موضوع للنقاش .. هل تقبلين بزواج اختك الصغرى قبلك

السلام عليكم ورحمه الله وبركاته..

قضيه اشغلت ذهني منذ بضعه ايام فرغبت بطرحها لمعرفه ارائكم حول هذا الموضوع

هل تقبلين بزواج اختك الصغرى قبلك ..؟؟؟؟؟
وش رايكم ..؟ هل توافقين على خطوة حرجه مثل هذي ..
وهل تنتابك وساوس وتشكين في نفسك ...؟؟؟
ولا يمر الموضوع عادي ... .؟
هل تخشين نظرات الناس لك ...؟
ليش مااعرست قبل اختها ... اكيد اختها احلى منها ولا اسنع منها ..؟
ولا اكيد شايفة لها شوفة وماتبي تعرس على اي واحد ..؟


والظاهر هذي موجوده عندنا بديرتنا .. وللاسف في ناس على الاقل مايقدرون .....
سؤال ثاني .. لو كنتي انتي البنت اللي بتنخطب ..
هل توافقين على الزواج قبل اختك .. ولا ترفضين من اجل خاطرها ..؟
وفرضا لو كنتي توأم .. واختك التوأم تزوجت قبلك .. تحسين بنقص ولا عادي ...؟


اتمنى انكم تعطووني رايكم في هالموضوع سواء بنات ولا شباب ؟؟؟

تحياتي

السلام عليكم ورحمة الله وبركاته

واااااااااااو ياسحابة ..

موضوع يعور القلب لو يصير فعلاً

بالنسبة لي .. ماأرضى أختي الأصغر مني تتزوج قبلي .. |1|

مستحيـــــــــل والله لأحقد عليها ..

نفس الشي مستحيل أتزوج قبل أختي الأكبر مني ..

أعنس معها ولا أتزوج قبلها ..

والله أحقد على البنت اللي تتزوج قبل أختها الكبيرة ..

إلا بشرط واحد .. إذا كانت الكبيرة رافضة الزواج .. في هذه الحالة لو تزوجت الصغيرة عادي


بصراعة موضوعك روووووووووووعة

تسلمين


....

السلام عليكم ورحمة الله وبركاته

موضوع جيد وحلو للنقاش

وانا رأي يتفق مع بنت عمي جنان

لانه منطقي جدا ومعقول لو تزوجت اختي اللي أصغر مني

اكيد ماراح أسلم من كلام الناس والعكس

فالأولى ان كنت الكبيرة اتزوج قبلها وأقطع السنة الناس عن الكلام

وان كنت انا الصغيره انتظر لين ربي يرزق اختي ولد الحلال وبعدها اتوكل

على الله

وزي ما قالت بنت العم فيه حاله واحده اتزوج قبلها وهذي الحالة عندما ترفض

اختي الكبيرة......... أتوكل على الله واشوف نصيبي :o

والبنت اللي تجلس أكثر من 22 سنة ما تتزوج هذا غلط كبير

فالسن المناسب من وجهة نظري 21 او 20

وتحياتي للجميع

اختكم صمت

وعليكم السلام ورحمة الله وبركاته.. انا ما عندي اخت اصغر منى بس ما اعتقد انه فيها شئ اني اتزوج قبل اختي.. لأن الزواج نصيب ونصيبها ماجا ليش اعنس وممكن اتزوج !!؟ صعبة تخيلي ما اتزوجت اقعد معاها بحسرتي!! الشئ الثاني مو من حق الاخت الكبيرة تحقد لأنه لو كانت مكان الصغيرة كانت قبلت هذي سنة الحياة |11| .. صراحة اشوف انه قمة الظلم ان الصغيرة ترتبط بالكبيرة وشغالتنا كانت كذا ولها اخت كبيرة وهي تبغى تتزوج صار عمرها 27 سنة وما اتزوجت في الاخير اتزوجت سر بين العائلة واختها الآن اتزوجت وعمرها 30.. طبعاً لو كان لي اخت صغيره راح تجيني وساوس ويمكن اقول صح هي افضل لكن لو احب اختي احب لها الخير.. مشكور/ة **~ سحابة صيف~ على الموضوع الحلو

