أنت غير مسجل في منتديات الوئام . للتسجيل الرجاء إضغط هنـا

صائد الفرص للأسهم الأمريكية والاوبشن 
عدد الضغطات  : 20009
مساحة اعلانية 
عدد الضغطات  : 15720


العودة   منتديات الوئام > المنتديات التقنية والإبداع >  Mobile - iPhone - Blackberry - Android

 Mobile - iPhone - Blackberry - Android iPhone , BlackBerry , iPad ммs ، sмs ، тнεεмs ، جوال ، بلاك بيري ، ايفون ، برودكاست

إضافة رد
 
أدوات الموضوع
قديم 19 / 04 / 2009, 12 : 03 PM   #1
ملكة الاحساس 
مشرفة عامة

 


+ رقم العضوية » 28724
+ تاريخ التسجيل » 23 / 12 / 2006

+ الجنسْ »

+ الإقآمـہ »

+ مَجموع المشَارگات » 22,625
+ معَدل التقييمْ » 1223
شكراً: 6
تم شكره 13 مرة في 11 مشاركة

ملكة الاحساس غير متواجد حالياً

افتراضي شعراء الوئام + mms


نقره لعرض الصورة في صفحة مستقلة

شعراء الوئام !!

من خلال هذا الرابط ابتدأت الاخت حكاية ليل هذه الخطوة
وبالتعاون المشترك الذي دار بيننا انتجنا ماسيتم عرضه لكم الان
وكما اشكر الاخت صمت الحنين التى كانت تعمل خلف الكوليس
واتمنى ان تحوز على رضائكم


نقره لعرض الصورة في صفحة مستقلة

  رد مع اقتباس
قديم 19 / 04 / 2009, 12 : 03 PM   #2
ملكة الاحساس 
مشرفة عامة

 


+ رقم العضوية » 28724
+ تاريخ التسجيل » 23 / 12 / 2006

+ الجنسْ »

+ الإقآمـہ »

+ مَجموع المشَارگات » 22,625
+ معَدل التقييمْ » 1223
شكراً: 6
تم شكره 13 مرة في 11 مشاركة

ملكة الاحساس غير متواجد حالياً

افتراضي

نقره لعرض الصورة في صفحة مستقلة

اذا كان الهوى لعبة لطفلة تعشق الالوان
فانا من كنت طفلٍ بي لعب من قبل مالعب به
زرع في داخلي طفلة ولبسني هواها اكفان
وشهادة مولدي مكتوب فيها مات من حبه
كبرنا وانتهى فينا المطاف بجنة النيران
وصرنا استغفر الله نعشقه ونصيح ونسبه
رسمت الفجر في الوجه الصبوح بريشة الفنان
وقبرت اليأس بيدين الامل واسلمته لربه
بجدارن الخفوق وبالزوايا وايضاً الاركان
رسمت ليوسفي صورة وصوت ايقاعها جبه
كبر بحر الامل والشاطيء الوردي بعيني زان
برغم الخوف ماكنت اسمع اللي قال لي كبه
الين اصبحت واحلامي سفينه مالها ربان
تصارع في ظلام اليأس لاجل احلام بالغبه
وانا هالحين والله العظيم بذمتي ورطان
ابهرب من هواك وين اروح القاني انشب به
على الله وش باقول الا على الله ياغصين البان
واحمد لله مادام العين فيها دمع واكتب به
قصيدة يا قصيدة مثل كاتبها بلا عنوان
امانه ياقصيدة ذكري ملهمته بحبه



نقره لعرض الصورة في صفحة مستقلة


يـا اللـي تلـوم القلـب فـي كامـل الـزيـن
تـــرى سوالـفـهـا تـــداوي جــروحــي
جرحه سطى بي والسبب نظرة العيـن
واخــاف بـعـد الـيـوم بالـسّـر ابـوحــي
قضيـت معهـا ايــام وشـهـور وسنـيـن
يـسـري عليـنـا اللـيـل كـلّــه مـزوحــي
يــا لـيـت مــا مـريـت درب المحـبـيـن
مــا دام خـلّـي بالـمـواصـل شـحـوحـي
ويـا ليـت منهـو يقسـم القـلـب نصفـيـن
نصـف ٍ يعاتبهـا ونـصـف ٍ سمـوحـي
ودّي يماشيـنـي عـلـى العِـسـر واللـيـن
واسعـد بشـوف الزيـن هــذا طمـوحـي
اخـفـي غـرامــي لا تـمـيـل الـمـوازيـن
واصبح قصيدي فيه واضح وضوحي
نـار الهـوى يـا صاحبـي منـك ناريـن
واشعلتـهـا وســط الضمـايـر تـفـوحـي
الـحــظ لا مـنّــه سـعــى بـيــن قـلـبـيـن
مــرّه يجـيـب العـيـد ومــرّه يـروحــي
كتبت مدري وجهة الحـرف مـن ويـن
وابديـت مــا بالـصـدر عـسـاه يـوحـي




