|
ملتقى الأصدقاء تهانينا ، افرآحنا ، أخوتنا ، من هنآ نبدأ .. لاستقبال الأعضاء الجدد ، تكريم الأعضاء |
|
أدوات الموضوع |
28 / 04 / 2001, 28 : 12 AM | #1 | |||||||
وئامي دائم
شكراً: 0
تم شكره 0 مرة في 0 مشاركة
|
هو : احم احم ، هذا بيت الفلان، هي : لا ، عفوا النمرة غلط
هو: طيب ممك...، هي :تشك(صكت السماعة)، هو: الله على ابو الصوت خلني اكلم مرة ثانيه، هو: اححححم ، ممكن اكلم خالد، هي : يا اخي قلنا لك النمرة خطاء. هو: طيب ممكن..، هي: طاخ...طوط طوط . هو والله حالة، شكلها فاكة معي ، خلني احاول مرة ثانيةوالله لاجيب راسها، هو : عفوا ، الرقم اللي معي معطينياه خويي خالد وهونفس الرقم هذا، هي : خاوتك الشياطين يالهيس الاربد، انت ما تستحي على وجهك، طرررباق ، طوط طوط طوط . هو: الله علىالتغلي الحين عرفت صدز انها فاكة معي، يالله خلني احاول هالمرة وعساها تصيب، هو: لو سمحتي خليك معاي شوي انا... ، هي : يالسمرمدي انت ما في وجهك دم، غاسل وجهك بمرق، ما عندك حريم الله يحرم عليك العيشة، ما لك اخوات تخلخلت عظامك، ما لك قريبات الله يقرب اجلك ، هو : الا لي ، انتي تعرفينهم، ها ها طلعنا معارف ، هي: عرفك عزرائيل في هاليوم يارب، طررررررباق، طوط طوط طوط . هو: والله العظيم انها حالة، وش السوات، ايه لقيتها يمكن لو اقولها بيتين شعر مثل هاللي يطلعون في التلفزيون انها تلين وتذوب معي، ها ها ،،،فكرة.وبعدين انا اكلم من كبينه،، يعني مهيب عارفتني، هو: الو ، لو سمحتي اسمعيني في كلمتين بس، والله اذا ما اقتنعتي لا اقفل ولاعاد تسمعين صوتي، انا والله من يوم سمعت صوتس، وانا ذايب في دباديبس، مثل النايم اللي انكب عليه صطل موية بارد محطوط له يومين في حمام الاعلى، واني كل ما شفت عباية كني شايفس،حرام عليس هاللي تسوينه فيني،والله حرام، انتي ما سمعتي رتشردماركس وش يقول: اللي شبكنا معاك يا حلو يخلصنا يكفني اللي حصل لي مستحمل زيادة. الرحمة ياهوووه. والله اني افكر انتحر. هي : خلصت، هو: ايه ابشرس، هي: تالله عليك يا العربيد، والله انك مثل حمارة القايلة،انت آدمي والا حيوان، يالخسيس انت ما تعرف انت تكلم مين، هو: ((طبعا طاقته ام الركب)):يعني اكلم ممممين ان ممما يهمني انا ووووواصل، هي: الله ياخذ عمرك ، هذي مشرحة الحريم في مستشفى الشميسي يالارفل... هو: ييييعععععععععععععععععععع ، طططططططططططططططططططططططططططططططططططططططططططططططططط ططططططططططططططططططططططططططربببببببببببببببااااااقق ققققققققققققققققق. طوط طوط طوط طوط .......انتهت،،،،،، عفوا القصة من نسج خيالي، ولا تمت للواقع بصلة.. مجرد فكرة.. ملحوظه: حقوق النشر محفوظة،،،،،. باي. |
|||||||
ان الافاعي وان لانت ملامسها
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
صور.. لاتفوتك.. | محمد الفارس | || روائعْ الفنْ التشْكِيلي والفوتوغرافِي | 6 | 10 / 10 / 2007 05 : 10 PM |
لاتفوتك مواقع مفيييييييدة | بــ عدوان ـن | منتدى computer العام | 5 | 21 / 08 / 2002 27 : 06 AM |
منظمة ( لا للمغازل ) | امير الليالي | ||ترفيه وَمسآبقآت | 1 | 24 / 08 / 2001 51 : 10 PM |
((( ها ها ،،، احدث طريقه للمغازل)) بالله لاتفوتك. | الهايم | || اوْرآق مُلَوَنة .. | 8 | 29 / 04 / 2001 33 : 08 PM |