أنت غير مسجل في منتديات الوئام . للتسجيل الرجاء إضغط هنـا
 |
 |
|
|||||||
| ملتقى الأصدقاء تهانينا ، افرآحنا ، أخوتنا ، من هنآ نبدأ .. لاستقبال الأعضاء الجدد ، تكريم الأعضاء |
 |
|
|
أدوات الموضوع |
09 / 02 / 2008, 48 : 01 PM
|
#1 | |||||||
|
مشرفة عامة
شكراً: 0
تم شكره 4 مرة في 4 مشاركة
|
يالله لاتفضحنا..
يامساء الفضايح المتلتلة..
الو.. هلا والله وغلا ومرحبا بهالصوت.. هلابك وحشتيني ..احوالك.. انا بخير ياجعلك بخيروسالمة ..وين الناس؟؟ ابد والله في هالدنيا لكن والله انك في البال والخاطر.. كان هذا مقدمة لمكالمتي مع من هي وبحق شريكة ذكرياتي..فلقد كانت معي منذ الابتدائية وتشاركنا المتوسطة والثانوية..وعند كل مكالمة هاتفية نتبادل اطراف الحديث ونبكي من شدة الضحك على مواقف عشناها سوياً ايام الدراسة.. ومن هذا المنطلق قررت نحن غزالة بنت ابو غزالة.اني اساندكم بل وادعمكم في اخراج فضايح ايام الدراسة هنا..ومن هذا المنبر ابدا انا.. بقوة راقلي الموضوع..فجميل ان يذكر البعض بعض ذكرياته التي لاتمحيها رياح الزمن..وتكون سلوته بين ركام الحزن.. طبعاً اغلب ذكرياتي مع شريكة ذكرياتي..واغلبها ايضاً في الثانوية.. في موقف كل ماذكرناه تجينا كتمة من الضحك.. وعساناي اتوفق في نقل الحدث.. اذكر في الحصة الثانية لمادة الرياضيات الصف الثاني ثانوي.. وانا وهي جالسين في الاخير لنرتكب جرائمنا اليومية...وكانت الجريمة متمثلة في تشليح الحلويات واكلها ..والله ياجماعة ياعليها طعم يهبببببل..  صادف انه انا وهي اشترينا جالكسي ومال حلال..بس ماش مو متعوب عليه فما تحسون بطعمه ومع هذا يمشي الحال..وكان جلكسي بلوكات...هذه تسميتنا له..المهم المعلمة حطت ذيك المعادلة وانا امسكها واقول.. انا:ميمي المعادلة هذه تجيبين الرقم هنا وتقسمينها على هذا والناتج كذا.. ميمي:اخص يالدافورة وش دراك..؟؟ انا:مني بسهلة..اصلاً انا مواهب مدفونة مالقيت من يكشفني<<<صدق من قال مادح نفسه خراااط... المهم وكانت اخر حبة وياها وبحركة خطافية خطفت منها الحبة وبغى ينشلع قلبها معاه..بس بشجاعة ومع اني ماادري وش دخل الشجاعة في الموضوع لكن اهو جت كذا.. واحط اللقمة دفعة وحده في بؤي..وبنظرات يملأها النصر والعزة بماقامت به النفس من بطولة منقطعة النظير..اناظرلها بطرف عين وبابتسامة النصر..وماامداني افرح بعمري وبمافعلته الا ويجيك ذاك الزئير الي اعدم طبلة اذني.. غزاااااااااااااالة  ..الا وافز مثل المقروصة..ياناس ياهوووووووووو ابي اقولها لبيه يامعلمتي ياام الساعة الليموني..وابي اهديها من هالشعر علها تفكني الا وتضيع خرايطي بسب هالجالكسي الي في فمي.. لاانا قدرت ابلعه فاخاف ننفضح ويودوني للمعتقل عند وحشنا الكاسر الي الله يذكرها بالف خير مديرتنا الفاضلة..ولااقدر ااشر بيدي فاخاف تقرب مني وتشم ريحة الهباب الي فيني.. قلت يابنت انكتمي واسمعي من قصايد التهزيء.. المهم.. يالله جاوبي على هالمسالة.. والله ياناس اعرف الحل ..توني اعطيت الحل لميمي..