نقره لعرض الصورة في صفحة مستقلة

كانـت ليالينـا حنـان و بـوح و وافـراح و وسهـر
نجمـع شتـات احلامنـا نحيـي بقايـا امالـهـا
نرسم على اطراف الزمن فرحـة تلاقينـا شعـر
اكتـب حروفـي وانتـشـي لا رددت موالـهـا
قلبين ارق من النسيم إن داعـب اهـداب الفجـر
واطهر لك الله من بردها فـي صـدوق خيالهـا
مانستمـع هـرج العـواذل مايفرقـنـا دهــر
حتى ايـش لـو زلـزل علينـا وقتنـا زلزالهـا
وش عاد حتى لو غرق هالكون فـي لجـة بحـر
او خـرت الارض وتسـاوت بالسهـول جبالهـا
نرسي علـى جنةوفانـا اللـي يغطيهـا الزهـر
نلـثـم ثـراهـا مهتنـيـن بفيـهـا واظلالـهـا
الله وهبنيها (.....) و (.... ) و (....) و (.... )
تمـوت فينـي (ياعسـى فـال المحبـة فالهـا)
درة رمـوز الحسـن (بـل تــاج الــدرر )
سبحان من جمل بعد عمـري بحسـن خصالهـا
(قاموسها) مايحتوي معنـى (التباعـد والهجـر )
ربـي خلقهـا (هكـذا ) انعـم بطيـب وصالهـا
قولوا لعاذلنا يمووووت اليوم مـن كثـر القهـر
ماهمنـا حسـده ولا كلـمـات حـقـد ٍ قالـهـا





نقره لعرض الصورة في صفحة مستقلة

ياللي ليا منّي ذكرتك .. من البال..
يغيب كل الكون عنّي .. وأجيلك!
ياموصّلٍ قلبي إلى حدّ الإهمال
(عطني من أيامك نهار) .. أشتكيلك!
ضامي لقا .. وأشفق على قطرة وصال
من صدتك ماعدت أطمع في سيلك!!
أروح بك عنّي .. وأجي لك وتختال
ما كنّ فوق الأرض واحد مثيلك!
يحق لك .. لكن على كلّ الأحوال
ما أبي كثيرك .. مدّ لي من قليلك!!
خذني وحقّق لي معك بعض الآمال
لا ياخليلي .. لاتخلّي خليلك!
ياوحشتي من دون صوتك ..وش يقال
عنّي .. سوى إني ياحبيبي .. قتيلك!!
من غاب صوتك .. والليالي والأزوال
سودا .. كذا بالضبط تشبه جديلك!!
والدمع الأزرق ذقت ملحه .. ولا آزال
ياعذب ليتك ماتقصّر بنيلك؟!!
هذا حصيلي .. وأنت ياعذب الاقبال
من غيبتي قلّي وشنهو حصيلك؟!!
إن كنت مثلي .. ماعلى حبك جدال
وإن كان غير .. الله يسهل سبيلك!!
تعيش وتقابل لك ألوان وأشكال
وأعيش ماأدوّر حبيبٍ بديلك!!!



نقره لعرض الصورة في صفحة مستقلة


تعال.. أبحكيلك عن احساسي واعبّر لك واقـول
إني علـى شانـك تحديـت القرايـب والبعيـد
ياصاحبي
..
يا المترف المياس..يا الطرف الخجول
حبك يزيـد بداخلـي.. ويزيـد ويزيـد ويزيـد
والله أحبك حـب لايمكـن عـن الدنيـا يـزول
يمتاز عن غيره بأنه حـب مـن نوعـه فريـد
ياصاحبي ماني من اللي يحتـرف دق الطبـول
حبي لك اصدق من تباشير الصغار بيـوم عيـد
ماني من اللي حبهم ماهو على وجـه الأصـول
كلامهـم كلـه خـداع وحبهـم تـافـه بلـيـد
لجلك على قلبـي نقشت(بليز)ممنـوع الدخـول
لا من قراها غيرك يعَرْف انك الشخص الوحيـد
يهَوّن ولا عاد يطمع أو يفكـر فـي الوصـول
لنّه عرف انه معـك ضايـع ولايملـك رصيـد
ذوّبت لك سكّر غلاك وصـارت النشـوه بتـول
تختال..لا منّـا ذكرنـا فكـرة اشعـال القصيـد
لو هي على كيفي ترى خليت لك عمري يطـول
ماهو بحـبٍ فـي الحيـاه..إلا علشانـك اكيـد
ومادامني حي ومعك لايلحقـك شـك وفضـول
إني أبـدّل حبـك العـذب وأفكـر فـي جديـد
وان كان فرقنا القدر والعمـر تاليـه الذبـول..
(أنته تريـد/ وانـا أريـد/ والله يفعـل مايريـد)



