رحلة في العالم الوردي..

مرحبا اخي الحجاج ..واطلب منك الصفح في تأخري في الرد عليك ..
وألوم نفسي على ذلك ..بل انا خجلى كثيرا من نفسي ...ولكن ..!! >>>طيب ممكن اخرج عن لغة الضاد شوي

والله الرائع هو اطلالتك الي ما اقدر اقول عنها ورديه لانك ماتحب الوردي ..لكن اقول اكثر من مميزه ..

بص ياعمي ...مو كل لون نشوفه حلو لازم نحبه وبرضوا مو كل لون نحبه لازم يكون حلو في كل حالاته..

خذ مثال ..انا مثلا اعشششق اللونين .. الاحمر والوردي ..لكن مو في كل شي اشوفهم حلوين ..
وفيه الوان ثانيه ما احبها بس ممكن اشوفها في اماكن احلى من الالوان اللي افضلها ..

الفكره في الموضوع ..انو نسرح بخيالنا شوي في عالم من صنعنا ... مع لون هادئ وناعم يثير خيالنا ويساعدنا على الهدوءوالاسترخاء ..زي ماذكر اخي نواف ..
وصدقني ذا الشي مستحيل القاه في اللون الاسود او أي لون قاتم حتى لوكنت بتحبه ممكن في حالة خاصه ما تحب تشوفه وممكن يشعرك بعدم الراحه بعد ..

تخيل لو غيرت اللون الوردي باللون الاسود او الكستنائي في كل الصور اللي بالموضوع ..اكيد بكون الموضوع كئيب على الرغم من حب الكثير لهذين اللونين الا انهم ممكن ما يحبذوه هنا ..
الحجاج ..اكيد ما يخفى عليك عالم الألوان ومالها من مدلولات ..[ وأنا أجهل الكثير منها ]..

::

وبعدين حلو نشوف الاشياء بشكل مغاير نشوفها زي مانبي حنا مع شيء من الخيال وعدم الواقعيه ....
زي البحر وغروب الشمس الوردي ووو.. >>>وانا من الاشخاص اللي كثييييييراستخدم خيالي و اشاهد الاشياء من حولي بخيالي واستمتع كثيييير بذلك مع نفسي

في النهايه الاحساس بالراحه تجاه الوان معينه امر نسبي بين الناس..فما اشعربه من احساس تجاه لون معين ممكن لا يشعر به غيري من الناس تجاه نفس اللون
وزي ما ذكرت جميل كل واحد يشوف الدنيا باللون اللي يحبه ويحس معاه بالراحه والهدوء ..

الحجاج ..شكرا ليك على تواجدك >>وراح أقول الوردي زي ما انا شايفه ..^_^

السلام عليكم ورحمة الله وبركاته

الله يسعدك يا وجووووووووووود

يعني دحين ما شاء الله بتحبي تسرحي بخيالك في أشياء غريبة !!!!
طب اسرحي وتخيلي الحياة كلها باللون الأسود وشوفي النتيجة ..

بصراحة انا كمان مو مررررة من مدمني اللون الأسود والا من الي يحبوه ... لكنه بصراحة هو ملك الألوان ... بعكس اللون الوردي الي ماني شايف ليه أي قيمة لونية ...
لوووووووول

وجوووود أنا بصراحة شفت لوحات لفنانين كلها باللون الأسود وتدريجاته حتى الشمس والقمر والأشجار والناس والحيااة
بصراحة كانت لوحات راااائعة ... وما اخبي عليكي كان فيها نوع من الخوف والقتامة ... ووصف لحالة الرسام بيعكس فيها وجهة نظره ورؤيته للحياة ... رغم انو يكون راسم ناس بيضحكو ويلعبوا لكن رؤيته كانت قاتمة

لكن دا رؤية الرسام ... لكن أنا لما شفتها كانت نظرتي مختلفة لأني أبغى أشوفها حلوة وأبغى أحس بالسعادة ... فلما شفتها خلقت جواتي احساس الراحة باحساسي بأنو الجو في هدي الصورة مريح لدرجة تمكنك من النوم في الظلام وتحت أشعة الشمس السودا بدل حراراتها الصفرا ... حبيت اخد كرسي وأجلس في طرف أحد الطرق جوا اللوحة الين ما ياخدني النوم في أحلامي

عشان كدا وموضوعك أساس فكرته انو احنا نقدر نغير طريقة تفكيرنا بالشكل الي نبغاه
لكن نعرف اش ميزة كل شي وسلبيته " لأن كل شي ناحية منيرة وناحية مظلمة حتى اللونن الأسود "... ونحاول نختار الشي الايجابي ونحسه ونبعد عن الشي السبي

فاالون الأسود دايما بنفكر فيه على انو حزن وكآبة وقتامة ... رغم انو الليل والسكون والهدوء ... كلها ألوان سودا
النوم والراحة تزيد في الليل

وجووووووووود شاكر ليكي تعليقك

ليحيا اللون الأسود ملك الألوان وليعيش فريق الشباب السعودي ليحقق الانتصارات
لووووووووول مرررة متحمس

الحجاج