بدِّي أعرض مؤهلاتي، بدِّي وظيفة، بدِّي بدِّي بدِّي!

بسم الله الرحمن الرحيم

السلام عليكم ورحمة الله وبركاته

شوفوا يا تلقون لي حل

يا تلقون لي حل

مو تقرون وتخرجون

المهم

الموضوع وباختصار

هو إني شكلي في النهاية

بأنزِّل أبو مؤهلاتي

>>> من زينها

إي

بصراااحة أبي شغلة

تقولون بل عليك يعني إنتي ما تداومين!

أقول لكم

إلا

بس أبي أداوم دوام ثاني

أبي شي زييين يشغلني وقت العصر والمغرب

وما أشم نفسي غير بعد الساعة 10

تقولون لي عندك شغل

ابتكري سوي إعملي

أقول لكم

أبي شي برا البيت

عندكم وظيفة برا بيتي؟

عندكم شي غير الغسيل والكوي؟

عندكم شي غير هالقعدة اللي بتموتني؟

ترى الحال يُرثى له

أذكر في يوم إني كنت أكتب خواطر وينزل شي منها عندكم

هناك جارنا أستاذ الأدب والشعراء

والحين

الحمد لله

جف القلم وانتهت الكلمات

وبقيت الدموع والآهات

والسكوت بعد

وش السواة؟

أبي شغل

هذا كل اللي أبيه

شي يناسبني

ويشغل وقتي

ويزوِّد دخلي

والأهم يشغل وقتي

وآآآه يا أسيرة

بسم الله الرحمن الرحيم


السلام عليكم ورحمة الله وبركاته
سوير جبنالك شغلة وعييتي

عيناك كبيرة مدراء مطبخ حزبنا

وقمتي تعفسينا
وافتريتي فينا معلبات ورز معصود

وتحسبينه علينا صياديه

واحنا سا كتين وما نبي نقل يا رضيه

اقصد يا اسيره ترى شغلك مختلف

ههههههههههههههههههههههههههه

والحقيقى

أميره وأنا أخوك توكلي على الله وتعوذي من ابليس وقرقرته

وريحي دماغك من الوسوسه

وربك يعدلها ويفرجها من عنده

انا لا املك لك الدعاء

ربي يفرج همك وييسر أمرك ويجعل لك من كل ضيق مخرجاً وفرجاً

بسم الله الرحمن الرحيم

*** سندنا ***

وأنا وش قلت!

أبي وظيفة بس

ما أبي شي ثاني

حسبي الله عليك يا إبليسي

أعوذ بالله منك

لي كم يوم مافيني نوووم

وأحس بوحدة فظيييعة

وأحس بمتاعب ما أدري من وين تجيني

وربي ما أكذب

أعوذ بالله منك يا إبليس

تشكرااات سندنا

بس بدي وظيفة

أسيرة

أسيرة الاهات

هو فيه أحلى من جلسة البيت

والله وناااااااااسه

لو اضمن بس يجيني راتب شهري وانا نايمه

كان ماادور شغل ابد

ههههههههههههههههههههه

اسيرة

عليك بمعاهد الكمبيوتر

ترى الوظايف كلها على هالدورات والدبلومات

وبنفس الوقت تشغل الوقت

وتوسع الصدر

غير كذا

دوري شغل بالعطلة الصيفية

مدة شهرين بالمراكز الصيفية

ترى فيه وظايف هناااك ولا فيه شروط ابدا

الا ان الاماكن محجووووزه هذا شي ثاني

اذا احتجتي هذا حق العطلة علميني

عشان اقولك وين تروحين

سلامتك عزيزتي

وعلى فكرة

ان لقيتي شغل دليني عليه

هههههههههههههههههههههههههههههه


.

اسووورا ياعسلز طيب وش هي مؤهلاتك يمكن اقدر اساعدك <<<< لا تصدقين بس بعطيك حلول يعني

السلام عليكم ورحمة الله وبركاته
الأخت الغالية ( أسيرة الآهات )
أسعد الله أيامك ولياليك بالخيرات والمسرات
والله يأختي أنا ماعندي واسطه وما أعرف أحد ولا أعرف وظائف أو أعمال لزيادة الدخل ولكن عند ما قرأت هالموضوع تذكرت موقف:-
في مرة كنا جالسين عند أحد الأصحاب وأتى إلينا شخص ملتزم يعني شيخ ورد السلام حيا فيه صاحبنا وقال هذا الشيخ فلان جاري والسباب فلان وفلان وفلان من الزملاء فدار الحكي والسواليف ودخلنا للوظائف ورواتبها وإلى راتبه قليل مايكفيه وهالرواتب مافيها بركه وقليله بعد وإلى يقول آآآآآه ليتني مثل فلان راتبي كذا ....... وهالشيخ ملتزماً للصمت ويتبسم وعندما أنتبهنا له فجأة سكتنا وقال وش فيكم سكتوا كملوا سوالفكم قالنا من باب الحياء لا لا خلاص أنتهت ..... فقال هل تسمحون لي بمداخله لما كنتم تتجادلون فيه فقلنا وكيف أتفضل ياشيخ ...وببتسامه قال : هل تخلصون في أداء عملكم لوجه الله وكذلك من اجل تحليل الراتب الذي تتقاضونه ؟ فقلنا نعم . قال أذاً:-
أتدرون مالسر في عدم كفايتنا من رواتبنا ورؤينا لها بأنها قليله وزهيده ؟ فقلنا لا. قال لأننا لم نشكر الله عليها حق الشكر والرضاء بما أعطانا وعدم التطلع إلى ما يأخذه الغير وحسرتنا وبحسد على كثرة رواتب الغير جعلتنا لانستفيد من تلك الرواتب حتى ولو كانت 20000ريال !!فالقناعة كنز لايفنى!! والرضاء بما أعطانا الله واجب والشكر دائماً على نعمة الله يزيد البركه وعدم النظر لما في أيدي الغير يعطينا القناعة والرضاء. وهنا نجد بأن الراتب القليل مع الشكر والحمد وعدم غبطة الأخرين كأنه آلوف متعدده نصرف منه ولاينتهي لأن الله باركهُ لنا.
وأنا أرى بإنه عين الصواب ماقاله هذا الشيخ وفقه الله..... هذا والله أعلم .
وفقك الله أختي الكريمة وبارك فيك ورزقك رزقاً حلالاً وبارك لك فيه.
وتقبلي خالص تحياتي وتقديري؛؛؛

بسم الله الرحمن الرحيم

*** جنان ***

يسعدك ربي

إي تبين وظيفة

غالي والطلب رخيص

يعني لو عندي وظيفة كان نزلت هالموضوع!!!

يسعدك ربي

ودي وربي آخذ دورات

بس المشكلة إن الراتب ما يكفي أحط منه شي للمعاهد

يسعدك ربي

ولا يحرمنا من طلتك

أسيرة