نقره لعرض الصورة في صفحة مستقلة

اليوم قررت ابتسم من شان خلي يســــــتريح
لو ازرع البسمه على ضفاف الدموع لراحته ..
باضم جرحي واصطبر واصبر القلب الجـريح
وادفن لبوحي بالحشا لو باحته ماباحـــــــتــه
ياقـلب ياقـلب العنا لاعاد للغالي تصــــــيـــــح
ارفق على قلب همومه دون ذنب اجـــتاحــته ..
يامنيتي مادامت انك للمشاعــر مـسـتـبـيـــــح
لاتلومني وتقول كـــيــف الحـي روحـك ناحته
اضــف الى ذلك ســؤال ارهقني وخلك صريح
وقلي وش عزومك بعد طال البحر وســباحته..
مابه سـفـيـنــه بالبحـــر ماهــزها مـوجٍ وريح
لـكـــن بـفـضــل عـزومها مايعـترضها زاحته
اقولها وانا ادري ان الحـــــظ لو ياقـف يطيح
وبــــرغـم ذا مارد للمـــلاح دون مـلاحــــــته ..
ومادام حظي شح انا ماني على الغالي شحيح
باهدي حبيتي بسمتي مادام فيها راحــــــتــــه

  رد مع اقتباس
قديم 19 / 04 / 2009, 13 : 03 PM   #3
ملكة الاحساس 
مشرفة عامة

 


+ رقم العضوية » 28724
+ تاريخ التسجيل » 23 / 12 / 2006

+ الجنسْ »

+ الإقآمـہ »

+ مَجموع المشَارگات » 22,625
+ معَدل التقييمْ » 1223
شكراً: 6
تم شكره 13 مرة في 11 مشاركة

ملكة الاحساس غير متواجد حالياً

افتراضي

نقره لعرض الصورة في صفحة مستقلة

قولي ربي يسعدك ياحلوها من فمّك
لانطقتيها تصير أجمل حروف الأبجديه..
لانطقتيها الورود تغازلك وتشمّك
والشَهَد من جمرتينك يقطر بحنيّه
كيف لو قلتي أحبك والغرام يضمّك..
بعد مابلّل خفوقك ديمةٍ وسميه؟!
والله اني لــَـسرج ركاب القصايد يمّك
بالرضا والا بحكم القوّه الجبريه..
مبطي مروّض جنون الشعر لــَــجل تيمّك
وانتظر منك الإشاره لو تجي عفويّه
ومبطي إلهامي حضنك وهام فيك ولمـّك..
وقلّطك في صدر مجلس مهجتي يابنيّه
سيّدة قافي وأول هم شلته همّك
سندريلا فارسك لو كان منتي ليـّه..
ودّي أشيلك على غصن الغلا وأزمّك
لين أخلّي لك سحاب الشوق ظل وفيّه..
وكان كل اللي كتبته فيك أبد ما همّك
ابعتبرها جات منك عفويه وتلقائيّه..




نقره لعرض الصورة في صفحة مستقلة



حضورك اللي مهتني به من العام
لا زلت حتى الآن أقطف ثماره!
لكنّي اخشى من تصاريف الأيـام
تعكس مفاهيمه ، وتخلف مساره!!






نقره لعرض الصورة في صفحة مستقلة


سامح الله وقتي اللي بالفراق اشقاني
غربتي والهجر وآخر مابقـى والحانـي
والزمان اللي خذا عطر القصيد وضيـه
دثرتنـي بالهمـوم وكبـلـت قيفـانـي
واستباحت دم قلب ٍ ماصفـا لـك زيـه
من بعدك ِ لا وربـي مايثيـر اشجانـي
سحر حواء لو تجسم في جسـد حوريـه
كل ماقلت جـادت فـي لقـاك ازمانـي
ابعدتنـي عنـك دنيـا ً مابهـا مـاويـه
ابعدتني وارتسم حزنـي وجيتـه عانـي
هالعـذاب اللـي طعونـه بينـات ٍ فيـه
عاشق ٍ راسم على درب الشقـا عنوانـي
حامـل اكفانـي وخنجـر قاتلـي بيديـه
سامح الله عبرة ٍ غصت برمش اجفانـي
من كدرها عكرت صفو القلوب الحيه!!!
وسامح الله ليلي اللي بث صمت احزاني
يوم غنت له على صوت الشقـا قمريـه
وسامح الله من ملا كاس الهوى واسقاني
شربة ٍ كانت ضما ذاك (الرهين)وريـه
وسامح الله طيفك اللـي يابعدهـم جانـي
في منامي زاهـي ٍ باحلامـي الورديـه
ضمني له حيل ضمة عاشـق ٍ شفقانـي
لين ذاب الشعر مني فـي قـراح شفيـه
سكر اشفاه القصايد بـه يـذوب لسانـي
يوم قلتي لي تعال وحاجتـك (مقضيـه )
وسامح الله وقتي اللي بالفـراق اشقانـي
ماسمع قولك (تعال وحاجتك مقضيه )!!!!



