ياهلـي قلـت كافينـي عـتـاب = مـا تحملـت هالمـوج الغـزيـر
كيف ابشرح وكيف القـى جـواب = عندكم شور مـا خـاب المشيـر
للجهالـه قافلـه مليـون بــاب = والجهل عندي ترى مالـه مصيـر
ان تفارقنـا تقولـون الـصـواب = وان تجمعنـا تقولـوا مايصـيـر
الملامـه عندكـم اسهـل عـذاب = حطمـت قلبـي وخلتنـي كسيـر
والعتب في قلوبكم مثـل الشـراب = حلوه ومـره علـى قلبـي مريـر
كل ليلـه بالغـرام اكتـب كتـاب = وارسل اكتابي مـع ورد وعبيـر
لا تلوموني تراي احسـب حسـاب = ضاع فكري والحساب اصبح عسير
احتملت اللـوم حطمنـي الغيـاب = وانت مايخفاك في علمـي جسيـر
ضحكتي معك تنسينـي الصحـاب = وانتظرهـا ولـو طـال المسيـر
اسمع لهمسك وهو مثـل السـراب = وتسمع لهمسي ولو هو في الضمير
من صغر سني الى سـن الشبـاب = ماكتبت الشعرو من مثلـك خبيـر