يعطيك العافيه سحابة صيف

موضوع رائع وجدير بالمحاورة والنقاش

ولكن انا اقول اولا واخيرا ... رضا الناس غاية لا تدرك

وان ظلينا نحسب لكلامهم اللي ماله اي داعي وفائدة كل حساب ... فنكون اخترنا ان نعيش بصعوبة وفي قلق مستمر

ولكن للاسف المجالس خلت من الحديث الا اللي يتطرق الى
(بنت فلان تزوجت ... ماادري من تطلقت ... اللي شفتوها ذيك المرة رجلها اعرس عليها ... فلانة ورا ماتزوجت !! ....الخ)

على كل ارجع للموضوع الاساسي

هل اقبل ان تتزوج اختي الاصغر قبلي ؟

بالطبع اقبل وليه لا ... قد اتالم قليلا ولكن اهون من اني احرمها من نصيبها وحياة سعيدة خصوصا ان كان ولد الحلال فيه خير وما ينعاب .. بالاضافة الى انه هذا لا ينقص مني بشيء لانه اكيد لها صفاتها الخاصة وكل واحد منا اكيد تمتاز على الاخرى باشياء

هل اقبل ان اتزوج قبل اختي الاكبر ؟
بما اني انا الكبرى فلا استطيع ان اتخيل حقيقة الوضع ... ولكن لو كان لي اخت اكبر ... فلم لا ؟ هي ايضا سياتيها نصيبها في يوم من الايام

على كل

المسالة مسالة نصيب .. واللي مكتوب عند الله بيتم


ولكن السؤال الذي يطرح نفسه هو

هل يقبل الاهل ان تتزوج الصغرى قبل الكبرى؟!!

.........

...

بالنسبة لو كنت مدامه

يعني

يعني


بعيد الشر عني



والله ماافكر في اللي يقول واللي مايقول

ولو كل العائلة امي وابوي واخواتي واخواتي يتزوجوا قبلي مافكرت فيهم

طالما ان عيني على المتنيل بتاعي والله ماافكر الا متى بس اتنيل معاه

واللي سبقني ربنا يوفقه وهم السابقون ونحن اللاحقون


هذا لو يعني

بس الحمد لله

خلق الشوكة ومادري وش سوى براسها


والمعذرة لمشاركتكن همومكن والامكن يانصفنا الاول



تحياتي


...

..........

...

سحووووبة


هيا عاد رووقينا

وخلاص ادعي لاختك ان ربنا يوفقها

وبلاش زعل الله يخليك

ترى كذا البنت تتعقد طول حياتها ومن غير ذنب ارتكبته

مالك حق ترى سحاابة


خلاص قولي لها مبروووك وبلاش نكد

حي الله جنان

عجبتيني وموتيني من الضحك كل هذا حقد على اختك الصغيره

تحياتي :o

سلاااااااااااام
وحشتوووني
المهم ندخل في الموضوع....انا الاخت الكبيره:D
بس ما حصل لي الشرف بالموقف ...عشان كذا مادري ايش الاحساس
بس انا كنت اقول انه عادي الله يوفق اخواتي ان شالله
حتى لو كنت حازعل والله اعلم مستحيل افكر اوقف حالهم..

==
انا عندي وحده من صديقاتي صار لها الشي هذا رغم انه ماشالله جاها خطاب كثييييير بس نصيبها ما جا...بس حسيت نوعا انها دخلت في حاله نفسيه رغم انها كانت تقول انا ما اشوف فيها شي تتزوج اختي...

بس خلاص :p

موضوع حلو سحابة

بالنسبة لزواج الاخت الصغيرة قبل الأخت الكبيرة انا ما اشوف فيها شي ااااابدا

وخصوصا انها ظاهر اتنشرت على نطاق واسع

وبالنسبة لي شخصيا انا ما اكون مبسوطة وعلى الآخر لو اختي الأصغر مني انخطبت
ما افكر في مفارقات العمر او كلام الناس

وهذا رايي

اختكم الوافية