أنت غير مسجل في منتديات الوئام . للتسجيل الرجاء إضغط هنـا

 
عدد الضغطات  : 19163
مساحة اعلانية 
عدد الضغطات  : 14578


العودة   منتديات الوئام > المنتدى العام >  ملتقى الأصدقاء

 ملتقى الأصدقاء تهانينا ، افرآحنا ، أخوتنا ، من هنآ نبدأ .. لاستقبال الأعضاء الجدد ، تكريم الأعضاء

إضافة رد
 
أدوات الموضوع
قديم 15 / 08 / 2002, 13 : 07 PM   #1
لمياء 
عضو شرف

 


+ رقم العضوية » 718
+ تاريخ التسجيل » 23 / 07 / 2001

+ الجنسْ »

+ الإقآمـہ »

+ مَجموع المشَارگات » 1,495
+ معَدل التقييمْ » 253
شكراً: 0
تم شكره 0 مرة في 0 مشاركة

لمياء غير متواجد حالياً

افتراضي دردشة ليلة العرس

سلاااااااااااام عليكم
موضوع انشاء الله يعجبكم
دردشة في حفلة عرس ...
مساء الخيـــر ...

مرحباااا بنات ..

شوفوا الموضوع هذا واقرأوا الدردشات الحلووووة بين البنات والحريم في العرس ..


** الفصل الأول من العرس ** :

نوال : عبير شفتي نوره ايش لابسه ؟؟

عبير: لا وش هي لابسه ؟؟

نوال : يووه يووووه بسسسرعه التفتي لا تفوتك شوووفيـــها

عبير تلتفت تطالع بعدين تقول ..

عبير: يا ويـــــلــــــي لابسه فستانها القديــــم أيام خطوبتها ... يا حرااااام

( وش دخلــــكم طيــــب فستان خطوبتها والا فستان شغالتهم هماها راضيه وواثقه من نفســـها ) ...

حوار آخر يدور بينهم :

عبير: نوال لا تفووووتك البنت هذيك شوفيها وش هي لابسه ..

نوال : يووووه هذي فلانه الفلانيه ... وش ذا يا خزيااااااه كل ظهرها طالع عاد يقولون أبوها امام مســجد ..

عبير:ايه هذي حالتهم ذا المطاوعه خيرهم لغيرهم و بنته والا اخته تلاقيها .. الله يستر علينا و عليهم بس ... الله لا يبلانا يا شيخه ..

و تلاقون عبير و نوال نص صدرهم طالع و عادي ما يخالف ،، بس أشين شي اذا شفت بنت ظهرها طالع و دبــــه أحس تعذيب و تحوم تسبدي ... يعني اذا بنت نحيفه و جسمها حلو وش حليلها .. على الأقل أهــــــون مما اذا جتك وحده ظهرها متسفط مدري كم عشرطعش سفطه ( يلعن أم الثـقه اللي خلتها تلبس فستان بالشكل هذا و بالجسم هذا ) لا و احمدوا ربكم بعد ان معظم بناتنا ما يلبسون قصيــــر والا كان راحن فيها ..


** الفصل الثاني ** :

ننتقل بكم الآن إلى المنصه أو البست و هو مكان تحت رجول الطقاقات و انتوا بكرامه .. يجلسون فيه البنات اللي ما بعد أعرسن وماغير يترززن عند العجز .. أول شي تغني الطقاقه ثمن ( بمعنى بعدين ) تلاقي كل البنات قايمين يرقصون والله ما تلاقي مغز ابره .. والله مايدرون وش الاغنيه هي راب والا جاز والا فصحى والا مايكل جاكسن .. أهم شي كل مكان فيه وحده ترقص .. و ليتها وحده والا ثنتين بعد كان نسكت بس تلاقي أربع والا خمس بنات يرقصون مع بعض يعني شلــتي ؟؟؟؟

والا تجيك وحده تسمع بشي اسمه رقص ما غير ترجرج كنها غسالات توشيبا ... تخلص اغنيتها عاد يهجدون البنيات شوي ثمين ( انظر ما سبق ) يبدا شوط العجز يجون يرقمون عيني عينك ..

العجوز : ماشاء الله تبارك الله .. أقول من انتي بنته ؟؟؟؟

وهي تمعط شعر البنيه عشان تتأكد هو صدز والا تركيبه

البنت : أنــــا ؟؟؟؟؟

العجوز : لا العجوز اللي جمبتس ... ايه انتي أجل من ؟؟؟؟؟

( هالعجوز أخلاقها رايحتن وطــــي )

البنت : معليش يا طنط شوفي مامي هناك كان ودتس ترقمينها

( لعنبوا الدلع لين جا في شين غلـــط )


** الفصل الثالث ** :

الزفــّــــه :

تبدأ الزفه الحين عاد ... يا أما تكون شعر يقال في البنيه والا حريم يزاعقون ألف الصلاة و السلام عليك يا حبيب الله محمد لللللللللللللللللللللللوي ... المهم تجي عروستنا الله يحرسها .. كنها بزر توه يتعلم المشي .. تمشي حبه حبه ماسكه باقة ورد .. أحس ودي أقولها ( هدااا هدااا مشى و عدااا .. تمر نص ساعه على بال ما توصل للكوشه و تجلس بسلام .. في النص ساعه هذي اللي كانت تمشي فيها على حبه حبه ..

