من ارشيف الوئام ..

انت يا من شتت افــكاري وخـــلاهم حــيارى = وش عــليك الــيـوم لاهـــي ناسيٍ خـــلٍ هـواك
انهــمر شلال حزنٍ بـــعدهـا ذيــك الــــسوايا = انت وش سويت فيني؟ ذا جزا صــدقي معــاك!
ايبست كل الرياض الخضر في وسـط الحانايا = وانقطع شـريان حبٍ ما رضــى بعـــدك ســـواك
ادري انك تذكريـني لي نظــرتي في المــرايا = تذكريــن الطــيب فيني واذكـــرالشح بـ عـــطاك
كــم عـطيتك وانتــظرت انك ترديـن العــطايا = بس راح العــمر كـله لـــين ضـــيعيني جــــفاك
كنت اظنه حــب نعمه اثــر حــبك مـ الخـطايا = يا حــسافة كل لحـــظه عشــتها اطـلب رضــاك
شف قصيدي صار يحكـي كل هذيــك الخافايا = وش بقا عندي اقــوله غـير اقـــول الله معـــاك

غريب

مادام جرحك بقلبي يامعنّيني = من عام الاول وهو مستوطنٍ فيّه
لالاتداويه خلّه ساكنٍ فيني = جرحٍ يجي منك خيرٍ يالغضي ليّه
ياناعس الطرف يابو عيون تشقيني = يامايس القد يابو خدود ورديّه
ياراجح الفكر فكرك مايخليني = القى بحكيك خطا او زلّه عفويّه
قلبي على حب غيرك دوم ينهيني = وروحي على قرب غيرك دوم منهيّه
تدري وش اللي يجي منك ويبكيني = غيابك اللي يجي بلحظه فجائيّه
لو إنك اليا بغيت تغيب تعطيني = عذرٍ يجمّل واسبابٍ ضروريّه
تبيّن إنه غصب عنّك تخليني = وإنك بترجع واضم ايديك بإيديّه
ادري تموت بغرامي وانت محييني = أحييت روحٍ قبل لقياك منسيّه
ارويت قلبي بحبّك وارتوت عيني = وارويت روحي وصارت منك مرويّه
جهلت معنى المحبه قبل ماتجيني = ومن بعد حبك لبست الحب صدريّه
بيرضيك حبّي وحبك لي بيرضيني = برضي غرورك وروحي منك مرضيّه
عليّ حلفٍ بربي ياأجمل سنيني = إنك بقلبي وقلبي صافي النيّه
لاأبوه حبٍ بعد حبّك يسليني = مادام حبك بدابي بينتهي فيّه

محمد السبيعي

فديتك كلمةً تعني عطيتك كل أبو سفيران = بشوقي بالغلا بالوجد بثوبي لا تكساني
فديتك يا بعد عمري عطيتك قلب لك ولهان = بنبضة عند شوفتكم .. بأحاسيسي ووجداني
فديتك يا بعد جرحي بجرحاً من هواكم بان = تخيلتك له البلسم وقلت أفداك يا جاني
فديتك يا سطا شوقي بشوقا ًشب بي نيران = عطيتك كويت أشواقي أذا جاء يوم تجفاني
فديتك يأول آمالي وآخرهاوأنا شفقان = بحباً صادقاً سامي كثيراً فيه أشجاني
فديتك والغلا يسري بدمي داخل الشريان = كريات الغلا تمشي بدمي يوم تهواني
فديتك يا حلم نومي عطيتك غالي الأثمان = فديتك كلمة جمة أمولها بألحاني
فديتك كلمتةً تحمل حروفاً خمس بالمجان = ولاكن في معانيها هوى العشاق يبلاني

سفيران

السلام عليكم ورحمة الله وبركاته


سديم الكون

اختيار بديع وجميل

كل الشكر والتقدير لك

وصح لسان الشعار


النشوان

وافي

غريب

محمد السبيعي


سفيران

العفوا .. سندنا ..

وشكرا للمتابعه

....................

...



الله يعطيك العافيه سديم


بس لو تسلميني نسخه لمفتاح الأرشيف








كلك ذوق



...

تسلم وااااااايد حلوه
يعطيك العافيه

هلابك .. وافينا ..

ان سلّمتك نسخه رووّح

خله عندي اضمن

الله يسلمك ويعافيك .. كويتيه ..

