قصيدةموجّهةلأمير القطــــاوة في حارتنا الذي قتل أمس على يد سفّاح القطاوه !

موقفٌ مؤثّر تأثّرتُ له جدّاً

شابٌّ يقود (جيمس صالون) رأيته في الشارع يسير
فرأى (القطو. أو البسّ) فحرف السيارة نحوه بسرعه وأرداه قتيلا

ولاشك إخواني وأخواتي أن ديننا كما حفظ حقوق الانسان فكذلك
حفظ حقوق الحيوان
فلا يجوز قتل الحيوان أبداً إلا ما يؤكل أو الضارّ من السباع
والسوامّ ونحوها (والقطو) ليس من هذه . فكيف يُتعمّد قتله ؟؟؟
ولا تخفى عليكم قصة المرأة التي دخلت النار في (هرّه)

أقوووووووووووووووول:

[poet font="Simplified Arabic,5,deeppink,bold,normal" bkcolor="transparent" bkimage="backgrounds/6.gif" border="none,4,gray" type=0 line=200% align=center use=ex length=0 char="" num="0,black" filter=""]
يا بسّ ياللي فالبراميل سكناك = لا واهنيّك يوم ما تشكي اغبون
همّك يا كيف ابحيلة تحصّل اغذاك = من سور اهالي الدار عقب يتعشّون
وتمتّر الشارع ويهناك ممشاك = وتفرّ فالحارة وتختال . مزيووون
جميع بسّه ، لو تشوفك تمنّاك = تصبح عشير الها على الطيب والصون
ربيع عينك شوفة السطل ودواك = لاشفت شغّاله تشيل الك كرتون
تقضي الضحى بين المكينه والاكشاك = في داخل الكبّوت تقضي لك حتون
مير الرّزيّه والبلا . راس بلواك = ذيلك ليا وافاه سير الدرقسون
لا شغّل الموتر وشبّنّ الاسلاك = والخوف في قلبك-من الموت- مكنون
والمروحة لا صادفت عرض علباك = بامر الولي موتك على الفور مضمون
ماض الزمن فالفار الاشهب معشّاك = يفرم فْطحْة الفار نابك على هُون
وجبتك فار وخصوي القشع حلواك = والجرذي الجرذي ليا صرت مبطون
يظهر غشش بطنك وينْظف لك امعاك = لا صار برّي واشقح(ن) فاقع اللون
في ما مضى اكلك من مكاسيب يمناك = تصيد وسلاحك مخاليب وسنون
واليوم عوّد راسك انحا لرجلاك = والعولمة خلّتك من دون في دون
دنيا الحضارة شربكت فيك الاشباك = خلّتك لا صاحي ولا انته بمجنون
صارت براميل الزبالة مفلاّك = واصبحت بسطول القماقيم مفتون
والخاتمة فالخط يا بسّ ياطاك = ياطاك ورع(ن) راكب(ن) فوق صالون
تناثرت يابسّ فالسكّة أشلاك = سبّة تهوّر جاهل(ن) غرّ . ممحون
ورع(ن) سفيه(ن) ما عرف ربّ الافلاك = ناس(ن) عذابه يوم غابن ومغبون
لا عدت يا ورع الشقا. خاب مسعاك = ياكيف تاطا القطو؟ أو، مالك عيون؟
يا بسّ ابرفع للمحاكم بدعواك = عسى يجي في صالحَك حكم موزون
حدّك وبالتاير طرحك وتوطّاك = وحطّم ضلوعك واصبح الشاص مطحون
خبّط بماطورك وزيتك خلط ماك = ما ينفعك تنفيخ فلتر وسيفون
ويا بسّ لا تحزن مقادير مولاك = صابتك واللي كاتبه ربك ايكون
يمضيْ القَدر ما يلتمس عندك ارضاك = يمضي ولا ينفع معه فرض قانون
لاشكّ لا تحزن خليفتك فابناك = ولدك الاكبر يحفظه والي الكون
يمسك مكانك.يتْبَع آثار رجلاك = يخطو كما تخطو على النون بالنّون
ما ينغبن من خلّف الشهم شرواك!= لا جا نهار(ن) فيه طاحن ومطحون

