قصيدة عن الأم أبكت من لم يبكي..

بسم الله الرحمن الرحيم
------------------

اقرءوا معي ما كتبه هذا الشاب الذي في لحظة تهور تعرض إلى حادث وكانت معه أمه فتوفيت وبقي هو علي قيد الحياه وكتب القصيده هذه... أبكت من لا يبكي


يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني ..

-------------------------------
سامحونى قصيدة صعبة

منقوووووووووووووووووله

والله من جد نقص قدري بعد موتك وغابت نشوة اللذات اليتيم يتيم الأم ماهو الأب لأن الأم وطن وسكن وراحت بال

يايمه تعالي بس بأجلس معك لو لحظات من جد أوجعتي قلبي الله لا يحرمك والديك أختي الحبيبه مياسم

وربي جد روعه كلماتها لا تقدر بثمن سملتي على هذا النقل المثير للعاطفه
س

...........................

...

والله ياسومة
انتي تستاهلي من يكتب فيك قصيدة تقديراً لجهودك





اختيار موفق
لكلمات جميلة ومعبرة



وصباحك سكّــــــــر


...

	المشاركة الأصلية كتبت بواسطة موج هادئ

	والله من جد نقص قدري بعد موتك وغابت نشوة اللذات اليتيم يتيم الأم ماهو الأب لأن الأم وطن وسكن وراحت بال يايمه تعالي بس بأجلس معك لو لحظات من جد أوجعتي قلبي الله لا يحرمك والديك أختي الحبيبه مياسم وربي جد روعه كلماتها لا تقدر بثمن سملتي على هذا النقل المثير للعاطفه س

مشكوره موج والله اني لما قرات القصيد ه صح اعحبتني بس تأثرت فيها مره تخيلت نفسي مكان هاذا الشاب الله يعينه
امين الله لايحرمني منهم ويارب ماموت الا هم راضيين عني

	المشاركة الأصلية كتبت بواسطة wafei

	........................... ... والله ياسومة انتي تستاهلي من يكتب فيك قصيدة تقديراً لجهودك اختيار موفق لكلمات جميلة ومعبرة وصباحك سكّــــــــر ...

مشكوور وافي الله يسعد صباحك والله مو عارفه ايش ارد عليك الله يعطيييييك العافيه يارب

قصيدة محزنة وتعور القلب بصراحة

الله يرحم ام هذا الشاب وأموات المسلمين .

شكرا مياسم ويعطيك العافية ,,

	المشاركة الأصلية كتبت بواسطة أبو خـ البجادي ـالد

	قصيدة محزنة وتعور القلب بصراحة الله يرحم ام هذا الشاب وأموات المسلمين . شكرا مياسم ويعطيك العافية ,,

الله يعاااافيك ابو خالد سعيده بمرورك

طولت العمر لك يارب ولهم في عبادة الله وطاعته لا تجيبن طاري الموت تكفين كلنا على هذا الطريق والله يحسن ختامنا أجمعين بس ما أحب لأنه يفرق بين الغالين

تقبلي مروري وردي ومعليش لو ضايقتك فيه

	المشاركة الأصلية كتبت بواسطة موج هادئ

	طولت العمر لك يارب ولهم في عبادة الله وطاعته لا تجيبن طاري الموت تكفين كلنا على هذا الطريق والله يحسن ختامنا أجمعين بس ما أحب لأنه يفرق بين الغالين تقبلي مروري وردي ومعليش لو ضايقتك فيه

اختي موج على العكس ردك اسعدني ماضايقني ابدا بس والله هاذا مطلب كل واحد ان اهله يكونون راضيين عنه واكيييد كلنا مانحب هاذا الموضوع بس مأقول غير الله يكون في عون الجميييييييع

بسم الله الرحمن الرحيم

مياسم

السلام عليكم ورحمة الله وبركاته


يا سلام عليك وعلى ذووووووووقك
اختياااااااااااااااار راقي وذوووووووووق عالي
بارك الله فيك وفي روعة اختيااااااااااااارك


اخوك
الحسام