طول غيابك

السلام عليكم ورحمة الله وبركاته
ـــــــــــ
طول غيابك ماعرفنا خفاياك .. نوب تروح ونوب ترجع تبينا
الهاجس اللي هزني يوم فرقاك .. ماهز قلبك يوم حنا انتهينا
عذبتني ياقاسي القلب وياك .. حبك شجايه والجفا مبتلينا
وش فايدة قلب يحبك ويهواك .. لاصار قلبك قاسي مايلينا
ياما سهرت الليل مع طيف ذكراك .. احس في طيفك يروح ويجينا
ارسم خيالك فوق طلت محياك .. شمس الصباح اللي علينا تبينا
اشفق على قربك وشوفك ولقياك .. واذكر مكانك يوم حنا التقينا
حتى مكانك كاتب فيه ذكراك .. ياما ضحكنا فيه وياما بكينا
واليوم راجع تعترف في خطاياك .. ليه الهجر مادام حنا وفينا
ضاعت حياتي بين صدك ورجواك .. وضاعت حياتك يوم راحت علينا
مثل الغريق اللي على حوض الأدراك .. حنا غرقنا بالهوى مانجينا
هذي سواتك من يسوي سواياك .. ياخاين العشره ترانا سلينا
خلاص هانت كلها ايام وانساك .. حب جديد غير حبك لقينا
مات الخفوق اللي يهوجس بطرياك .. مرحوم ياحب توفى حزينا

ـــــــــ
شعر
صالح العبداني
ـــــــــ

بسم الله الرحمن الرحيم

صمت وألم

السلام عليكم ورحمة الله وبركاته


يااااااااااسلام عليك

اختيار راقي
وذوووووووق عالي
ما شاء الله عليك وعلى اختيارك

بارك الله فيك وفي جهودك


اخوك
حسام الشعر

................

......


صمت والم


سلمت وسلمت يداك على هذا النقل الأكثر من رائع


صح لسان شاعرها وادام الله ناقلها


لاعدمناك


اخوك / فزاع

جزاكم الله خير يالغاليين
نور الموضوع بوجودكم بارك الله فيكم
دمتم بالخير والصحه والعافيه
باذن الله تعالى
-
في حفظ الكريم ورعايته