سالفة القلم ابو نص ..

____________


جيت ابتنفس وعيت علي الظلوع

------------ ضاقت.. كانها ضيقت القبر على كافر


ابتنهد.. و بـ ون ..وبغيّر الموضوع

------------- وعيّا وقت مع الاحزان متظافر


ابرحل وبالرحيل فراق ودموع

---------- وان نشد عني الحزن قولو مسافر


ادري بيلحقني و وين ما رحت متبوع

---------- اما بيذبحني.. والا رجعت منه ظافر


وش لي بدنيا بها الألم يلوع

---------- خاطري .. دنيا بها الظلم سافر


_____________________


بقلم ابو نص اللي من البقاله اللي جنب الحلاق اللي راعيها هو نفسه راعي المخبز اللي باخر الشارع .. واللي شرا القلم هذا هو انا .. طبعا ما كان عنده نص اضطريت اخذ علك بالنص الثاني ..

الله يهديك يا سحايب .. حستينا .. ما اعرف اقول (بقلم :الأمل الاخير).. وخلاص ..





نسيت اقول .. طلع العلك منتهي الصلاحيه ورحت تهاوشت مع الهندي .. وعطاني قلم ثاني ..

للمعلوميه بس .



سلام.

...........

....

الله يهديك يابن العم

والله مادري
وش بتكون النهاية



عموما

لاتعليق


بس
وش رايك
بالهجرة ؟



على الله يابن العم

السلام عليكم ..

هلا بالوافي .. ههههههههه

ما ادري ليه كل ما اشوفك اشتهي اضحك ..:D


بعدين ياخي شغل المسنجر عندي سؤال بسألك من يومين ولا انت معطيني وجه ..


يالله

بالتفيق ان شاءالله للجميع .. وهجره مافيه هجره لين تقول لي يا زلابه .. والله لو تروح وتخليني لا اعلم عمي (ابوك).. هاه .. تراني خويك ..

ايه يالامل الاخير دينا على طير ياللي هالخباز مانت راضي تفكه

الله يعينك وبعدين الوافي يبيك تهاجر شرايكم في بلد يعرفها الوافي

دايم يهاجر لها نتوكل عليها والا شلون عموما يعطيك العافية

الامل ولاتقطع تحياتي


المسافر...

السلام عليكم ..


ههههههههه هلا بالمسافر ..

هو انت خابر الخباز ذاك .. هههههههه

والله كله من مظاليمو .. هو اول من عرفني عليه ..


ياخي انت فكيتني من اني اكتب موضوع اخاف يكون ماله داعي ..

لكن وين مظلوم

من زمان عنه ..

ومختفي من المنتدى .. بالله عليك اذا عندك خبر او اي احد يطمنا ويوصل له سلامنا ..


بعدين الوافي بغيت اصمل معاه ..

بس ياخوك الهم في القلب وين ما رحلت رحل معاك ..

دنيا الله يعين .. ومالنا غير الصبر .. والدعاء ان الله يهونها ..

والله كريم ..


سلام .

مرحبا لاست هوب...



الحين نقول صح لسانك لك ولا للقلم....
من جد عجبتنى.......عليك بالقلم تراه غالى اذا بطلع من حبره شى حلو كذا....


تسلم ...

اخي المبدع000

قصيده رائعه وجميله لكن تحمل على اكتافها كل هموم الدنيا واحزانها00

صح لسانك اخوي والابداع منك واليك ولكم افتقدت الرد على ابداعاتك الجميله00

واتمنى ان تخلع رداء الاحزان وتنظر للدنيا بتفائل اكثر00

تقبل فائق احترامي وكل تقديري

اختك نغم الوفاء