[/poet]

وسلامتكم
أخوكم

المنسدح العاشر

ويا بـسّ لا تحـزن مقاديـر iiمـولاك صابتك واللـي كاتبـه ربـك iiايكـون
يمضيْ القَدر ما يلتمس عندك iiارضـاك يمضي ولا ينفع معـه فـرض iiقانـون
لاشـكّ لا تحـزن خليفتـك iiفابـنـاك ولدك الاكبـر يحفظـه والـي iiالكـون
يمسـك مكانك.يتْبَـع آثـار iiرجــلاك يخطو كما تخطو على النـون iiبالنّـون
ما ينغبن من خلّـف الشهـم iiشـرواك! لا جا نهار(ن) فيه طاحـن iiومطحـون


صح لسانك
مبدع كالعادة
لولوة

بسم الله الرحمن الرحيم

المنــــــــــــــــــــسدح

السلام عليكم ورحمة الله وبركاته

صح الله السانك
دائماً مبدع وفيك الإبداع ومنك الإبداع
سلمت وسلم فكرك الرائع
يا رائع ..
قصيده جزله ومعاني راقيه
تقبل فائق احترامي

اخـــــــــــوك

الحســـــــــــــــام

:D)
شاعر المناسبات في كل الاتجاهات
انت والله اللي منت صاحي ولنته بمجنوووووون

لووووووووووووووووووووووووووووووووووووووووووووووووو ل
ياولد ان قلت مقلع يمكن معي حق
وان قلت حكيم ومفوه هذا هو عين الصوواب
ومربط الفرس
اشهد بالله انك رهيب
ورائع يابو الروائع
امتعتنا في هذه الصوره الجميله
والنبذه التاريخيه المفصله عن حياة القطو في الحاضر والماضي
ويمكن حتى في المستقبل
ومن ثمّ
صورت لنا مأساااااااااه ادمت القلب
بسبب هذا المتهور
والظالم في حق القطو المسكين نسأل الله
ان يعفو عنه ويصفح وان لا يؤاخذه بسبب جهله
تحياتي يامنسدح ويا ما احلى تسديحاتك.

السيف

صح لسانك
الله يعوض حارتكم ببس جديد
ههههههههههههههههههه
المنسدح ابدعت
بس الناس يتغزلون في حبيبه وانت عامل رثاء في بس
الله يسامحك بس

اكيد البس هذا هو حلقه الوصل بينك وبين نووووووووووره
يمكن كان يودي الرسايل والا شي



صح لسانك ايها المنسدح الرهيب
شاعر متمكن
اخوك يحب يمزح معك
سجل اعجابي الا محدود

الأخت لولوة الغامدي

صح بدنك يا أختي الفاضلة .

وتشرفنا بزيارتك...

والسلام

المنسدح العاشر

[MARQ=UP]

المنسدح10

صح لسانك

وتسلم يمناك ..

[/MARQ]

اخوي الحسام

يا هلا بك

وصح بدنك يا عزيزي

وشرفتنا بإطلالتك البهية يا غالي

لاهنت لاهنت

والسلام عليكم

أخوك
المنسدح العاشر

موهوب

ذا اللي اقدر أقوله

صح السانك أخوي .. وتسلم الأيد اللي أكتبت و الفكر اللي أمرها

.. ترا مهوب كلمن يقدر يصيغ الحروف بمواقفها أخوي

ما يقدر عليها إلا المبدعين

و انت مبدع .
.

الأخ الحبيب ....المنسدح10


أسعد الله مساؤك بكل الخير والسرور

أخي الفاضل حقيقة ـاتي دوما بالمفيد الهادف

واليوم أراك تنقش كلمات تدعو الى الرفق بالحيوان

وتكرس جهودك لتجعل رسالتك تصل الى الجميع

مابين الجد والتشبيهات المرحة الراقية

صدقت أخي الكريم ..يجب أن نرفق بالحيوان

وإن دعتنا قوتنا لظلم أي كائن كان

فلا بد أن نتذكر قدرة الله علينا

تحياتي لك أستاذي العزيز المبدع

وتقبل تحياتي وتقديري