نقره لعرض الصورة في صفحة مستقلة

لا رحت عني صار كفي بكفـي
اصفق بكفيني ولا الناس دارين
وان جيت مقبل قلت برقٍ يرفي
براق مزنٍ شوفته تفرح العين




نقره لعرض الصورة في صفحة مستقلة

فديتك يابعد كل القصيـد وكـل قيفااانـي
فديتك ياغلاااي اللي بهـا الدنيـا مسلينـي
فديتك والقصيد اللي الى غبتـي تناااسنـي
حضر في غيبةافراااحي ولكنـه يعزينـي
فديتك لا انتثر عطر القصيد وعطر الحااني
نثرته يابعد عمري على طيفـك ويشفينـي
فديتك والحزن بعدك الى من جيت حيانـي
يقول اهلا هلا باللي الى من مت يحيينـي
فديتك يابعد عمري فديتك بلسـم احزانـي
فديتك يابعد كل العذاب اللي سطـا فينـي
فديت الحزن لاخيم عليـك وزاد وابكانـي
فديت عيونك الولهى هذيك اللي تراعينـي
فديت آهااتك..احزانك..وقلبك يوم نادانـي
(حياتي لاتفارقني ترى قربـك يسلينـي)
حياتي دوكها جراحي واهاتـي واشجانـي
تلاعب بي بها الدنيـا تبعدنـي وتدنينـي
حياتي والله افتقدك الى من غبت واعاانـي
حياتي لاتغيب ارجوووك تكفا يانظر عيني
واجاوبها غلاي انتِ بعد ربعـي وحيانـي
انا لك لو يحول الوقت والله بينك وبينـي
وابيكِ تذكرين اليا نسيتـي بيتـي الثانـي
(دخيلك كل مامرك خياالي ضمي يدينـي)





نقره لعرض الصورة في صفحة مستقلة

مـشـوار حـبه يـسلب العـقل بالـهون
ومـن سـبته كثرت علّي البلاوي
ومـن شــاف حـالي قال باالقلب مطعون
أعيـش بـين الـناس كـني خـلاوي
مـن حبها صـغـت القصـيدة على النون
أبـغاه يفـهـم كـان للـهجـر ناوي
يقول جـرحـه داخـل الصــدر مـدفون
لـيته يـجـيـني ونقسـمه باالتساوي
بـنـت ٍ سعودية بـها القلـب مفـتون
لـو قلـت ابـنســاها فلانـي بـ قاوي
فـيها جـمال وديـن والعـقل مـوزون
ولـبس العبايه صـار للجســم هاوي
نـعـم .. سعودية على ســاير الكون
مـن عاش معها الحب يصـبح شـقاوي

  رد مع اقتباس
قديم 19 / 04 / 2009, 13 : 03 PM   #4
ملكة الاحساس 
مشرفة عامة

 


+ رقم العضوية » 28724
+ تاريخ التسجيل » 23 / 12 / 2006

+ الجنسْ »

+ الإقآمـہ »

+ مَجموع المشَارگات » 22,625
+ معَدل التقييمْ » 1223
شكراً: 6
تم شكره 13 مرة في 11 مشاركة

ملكة الاحساس غير متواجد حالياً

افتراضي

نقره لعرض الصورة في صفحة مستقلة

اكتبي ياصفحة الحرمان نزف الدامي ..
قبل لاعيني يجود بدمعها محجرها
وقبل لايصهر لهيب الهم صلب عظامي..
ودي اشعل صورته في داخلي واصهرها
هو سبب كل البلاوي واحتضار أيامي
يوم علق روحي وقفى ولا قدرها..
ويوم خلا الجرح في وسط الخفوق إلزامي
كل ماتجبر ضلوعي يرجع ويكسرها
كان يحكيلي عن اهداف الغرام السامي..
ويضرب الأمثال في أحلى القصص واشهرها
وطاوعه قلبي وجيت بلهفتي واحلامي
مادريت ان النهايه في يده قررها..
ومادريت اني بدرب الغي سقت اقدامي
لين رجلي في طريقي جالها معثرها
غلطتي وانا السبب في اللي حصل قدامي..
يوم أخذت بحكمي الأشياء من مظهرها
بعت لجله من عشق حتى خطوط اقلامي..
لو طلبته روحه اهداها ولا يذخرها
كلها غلطه وكادت تستبيح اعدامي
وش عليه اذادموعي عانقت محجرها



نقره لعرض الصورة في صفحة مستقلة


وينك ترى من بعدكم خاطري شين
هات العلوم وبث شـوق المحبـه
أنا العميل اللي لكم يوفي الديـن
وانت الغلا والحب عندي تصبـه







نقره لعرض الصورة في صفحة مستقلة

يذوب الشمعدان ليا حضرت وينتشي عصفور
ويعشوشب على شانك جميع اللي تمس يديك
ويغار الورد من روعة شذاك وتحتضنك زهور
وتخلف لجلك القمرا هوا الساري وتسري فيك
وذي دلة هواك تفوح داخل خافقي وتفور
تعال اقلط وخذ فنجال عشقي ودي اقهويك
تعال وخلني شمعة خلاك بوحشة الديجور
وأنا بضوي واولّع لك قصايد كلها تغليك
تصدق! كل زفراتي تزاحم ماتبي طابور
تبي تسبق بعضها وارهقت يادنيتي مغليك
تعال وخلّها وضح القصايد في هواك تثور
وصهيل الحرف ماهوّد يبي يكتبك ويناجيك
أببحر بك بغبة شعري المجنون والمأسور
وابغرق بك وابنجى بك وابتحداك واستجديك
حبيبي يابعد كل الصبايا والهوى المنثور
ياترنيمة خفوق اللي يبيع العالم ويشريك
يا أجمل من سقى عوج الحنايا بعد ذيك البُـــور
بعد ما ارويتني ودّي سنابل شوقي تغذّيك
يا أروع من رقص قلبي معه عقب الكدر والجور
على اقصر ضلع زريابه سجع من شوقه يغنيك
يا أصدق من رفع همّــة وعزم التايه المكسور
عساني ماعدمك وياعسى الله يا الغلا يبقيك
وانا واللي خلقك وميزك عن جمع كل الحور
لو أقدم لك الروح العزيزه ما اعتقد توفيك
ومثل ما هالبسيطه حول خد الشمس دوم تدور
تراك انته مجالي يوم ادور بعالمك وارجيك