تعالوا شوفوا التعليقات :

نوال : أقول طقمها مهوب من كبره .. والا لا ؟؟؟؟

عبير: ايه صغير شكل ما عندهم قروش

نوال : لا يا شيخه يقولون أبوها مليونير و رجلها بعد

عبير: ايـــــه أجل خلاص أكيــد بخلا

.. يا كافي مدري وش فيهم الرجال يبخلون على بناتهم هذا و هي البنت الوحيده


دخول المعرس :

ثم يجي عاد دور المزيون الأطخم رجلها ... يمشي يدربي كرشته ذا الفقمه و وراه أمة محمد ماشاء الله ... تلاقي معه أبوه و ابوها و اخوه و اخوها .. خالها عمها ولد الجيران .. راعي البقاله اللي جمبهم .. و نصهم تلاقيهم مهوب محارمن لها يروحون كلهم للكوشه يوقفون شوي يصورون و يقزقزون في البني ( للي ثقافتهم روسيه البني جمع بنات ) عاد البنات ما يعترفون بالغطا في الزواجات والا تلاقيهم ماسكين منديل كبر يدي و حاطينه على اثاميهم يعنني متغطين ( اللي ثقافتهم سيلانيه اثاميهم جمع اثم وهي بمعنى فم بؤ ماوث ) ...

بعدين عاد تبدا تعليقات البنات :

ليلى : وععععع ورى رجلها كذا شكله ... يخ والله انه يحوم التسبد

( ياخي وش دخــّـــل أهلــك أنتي وياها رجلك والا رجلها )

هيفا : ياااااااااااااااي شوفي هذاااك مررره كيووووت اللي لابس سكسوكه كذا ياااي مره نااايس ( لا تفوتكم لابس سكسوكه لووول ) على فكره ترى البنات يموتون في شي اسمه سكسوكه يا شباب لوول بكره الاقي كل المنتدى حالقين لحاويهم ... لا بس من جد مدري وش فيها زود عاد

ليلى : ايه هذاك .. يقولون انه ولد جيران خال عمة العروسه

بعد ما يخلصون من التصوير الرجال يرجعون ... بس و هم في الطريق تلاقي عجوز مدري من وين فجأه تنط تمعط رجال من بين الرجاجيل اللي يمشون و تبوس و تجغف فيه قدام الحريم .. طبعا هالرجال يصير ولد عم خالة ابوالجيران .. طيب حبحبيه و خمخميه ما يخالف بس بعدين مهوب هنا


** الفصل الرابع ** :

تفضـــلوا على العشــــاء :

بعد ما يروحون الرجال عاد تمسك الطقاقه المكرفون و تقول مقولتها الشهيره تفضلـــوا علـــى العشــــاء ... يروحون يراكظون الحريم كنهم في ساحة سباق ... شفتوا شلون الحريم اذا جا موسم التخفيضات لقطت الحرمه عبايتـّـا من يوم تصبح لين تمسي وهي في السوق... هنا يحصل نفس الشي ... تروح الحرمه يا عساها تلحق على العشا ليّـا ( بمعنى عسى ) يفوتـها شي ... حتى في بعض الاحيان بعض النساء يستخدمون طرق غير شرعيه في هذا السباق .. وهو انها تجي الحرمه و تنادي خويتها الثانيه و تحاول تلهيها عن العشا و مثالون على ذلك

أم خلووودي : ( ترااها مهيب أم خلوودي خوينا اللي في القروب ) أقول أم هواوي لقيتها لقيتها

أم هواوي : ( حتى ذا ترى مهوب هواوي خوينا اللي بالقروب وش ذا يعني مافي هواوي غيره ولا في خالد غير اللي معنا بالقروب ) من هي اللي لقيتيها ؟؟؟؟

أم خالد : البنت اللي تدورين عليها ..

أم هواوي : أي بنت ... حسبي الله عليك يا ام خالد هبلتـي في العجيّـز ( عجيّز هي مصغر عجووووز )

أم خالد : تكمخها بالشنطه اللي بيدها و تقول .. اقول بلا استهبال يا عجوز قريح ... الحين انتي مهوب تدورين عروسه لولدك الشين هواوي .. و تبينها طويله ، بيضا ، و شعرها طويــــل ... ( أقول من زينك يا هواوي يوم انك تتشرط )

أم هواوي : ايـــــــــــه

أم خالد : خلاص لقيتها .. شوفيها توها رايحتن عند الحمامات تصلح شكلها .

