اول اصحابه مريبد وسطام=واليوم غيرهم بهاني واسامه
والمنتدى حقه على السيف وحسام=اهل الوفاء والطيب واهل الشهامه
وكلن يجي معه كفيله ولزام=حنا على القاضي رمينا العمامه
نبيلنا قاضي خبير بالاحكام=رجل بسلم النت عنده فهامه
فاما نصينا(زيد)والا (بن غنام)=اهل العلوم الطيبه والزعامه
[/poet]

يالمنسدح قم واخذ تفسير الاحلام
------------- من شاعرن لا قال يازن كـــلامه


المنتدى من غير شرواك ماقام
-------------- انتم مرد العلم وانــــتم تمـــامه


اليا 00رقدتم تبدي فيه الاسقام
-------------- والى تحركتم شفى من سقامه



اخذ الحقيقه كاش يانسل الاكرام
--------------- والحر مثلك يكتفي بالعـــلامه


الله يكافي شر دورات الايــــام
---------------- ويجعل لنا من كل فتنه سلامه

*************************************************

اخي العزيز وشاعرنا المميز
دائما لكل ماتقدم نكهه خاااصه
هذي مداخله لاتليق بالمقام
وتمنيت لو انها كانت اجمل واجزل من ذلك
لكن اخوك تعرف مشتط هاليومين
في تجهيزات السفر
والطيب مثلك يعذر.
لك كل الود والتقدير يامنسدحكوووووووو

.......



أمواج الخليج

صح بدنك

والسلام

.................


أبو ابراهيم

صح لسانك وبدنك

وأشكرك شكرا جزيلا على هالمدااخلة الرائعة ..


تكرم اخوي على تفاعلك

والله يعطيك العوافي ......

والسلام




منسدحكووو