نقره لعرض الصورة في صفحة مستقلة
جيتك وله كلي جروح وغرابيل
.. وانته عليك دواي من جرح مفضوح
جيتك مع أحزاني أجر المواويل
.. ظميان أبي شربة غلا تسقي الروح
تكفى ترى تكفى تهز الرياجيل
.. كم قالها قبلي من الوقت مجروح
معقول ماهزّتك يانافل الجيل
.. معقول تتركني مع الهم والنوح
معقول تحرمني صدوق المخاييل
.. وابقى كذا غرقان بالجرح مطروح
شفني يباس احتاج لك وانته السيل
.. تعال واغرقني صحاصيح وسفوح
خل الغرام يفوح بالشوق والهيل
.. وقوس الربابه يحضن الشن مشفوح
خل الغضى يحكي لجمره تعاليل
.. خل الحمام يطير ويروح ويروح
يروح لين يعانق الجدي وسهيل
.. يزرع ورود هناك وبعطرح تفوح
خل الجديل يلفني كنه الليل
.. ودهدهني وقل لي سواليف ومزوح
تعبت وانا اشيل واحط واشيل
.. همّ(ن) مخلي حاجر القلب مقروح
واليوم يادجلة خفوقي مع النيل
.. أبني عليك آمال واشيّد صروح
ماودي اصحى واكتشف كذبة ابريل
.. واضيع في حزني محطم ومذبوح
خلاص ماعندي زياده وتفصيل
.. يكفي واظن الوضع واضح ومشروح
أما تعال وأحيني بالمقابيل
.. والا توكّل رح مجمّل ومسموح


نقره لعرض الصورة في صفحة مستقلة

العتـاب ! ادري انـك مـانـت حـمـل العـتـاب
والـزعـل ! ياعـسـى الله مايجـيـب الـزعــل
االغيـاب ! انــت تــدري ماحتـمـل للغـيـاب
وادري انـي لـو انــي غـبـت مـاحـدٍ ســأل
العـذاب ! ارتضيـتـه لــي وعشـتـك عــذاب
ياعـذابـي .. وياالـغـفـران لـلــي حـصــل
الـصـواب ! الله اعـلـم بالخـطـأ والـصــواب
وكــل شـخـصٍ مـعـرض للخـطـا والـزلـل




نقره لعرض الصورة في صفحة مستقلة

مشتاق لك شوقٍ حدوده ورى الصين
عم الافاق وشـع وقـت الظلامـي
أواااه لو تـدري بصـدري بساتيـن
ورد المحبه صـار فيـه ازدحامـي

  رد مع اقتباس
قديم 19 / 04 / 2009, 14 : 03 PM   #5
ملكة الاحساس 
مشرفة عامة

 


+ رقم العضوية » 28724
+ تاريخ التسجيل » 23 / 12 / 2006

+ الجنسْ »

+ الإقآمـہ »

+ مَجموع المشَارگات » 22,625
+ معَدل التقييمْ » 1223
شكراً: 6
تم شكره 13 مرة في 11 مشاركة

ملكة الاحساس غير متواجد حالياً

افتراضي

نقره لعرض الصورة في صفحة مستقلة


(شجعيه) اليا تبسم واحضنيه اليـا بكـى
اليا تبسم واحضنيه اليـا بكـى
قبل تبكيه ابتساماته ويفـرح بـه بكـاااه
(محبطٍ ) والله لغيرك يا حياته مـا شكـا
غير للرب الكريم اللي تعلا فـي سمـاه
شانت ايامه حياااتك والليالـي (حلكـا )
ياسه اطفى شمعةٍ كانت تنور له رجـاااه
دنيته فيها ظلام الليـل والدمـع شركـا
استباح الياس ليله واحيت دموعه شقـاااه
صمته ابلغ من كلامه يا حياته وإن حكى
بينت نبرة حروفه حمله اللي مـا قـوااه
والله انه للحمول اللـي ثقيـلات ارتكـى
صابرٍ لكن يخاف الصبر ياصل منتهاااه
آآآه لو كانت بكثـر المـال والا بالذكـا
كان تسهل واتريح يا الغضي من قولة آآآه
لكـن الدعوى(بعـدٍ ) ياحيااتـي مدركـا
آآآه ووجدي عليه ان كان قالوا جف ماااه
فيه ريح الفل والكـادي وريـح المستكـا
زاده الله ما عطاااه وزايدٍ عندي غـلاااه
(ايه ابصبر) بس خلك احضنيه اليا بكـى
قبل تبكيه ابتساماااته ويفرح بـه بكـاااه





