صدفه خير من الف ميعاد

من دون أي تخطيط دخلت حياتي=صدفه وصدفه خير من الف ميعاد
تقول اعرفك وانت حلمي بحياتي=حلم ٍ وابيك تحققه يا ابن الاسياد
تضوي عليه كل ليل بسباتي=وتقضي معاي الليل والناس هجاد
سوالفك تجمع وتجمع شتاتي=وحضنك دفا للي على البرد وراد
لا تلومني بحبك ولا في سواتي=قلبي وعقلي صايرن لك منقاد
اعشقك ثم اعشقك من دون هاتي =برهان حبي لك بعدي عن الزاد
كامل وكامل فيك كل الصفاتي=دليلها جمعك للامجاد بامجاد
ودي بجوابك يا دواي وغناتي=حبك ترى يزداد يزداد يزداد
يا بنت حكي الجد منطق شفاتي=ولا الهوى والعشق ماني له مواد
هذاك مبطي يوم جدي وقساتي=وهمي من اول سالفه لابن عياد
عقبك تبدل كل شي بصفاتي=من القسى للين للعشق للكاد
سمعت صوتك..عقب..ماعد اباتي=رقه عذوبه للفكر صاير اجهاد
صرت اعشقكك من غير كشف العباتي=حب ٍ عمى كلمه قديمه وتنعاد
الله يغفر يا عرب سيئاتي=ذنب اقترفته سامح الله من اقتاد

والمعذره اذا بها قصور

صح لساانك اخوي وتسلم يديك على هالراائعة الشعرية...

	صدفه وصدفه خير من الـف ميعـاد

يامحلا بعض الصدف


معزوفة شعرية راائعة
ابدعت في صياغتها



سلمت يداك


كلك ذوق


...

امير الظلام


صح بدنك

واشكرك على اطرائك

وافي

الابداع هو مرورك


لو انك كبرتها يوم قلت معزوفه شعريه


اشكر مرورك شاعرنا المبدع