موقف لا يمكن أن أنساه (2) . . (تحطيم)

بعد يومين من سفري إلى الرياض في الموقف اللي ذكرته سابقاً، وبعد أن أجريت المقابلة الشخصية في الجامعة رجعت إلى جدة بالطائرة بالدرجة السياحية اللي أعرف وين طاولة الطعام موجودة فيها.

طبعاً لأن هذي اول مرة اسافر لحالي، كان عندي تصور وأنا راجع إلى جدة ان الكل عارف إني سافرت، وتوقعت إن اللي حوالينا افتقدوني (يا شين الثقة الزايدة بالنفس).

المهم وصلت بيتنا قبل المغرب، ولما خرجت لصلاة المغرب في المسجد اللي جنبنا شفت جارنا عند الباب،
اندفعت له واخذته بالأحضان اسلم عليه، طبعاً هو قابل سلامي بفتور (ضايقني)،

لكن اللي خلاني في نص هدومي (على قولة أحبتنا المصريين) لما قال لي: أيش . . أنت سافرت؟؟، أنا ما افتقدتك.

الله يهديه . . . كان مشّاها ليّ . . . وما فشلني وخلاني ادخل المسجد وما أركّز في الصلاة.

(نصيحة: إذا سلم عليك احد واخذك بالأحضان . . قل له الحمد لله على السلامة ولا تفشله . . يمكن يكون سافر وأنت ما تدري)

..

هههههههههههه

يااويلي عنك يابو عاابد

اللحين وش نقززك تسلم المفرووض تطالع بنص عين فيه تشوف هو يقولك متى جيت والحمد لله عالسلامه
ولا تعال جنبه وقوول الله يقلع ذا الطائره قزازها خربان وذبحنا الهواء <<<عشان يعرف انك سافرت خخخخ


قسم انك تحفه ياعبد الله جعلني فدا ذا الخشم

ههههههههههههههههههه

موقف لاتحسد عليه الصراحه قمة الاحراااااج طيب يمكن هو صح مافتقدك وش تسوي الا يفتقدك هههههههه

بعدين هو سئلك انت سافرت اكيد ماكان يعرف انك سافرت او يمكن كان يقصد انك ماطول وانت مسافر عشان كذا مافتقدك

عادي كان رقعت الموضوع وقلت طيب قل الحمد لله على السلامه على الاقل مو لازم تفتقدني

نصيحه لاتسلم عليه مره ثانيه هههههههههههه

هههههههههههههههههههه
هههههههههههههههههه
وين حركات العنطزه اللي في الطياره !!
الله يسعدك خطير جارك ذا ماعنده وقت
تبي رأيي مالك الا نصيحة اخونا يوم قال :

	المشاركة الأصلية كتبت بواسطة خلف الجابري

	.. ولا تعال جنبه وقوول الله يقلع ذا الطائره قزازها خربان وذبحنا الهواء <<<عشان يعرف انك سافرت خخخخ

الرجال هذا ذكي ماحد يقدر عليه << اقصد خلف


أما بالنسبه لنصيحتك أخوي عبدالله
طيب افرض نقول الحمد لله عالسلامه ويقول اصلا ماسافرت ؟؟ لا ويقول بعد ماعليش غلطان احسبك فلان وسلمت عليك
ساعتها من يساعدني بتلقيط وجهي ؟

	المشاركة الأصلية كتبت بواسطة خلف الجابري

	. اللحين وش نقززك تسلم المفرووض تطالع بنص عين فيه تشوف هو يقولك متى جيت والحمد لله عالسلامه ولا تعال جنبه وقوول الله يقلع ذا الطائره قزازها خربان وذبحنا الهواء <<<عشان يعرف انك سافرت خخخخ

أخي الحبيب خلف

ما شاء الله عليك ياخبير أنت . .

صدقت . . كان المفروض اسوي مثل ما قلت علشان يعرف أني سافرت بالطيارة لمدة يومين،

أو إني أجيب لي أي شيء من البيت وأقول له أن هذا هديه له بمناسبة عودتي من السفر.

عموماً . . بعد ذيك الفشيلة صرت إذا غبت ثلاث شهور عن البيت أسلّم عليه سلام عادي >>> يعني أني رزين

الله يسعدك دنيا وآخرة.

	المشاركة الأصلية كتبت بواسطة مياسم

	موقف لاتحسد عليه الصراحه قمة الاحراااااج طيب يمكن هو صح مافتقدك وش تسوي الا يفتقدك هههههههه بعدين هو سئلك انت سافرت اكيد ماكان يعرف انك سافرت او يمكن كان يقصد انك ماطول وانت مسافر عشان كذا مافتقدك عادي كان رقعت الموضوع وقلت طيب قل الحمد لله على السلامه على الاقل مو لازم تفتقدني نصيحه لاتسلم عليه مره ثانيه هههههههههههه

أختي الكريمة مياسم

تقبلي شكري لجميل مداخلتك

بكيفه لا يفتقدني . . . بس لو جاملني وأخذني على قد عقلي،
ما قدرت أرقع الموضوع، قلت له عن أذنك ودي الحق الصلاة، مع العلم أني صليت مع الناس وما كنت مركز في الصلاة –الله يغفر لي- بسبب لقافتي ولأنه عطاني أياها "كاش" على قولتهم.

أختي الكريمة:
الله يديم عليك الصحة السعادة في الدارين

	المشاركة الأصلية كتبت بواسطة رحـــــــــيل

	وين حركات العنطزه اللي في الطياره !! جارك ذا ماعنده وقت تبي رأيي مالك الا نصيحة اخونا خلف أما بالنسبه لنصيحتك أخوي عبدالله طيب افرض نقول الحمد لله عالسلامه ويقول اصلا ماسافرت ؟؟ لا ويقول بعد ماعليش غلطان احسبك فلان وسلمت عليك ساعتها من يساعدني بتلقيط وجهي ؟

اختي الكريمة رحيل

اسعدتني مداخلتك واسمحي لي بأن أجاوب على تساؤلاتك >>> أنت من سألك

أولاً: (وين حركات العنطزه اللي في الطياره !! ): حركات العنطزة ما جابت ليّ الا الجوع وعلشان كذا بطلتها.

ثانياً: (تبي رأيي . . مالك الا نصيحة اخونا "خلف" ): مشكورة على نصيحتك بأني أطبق ما قاله أخوي الحكيم خلف، وراح أزيد عليها وأقول لجاري: . . الجو عندكم بجده حر مرة . . ( ما شاء الله على اللي جاي من القطب المتجمد الشمالي) . . . بعدين هو بالتأكيد حيسألني: ما شاء الله أنت كنت مسافر؟.
أقوم داخل عليه بموضوع السفر ، واسلم عليه من جديد >>> يا حبك للتسليم.

ثالثاً: ( ساعتها من يساعدني بتلقيط وجهي ؟): تساؤلك هذا اللي ينتج عنه "تلقيط الوجه" تساؤل في محله، وعلشان كذا، وحتى نتفادى تلقيط الوجه وخلافه ممكن نعدل "نص" النصيحة ونحذف "الحمد لله على السلامة" ونستبدلها بعبارة: "ياشيخ وحشتنا" >>> اللي يقرأ هالكلام يحسب أننا نتكلم في اتفاقيات الحد من التسلح بين الدول العظمى.

دمتِ أختي رحيل بصفاء وسعادة.