نقره لعرض الصورة في صفحة مستقلة

ياحبني لك دون كل المخاليق
ياللي وهبتك حب كل الخلايق..
ياحبني لك يازعيم العشاشيق
ياللي محبتك اشعلت بي حرايق
اشرب غرامك عذب صافي على الريق
واروي به بقلبي زهور الحدايق
ارقد على طيفك وباطيافك افيق..
لو كان نومي ماتعدى دقايق
واعيش فيك حلوم .. من دون تعليق
لو ماتضايق .. بس !! يمكن تضايق
وتقوم تفتح لي ملفات تحقيق ..
تحرق علي افلامها والوثايق !



نقره لعرض الصورة في صفحة مستقلة

كبير!! يا حزني ولو صغروا النـاس
اللي على قربك مـن أوّل عجولـه!
وكريم!! كفك لا عطت ، دون مقياس
ما هي مثل كف السعاده ، خجولـه!
قريبٍ أقرب مـن شفاهـي للأنفـاس
طويلٍ أطول من مدىً مـا نطولـه!!
طاهر من أحقاد ، وتفاهات ، وأنجاس
تشبه رذاذ الغيث لحظـة هطولـه!!
إن جيت ، قلبي في نواحيك عسّـاس
وإن رحت ، يشعب في طريقك ذلوله!
وإن بنيت قصور المحبه بـلا سـاس
تهدم ، وقصرك ماش شـيِينولـه..
في خافقي وأيضاً على العين والراس
هذا هـو البنيـان علـى أصولـه!!
تكبر ، ويصغر كل حاسـد وخنّـاس
وتحيا ، وتفنى كـل نفـسٍ عذولـه!
وتبقى جميل ولا يجي مثلك إحسـاس
مـا كنّـك إلا ذكريـات الطفولـه!!


نقره لعرض الصورة في صفحة مستقلة


أونست في كبدي لواهيب وحــروق
وبــوادرالهـجـــران قـامـت تـــبارى
عجــزت أعبّر كن الاحساس مســروق
يـمـر لـيـل ولـيـل واحـــنا ســهـارى
عندي مشـاعر كــل ما هزّها الشوق
كـتـبـت بـيت وبـيت عـنّـي تـــواري
يسـوقـني روح العـنا يـمـكم ســوق
سـرّ القصـايـد فـيـك يصبح جــهارى
عذبـت قلـبي ما بقـى فـيه معلــوق
وش يـنفـعك تعذيـب نــاس ٍ طـفارى
أنـت ِ مقــر الــزيـن والفـن والـــذوق
زايــد جـمالك عن جـميع العـــذارى
الرمـش قطـعة لـيـل لامـن طلع فـوق
بـين العــيون السود بـتـنا حـــيارى
لو تسرحـيـن بنـظرتك داخـل السوق
شـفنا جـميع الناس مثـل الســكارى
القـلب ملـكك ما سـكن فـيه مخلــوق
مـا يســكـنه يا كـود ريـم الصحـارى



نقره لعرض الصورة في صفحة مستقلة

العيد قـرّب وخلّـي ناسـي ٍ ودّي
هذي غلاق السنة مدري عن احواله
الله يبلاك يا اللـي واقـف ٍ ضـدّي..
يا كيف حبل الوصل بيديك تغتالـه
الحب مبدأ وغيره ما سـك ٍ حـدّي
والغدر لو كان عندي لااقطع أوصاله
بيّنت وجهة نظر وبيّنت لك سـدّي
ابغاك تقنع من اللي يثبـت افعالـه ..
ان كان جاك الخبر عن حالتي ردّي
تراي مشتاق وبعدك حالتـي حالـه
انت ِ ربابه عزفها الشوق من وجدي..
يسري مع الليل دايم صوت موّالـه
وانت سحابه سقيتي مزرعـة وردي
حتى عن الشمس قمنا نسكن ظلاله ..




نقره لعرض الصورة في صفحة مستقلة

من أول ايّام حبك ليـن أواخرهـا
وأنا أتجمّل بصبري ، وآتعزوى به!
احيان يقوى على عينـي ويقدرهـا
واحيان عيني بدمع الحزن غلاّبه!!

