مشكله بكمبيوتري

..

السلام عليكم

عندي مشكله لو تحلونها اكون لكم مشكورهـ ..

ندخل بالموضوع على طوول ..

علتي بالجهاز انه بطئ ومرات يعلق ..

طبعاً اول مافيه احسن منه فشقه بسم الله عليه .. بس جيت مرهـ ابي اشغله حلف انه مايشتغل وديته للمحل قال ان الرام بكبرهـ خربان والقش اللى ورى ..

طبعاً الله يعافيه شال كل شي وحط جديد ..

وهنا تبدى المشكله .. انا طبعي اذا فتحت صفحه ابيها على طول تفتح يعني زي ماتقولون حركه كل شوي بصفحه .. والصفحه اذا جلست شوي مافتحتها يالله تفتح

والمسن اذا فتحته يعلق له 5 دقايق بعد مايفتح ثم تطلع لي القائمه ..

ولو افتح الجهاز وعلى طول بسم الله ابي اشتغل يعلق العم يبينا نرفههـ وانا ماعندي استعداد صراحه ..

واذا حفظت لي صور أو اي شي يقولي انخفاض بالذاكرهـ

او ابي اشغل لي صوت .. افتح ملف صورهـ نفش الشي ..


يعني ماأدري المشكله بالرام اللى ركبه او الجهاز يبي له برامج او وش السالف بالضبط ؟؟!!

تكفووون ابي حل لها والله ان اعتزالى من عالم النت والكمبيوترات بيجي بسببه



تحيتي لكم ..

..

..............

...

سلام


اولاً
ارسلي جهازك لـ رامتان وباذن الله غير يرجع لك صبي
هذا اولاً

ثانياً
والله مدري عن المحل اللي وديتيه له لكن سالفة انه بس غير الرام وظهرت كل هالمشاكل

	اذا فتحت صفحه ابيها على طول تفتح يعني زي ماتقولون حركه كل شوي بصفحه .. والصفحه اذا جلست شوي مافتحتها يالله تفتح والمسن اذا فتحته يعلق له 5 دقايق بعد مايفتح ثم تطلع لي القائمه .. ولو افتح الجهاز وعلى طول بسم الله ابي اشتغل يعلق العم يبينا نرفههـ وانا ماعندي استعداد صراحه .. واذا حفظت لي صور أو اي شي يقولي انخفاض بالذاكرهـ

بصراحة حاجه ماتخش العقل
!!

نصيحتي لك
اعيديه له واخبريه بالمشاكل التي ظهرت وقبل ماتستلميه يشغله عنده وتشيكي عليه ولاتأخذيه الا انتي متأكده من انه كل شيء تمام

...

..

	ارسلي جهازك لـ رامتان وباذن الله غير يرجع لك صبي

هو لو رامتان عندي كان ماحطيت الموضوع بالأصل

	اعيديه له واخبريه بالمشاكل التي ظهرت وقبل ماتستلميه يشغله عنده وتشيكي عليه ولاتأخذيه الا انتي متأكده من انه كل شيء تمام

تكفى ابو الوفا وجه كلامك للمشاعر لأني مت منه وانا اقول له وهو معطين الخامس يقول ماعلى منك ..

المشكله داااااااايم اقوله شغله عندهـ وتأكد من كل شي بس يدخل من هوون ويطلع من هونيك ..



والله عاد هو رام والا غيرهـ ماأدري .. اللى اعرفه ان الجهاز جا لى جديد .. يعني حتى الحديد اللى ورى متغير هههههه


الف شكر لك

..

	تكفى ابو الوفا وجه كلامك للمشاعر

مااقدر اوجه له كلام .. وهو ماوجه لي كلام .. اخاف من الكلام

	والله عاد هو رام والا غيرهـ ماأدري .. اللى اعرفه ان الجهاز جا لى جديد .. يعني حتى الحديد اللى ورى متغير

اش دخل الحديد اللي ورى بالرام !!



