أبو رهف المحمدي .. اقلط هنا اقلط يا ذخر حرب اللي عليها الكلاما ..

[align=center]...........
...................

السلام عليكم

أبو رهف
إخواني وأخواتي أهل الوئام
أخيرا أخيرا . جابها الله
جابها الله ولقيتها بين كوم هالاوراق
لا والغريب انها مكتوبه على قفا فاتورة قطع غيار سيارة :D
نعم
كتبت قبل سنة تقريبا أو أكثر ولم يكتب لها النور الا الليلة

يقو ل رهين المحمدي :

الله من قلب العنى يا نسيبي=عيا يطاوعني وانا ازريت لا ارضيه
يتلني تل الرشا بالقليبي=وانا العطيب اللي زمانه لعب فيه
كنك تمله فوق صالي اللهيبي=قلبٍ على الخالق لك الله مشاكيه
توي شباب وقرب الوقت شيبي=وقتٍ سرابي واتعبني مساريه
من حر ما اونس يا غناتي غديبي=وكثرت عليه يالنسيب المشاريه
وفي كل مجلس يا نسيبي حكيبي=ولااحدٍ درى قلب العنى ويش خافيه
رحت الطبيب وقال جرحك عطيبي=واللي سواة جراحكم ما نداويه
ما هو هوى همي لك الله غريبي=شيٍ يشيب الراس من حس طاريه
ثارت عليه بندقٍ من قريبي=من راميٍ صاد الهدف قبل يرميه
لولا الحيا لاشق ياخوك جيبي=واجاوب الورقى بصوتٍ تغنيه
يردني عن بعض الانذال طيبي=واللي خطاة اللاش ماني مراعيه
وعليك ابشكي حالتي يا عتيبي=يالنادر اللي عالياتٍ مجانيه
عقب الحرار مطوعين الصعيبي=اللي اعتلوا من سلم المجد عاليه
ربعٍ ليا لاقى حريب حريبي=يبشرون الذيب باللي يعشيه
يا حظ من هو من عتابه قريبي=انا اشهد انه ذاك ما تربت يديه

وهذا ردي
والمعذرة اخوي حسن على التأخر .. بس التأخر مهوب كثير ، مغير سنة وحدة بس
ابو رهف
اعذرني فأنت تعرف ظروووووووووووفي
والمعذرة مرة أخرى لأن مستوى هالقيدة ما يناسبك بس وش نسوي ؟؟ مير الجود من الموجود

أقوووول :

حان السفر شد الرحل يا نديبي=واحجز على اللي شاسع البعد تطويه
صنعة عدو الدين خطو الصليبي=اطرازها البوينج محلى طواريه
سوّاقها مجهم ووجهه غضيبي=جبّار. قلبه ما تزعزع كراسيه
وليا ولى النفاث جاله طنيبي=يجور به جور(ن) على الله دعاويه
يجيلها فوق المدرّج نحيبي=نحيب خلج(ن) تالي الذود تتليه
وشدّ الذراع وقبقبت بالقنيبي=تقنب قنيب(ن) كل الاسماع توحيه
ترقى سنود وتتجه للمغيبي=وخطّ ايمن القبله على الوصف تعطيه
واحسب من اقلاعك بها ياللبيبي=ساعة وحول الربع لابد توفيه
وحان الهبوط وفي بلاد الحبيبي=دار الرسول اللي وفا في مساعيه
وانص الحرم واخذ الك ركعة منيبي=وسلّم على المختار واللي حواليه
وازهم على اللي في ثواني يجيبي=ابو رهف قرم(ن) تسابق حسانيه
نسل الكرام مدلّهين الصحيبي=من لابة(ن) عذروبها الضيف تقريه
والله ما تلفي عليه وتخيبي=وهو الذي منزال ضيفه بعينيه
وبادرك بالكيف المبهّر وطيبي=طيب(ن) يدور بمجلسه يوم تلفيه
تمره خلاص ولا يحط الشبيبي=والكيف الاشقر مضرم الراس يبريه
وجاب الخروف اللي ربا في الشعيبي=امفطح(ن) تفطيح باحدى صيانيه
وقدّم مع الماجوب لك ما يطيبي=وسن(ن)ضحوك ومرحباه وتهاليه
بلّغ سلامي يا نديبي صحيبي=وقله ترا اللي واطن الناس واطيه
وهذا الزمان وكل مابه عجيبي=الله يكافينا تبدّل لياليه
شرّ الفتى اللي ما لقي له طبيبي=صار يغزيه من اقرب الناس ويجيه
وصارت سهام(ن) فالمقاتل تصيبي=والرامي ارحام الصويب وعوانيه
وابليس لاقن له تراب(ن) خصيبي=معهم وقام يزيد زرعه ويسقيه
ونشا الحسد معهم وغصنه رطيبي=يفتل لهم حبل العداوة ويثنيه
يبو رهف دنياك حظ ونصيبي=مكتوب كل اللي تصيبه وتخطيه
والصبر مزبن فالزمان العصيبي=واللي زبن في مزبن الرسل يحميه