  رد مع اقتباس
قديم 19 / 04 / 2009, 15 : 03 PM   #6
ملكة الاحساس 
مشرفة عامة

 


+ رقم العضوية » 28724
+ تاريخ التسجيل » 23 / 12 / 2006

+ الجنسْ »

+ الإقآمـہ »

+ مَجموع المشَارگات » 22,625
+ معَدل التقييمْ » 1223
شكراً: 6
تم شكره 13 مرة في 11 مشاركة

ملكة الاحساس غير متواجد حالياً

افتراضي

نقره لعرض الصورة في صفحة مستقلة


تمنيتك وانا في نشـوة افراحـي معـي حاضـر
تهنينـي قبـل غـيـرك حيـاتـي لا يهنيـنـي..
تمنيتـك معـي تفـرح قبـل لا انتظـر باااكـر
قبل لا تذبل زهـور الفـرح فـي راحـة يدينـي
تمنيتـك وطـول الليـل ياعمـري وانـا ساهـر
اردد فيـك اشعـاري عسـى شعـري يسليـنـي ..
تمنيتـك قبـل يصحـي حياتـي حظـي العاثـر
قبل يصحي (رهين) اللي تخبـره عايـشٍ فينـي
تمنيتـك وطـال الليـل ياعمـري وانـا صابـر
ابي وصـلٍ علـى بـرد الليالـي منـك يدفينـي ..
تمنيتك وانـا لازلـت يـا عمـري تـرى خابـر
شموعك يوم قالت لي( ترى وصلك يضويني )!!!!
تمنيتك وانا لا زلـت يـا عمـري تـرى فاااكـر
(تحياتك)هذيك اللـي (الـى بعـدت تدنينـي)!!!!
تمنيتـك قبـل لا اسمـع قصيدة(بكـره مسافـر)
قبل لا اقول يا عمـري (تـرى بعـدك يبكينـي)
تمنيتـك ولانـي قايـلٍ لـك يــوم ياهـاجـر
لكن اخاااف يـا عمـري تجـي بكـره تعزينـي..









نقره لعرض الصورة في صفحة مستقلة

ارسل ترى بعض المراسيل تشفي
واكتب غرامك وادمجه بالعناوين
لا غبت نار البعد ما عاد تدفـي
والعقل يصبح مثل عقل المجانين
تعال واقرب خل صفـك بصفـي
بعد المسافة يتعب الروح والعين




نقره لعرض الصورة في صفحة مستقلة

علمتني يالوقت ،، مـا احـب كوعـي ،،
ولا فيه شخص من البشر ،، حب كوعه ،،
أنــا مـع الأيــام ،، طـابـت طبوعـي ،،
يــا كثـر والله مـن يـغيـر ،، طبـوعـه ،،



نقره لعرض الصورة في صفحة مستقلة

الهـوى والحب كله لـك عطــيت
والغــلا لك مالاحــد غـيــرك غلا..
فـوق عرش القلب يالخل استويت
لـك مقام اعـــلى وغـيرك ماعلا..
بانـي لـك في صميم القــــلب بيت
مااحـد غـــيرك قــــدر بـه يـنــزلا
غصب قلب العاشق المغرم خذيت ..
وروحه وقلبه فــــدى ريم الفــلا
احكم بحكمك وفي حكمك رضيت ..
واعــلن الواقع عـــلى كـل المــلا
اســــعـد الايام يـــــــوم بـه لـــــفيت ..
يوم انـا وايــاك يالــخـل قــبــــلا
اســـتنير بنور خـــــــدك لابديـــــت ..
عنه نـور البـدر يالـــخــل انـجـلا
والعــــيون اللي رمتـــني وانرمـيت ..
سحــــرها تخفـيه باهـداب كحلا
وقــــدك الميـاس لامـــــن انـثـــنيت ..
مـن يـشـــوفونه يـصيرون قــــتلا
في غيـــابك لو دقـــــــيقه ماسليــت
ولو باوصف لك .. عجزت اكمـلا..



نقره لعرض الصورة في صفحة مستقلة


احبك قد حبي لك ،
ولا عنـدي لحبـك زيّ
ولا أحدٍ منّي يآخذني سواك ،
ولا يرجعني!!
أنا لك مثل ما ودّك ،
ولا ودي بغيرك لـيّ
يا مغنيني عن الدنيا ومـا فيهـا
ومقنعنـي!




نقره لعرض الصورة في صفحة مستقلة

سويحــــرة .. لاتنكــرين .. الاّ بعـــد سحــرك قــوي
وانا اشهــد انك تسلبيـن العـــقل بالســحر الحــلال
بلسانك الســكر يــذوب وفي شفــاهك يستـــوي
وياما غفـر لك من ذنـــوب تــذوب ماتاخذ مــجال
واليا ابتسمــتي كل عــرق في خفــوقي يــرتوي
واروى عطـش .. بين البـروق .. وبين هـمال الخـيال
ورمـشٍ مظلل وجنـتك نوى وحقـق مانـوي
بات القـمـر في ظله .. حـكاية حـجاجك والهلال
وان ثار شـلال الشـعر تطـويني امـواجه طـوي
والحـالة اللي شفتــها .. تغـنيك عن ذاك السؤال
في رقتـك بنـت الحضر .. في عـزتك بنت بـدوي
مافيك عيب .. الا الغــرور .. وكثر حبك للدلال
ومصيبتـك .. عند الزعـل يحـكي على لسانك خـوي
لكـن تعال .. اقــرأ عليك ..ان جـاز لك رايي تعال
طال انتـظاري واحتــرق بالشــوق قـلب المهــتوي
والدمـــع الازرق مابكـت فــرقاه حــبات الـرمال
متـى كفـوفك يالحبــيب لدمــع عــيني تحــتوي
والوقـت عمـــري يســرقه وانتـه ظـروفك لاتـزال