والمصيبة اخاف اطالع فيها واشوفها وهي فاطسة من الضحك فاضحك واشرق واجيب العيد قلت يابنت مالك الا تسمعين وتغمضين.. وتجيكم ذيك الصاعقة  ..لحظة الانتقام..تقوم المعلمة تقوم ميمي وتقولها وانتي يافالحة اعطيني الحل..وبكل ثقة هي وخشمها تعطيك الحل وتسوي حركات بيدها وبعنونها يعني اني افكر في الحل... ياناااس نصابة ما عندها ما عند جدي.. ابي اقوم عليها ابي اصارخ ابي ادافع عن حقوقي المسلوبة بس ماش امواج الجالكسي الي ذاب في فمي قام يتلاطم يمنة ويسرةالي ذاب من غليل القهر.. المهم خلصت الحل بنت ابوها وينطفي نار المعلمة وتقول ياميمي انتي بنت شاطرة لاتقعدين جنبها وتخربك.. اناا؟؟ انا اخرب..؟؟؟  اخبر لحظتها ان عيوني طلعت من مكانها بس لحقت عليها قبل ماتدحرج وتطلع برى الفصل... نعنبو ابليس هالمعلمة والله اني اشارك وياها بس هالمرة الظروف حدتني مااجاوب.. وتعطيني ميمي ذيك النظرة وتقول للمعلمة انشالله ياابلة انتبه لدروسي..  خوياتنا الي ويانا عارفين وش الطبخه وبعضهم يتحجج يصلح هالجزمة((الله يكرم كل من يقرا)) <<<ياقدمها هالحركة.. وهم اصلاً ماخلاهم الضحك على شكلي.. حسبالكم الشغلة وقفت هنا؟؟؟ لاياقوم ..هنالك المزيد والمزيد.. جيت انا وجهي ابقعد لو اني استنيت اشوي كان جلستني بس من اللقافة والقهر والطرطعة جلست عمري.. غزاااااااااااالة..مين سمحلك تجلسين.. الا وافز مثل ذيك الفزة الاولى..وقالت اوقفي اشوف.. يالله يارب ان ترحمنا..وش هالنشبة.. طيب ابي ابلع اشوفلي صرفة في الموضوع...وبيني وبينكم الضحك ماخلاني بس من حظي انه كانت على نهاية الحصة.. هي طلعت من هنا وابلع منها والبنات الي ويانا يضحكون بصوت عالي خل البعض يسأل وش السالفة ومن قرادة الحظ كان في دبوسة بينا سمعت السالفة..وياكرهيلي لهم..بس من الدلاخه نسيت منها وبطيت القربة.. المهم وتمسكني المدرسة وتقول ماتستحين تاكلين في الحصة؟؟واناظرها بعنوني واقول ياعساها ترحمني وتعطف علي وتحن علي واناظر واقول يابنت هي خاربة اعميها وافقعي عينها..قلت والله يااستاذة مها قهرتني وقررت معاقبتها وخطفت منها حلاوتها بس صادف انك قومتيني لحظتها..المعلمة مسوية ثقل وتبي تصرف الضحكة تحاول منا ولا منا الا واعطيني ظهرها وقالت ارجعي للصف ولاعاد تعيدينها.. كان هذا من ضمن المواقف والغريب اكثرها مع معلمات الرياضيات..يابغضيله هالرياضيات.. وسياتي المزيد شريطة ان اجد عشر فضايح مسدوحة من قبلكم لاهنتم.. انتظر فضايحكم... |
|||||||
|
|
||||||||
|
|
09 / 02 / 2008, 11 : 02 PM
|
#2 | ||||||||||||||||||||||||||||
|
مدير المتابعه والتطوير
شكراً: 0
تم شكره 24 مرة في 23 مشاركة
|
الله يرج ابليسك غزووووووله هذي مش فضائح هذي بلاوي ومشاغبات من العيار الثقيل , بس ذكريات حلووووووة لا تنسى ,, فضايحي واجد لكن والله نسيتها يبغى لها إعادة شريط ,, يعطيك العافية ,,, |
||||||||||||||||||||||||||||
|
 اعطني قوة المنطق واترك لك منطق القوة 
|
|||||||||||||||||||||||||||||
|
|
|||||||||||||||||||||||||||||
|
09 / 02 / 2008, 57 : 02 PM
|
#3 | |||||||
|
مشرفة عامة
شكراً: 0
تم شكره 4 مرة في 4 مشاركة
|
حيالله ابو خالد..
