الامير الشاعر محمد الاحمد السديري

هو الامير الشاعر محمد الاحمد السديري وهو غني عن التعريف لما له من شهرة واسعة ومكانة كبيرة وشاعرية فذة فهو اديب كبير ساهم في خدمة الادب الشعبي ورقيه وتألقه. شاعرنا هو محمد بن احمد بن محمد بن تركي بن سليمان السديري - رحمه الله تعالى - ولد عام 1340ه تقريبا في مدينة ليلى بالافلاج حيث كان والده اميرا عليها ثم انتقل مع والده الى الغاط ونشأ وترعرع هناك في كنف والده ودرس الابتدائية على يد الشيخ عبدالمحسن المنيع شغف في بداية حياته بركوب الخيل وكان معروفا بسرعة العدو الجري حتى قيل: انه كان يلحق الصعاب من الابل ويمسك بها مارس هوايته المحببة ركوب الخيل والهجن كما انه كان مولعا بالقنص واقتناء الطيور النادرة,, في السابعة عشرة من عمره اختاره الملك عبدالعزيز - رحمهما الله - اميرا على الجوف سنة 1357ه واثبت وجوده ودرايته وكان مما قام به تصفية قطاع الطرق والخارجين على الدولة على الحدود الشمالية والشمالية الشرقية ثم انتقل الى منطقة جيزان عام 1363ه وتولى امارتها ومكث هناك، وعندما ثارت المشاكل على الحدود السعودية اليمنية بعد الاطاحة بالامام يحيى بن احمد سيطر معاليه على الحدود بحنكة ودهاء وعين عام 68ه قائد للفدائيين السعوديين في فلسطين ثم اختاره الملك عبدالعزيز محافظا لخطوط الانابيب وقرر رحمه الله ان يتخذ مدينة عرعر مركزا للمحافظة وكانت حينذاك صحراء قاحلة وخوله الملك عبدالعزيز للتصرف بالاراضي فأسس ثلاث مدن رئيسية هي عرعر والقيصومة وطريف وساعد ذلك على توطين القبائل حتى اصبحت مدن مليئة بالحركة والنشاط والتقدم, بعد وفاة الملك عبدالعزيز نقل الى جيزان مرة ثانية ثم اعتزل المناصب الا انه عاد وتولى قيادة الجيش بالمنطقة الجنوبية ومكث ثماني سنوات حتى انتهت حرب اليمن وعاد وقضى بقية حياته متنقلا بين الطائف ومزرعته الخفيات شمال بريدة على طريق حائل حتى داهمته ازمة قلبية حادة لازم الفراش لمدة شهر حتى توفي عام 1398ه بالرياض ودفن بالخفيات في شمال القصيم - رحمه الله - وأسكنه فسيح جناته وقد رثاه عدد كبير من الشعراء بقصائد تدمي القلوب, اما شعره فهو يعد من ابرز الشعراء وأرفعهم منزلة وله مكانة في قلوب عشاق الشعر ومحبيه, ابو زيد ياليت الدهر ما غدى بـه=ياليت نفسـه توهبـت هبوبهـا رحل عن الدنيـا وذكـراه باقيـة=وسط المجالس معجزاته حكوا بها ابو زيد نطاح الامور الصعايـب=لولا الشهود الناس ما صدقوا بها الله مـن نـاس تذكـر محـمـد=إليا ابتلتهم مشكلة وابتلـوا بهـا نعم كان رحمه الله من المشهود لهم بمكارم الاخلاق فهو كريم سخي اليد يعطي ويساعد المحتاجين بلا حدود وكانت مجالسه دائما عامرة بالضيوف من جميع انحاء المملكة والخليج بل والدول العربية من ادباء وشعراء كما انه كان يتمتع بسعة الصدر وحب الناس ولا يمل من يجالسه من احاديثه الشيقة والممتعة وقد عرف عنه شجاعة نادرة وإقدام على الصعاب والحروب وكان ذكيا حاضر البديهة ملما بأحوال العرب واشعارهم وأدبهم وحروبهم ومواقفهم عالما بالانساب قوي الفراسة ومهما تحدثنا عنه لن نوفيه حقه ولكن دعونا نبحر مع قصائده الرائعة وشعره القوي العذب له عدد من القصائد يفاخر بها ويحق له الفخر منها قوله الله مـن هـم بروحـي سهجهـا=بخافي ضميري في كنين الحشا لاج احـر مـن نـار توقـد وهجهـا=منها خطر روحي على سلك ديباج وعين عسى المولى يعجل فرجهـا=يفوح ناظرها كمـا عيـن هـداج استرسلت للدمـع مسمـار هجهـا=غيظ يكظ عبارها مثـل الامـواج كم واحـد لـه غايـة ماهرجهـا=يكنها لـو هـو للادنيـن محتـاج يخاف من عوجا طـوال عوجهـا=هرجت قفا يركض بها كل هـراج يقضب عليك المخطية من حججها=حلو نباه وقلبه ابيض من الصـاج الله خلـق دنيـا وسـاع فججهـا=وعن ما يريب القلب لك كم منهاج والرجل وان شطت لياليك سجهـا=عسى تواليهـا بتشـر بالافـراج اما قصيدته الثانية التي لاقت شهرة واسعة وصدى طيبا والتي تغنى بها اخيرا فنان العرب محمد عبده وأداها بلحن جميل واثبت ان الشعر الشعبي متى ما وجد من يخدمه بالشكل اللائق فانه ينجح نجاحا باهرا وان له عشاقه ومتذوقوه الذين يطربون له ويفهمونه ويتفاعلون معه,, القصيدة التي معانيها جزلة وتصويرها بديع وهي مترابطة وسلسة وبها من الحكم ما لا يقوله الا حكيم مجرب اذ يقول شاعرنا يقول من عـدا علـى راس عالـي=رجم طويـل يدهلـه كـل قرنـاس في راس مرجـوم عسيـر المنـالي=تلعب به الارياح مع كـل نسنـاس في مهمهٍ قفر مـن النـاس خالـي=يشتاق له من حس بالقلب هوجاس قعدت فـي راسـه وحيـد لحالـي=براس الطويل ملابقه تقـل حـراس متذكـر فـي مرقبـي وش غدالـي=وصفقت بالكفين ياس علـى يـاس اخـذت اعـد ايامهـا والليـالـي=دنيا