قصيده مختاره

السلام عليكم ورحمه الله

هذه المره قصيده اخترتها واتمنى ان تنال اعجابكم

ولا يحضرني اسم الشاعر او بالاصح لا اعرف اسمه



[poet font="Arial,4,black,bold,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
تعبت أقول لأيامي سوالف عشق مشهورة=تعبت أصيح وجروحي تجاوب كل جدراني
نسيت الذات بالزحمة جرحت الليل وشعوره=جــرحت الوقـت بالذكرى مشيـت الدرب وحـداني
جعلت الحب في عيني حكاية حب منثورة=ذكرت الحب من شوقي وهاض القلب وأبكاني
سكنت اليأس والحرمان سكنت الخوف وقصوره=هجرت الناس والدنيا وصار الليل مسكاني
رسمت الحب في لوحه ضبطت الصوت والصورة=كتبـــت الشعر وجروحـي تبدد غيـمه أحـزاني
بديت الحب مع حصة ختمت الحب مع نوره=لقيت القلب مع حصة لو إن الوجه للثاني
ولكن من يخبرها تداوي روح مكسورة=أخاف الوقت يبعدها وأكون اليوم خسراني
لان الصمت يرهبني واخاف الموت بسطوره=وأمـوت بلهفتــي حسره ويضحـك سن عدوانــي
حياتي والوعد قاتل ترا الأيام مقهورة=جبينك ردها حسره تردد صادق الحاني
جميع البيض من حسنك حياة الروح مبهورة=بهـــرها حسنك البـــاهر بزينٍ منـك فتــاني
وجتك وجيه من أجلك تصير اليوم مستورة=تقول الزين أنت الزين يصير لحضرتك فاني
فلا ترفه ولا نجوى وعنود الصيد منصورة=ولا مريم ولا كوثر يجي من بعد وجداني
ولا سلمى ولا سلوى مع الغطروف مستورة=ولا جـوزا ولا ليلـى ولاعبـله ولاايمــــاني
ولا نهله ولا بوسي ولا حمده وغندورة=ولالمياء ولا علياء ولا أشواق أشجاني
ولا رغده ولارنده ولا(غزوى)مع ابدوره=ولا ليزا ولا ديانا ولاساره ولاواني
ولا(أمواج)مع رحمه جميع البيض مثبوره=ولاغــاده ولا وضـحى تغـــــيّر نظرة أعيـــاني
ولا اللي تركب اللكزس ولا اللي تركب سبورة=ولا اللي تركب المر سيدس شبح من صنع ألماني
ولا اللي ساقت التكسي ولا اللي وسط مقطورة=ولا اللي تركب التيما مصنع بيد ياباني
ولا اللي تركب ألد دسن ولا الهايلكس لعبوره=ولا اللـي تركب السدرك جديد الصـنع من شاني
ولا اللي تعشق مساعد ونايف صقر وصقوره=ولا اللي تطرب لجاسر وتصفق لابن قحطا ني
ولا اللي شدها المانع ولا الملتاع بحضوره=ولا اللـي تطـرب لعافــت بعد إبداع هتـــاني
ولا اللي تسمع محمد وطلال الفن وعصوره=ولا اللي مالت لعيسى ونجوى صوت لبناني
ولا اللي شدها خالد وصباح الفن شحرورة=ولا فيروز وديانا ولا كاظم ولاها ني
ولا اللي شجعت ماجد عميد اللعب بالكوره=ولا بــيليه آو زيــــكــو ولاالـبرتــو..وزيـا ني
ولا اللي ربت الماعز ولاالابقار مع ثوره=ولا اللي ربت الناقه ولا اللي ربت حصاني
ولا اللي تتبع الراهب ولا القسيس مشكورة=ولا اللي مذهبه شيعي ولا بوذي وعلماني
ولا أمي ومتعلم ولا ابله..ودكتورة=ولــو جابوا جميـع البيض جمال وخفـة الساني
اردد كلمةٍ صارت لكل الناس منشوره=احبك أنت يا عمري لو أن العمر ينحاني
ولو تعرض معاناتي لهيئة امن مشهورة=كتب ترفع مع التقدير صوب حقوق الانساني
ولو تعرض على السرعة لفا..كلٍ بمقدوره=تجمع كل هالدنيا دول من كل الاوطاني
جنيف ومصر مع لندن تجي بالبر وبحوره=ومن مدريد والنمسا بإضافة عضو إيراني
ومن روما على اسطنبول بلاد السهل ووعورة=ومن جده على لندن يشكل وفد أسباني
ومجلس أمن يجعلها على الهيئات محظورة=قبل لا أنسى وأنا ما أنسى لجان الصلح ترعاني
أبي تعرض على المجلس قصه حب مأسورة=وأبي يأخذ بها المجلس قرارٍ يردع الجاني
ويشكل مؤتمر طاري لحل الوضع والثورة=قبل يكبر ولا تنفع وساطة كل سلطاني
ويشوف الرأي في جلسة على الأعضاء مقصورة=لعـل الرأي في صفــي أعيـش العمــــر طربـا ني
أعيش العمر بالفرحة..أضم الورد وزهوره=أيزيل الشوك عن دربي اخمد نار بركاني
بعد ما عشت بالحسرة مشاكل عام بشهوره=تفـج الراس حتـى الساس تشـل أعضاء ولـهاني
على مهرة سبت روحي عليها الروح مسحورة=
تقول أرجوك لاتقرب واقول البنت معذورة=أدور عــذر من خوفـي ازعلـها وتنـساني
ولـو تامر تبـــي منـي أصير حطام طبشـوره=رضيت لاجلها تطلب وأنا جاهز بحرماني
ولو تآمر تبي مني أصير اللوح سبورة=وتكتب كل ماتبغى وتمسح كل عنواني
ولو تآمر تبي ذبحي أحد اليوم ساطوره=وتنهيني من الدنيا وتدفني مع احزاني
قبل قلبي مع التعذيب يزور الموت وقبوره
وامــوت بلهفتــي حسره ويضحـك سن عــدواني
[/poet]