ماورانا شئ يااخوي.. نستناك تعيد لف الشريط لو تقعد تلفه باصبعك.. مستنين يعيني مستنين وبلفظ ابلغ..ناشبين لك يعني ناشبين.. يسعد ربي ايامك.. |
|||||||
|
|
||||||||
|
|
|
09 / 02 / 2008, 15 : 03 PM
|
#4 | |||||||
|
وئامى متألق
شكراً: 0
تم شكره 0 مرة في 0 مشاركة
|
اللون متعب .. لين يكون اوضح عشان اعرف اقرأ ياغزاله الجنوب
خبركم الكبر شين <<<<<<<< : ) |
|||||||
|
: كونوا بِالجِوار ،،  ( إنَّ هذا العلم دين ؛ فانظروا عمَّن تأخذون دينكم) : : سبحان الله وبحمده:.،. سبحان الله العظيم :.,،:. 
|
||||||||
|
|
|
09 / 02 / 2008, 28 : 04 PM
|
#5 | |||||||
|
مشرفة عامة
شكراً: 0
تم شكره 4 مرة في 4 مشاركة
|
جدتي قنوعة خلي عنك السواليف واسدحيلنا احد هالفضايح الي مستخبية في ذاكرتك..
وماعندنا إشكال دامنا شباب بنعرف نفك خطك ونميز لونك.. اقولك ياجدة حددي على الكلام علشان يبان.. عاد مالك عذر... |
|||||||
|
|
||||||||
|
|
|
09 / 02 / 2008, 54 : 05 PM
|
#6 | |||||||
|
العضويه الماسيه
شكراً: 0
تم شكره 0 مرة في 0 مشاركة
|
غزووله
صراحه موقف تحسدي عليه بسدح لك الموقف ذا كنت بالصف الثالث ثانوي وكانت الحصة الاخيرة حصة كيمياء والمدرسة تشرح وتكتب معادلات حنا نحلها كنت أنا تبعبانه وحر وقرف آخر الدوام ... أبي الفكه كنت مفسخه نعولي الله يكرمكم ... وصديقتي مأخذتها على بالها أتاخر لين أطلع... المهم طلبت مني الابله أطلع احل المعادلة...؟ أدور الجزمه مافي وينها وين راحت مافي والابله صارت عندي وتقولي اذا ما تعرفي علمينا.. وأنا اقول الا اعرف بس ... بس وشووووو...؟؟ على وشووووو تدورين عرفت اني ادور جزمتي البنات هاتي ضحك وأنا طلعتني الابله بره الفصل صح كان موقف محرج بس تبي الصراحة كان حلوووووووو |
|||||||
|
|
||||||||
|
|
|
10 / 02 / 2008, 53 : 11 AM
|
#7 | |||||||
|
مشرفة عامة
شكراً: 0
تم شكره 4 مرة في 4 مشاركة
|
[COLOR="RoyalBlue"]
الحين خويتك تاخذ الجزمة وراها تطلعك هالمودرسة؟؟؟ وشبهم اهل الكيمياء والرياضيات حاقدين على الدنيا؟؟؟<<<عاد لايكون هنا احد من منسوبي هالقسم واضيع فيها.. على طاري الجزم والجميع بكرامة.. كنا في الطابور انا ومها..ومستحيل اصف مع احد غيرها واذا غابت او غبت تصف كل وحده لوحدنا..<<<يمديكم على الوفاء... وطبعاً مديرتنا ياويل اهلها الي ماتلبس شراب على الجزمة او الي تلبس شبشب.. الي صار انه مالبست شراب ذاك اليوم..وماتذكرت الا وانا في الطابور.. وانادي بالفزعة ومااحد وقف وياي الا ميمي ياجعل عيني ماتبكيها..المهم وتفسخ شرابها لرجولها اليسار والبسها في اليسار واذا جينا نمشي موقتين رجولنا على خطوة خطوة..