و تروح أم هواوي يا عمري تدربي رويسها تدور على البنيه و ام خالد انتهزت الفرصه و سبقتـــــها على العشـــــا .

تروح عاد أم خالد تقحش من هالعشا و تملا الصحن من جميع انواع الاكلات و احيانا تصير الوحده معها صحنين و بدون مبالغه انها تصير تمشي ماسكتن صحنين واحد للأكل الشعبي مثل المرقوق و القرصان و الجريش و الثاني للحمص و المشويات و الاسماك و الربيان و غيره

بعد ما يتعشون عاد تصير كل وحده ما عاد تشوف الطريق ويالله تقدر تتنفس من ظوق الفستان ما تلاقيها الا فاتحه نص السحاب و فاصخه كنادرها عشان تركظ تاخذ عباتها و تروح تفخ لين بكره الظهر ..

<<------------------------------ انتهى العرس

منقول

 

  رد مع اقتباس
قديم 15 / 08 / 2002, 31 : 07 PM   #2
عطر الليل ؛؛؛ 
وئامي فعال

 


+ رقم العضوية » 2760
+ تاريخ التسجيل » 11 / 07 / 2002

+ الجنسْ »

+ الإقآمـہ »

+ مَجموع المشَارگات » 257
+ معَدل التقييمْ » 10
شكراً: 0
تم شكره 0 مرة في 0 مشاركة

عطر الليل ؛؛؛ غير متواجد حالياً

افتراضي

الله يقطع سواليفك لميــاء
========
هذا فعلا اللي حاصل ..
لا وهذا على خبري مادري الحين وش صار بعد ؟..
في الحقيقة لي مدة طويلة باليل مارحت زواجات
امممممممم يمكن كذا >> من ثلاث سنين <<
=============================


 

  رد مع اقتباس
قديم 15 / 08 / 2002, 08 : 08 PM   #3
سمير 
عضو شرف

 


+ رقم العضوية » 2125
+ تاريخ التسجيل » 17 / 02 / 2002

+ الجنسْ »

+ الإقآمـہ »

+ مَجموع المشَارگات » 2,513
+ معَدل التقييمْ » 10
شكراً: 0
تم شكره 0 مرة في 0 مشاركة

سمير غير متواجد حالياً

افتراضي

هاااااااااااع هاااااااااااااااااااااااع هاااااااااااااااااااااااااااع ....

آخ يابطني ... بس يالمياء بس . بمووووووووت ضحك على أم هواوي ...


|17| |17| |17| |17| |17| |17| |17| |17| |17|

تشكرات + تحيات + احترامات .... |116| |116| |116| |116| |116| |116| |116| |116|



< .. > : سمير .. الله يخليك موقـفي صعب .. الجماعة يشتكون منك

سمير : شلون يعني .. وضح ياصاحب المعالي .

< .. > : .. يعني إما الموافـقة والا المفارقة !

سمير : أهااا .. إذن المفارقة .

 

  رد مع اقتباس
قديم 15 / 08 / 2002, 12 : 08 PM   #4
عــذب الحروووووف 
عضو شرف

 


+ رقم العضوية » 2348
+ تاريخ التسجيل » 29 / 03 / 2002

+ الجنسْ »

+ الإقآمـہ »

+ مَجموع المشَارگات » 2,938
+ معَدل التقييمْ » 10
شكراً: 0
تم شكره 0 مرة في 0 مشاركة

عــذب الحروووووف غير متواجد حالياً

افتراضي

هلا اختي لمياء
مشاركه روعه
وعلى كلام اختي عطر الليل
هذا اللي حاصل
سواليف ممتعه
اختيار موفق
لكي تحياتي



....................................
أحب اعسف المهرة اللي تغلى

.............................................

COMING SOON

حبيبتي

الحب أنت والبهاء

قلم يستأذن ومحبرة تنتظر

إليك اليوم أكتب ... رسالتي بحبر أشواقي
ألملم حرفي من بين أنفاسي لأصوغ الكلمات لكِ بآهاتي

.................................................. .....

فــهد السبيعي

`·.¸¸.·¯`··._.· (ffsmsas@msn.com) `·.¸¸.·¯`··._.·

 

  رد مع اقتباس
قديم 15 / 08 / 2002, 19 : 08 PM   #5
wafei 
مدير عام المنتديات

 


+ رقم العضوية » 1
+ تاريخ التسجيل » 16 / 04 / 2001

+ الجنسْ »

+ الإقآمـہ »

+ مَجموع المشَارگات » 36,762
+ معَدل التقييمْ » 9599
شكراً: 200
تم شكره 42 مرة في 40 مشاركة

wafei غير متواجد حالياً

افتراضي

..........