حبيبي غريب

أقوم على حيلي وانا منسدح ,, أقوم تقديرا لهذه المختارة الرائعة
الرائعة في معناها , وفي مضمونها وفي قافيتها ووزنها ,,,

عز الله ما قصرت يالذيب ,,
ولابد أنقل القصيدة ذي في ديوان (ما أعجبني من قصائد النبطي)
بس ياليت تجيب لي اسم الشاعر

لا هنت لا هنت يالذيب

........

بديـت الحـب مـع حصـة ختمـت الحـب مـع نــوره
................................لقيـت القلـب مــع حـصـة لــو إن الـوجـه للثـانـي

وش ذبح المنسدح بلا سكين يا غريب
ما ذبحني الا نورة .. اللي على الساحل هنـــــــــــــــــــــــــاك ,,

الله يعين
وتصبح على خير ,,
منسدح زمانه

...........


....


هلابك اخوي غريب

يازينك ويازين نقلك ياغريب

الله يعطيك العافية


قصيدة رائعة كروعتك

اختيار جداَ موفق ياغريب

الف شكر لذوقك الرفيع



كلك ذوق ...

هلا وغلا اخي الغريب
اختيار رائع بروعة حضورك
انت شاعر ولك ذوق رفيع في الاختيارات
امتعتنا بمنقولك اخي
اتمنى لك التوفيق
تحياتي

اخوي غريب
اختيار جميل جدا
ابدعت بنقلك هذي المعزوفه لنا
الله يعطيك العافيه
لولوة

غرررررررررررررريب


ياغررررررررررررريب



اخي الفاضل والشاعر الراائع


اختيار اكثر من رااااااائع واكبر من اي تعقيب ورد


والله قلمي يخجل من التعقيب هناااا

روعة هذا المتصفح جعلت مني اشعر بقسوة الابجديه امامي

اخت الجميع رعبووبه

غريب
شاعرنا القدير
شكرالك على حسن الاختياااااااااااااااار

رائع وربي رائع
الف شكر ياغالي

السيف

أخوي غريب

قصيده رائعه حقا واختيار رائع بلاشك من شاعر رائع

الف شكر والله يعطيك العافيه

تحياتي لك

هلا وغلا المنسدح العاشر



ولاتهون اخوي


والله كان ودي اني اعرف الشاعر بس للاسف ماعرفه


وقلت يمكن احد يعرفه ويقولنا عليه


والله يكون في عونك



تحياتي وتقديري لك

هلا وغلا الوافي




الله يعافيك



بعض مما لديك اخي العزيز




تحياتي وتقديري لك