تقولين بنات آليين.. ومرينا من عند نقطة التفتيش وعلى ان الامور مشت تمام.. وانا ينقال ضحكت عليها..من الفرحة نطيت الدرجتين الاخيرة صعوداً.. يعني بدل مااخذها في خطوتين اخذتها في خطوة............. غزااااااااااااااااالة ...مهااااااااااا..انزلوا اشوف.. مين الي ينادي؟؟؟؟ المديرة الله يصلحها..وتطالع رجولي انا ومها وتقول.. هذه شراب مين؟؟ كنا وقتها نتكلم ونسمع ونشم وبعد سؤالها فقدنا هالحواس..بس مها باقي اشوي تقدر تنطق وقالت حقتي.. المديرة:-متقاطين انتي وياها ولااهليكم ماكملولكم الشراب؟؟ انا ومها:_....................................... المديرة:تكلمي انتي وياها! انا ومها:_....................................... بس ياجماعة ابشركم عدت من غير اصابات كلها كم تهزيئة خفيفة وتعهد بعدم لبس شراب لرجل وحده((((الله كم متنا من الضحك لما جينا نكتب التعهد)))بجد اقروا هذا التعهد... اتعهد انا غزالة بعدم لبس شراب لقدم واحده واني سالبس شراب للقدمين معاً... وبس...على اني قايلة ماراح انزل شئ بس انتي وموقفك يانبض غصبتوني انزل الي عندي... |
|||||||
|
|
||||||||
|
|
|
10 / 02 / 2008, 25 : 12 PM
|
#8 | |||||||
|
مدير عام المنتديات
شكراً: 263
تم شكره 101 مرة في 98 مشاركة
|
..........
... لذكريات الطفولة ومع اصدقاء الطفوله نكهة خاصة وبتلك المواقف والذكريات عدتي بنا الى الورااء حيث البراءة و الذكريات الجميلة التي لاتنسى والتي هي من اجمل مراحل حياتنا وياليت زمانٍ فات يرجع ياغزوووله ربي يسعدك خيتووو ... |
|||||||
|
|
||||||||
|
|
|
10 / 02 / 2008, 39 : 12 PM
|
#9 | |||||||
|
مشرفة عامة
شكراً: 0
تم شكره 4 مرة في 4 مشاركة
|
ويسعد ايامك..
ماودك تشركنا وياك في احد تلك المحطات؟؟؟؟ صباحك خير ورضا وراحة بال وافينا... |
|||||||
|
|
||||||||
|
|
|
10 / 02 / 2008, 53 : 02 PM
|
#10 | |||||||
|
مشرفة عامة
شكراً: 6
تم شكره 13 مرة في 11 مشاركة
|
هههههههههههههههههههههههههههه
هههههههههههههههههههههههههههههه والله ذكرتني بايام اول بس شكلك زي دايم كل شيء يطيح براسي ابشري بااسدح شريط حياتي هنا ولى عوده |
|||||||
|
|
||||||||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اكتب اسمك ومعناه ( يالله شباب يالله بنات ) | ولد الجابري | ملتقى الأصدقاء | 1 | 09 / 10 / 2003 22 : 11 AM |
| يالله يالله.. نرحب بالقطوووووووع عاشق الورد ^__^ | nana | ملتقى الأصدقاء | 10 | 16 / 02 / 2002 42 : 05 PM |
| يالله يا صبيان يالله يا بنيات | رئيس التحرير | ملتقى الأصدقاء | 4 | 26 / 07 / 2001 27 : 01 AM |
| يالله وين اميرنا | الصارم | || اوْرآق مُلَوَنة .. | 4 | 12 / 07 / 2001 55 : 06 PM |