تقلب ما عرفنـا لهـا قيـاس كم فرقت ما بيـن غالـي وغالـي=لوشفت منها ربح ترجـع للافـلاس يقطعك دنيا مـا لهـا اول وتالـي=لو اضحكت للغبن تقرع بالاجـراس المستريح اللي مـن العقـل خالـي=ما هو بلجات الهواجيـس عطـاس ماهـوب مثلـي مشكلاتـه جلالـي=ازريت اسجلهن بحبـر وقرطـاس حملـي ثقيـل وشايلـة باحتمالـي=واصبر على مر الليالي والاتعـاس وارسي كما ترسي رواس الجبالـي=ولا يشتكي ضلع عليه القـدم داس يابجاد شـب النـار وادن الدلالـي=واحمس لنا يابجاد ما يقعد الـراس ودقـه بنجـر ياظريـف العيالـي=يجذب لنا ربع على اكـوار جـلاس وزله الى منـه رقـد كـل سالـي=وخله يفوح وقنـن الهيـل بقيـاس وصبـه ومـده ياكريـم السبالـي=يبعد همومي يوم اشمـه بالانفـاس فنجال يغـدي مـا تصـور ببالـي=وروابع تضرب بها اخماس واسداس لاخـاب ظنـي بالرفيـق الموالـي=مالي مشاريه علـى نايـد النـاس لعـل قصـر مـا يجيلـه ظلالـي=ينهد مـن عـال مبانيـه للسـاس لاصار مـا هـو مدهـل للرجالـي=وملجا لمن هو يشكي الضيم والباس بحسناك يامنشي حقـوق الخيالـي=ياخالق اجناس ويامغنـي اجنـاس تجعـل مقـره دارس العهـد بالـي=صحصاح دوِّ دارس مابـه اونـاس البـوم فـي تالـي هدامـه يلالـي=جزاك ياقصر الخنا وكـر الادنـاس متـى تربـع دارنــا والمغـالـي=وتخضر فياض عقب ما هيب يباس نشـوف فيهـا الديدحـان متوالـي=مثل الرعاف بخصر مدقوق الالعاس ونثير على البيدا سـوات الزوالـي=يشرق حماره شرقة الصبغ بالكاس وتكبر دفـوف معبسـات الشمالـي=ويبني عليهن الشحم مثل الاطعاس وله ابيات تظهر لنا حكمته وعقله وسعة علمه واطلاعه وايمانه بالله عز وجل فيقول عن المعجزات الثلاث : لولا الهرم والفقر والثالث المـوت=يالا دمي بالكون ياعظـم شانـك سخرت ذرات الهوى تنقل الصوت=وخليتها اطوع من تحـرك بنانـك جماد تكلمها وهي وسـط تابـوت=تاخذ وتعطي ماصدر مـن بيانـك وعزمت من فوق القمر تبني بيوت=من يقهرك لو هو طويـل زمانـك لولا الثلاث وشان من قدر القـوت=نفذت كـل اللـي يقولـه لسانـك ومن القصائد المتبادلة بينه وبين عدد كبير من الشعراء البارزين الذين لا يتسع المجال لذكرهم جميعا منهم سمو الامير سعود بن محمد وسمو الامير عبدالله بن محمد بن عبدالرحمن واصحاب السمو الملكي عبدالله الفيصل وخالد الفيصل والامير عبدالرحمن السديري والشعراء زبن بن عمير وناصر الفايز وعبدالله السلوم وعمير بن زبن وراشد بن جعيثن ومرشد البذال وسلطان بن بدر وفيحان بن عقيل وناصر بن بليهيد ورشيد الزلامي وقد اخترنا لكم ابياتا بينه وبين الامير خالد الفيصل اذ يقول سموه ياقلبي اللي من هوى البيض معتاذ=واليوم اشوف الوجد والشوق بـذه حسبي على اللي للمواصيل جـذاذ=حبل الوصل من بيننا البعـد جـذه يسقـي منـازل ليـن العـود رذاذ=يلقى بها ظبـي الطعاميـس لـذه الصاحب اللي عن هوى القلب مالاذ=لاقلت دوك القلـب يازيـن غـذّه ولانيب من هرجـه كثيـر وهـذاذّ=ماشاف فـي ليلـه نهـاره يهـذّه عساك تأتي لي يابـو زيـد نفـاذ=قلب تحذى الشـور ياخـوك حـذه وقد اجابه شاعرنا الامير محمد السديري - رحمه الله - رغم صعوبة القافية الا عليه فانها لا تصعب مهما كانت فقال : سهر طوال الليل واغضي على الحاذ=وعن الصديق القلب ما فيـه شـذه شكواك خلت بسـرة القلـب تخـاذ=ولا عاد في قلبي من الصبـر فـذّه اللي يا بو بندر جعل قلبـك افـلاذ=مشربك ياممـدوح الأفعـال عـذّه طفل سهم عينـه بالاعمـاق نفـاذ=والحق عليـك بقـذة عقـب قـذّه ان كان مالك فيـه مدخـل ومنفـاذ=له الشبك في مدهـل الصيـد بـذّه وإليا دخل وسط الشبك يابن الافذاذ=غوجك لساعـات المهمـات حـذّه اما المساجلة الاخرى فهي بينه وبين صديقه الخاص الشاعر زبن بن عمير العتيبي - رحمهما الله - اذ قال شاعرنا محمد السديري : يازبن ودعناك في يوم الاثنيـن=لعلها لك ياخو صنعا مسافيـر بجيرة الله ياعشيـر الغلاميـن=يامقفي عنـا ذكرنـاك بالخيـر نغليك يوم إنك بعيد عن الشين=وريف لضيفك في ليال المعاسير يوم تغيبه عندنا قـدر عاميـن=ويوم نشوفك فيه عز وتباشيـر هذا الفراق اللي نظرناه بالعيـن=وعز الله انك ناوي بالمحاديـر يازبن يالبراق بالله الـى ويـن=واسلم ورد العلم يازبن العميـر فأجابه زبن بن عمير على الابيات الماضية قائلا : وانـا بعـد ودعتـك الله بتسعيـن=وداعة من حفـظ والـي المقاديـر ياباذل الحسنى علـى المستحقيـن=ونطاح بالضيقات وجـه المناعيـر ياللي بدرب الطيب جالـك براهيـن=ولبست بالبيضـا ثيـاب مشاهيـر يبون دربك ناس واجـد وعجزيـن=يجي لهم من دون دربـك عواثيـر ولا يختفي فعل به النـاس داريـن=لين انها تمحـى الجبـال المزابيـر من يوم عنك اقفيت والقلب والعين=عندك,, وفي جسمي تشب السواعير مـ نـ قـ و لـ

