يابوي جعلك للبقا والمكاسيب

باختصار هي قصيده من بنت لأبوها
:

يـابــوي جـعـلـك للـبـقـا والمـكـاسـيـب
عمـري بدونـك يالـذّرا ويـش أبـي بـه

يابـوي تسـأل عــن شـفـاك المراقـيـب
طـلـعـة سـواتــك لـلـنّـوايـف غـريـبــه

ليه المرض مايعـرف الزّيـن والعيـب ؟
مـايــدري انـــك للمخـالـيـق هـيـبــه !!

أبسألـك وش بـه غـزا وجهـك الشـيـب
والـقـلـب لايـــع والـنـواظـر شـحـيـبـه

وش بك تحاتي لانـوى المـوت تغريـب
تـخـشـى عـلـيـنـا بالـلـيّـالـي الكـئـيـبـه

خـذ دلّتـك واركـى علـى مسنـد الجـيـب
وعطنـي شماغـك بلثمـه وأحتـمـي بــه

ونـروّح لأرض ٍ بهـا العشـب والطـيـب
وتسـمـع كــلام ٍ يـالـغـلا تحـتـفـي بـــه

يـابـوي بنـتـك لاانـحـكـى بالتّـجـاريـب
كــل ٍ يـشــق لهـيـبـه الـصّـيـت جـيـبـه

يابـوي مانـي مـن ســوات المخـاريـب
الـلّــي تـجـيـب لعـلـيَـة الـقــوم خـيـبـه

وماني من اللّـي لامشـت حفّهـا الرّيـب
أنـــا مـــن الـلّــي مـايـدنّــس حـلـيـبـه

مرفـوع شانـي عــن غــرام المكاتـيـب
وأكبـر مــن انّـنـي أرتـضـي بالحبيـبـه

أنـــا غـرامــي لاابـتــدوا بالـتّـراحـيـب
نـفـوس الأوادم فــي وجــودي رحيـبـه

وان كــان زيـنـي فـتـنـة ٍ للمـصـاويـب
أحـــط وجــهــي بـالـحـريـق ولـهـيـبـه

زينـي أبيعـه وأشتـري سمـعـه الطّـيـب
اسـم ٍ ينـومـس بالـصّـروح الــذ ّهيـبـه

وان كان عندي ( بالحلا) شي ٍ اصعيب
عـنــدي جـــدود ٍ مـارضــت بالغلـيـبـه

دمــوع القبـايـل فــي لقـانـا مسـاكـيـب
كــــن الـمـقـابـر لاحـضـرنــا قـريــبــه

خضّبـت لـك كفّـي مـن العـز تخضـيـب
ورفـعــت راســـي للـنّـجـوم الصّعـيـبـه

والله لأســـدّك بـالـفـعـول المـصـالـيـب
والله لأشـيـلــك بـالـرخــا والمـصـيـبـه

طـلـع المـعـالـي ماانـحـكـم للـشّـواريـب
بـنـت ٍ وأنـاطـح فــارس الـقـوم طيـبـه

وياشيـخـي إبـشـر لـوتـدور الدّوالـيـب
بنتـك إلا منّـه عــوى الـذّيـب ( ذيـبـه)
:
راقت لي واتمنى ان ترتقي لذائقتكم.

وراقت لي كما راقت لك اختي شموووع منقول اكثر من رائع ولاغرابه عليك قصيده رائعه وجزله وصح لسان الشاعره وسلم لنا ذوقك لاهنتي دائم وانتي رائعه ولك مني اجمل وارق التحايا

شموع قصيده رائعه راقت لي كثير

صح لسان من كتبها وليس غريب عليك كل ماهو رائع ومميز

تحياتي وتقديري

	المشاركة الأصلية كتبت بواسطة خلف الجابري

	وراقت لي كما راقت لك اختي شموووع منقول اكثر من رائع ولاغرابه عليك قصيده رائعه وجزله وصح لسان الشاعره وسلم لنا ذوقك لاهنتي دائم وانتي رائعه ولك مني اجمل وارق التحايا

