بسم الله الرحمن الرحيم
السلام عليكم ورحمة الله وبركاته
قصيـده جـديـده إن شــاء الله
تـــحـــوز عـــلــــى
اعـــجـــابــــكــــم
على كيفك تغلي يالحبيبه كان ذا يرضيك =وسوي مابدالك مابردك لاتسوينه
تمادي بالجفا في حق منهو بالعمر يفديك =ولايحتاج حبه شرح اظن انك تعرفينه
انا ماكنت احسب اللي من بحور الوفا يسقيك =تجيبين بيدينك كاس هجرانك وتسقينه
وانا ماحسب ضميرك يوم يسمحلك على مغليك =على اخلاصه وحبه لك بغدراتك تجازينه
ولكن للأسف اثر التكبر طبع عايش فيك =الى منه نزعته منك مايبطي تردينه
تشوفين الخطا واضح ولاكنه ابد يعنيك =ولا مني سألتك تنكرين انك تشوفينه
يابنت يكفي ماحصلي في هوى ماضيك =ترين الطين مايحتاج بلّه...لاتزيدينه
انا شوري عليك الحب لاتطرينه ويطريك =تراك بتربحين ان كان شوري ذا تطيعينه
صحيح انا قضينا عمر مااذكر قلت لك ماابيك =وصحيح اني مااخون الحب لو ضامتني سنينه
ولكن مستعد اموت كان الموت لي يرضيك =ولا آخر زماني راسي المرفوع تحنينه