اللــه اللــه

تعريـف راائــــع عن شخصيـه شعريـه راقيــه


::

شرووق

سلمـــت يــدااكـــ


كلكـ ذووقــ إنتقــااء رااقـــي كـ رُقيكــ


كل الشكــــــر

المتهور:
مرورك شرف لي
شاكره لك تعقيبك واطرائك

شرووووق المنتدى

سلمتِ وسلم ذوقك على اختيار هذه المشاركه

التي تحكي سيرة علم من أعلام الشعر في الجزيرة العربيه واشهر قصائده

تحياتي لكِ يامبدعه

سلمت يداك شروق


منقول اكثر من رااائع


لسيرة عطره لعلم من اعلام الشعر النبطي

تقبلي تحيااتي

فارس الشعر:
ازدان متصفحي بوجود حرفك هنا
لك من التحايا ازكاها

ابو رهف:
مرور جميل
من استاذنا الكريم


ماتأيد ندخل التراث الشعبي بمادة الادب العربي ؟

طرح وتعريف رائع بشاعر عظيم مبدع ومتألق

الله يرحمه و يغفر له

تسلم يديك .. شروق ..
.
.
.

سديم
كل الشكر لحضورك المتألق ياغاليه

بسم الله الرحمن الرحيم

شروووووق

السلام عليكم ورحمة الله وبركاته


اختيار رائع
وذوووووووووق عالي


وسيرة شاعر كبير ... وعلم من أعلام الشعر

بارك الله فيك وفي جهووووووووودك
والله يعطيك الصحه والعافيه




اخوك
حسام الشعر