....



ايه يانمر هذا اللي حاصل
يعني دوبك صدقت !!

ماقلت لك يانمر خلي بالك من نفسك
ترى
ترى
ترى
وانت تقول لا ماترى نقره لعرض الصورة في صفحة مستقلة
الآن صدقتني ياترى ؟




عرفنا علومكم ياآل حواااء

تسلمي لميااء


كلك ذوق ....

...

 

  رد مع اقتباس
قديم 15 / 08 / 2002, 43 : 08 PM   #6
عــذب الحروووووف 
عضو شرف

 


+ رقم العضوية » 2348
+ تاريخ التسجيل » 29 / 03 / 2002

+ الجنسْ »

+ الإقآمـہ »

+ مَجموع المشَارگات » 2,938
+ معَدل التقييمْ » 10
شكراً: 0
تم شكره 0 مرة في 0 مشاركة

عــذب الحروووووف غير متواجد حالياً

الوافي عندنا :D
انا اقول النور اجهرني
الحين عرفت السبب
مشكور على الطله يا غالي
بس انا على نياتي وتخفاني هذي العلوم نقره لعرض الصورة في صفحة مستقلة
بس اوعدك اروح لعرس وادخل بس كيف يخلوني ادخل عندهم
علشان اشوف نقره لعرض الصورة في صفحة مستقلة
اخاف منهم |2|
تحياتي الك حبيب قلبي على النصيحه :p
بس شكلك تبي تورطني نقره لعرض الصورة في صفحة مستقلة

تحياتي



....................................
أحب اعسف المهرة اللي تغلى

.............................................

COMING SOON

حبيبتي

الحب أنت والبهاء

قلم يستأذن ومحبرة تنتظر

إليك اليوم أكتب ... رسالتي بحبر أشواقي
ألملم حرفي من بين أنفاسي لأصوغ الكلمات لكِ بآهاتي

.................................................. .....

فــهد السبيعي

`·.¸¸.·¯`··._.· (ffsmsas@msn.com) `·.¸¸.·¯`··._.·

 

  رد مع اقتباس
قديم 16 / 08 / 2002, 48 : 01 AM   #7
غريب المدينه 
العضويه الفضيه

 


+ رقم العضوية » 2887
+ تاريخ التسجيل » 08 / 08 / 2002

+ الجنسْ »

+ الإقآمـہ »

+ مَجموع المشَارگات » 701
+ معَدل التقييمْ » 10
شكراً: 0
تم شكره 0 مرة في 0 مشاركة

غريب المدينه غير متواجد حالياً

افتراضي

شكراً أخت لمياء على هالسوالف

بس تصدقين مدري عن الأشياء هذي أنها تصير فالزواجات .
على فكره ماعمر أحد سولف لي عن هالمواضيع (مسكين لاخوات ولاهم يحزنون)

بس تصدقين سالفه حلوه جداً شكراً لك .

بس شوفي لنا سالفه ثانيه زي هذي .(يعني أمون)

شكراً لك مره أخرى

 

  رد مع اقتباس
قديم 16 / 08 / 2002, 55 : 01 AM   #8
ســراب 
عضو شرف

 


+ رقم العضوية » 569
+ تاريخ التسجيل » 03 / 07 / 2001

+ الجنسْ »

+ الإقآمـہ »

+ مَجموع المشَارگات » 4,324
+ معَدل التقييمْ » 10
شكراً: 0
تم شكره 0 مرة في 0 مشاركة

ســراب غير متواجد حالياً

افتراضي

الله يسعدك يالمياء كثر ماضحكتيني حشا هذه فضايح موب سوالف :D

لا معنى للتوقيع

حين اكون قد رحلت !!

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
دردشة زيزوم و استسقاء الصوتية الاسلامية عابد الغفار  نفَحَآت إيمَآنِية 1 23 / 08 / 2010 41 : 08 PM
العرس!!!! الليدي عمشا  ||ترفيه وَمسآبقآت 16 30 / 04 / 2006 18 : 11 AM
دردشة على الإنترنت تطيح بــ 10 طالبات سعوديات Mahsoon  || اوْرآق مُلَوَنة .. 11 11 / 05 / 2002 10 : 06 PM
دردشة ....!! رخـا 2000  || اوْرآق مُلَوَنة .. 5 27 / 01 / 2002 47 : 02 PM
دردشة ابو محمد 2020 للجميع ابو محمد2020  ملتقى الأصدقاء 2 20 / 09 / 2001 09 : 08 PM


الساعة الآن 35 : 09 AM بتوقيت السعودية


Powered by vBulletin® Copyright ©2000 - 2020, Jelsoft Enterprises Ltd.
new notificatio by
9adq_ala7sas
[ Crystal ® MmS & SmS - 3.7 By L I V R Z ]