  رد مع اقتباس
قديم 19 / 04 / 2009, 26 : 03 PM   #7
غزالة الجنوب 
مشرفة عامة

 


+ رقم العضوية » 27327
+ تاريخ التسجيل » 16 / 10 / 2006

+ الجنسْ »

+ الإقآمـہ »

+ مَجموع المشَارگات » 10,887
+ معَدل التقييمْ » 911
شكراً: 0
تم شكره 4 مرة في 4 مشاركة

غزالة الجنوب غير متواجد حالياً

افتراضي

ا
بـ
ـد
ا
ع
بجد ابدعتوا
والله ابدعتوا

غير عن كذا انحفظ حق شعرائنا
ومن حق الدنيا تعرف هذه الابيات لمين وين موطنهم..

يسعدك ربي ياملكة ويسعدها ربي حكاية ليل ويسعدها ربي صمت الحنين

الله يبيض وجيهكم على هالمجهود الرائع

بس دقيزة؟؟؟؟؟

ويني انا؟؟

الحين مو الشرط انه اسمي فيه؟؟؟

ماااش مالكم كلمة..



يسعدكم ربي وربي اعجبني بقوة..

  رد مع اقتباس
قديم 19 / 04 / 2009, 54 : 06 PM   #8
الراقيــة 
عضو شرف

 


+ رقم العضوية » 38599
+ تاريخ التسجيل » 09 / 09 / 2008

+ الجنسْ »

+ الإقآمـہ »

+ مَجموع المشَارگات » 4,204
+ معَدل التقييمْ » 1093
شكراً: 4
تم شكره مرة واحدة في مشاركة واحدة

الراقيــة غير متواجد حالياً

افتراضي

وش هالزين يخزي العين

بجد إبدااااااااااااااااااااااااااااااااااااااااااااااا ااااااااااع


الله يحرم وجوهكم على النار قولوا آمين

والله شغل متعوب عليه وميز

  رد مع اقتباس
قديم 20 / 04 / 2009, 19 : 06 PM   #9
الدلع شرقاوي 
شيخة الوئام

 


+ رقم العضوية » 28903
+ تاريخ التسجيل » 06 / 01 / 2007

+ الجنسْ »

+ الإقآمـہ »

+ مَجموع المشَارگات » 6,227
+ معَدل التقييمْ » 10
شكراً: 0
تم شكره 0 مرة في 0 مشاركة

الدلع شرقاوي غير متواجد حالياً

افتراضي

واله والله كلمة ابداع قليله

فكره ولا احسن من جد مخوخ شغاله خخخخ <<== صكتهم بعين ..

ربي يحفظكن ويسعد قلووبكن

ويشكر لكن سعيكن يالغلا

ابدااع ابدااع ابدااع ..

قليل فيه الشكر

  رد مع اقتباس
قديم 20 / 04 / 2009, 08 : 10 PM   #10
أبو خـ البجادي ـالد 
مدير المتابعه والتطوير

 


+ رقم العضوية » 366
+ تاريخ التسجيل » 30 / 05 / 2001

+ الجنسْ »

+ الإقآمـہ »

+ مَجموع المشَارگات » 7,694
+ معَدل التقييمْ » 1600
شكراً: 0
تم شكره 24 مرة في 23 مشاركة

أبو خـ البجادي ـالد غير متواجد حالياً

افتراضي

ما شاء الله عليك ملكة الاحساس

والله ما كنت أدري عن هذه الموهبة عندك الله لا يضرك .

موعشان لي قصائد هنا لا والله ..

ملكة الاحساس + حكاية ليل + صمت الحنين

مجهود جبار واخراج فوق الرائع ..

لكن يبقى السؤال اللي محيرني من وين جبتوا محاولاتي هذي ؟

تسلم اناملكم وما قصرتوا ...

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
شعراء الوئام !! حكاية ليل  بوحْ الشعِر والنثر .. 41 31 / 01 / 2008 40 : 07 AM
العيد والشعراء ....جميع شعراء الوئام مطلوبين ..(دعوه للنقاش) شروق الوئام  بوحْ الشعِر والنثر .. 10 30 / 11 / 2006 17 : 05 PM
لكل شعراء الوئام (قصيده بدون نقاط من يأتينا بمثلها) Shabeh-Alreeh  بوحْ الشعِر والنثر .. 15 16 / 05 / 2002 32 : 03 PM
شعراء على كيف كيفك after dh  ||ترفيه وَمسآبقآت 6 29 / 04 / 2002 30 : 01 AM
دعوه لجميع شعراء الوئام): الســــيف  بوحْ الشعِر والنثر .. 15 09 / 11 / 2001 48 : 06 AM


الساعة الآن 04 : 11 AM بتوقيت السعودية


Powered by vBulletin® Copyright ©2000 - 2024, Jelsoft Enterprises Ltd.
new notificatio by
9adq_ala7sas
[ Crystal ® MmS & SmS - 3.7 By L I V R Z ]