شكرا لحضورك

تقول اجلس معي ساعة وجدد للغرام عهـود = لأن القلب في حبـك ملكتـه وأنـت مشكاتـه
وابيك تصير في حبك كما برقٍ قفـاه رعـود = لأجل يمطرعلى قلبي ويروي الحب مضماتـه
وابي حبٍ مثل حبـي وياليتـك علـي تـزود = وابي منك تحسسني بنعيـم الحـب ودفواتـه
وابيك تصير لي درعٍ عن ضيم الليالي السـود = وابيك تزيل عن قلبي عنـا وقتـه ولوعاتـه
وابي دايم معي توقف حبيبي ياسخـي الجـود = ترى اللي يبين المعدن وطيب الرجل وقفاتـه
وانا ها لحين ابي اسكت واسمع منك المـردود = اذا انـك تبادلنـي نفـس الحـب وسيمـاتـه
ونظرت له نظرة الولهان وجريت النفس بركود = وشفت الحب من قلبـه تبيـن لـي بنظراتـه
وهمت بعالمٍ ثانـي اعاتـب حظـي المقـرود = وساد الصمت من صمتي ولج الصمت بسكاته
وصرخت وقلت ياعمري انته حتفي الموعـود = ومهما الوقت بعدنـا انـا اطويلـك مسافاتـه
وباذن الله ما تنضام ولا تهتـم وانـا موجـود = مدام راسي يشم الريح وقلبـي تـدق نبضاتـه
وابا اوفيلك وابا اخلص لك وانا ياسيدي محسود = مادام انك تبادلنـي عـذب الحـب ومأساتـه
وابوصلك وابا اجيلك لـو إنـي مقيـدٍ بقيـود = افك القيد مـن قلـبٍ تعـزوى فيـه هقواتـه
والى منه قسا وقتي واجهتـه بعـزم وصمـود = ادك البيـد ليـن إنـه يبيـن لـي متاهاتـه
قوي عزوم بـاذن الله والله يرحمـك يالعـود = علمني بصعيب الوقت وكيف اهزم صعوباتـه
وتعودت من صغـري وانـا بالمهـد مولـود = الي ما صـرت رجـالٍ تاثـر فيـه نخواتـه
بدويٍ ماعرفت الخوف وادري إن العمر محدود = وقلبي ما عرف يرجع اليـن ياصـل لغاياتـه
وانتِ بدنيتي غايه وعليـك اشكـر المعبـود = على إنه وهبني إنسان تبري الجـرح لمساتـه
حبيبٍ مارأت مثله عيونـي بليانـات العـود = ولا اظني ابلقـا لـه شبيـهٍ يملـك صفاتـه
حبيب من العسل احلى حبيـبٍ سكـرٍ معقـود = حتى الشهد لا ذاقـه يـذوب الشهـد بشفاتـه
والى منه مسك ورده تناثر مـن حـلاه ورود = وذاب الورد في خده وصـار يشـم وجناتـه
والى فلت جدايلها وتناثـر شعرهـا المفـرود = اشوف الليل بنجومـه ممـرح وسـط طياتـه
والى منه تبسم لـي وتلفـت عنقهـا الممـدود = يفز القلب من اقصـاه يقـول يازيـن لفتاتـه
جريمه شفتها بعيني وجماله جرمـه المشهـود = حبيبي فارعٍ زينه وانـا اللـي نلـت نفحاتـه
ولا اذكر إن فيه عيوب ولا عمره سعى بصدود = كامل والكمـال لله وكـل البيـض حاسداتـه
وانا والله ما اخبر فيـه لا عيـبٍ ولا منقـود = غير إنـه لا تبسـم لـي تعذبنـي ابتساماتـه
وحسادي وحسـاده تمـوت بحسـرةٍ ولهـود = ولو صوت لنا العـاذل مـا نسمـع نداءاتـه
ولو تبعد عن دروبي تصيـر بعالمـي مفقـود = وترى قربك يرحيني وتنـام العيـن بسباتـه
وانا هالحين علمتـك وانتـه تفهـم المقصـود = بعض الهرج ياعمري مرفوض بكـل حالاتـه
ومادام إني حبيبٍ لـك الشـك ادفنـه بلحـود = ولا عاد تجيب لي طاريه ولا تفتـش ملفاتـه

ناصر المحمدي .. فزاع..