حيا الله الاستاذ خلف الجابري
ويسعدني ان يروق لك مانُُـقل.
الاروع تواجدك سيدي
وسلمت على مرورك الطيب لاحرمنا الله وجودك
شاكره كثيرا لمرورك ،،دمت مبدعا وبكل خير وسعاده

وياشيـخـي إبـشـر لـوتـدور الدّوالـيـب
بنتـك إلا منّـه عــوى الـذّيـب ( ذيـبـه)

بنتك الا منّه عوى الذيب ذيبه

صحيح انا اشهد انها ذيبة ومشاعر ذيبة

ما أجمل الوفاء للوالدين حتى من خلال الكلمة

صح لسان الشاعرة ..

وتسلمي شموووووووع وكلك ذوق

تصدقين عندي احساس انك تقرضين الشعر

بس مدري ليه ما شفنا لك شيء .

يخرب بيت البخل

الله الله
صح لسان قايلها

وراق لي ماراق لك
يسعدك ربي ياعسل

والله لوماكانت منسقه ولا ولاكانت محبوكه كان كفاها ..

يكفي انها للأب ..يابختها والله أغبطها وأغبط كل من عنده أب ..لسى عندكم باب من أبواب الجنة مفتوح ..


خـذ دلّتـك واركـى علـى مسنـد الجـيـب
وعطنـي شماغـك بلثمـه وأحتـمـي بــه

وينك يابوي واقولك هالبيت ..وامدلك دلتك ..
رحمة الله عليك

شمووع ..سلم ذوقك ولا عدمناك ياشموع ..
وصح لسان الشاعره،، فروحها كانت جليه في الابيات ..وكتبت كلمات نُسحت بأحرف من ذهب..وأجادت في فخرها بنفسها وبوالدها الذي استقت منه كل تلك الخصال ..

	المشاركة الأصلية كتبت بواسطة سموشاعر

	شموع قصيده رائعه راقت لي كثير صح لسان من كتبها وليس غريب عليك كل ماهو رائع ومميز تحياتي وتقديري

هلا فيك اخي ابو رايد
الاروع تواجدك سيدي
ويسعدني ان تروق لك ايضا
شكرا لمرورك لاخلا ولاعدم
دمت بكل خير

	المشاركة الأصلية كتبت بواسطة أبو خـ البجادي ـالد

	وياشيـخـي إبـشـر لـوتـدور الدّوالـيـب بنتـك إلا منّـه عــوى الـذّيـب ( ذيـبـه) بنتك الا منّه عوى الذيب ذيبه صحيح انا اشهد انها ذيبة ومشاعر ذيبة ما أجمل الوفاء للوالدين حتى من خلال الكلمة صح لسان الشاعرة .. وتسلمي شموووووووع وكلك ذوق تصدقين عندي احساس انك تقرضين الشعر بس مدري ليه ما شفنا لك شيء . يخرب بيت البخل

حيا الله شيخنا ابو خالد ياهلا
نعم جميل الوفاء ولو بكلمه والأجمل ان تكون باحساس صادق.
وصح بدنك مدد بلا عدد
الله يسلمك وتسلم على مرورك الطيب
:
لهلهلهلهله ابد يالبجادي لاتحس ترى احساسك بيورطنا ،وارجع لاحساسك قبل ماتحس
لا نقرض ولا نقترض ولانتقرض ولانتذوق ايضاًً ،كل مافي الامر مرور عابر لها
اي والله وانا اقولها يخرب بيت البخل

شيخنا شاكره كثيرا لمرورك الطيب لاحرمنا الله وجوودك
دمت بكل خير وسعااااااااده ،،شرفت ونورت

	المشاركة الأصلية كتبت بواسطة ملكة الاحساس

	الله الله صح لسان قايلها وراق لي ماراق لك يسعدك ربي ياعسل

وصح بدنك مدد بلا عدد يالغلا
ويسعدني ان تروق لك
ويسعدك دنيا واخره