يااااليتهم

14 / 06 / 2001, 04 : 03 AM

.....

..

ياجر قلبي جر لدن الغصون
========== وغصون سدر جره السيل جره

واهله من اول بالورق يورقوني
========== على غدير تحته الماء يقرا

على الذي مشيه تخط بهون
========== والعصر من بين الفريقين مرا

لا والله اللي بالهوى هوجروني
========== هجر به الحيلات عيت تسرا

لا مبعد عنهم و لا قربوني
========== ولا عايف منهم ولاني مورا

واكثر عذاب القلب يوم سنحوني
========= بيح بصبــري لو بغـيت اتدرا

لا ضاق صدري قمت اباري الظعون
========= كني غـــرير بالدلوهة مـــضرا

وقلبي عليه اشفق وتبكي عيوني

========= والحال من ود الحبيب تـبرا

يا عزتالي من تفرق شطوني

========= يعزا لي ارمي بالسلب واتعرا

ان مت فى خد بعيد انقلوني

========= على هدي الزمل مشيه تدرا

ان مت فى دافي حشاه ادفنوني

========= فى مستكن الروح مهوب برا

بين النهود وقد روس القرون
========= عن الهبايب مستـــكن مذرا

ياليتهم بالحب ما ولعوني
========= كان ابعدوا عني بخير وشرا

والا انهم يوم انهم ولعوني
========= خلوني اقضي عازتي واتدرا

وياليتهم فى الدرب ما واجهوني
========= وياليتهم ما زادوا الحر حرا

وياليتهم عن حاجتي سايلوني
========= يوم اني اقعد عندهم واتحرا

وياليتهم من زادهم اطعموني

=========انا على زاد اليتـــيم اتـــجرا

الخد برق فى علو المزون
========= تقول براق من الصيف سرا

وقفت عنده شايحات عيوني
======== كني غرير با للهـاوي مـــضرا

دخيل الله الروقي

14 / 06 / 2001, 40 : 04 AM

ان مت فى دافي حشاه ادفنوني

========= فى مستكن الروح مهوب برا
أختيار رائع جدا لذوق اروع..

الله يسعد اوقاتك أخوي وافـــــــــــــــي

14 / 06 / 2001, 46 : 04 AM

الله يالوافي ... نقضت اجروحنا ... صح لسانك ولسان الشاعر

14 / 06 / 2001, 42 : 05 AM

هلا والله

وافي

الله الله
اختيار جميل
رائع

يعطك العافية
وتسلم الايادي
-
-
تحياتي

14 / 06 / 2001, 14 : 08 AM

تحياتي وافي

ذوق وكلك ذوق يالوافي سلمت يداك

ويعطيك العافية صح لسانك تحياتي

المسافر...

14 / 06 / 2001, 58 : 10 AM

مراحب الوافي
اختيار رائع بروعتك يا الغالي
تسلم الايادي
وكلك ذوق
شـــــــــــــوق

14 / 06 / 2001, 56 : 01 PM

عزيزي وافي

تسلم وانت المبدع في كل شي

بدع او اختيارات

ياسلام عليك ياجميل

تحياتي

14 / 06 / 2001, 19 : 03 PM

قلبت المواجع 00 اختيار موفق من قلم موفق في كتابة كل جميل ورائع

20 / 07 / 2001, 34 : 04 AM

الووووووووافي

وش يدريك اني احب هالقصيدة

يازين اختيارك جاي على الجرح

. . .
.
.

الذين يشاهدون محتوى الموضوع الآن : 1 ( الأعضاء 0 والزوار 1)