بدون خجل

بسم الله الرحمن الرحيم
اخوانى واخواتى ....لكل واحد فينا ذكريات ومواقف مضحكه مر فيها بحياته....شرايكم نتذكر هذى المواقف ونتسلى
بنسبه لى اتذكر قبل كنت انا واهلى رحنا لبيت ابوى العود وكان هناك لمه كبيبره من الاهل وبوقت متاخر قال ابوى العود لى ولخوانى واخواتى وعيال خالتى وبناتها وخالى الى بعمرنا ما يبى ازعاج لان عندنا ضيوف ويبينا انام ((طبعا ابوى كان شديد وما كان لنا الجراه انحط عينا بعينه من الخوف))
المهم واحنا عاد فينا نشاط زايد قلنا نحط مسجله ونقصر عليها قام خالى وحط اغنيه هاديه وحزينه لخالد عبد الرحمن ويرقص عليها واحنا نضحك وشوى اشوى الا كلبونا نرقص ونضحك ونسوى حركات استعباط
ورفعنا على المسجله الين فتح ابوى العود فجاه الباب واحنا مندمجين نرقص ما درى اشلون بحركه وحده طحنا على الارض وسوينا نفسنا نايمين الا خالى المقرود وقف يطالع بابوى وسوى نفسه يصلى قال له ابوى((يحليلك انت تصلى بس وانا ابوك القبله مو من الصوب هذا ))
وانفجرنا ضحك بعد ماكنا عاملين نفسنا نايمين

موقف ثاني
صار لاختي وزوجها00كانوا مسافرين لندن وعند صعودهم المصعد ركبت معهم امراة غريبة الشكل 00لبس غير محتشم وجلس زوج اختي يعلق عليها ويسخر منها بكلمات عربيه قالت اختي اسكت بالله تعرف عربي شتقول علينا 0قال لايبه هذا اجنبيه وابصم بالعشرة انها ماتعرف شنقول عليها00المهم عند وصولهم التفتت المراءة الاجنبيه لهم وعلى وجها ابتسامه00وقالت وهي تضحك00(سلامات ياخويه دحنا بنفهم عربي) طلعت مصريه؟؟؟
زوج اختي سحب اختي وركض طلعوا من المجمع من الخجل
ابي مشاركتكم معي:D:

ههههههههههههههه

هلا جريحة
كيفك يا قمر
والله طلعت الفضايح:D الله يصلحكم

لكن خالك بصراحه تحفه
انا عن نفسي هاديه من صغري الى كبري
يحليلي ما يسمعولي صوت اذا تذكرت موقف بقولك بالتليفون

مع ان الشبكه طفشتني

هلالالا شواقه
معاكي الطاف مو حوووور

واشكرك على ردك صراحة تفاجاءة ان مافي احد رد على موضوعي

وبصراحه شوق الموجودين هني مايشجعوني اكتب موضوع ثاني

شكرا
صاحبة النظره الخجوله

هلا وغلا بالغاليه الطاف

وانا اقول المنتدى العام منور
معليش يا غاليه

انتي عارفه ان الشتا قرب يدخل علينا يا غاليه
والسبات الشتوي قرب
:D لكن ان شاء الله الوضع يتغير
واعضائنا الكرام يصحصحوا معنا شوي

غاليتي انتي اكتبي وانا معاكي
لكن شكلي انا ما اكفي

انا كل حياتي مواقف
انا بحد ذاتي موقف الله يفشلني افشششششششششل
محد يحب يطلع معي
المهم
اذكر اقرب موقف صار لي
مو اقرب واحد بس ذكرته
المهم
اول اسبوع بالمدرسه بتدخل علينا ابله مرررررررررررررره مررررررره مررررره اعجز وانا اقول لكم شديده طبعا المملوحه خلقه ربي خوووووافه من الابله المهم هي تدرسنا حديث اول حصه دخلتهعلينا طبعا مرعوبين ماندري وش بيجينا المهم انا كنت حاطه الشنطه حقتي علي الكرسي علشان اطلع مادتها وهي واقفه عند الباب المهم شلت الشنطه علي اساس احطها علي الارض واجلس علي الكرسي اللي صار انيانا وشنطتي صرنا بالارض الله لايوريييكم شكلي الابله قامت تضحك علي الله يفشلني

ههههههه:D :D :D مملوحتي
الله يقطع شيطانك انتي وهالموقف
ياليتني شايفتك:D

شواقه عمري انا خلاص تاقلمت علي الطيحات اليوم صقعت بابله صقعه مسكييييييييييييينه

مملوحه انا اعرفك يا بنت
اكيد انها مدرسة الاحياء:D

هلاااااااااا اختي جـ(الزمان)ـريحة

اسعد الله اوقاتك

الحين هذا الموقف صار وابوك بالبيت

اجل لو كان غائب وش تسون

وزي ما قالت الاخت شوق

خالك تحفه :D
..................
وزوج اختك اتعلم درس

عمره ما ينساه ،،
...................
على فكره لا تنزعجي من عدم الرد على موضوعك

وتاكدي انه جميل ورائع .. وعدد زواره كثير ،

ولا يكون هذا سبب احباط لك ..

مع مرور الوقت ستجدين الردود اكثر مما تتوقعي

وما تلحقي تردي عليها .. وتفتكري هذه الايام ( ايام الراحه )

وتقولي يا ليتها تعود

اتمنى لك كل التوفيق ،،


------------------
تحياااااااااااتي

ليت شواقه اصقع فيها والللللللللللللللله كان اخليها تتكسسسسسسسسر ياويلها مني ناويه عليها االسبت :D :D