اسمعي
شغلي الجهاز عند المشاعر ووريه المشكلة
ويروح بالجهاز للي اشتغل فيه يوريه المشكلة واذا قال صلحته يشغله عنده ويتأكد انه كل شيء تمام


بعدين لاتودي جهازك الا لشخص موثوق فيه



...

..

	اش دخل الحديد اللي ورى بالرام !!

ههههههه هذا ياوافي من زوود انه خربان .. يعني اشغله مايشتغل ولا حتى تفكر المروحه انها تدور لو شوي .. كلش بالصامت ..

	شغلي الجهاز عند المشاعر ووريه المشكلة

تدري وش المشكله ..

هو يستخدم نفس الجهاز مرات .. يعني عارف وش فيه

	بعدين لاتودي جهازك الا لشخص موثوق فيه

لو معي سيارهـ كان جيت لرامتان مخصوص

بشوف اذا احد عندهـ حل لها والا وديته مرهـ ثانيه


مشكوور وافي




..

	المشاركة الأصلية كتبت بواسطة حكاية ليل

	.. السلام عليكم قال ان الرام بكبرهـ خربان والقش اللى ورى .. طبعاً الله يعافيه شال كل شي وحط جديد .. ..

وعليكم السلام

يعني يوم غير الرام هل غير اللوحة الأم

لأنش تقولين غير الرام والقش اللي ورى

وما تركب الرام الا على المذر بوررد

تأكدي من نوعية المذر بورد في محل ثاني

وطابقيها مع الأولى من جهة المواصفات

وأحيانا يكون فيه تعارض في الرام عند طلب المقاطعة

لتنفيذ العمليات أحيانا لازم تكون نفس النوعية في سرعة النض

مثلا سرعة الرام 400 والثانية 333 يحدث مشكلة

تأكدي من تطابق المواصفات وهل هي الخاصة بالمذر بورد

لأن الرامات DDR1 لا تعمل على مذربورد تدعم DDR2

ما طول عليش تأكدى من البورد هل هي نفس الأولى

ومن نوعية الرام ......

كــان ودي أســاعدكــ

بس ودي أضحكـ بعــد عليكـــ وإذا أيأستــي

ترى وافي مايقصر عندهـ الأجهزهـ كوووم ماشاءاللـه

ماهو عجزان يرسل لكـ واحد بالبريـد

::

مالكــ إلا ترجعيـن الجهاازو للي صلحـه

ماينفـع ترسليـن له أحد

رووحي لـه إنتـي وخوووذي معكـ ثنتين بعد تعزيز

وحلي مشكلتكـــ إلى متى هالإتكااليه فيكم

::

..

اهاااا كذا السالفه الاغر ..

الله يعطيك العافيه ويجزاك الخير ..

بس الحين منين اجيب القطعه الاولى لأنها عند المحل ويمكن يصير حالتها ..

على العموم اشوف وش بيصير ..

الف شكر لك

..

..

	بس ودي أضحكـ بعــد عليكـــ وإذا أيأستــي

اجل اضحك من الحين ..

	ترى وافي مايقصر عندهـ الأجهزهـ كوووم ماشاءاللـه ماهو عجزان يرسل لكـ واحد بالبريـد

المشكله ماأشك فيه خرب الجهاز الا انت .. تدري ليه

لاني مرهـ حملت برنامج انت منزله والله عقبها حاس الجهاز ..

	رووحي لـه إنتـي وخوووذي معكـ ثنتين بعد تعزيز وحلي مشكلتكـــ إلى متى هالإتكااليه فيكم

المشكله الى الان مابعد طلع جنود الامبراطور والا كان تلقاهم معي بكل مكان ..

اييييييييه على الاتكاليه لو على هالشي يهووون ياخيي ..

..

..

	عندي مشكله لو تحلونها اكون لكم مشكورهـ

يارب جيب العواقب سليمه ..

	علتي بالجهاز انه بطئ ومرات يعلق ..

خوووفتيني يابت ..


على بالي انفجر الجهاز بوشكـ


اصلا جهازكـ من سنه جدي ياختي متى بتعتقين هالجهاز ..






..