شاعر الاسبوع .. الامير .. خالد الفيصل ..

سقى الله امسي العاشق

ونورك بالسما شارق

تعاطينا المحبه شوق

تساقينا هوانا ذوق

نقول لليل لا ترحل

ترى الباقي معك اجمل

سرينا والوعد باكر

حضرت.. ولا حضر باكر



الله الله الله

تسلم يديك .. حالمه ..

كفاني عذاب الله يجازيك بأفعالك = جرحت الضمير ولا طرا لك تداويني
مريض المحبه داه و دواه بوصالك = الا كيف تبخل و انت نظرتك تشفيني
الا واعذابي كيف ما عاد يهنا لك = سوى انك تشوف الموت بيديه يطويني
انا يوم احبك ما تذكرت غربالك = ولا قد خطر في بالي انك تجافيني
تفرغت لك يا ساكن القلب بالحالك = تقل غيرك من الناس ماهم بحيّيني
انا قام يطرالي بالاحلام مرسالك = و طيفك حبيبي بين الاحلام ناسيني

ظلمتني والله اقوى يجازيك = باللي بلاني خالق الناس يبلاك
شابهت عدواني وانا طامعٍ فيك = اقرب قريبٍ لي هقيت انه اياك
اللي جرالي منك ماهوب خافيك = و روحي على حدّ الخطر من سواياك
والله ما غيرك بقلبي يوازيك = اغلى من الدنيا على الخد ماطاك
اشفق على اللايم الي جاب طاريك = ودّي يطول الشرح في حال طرياك
الشاهد الله من كثر ماني اغليك = في سبتك لو راحت الروح تفداك

يالي تعرفون الهوى لاتلومون = يلومني من لادرى ويش حالي
الحب يودع عاقل الناس مجنون = و يودع كبير السن مثل العيالي
و اهل الكرم و الجود لجله يذلون = يشحذ عزيز النفس فيه الوصالي
و ان ساعد العشاق حظٍ يسجون = اسعد ليالي العمر هاك الليالي
و ان عاكست سود الليالي يموتون = الحب غربالٍ من اول و تالي

يا شروق الشمس من عقب المطر
يرتعش مثل الذهب فوق الغدير
يا صباح العمر طاولت السهر
في رجا الله ثم جذّاب النظير
ليلتي عقبك تشوّق للقمر
ما تعوض نجومها لو هي كثير
كل ما روّحت فكري والنظر
عوّد الخاطر على قلبي كسير
انت لي مثل المسيله للشجر
وانت ورد العمر يا نفح العبير
ان حضرت اغلى مطاليبي حضر
وان رحلت القلب نهّض للمطير
من عرفتك ما تذكرت الخطر
بايعٍ عمري على حدِ شطير
شوفتي لك هي مطاليع الخطر
وش عقب عينك على العاشق خطير
وش عقب عينك على العاشق خطير

أستطيع امنع لساني لايقول
و استطيع امنع عيوني لاترى

و استطيع امنع يديني لا تنول
و امنع اذني عن سواليف الورى

لكن المشكله أنا وش لون أحول
دون فكري لو خيالي به سرى

شارد افكاري على رغمي تجول
كلما عن الهوى والا طرى

كل نجم للخيال اصبح ذلول
بالفلك طواف لا ضاق الثرى

شاغلي يا راعي الطرف الخجول
باع حبك في خفوقي و اشترى

يا ربيع القلب في كل الفصول
ورد حبك فاح عطره و ازهرا

مرني طيفك على العادة عجول
عز طيفك مثل ما عز الكرى

مانفع تحذيري القلب الجفول
يرقد الخالي و عيني تسهرا

باسألك قل لي ولو فيها فضول
كيف تذبح من يشوفك ما درى

أستطيع امنع لساني لايقول
و استطيع امنع عيوني لاترى

و استطيع امنع يديني لا تنول
و امنع اذني عن سواليف الورى

لكن المشكله أنا وش لون أحول
دون فكري لو خيالي به سرى

شارد افكاري على رغمي تجول
كلما عن الهوى والا طرى

كل نجم للخيال اصبح ذلول
بالفلك طواف لا ضاق الثرى

شاغلي يا راعي الطرف الخجول
باع حبك في خفوقي و اشترى

يا ربيع القلب في كل الفصول
ورد حبك فاح عطره و ازهرا

مرني طيفك على العادة عجول
عز طيفك مثل ما عز الكرى

مانفع تحذيري القلب الجفول
يرقد الخالي و عيني تسهرا

باسألك قل لي ولو فيها فضول
كيف تذبح من يشوفك ما درى

يا زمان العجايب وش بقى ماظهر = كل ماقلت هانت جد علمٍ جديد
ان حكينا ندمنا وان سكتنا قهر = بين قلبٍ عطيب وبين راس عنيد
لو تفيد المدامع كان اسيل نهر = مير كثر التوجد والدمع مايفيد
اصبر ايام واشهر واتصبر دهر = وان حصلي مناتي جيت لوني بعيد
ارجي الله و اراقب كل مطلع شهر = يجلي الهم عني واعسى ما يزيد
ياغزالٍ فظوح الزين عنه اشتهر = في عيوني ملاك و وسط قلبي وحيد
محظي اللي يشّبه وجنتك بالزهر = الزهر ماله رماحٍ تصيب وتصيد
لو جحدت المحبه سقم حالي جهر = مير ماكل قلبٍ ياصل اللي يريد

ياقديم الغوص في بحر الهوى = وش لقيت بغبة البحر الغزير
علّم اللي جس شطه و اهتوى = مابعد جرّب طويله و القصير
قالو انه من جميع امرٍ حوى = فيه سر وفيه شر وفيه خير
واسمع انه من ركب موجه دوى = من فعل موجه غريقه يستجير
واسمع انه من لمس شطه غوى = مايفرق بين بحره و الغدير
واسمع انه من على تركه نوى = جذبه سحره ويرجع له كسير
لو تجرح فيه قلبه واكتوى = مايتوب ولايريح ويستخير
وش جمع حلوه على مرّه سوى = هي حلاة الحب في الكاس المرير
رغّبوني لين قلبي له هوى = وانذروني لين صدّقت النذير
خوفوني منه والقلب التوى = راغبٍ ومعيفه والخايف يحير
هو صحيح ان الهوى ماله دوى = خبّر اللي جاك عاني يستشير

هلّت دموع السما عند الوداع = و ارسلت غيومها شوق وحنين
مدلي يمناه وانهى الاجتماع = والهنا تبدّل بدمعٍ حزين
قال ودّع مايفيد الامتناع = الشقا مقسوم مير الله يعين
رمشه الفتاك وعيونٍ وساع = صوّرو بالقلب له رسمٍ حسين
شوفتي له ساعةٍ عندي متاع = متعة الدنيا نظر عينٍ لعين
لي ذكرت اللي حدر هاك القناع = مبسمه والخد مع نور الجبين
لو بغيت الصبر قلبي ما ستطاع = ياسعد ياكود فقدان الظنين
كل مالاح بسما حبي شعاع = اظلمت دنياي واشتد الونين
يا حسايف وقتنا والعمر ضاع = نجتمع يومين والفرقا سنين