والسلااااااااااااااااااااااااااااااام

السلام عليكم ورحمة الله وبركاته
أخوي الفاضل ( أبو تركـي )
هـــلا والله ومرحبا فيك تراحيب المطر وحياك الله

صح لسانك وصح لسان الشاعر حسن المحمدي

وبيض الله وجيهكم والنعم فيكم أثنينكم وفي من تنتمون له

حسن شاعر وأسند بما جادت به قريحته إلى أبو تركي أيضاً شاعر ورد بما جادت به قريحته

وهاذي هي عوايد العرب يسندون بعض الأمور إلى بعضهم من باب أخذ المشوره ويجدون ما يسعون له

وفي هالزمن ماتستغرب ما شكى منه أبو رهف تغيرت القلوب والنفوس وراح الصفا والتواصل بين الأقرباء والأصدقاء

وليتك تسلم بنفسك ويتركونك بحالك ، وعسى الله يسهل الأمور وتصدق النوايا عند الناس.

لاهنتم وبيض الله وجيهكم أبدعتم وأمتعتونا بإبداعكم

لاعدمناكم ولاعدمنا رقي أخلاقكم .

ابو تركي
يعلم الله اللي لااله الا هو
انك رديت ووفيت واشهد بالله انك شاعر
والشعر ماهوب غريب عليكم ياعتيبه
من غير اقصور في حرب وكل القبايل بس الحق لابده يقال.
صح لسان استاذي حسن
وصح لسانك ياولد الهيلا.

بسم الله الرحمن الرحيم

السلام عليكم ورحمة الله وبركاته



أبداع من مبدعين


وتميز وكرم ووفاء

ابو رهف قمة في كل شيء

وراعي عليان ما يحتاج نعت معروف بشهادة الجميع


كل الشكر والتقدير لكم

وسلمكما الله من كل شر

اخي الحبيب

واستااااذي

وعصااابة راسي

ابو تركي

صح لساااانك مليووون ولا يكفوووون

وبيض الله وجهك

رد على رغم تأخره الا انه كالمطر يأتي ليحي الارض بعد موتها

وان يقترن اسم حسن المحمدي باسمك يوما ما

فهذا شرف لي لا يدااانيه شرف

سيقااال وارسل له حسن المحمدي هذه القصيده

فكااان رده عليها بهذه العصماء

وهذا يكفيني فخرا اخي الحبيب

لك مني


كل الحب

اخوي عازف الناي
سررت برؤية معرفك في هذا الموضوع
يعطيك العافيه على التعليق والاطراء العذب
لاهنت حبيبي
والسلام

ماني بهايب

ياحلو هالكلمات التي شجعتني حقيقة بها
سلمت يا القرم
وما عليك زود يالغالي
والسلااااااااااااااااااااااام

بسم الله الرحمن الرحيم

ابو تركي

السلام عليكم ورحمة الله وبركاته

كيفك وكيف دنياااااااااااااااااااااااك اشتقنا لك ياااااااااااااارجل


وصح الله الساااااااااااااااااااان ابو رهف وصح الله الساااااااااااااااااااااااانك


صوت وصدى وجمال وابداع وفن وشعر وكلام رااااااااااااااااااقي

بيض الله وجهك وجهه


تقديري واحترامي




حسامكو

سنــــــــــــــــــــــــد يقول :
ابو رهف قمة في كل شيء
وراعي عليان ما يحتاج نعت معروف بشهادة الجميع
ههههههههههههههههه
ما نسيت الماخوذ عليان ؟؟
ايــــــــــــــــــــــــــــــــــــــــــــــــ ـه يا سند
ياحلو المــــــــــــــــــــــــــــــــــــاضي يا سند
سند
أقسم بالله انك حركت أشياء في قلبي
ايــــــــــــــــــــــــــــــــــــــــــــــــ ــــــــــه يا زمن ...
وعلى العموم يا سندنا الحبيب
لاهنت على المرور والتعليق ... والسلاااااااااام عليك يا غالينا .

حبيب قلبي أبو رهف
أنا استـــــاذك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هذي يحتاج لها تعليق طويل . لكن ما أقول إلا أستاذك في ماذا ؟؟
أبو رهف : قد رفعتني كثيرا فوق منزلتي .
فوالله لست بقدوة ولست بشاااااااااااااااااااااااااااااااااعر
وأعلنها الليلة كما أعلنتها من بداياتي في هذا المنتدى وفي كل حين
(((لست بشاااااااااااااااااااااااااااااااااااااااااااااااا اااااااااااااااااااااااااعر)))
وكل ما في الامر أنها فيض مشاعر ومجموعة أبيات تطلع استجابة لبعض الأحاسيس ( وأقول : قصيدة) ههههههه
أبو رهف
يعطيك العوافي يالغالي
ومدري وش اقول لك لكن .. لاهنت على هذا الاطراء والمدح والتعليق
ولا هنت ياحبيبي والسلام عليك