اللهجة الحساويه على مر العصوور ..

مسيتم بالخير ..


اخباركمـ اعضاء الوئامـ ؟؟


ذا المـره جبت لكمـ لهجتـ ديرتي الأحساء فديتها ..


بسم الله نبدأ ..

المصطلحات ...

اها عاد : يعني اخلص علينا

هبشـه : واجـد او كثير العدد

يستنى: ينتظر

عسو: جذع النخلة عندما يستخدم في التنظيف وايضا في تبلح العظام ينفع ههههههه

جظران : متملل


شخاط:كبريت <= اللي مكتوب وراه قديمك نديمك ولو الجديد اغناك هع هع

فياخ : زهق او طفش ملل

اطبقي : سكري

بظهر: بطلع

ازعقي له : نادي له

اقلطي : دخلي

انتيفه : اشوي .. او قليل من الشي


منطول....... مرمي

مغتلق ..... ضايق صدره
امحق ....... يعني مالت عليك

موَقل ...... يعني على شفا حفرة من النار
حويجة..... تصغير حاجه

مقاقة .... يعني مالها خلق على البزران أو أي شي ثاني

زط ..... يعني مشفوح على الاكل أو مستعجل وهو ياكل

حمولة.... يعني قبيلة
ينشب... حط الغدا يعني يافلانه انشبي الغداء

طرطور... ماعنده شخصيه

فريج.... يعني الحي اللي ساكن فيه

رياري....... يعني سعابيل هق هق هق هق

ألمَك.... يعني أضمك

سمادة .... حظيرة الحيوانات

يزرط.... يعني يبلع من غير ما يهضم

شمخ.... جرح صغير

يترارا....... يعني شفاف

هبابك ...... يعني عساه يمديك

إدن.... يعني وسع لي مكان

الصكة...... يعني برا البيت

امبطح.... يعني انسدح و تمدد

مدعجة ..... اللي يدعكون فيها الجسم

صوغه ....... هديه

أمهي ..... يعني تعالي

معاضد.... اساور

شحقة....يعني وشو له هذا

تراشي : يعني حلق..

بدبغك : أي بلين جلدك بالتصفق بمعنى اخر الضرب المبرح ...

اشذا ذا : يعني ما هذا

ماتعدينا : يعني تجي تقول لناس وينكم فيه اليوم ماشفتكم ..

يقولون لك والله اليوم ماتعدينا من مكانا يعني ماتحركنا .

طبينه : انا عاد هذي احب ريجتها
والطباين هي ريحة النخل المحرووق


الناس موول .. اسم مجمع هع هع هع قصدي معناها ..

الوقت متأخر

برحت لوله : يعني اول امس ههههههههههههه

هفه تلايمك : هذي سبه ودايم اختي تقولها لي هع هع هع

الدلخ : انسان غبي

جغم : أي رشفه من الماء

لاك : يعني لو احد لابس جزمه اكرمكم الرحمن وضيقه
عليه يقوول ذا الجزمه لاكه علي خخخ

سويعه : تصغير ساعه يعني لما تجيك الحرمه تقولك برووح بيت ام فلان سويعه وراجعه .
معنى الحريم مايعرفون السويعه ابد خخخخ

دهريز : أي الممر الضيق

انطم : اسكت

شبديه : هههههههههههههههههههههههههه هذي اضافه من قاموسي يعني كبدي

يابعد شبديه انتو بس هع هع هع هع




هاطر اهطرك : هم سبه

بزتطك : أي ابخنقك

ياالهطفه : الطويييله

غنشه : أي صينيه

عيش : يعني رز

درااعه : أي فستان أو جلابيه

شربـت : أي الفيمتو

الديرم : هذا شي يختص بزينة الحرمه تحطه بسنانها

مااواطنه : أي مااحبه





الأمثله ....

يا امطوطي في جليب اصنع لبو عايش عباه
<= يطلق على فقدان الأمل

الطول طول نخله والعقل عقل صخله
<<= يطلق على الانسان الغبي اللي مايعرف يصرف امووره

تطورت منفووحه
<<== دايم عمتي تقووله لي لاسويت شي خارج عن عاداتي يعني شي حلو وفيه تحسن يعني سويت طبق حلا أو كيكه وعجبها

الحياء زينه وفاقدته حزينه <= اتوقع انه مفهووم

هذا داده من شق مهاده
<= يعني هذا طبعه مايتغير

عادت حليمه لعادتها القديمه
<= يطلق على ترك الشي السئ ثم الرجوع اليه


********


والحسااويه

يالبى قلبهم وانا اعني اللي انا منهم بس <= الكلمه الثانيه تحت التشفير

طيبين واللي على قلبهم على لسانهم

وعلانيتهم بسررعه يصدقوونك

وقت الشدايد اكيد يعجبوونك

ويوووووه اما حريمهم مافي مثلهم لما تخش بيتك وتشم العطر وريحت المشموم

وتشووف حرمتك حاطه ديرمه

اعرف ان حرمه حساويه كانت عندكم

اما رجاالهم ابكتفي بقوول

(( حساوي يجرح ويداوي ))

ابد مابه مثل الحساوييين بس لو ربي يفكهم من ........ <= هم تحت التشفير


*********

الكثير يتريقوون علينا وعلى لهجتنا .. بس ابقولها وكلي فخر انا من ارض الاحساء ويكفينا فخر ..
ان ربـي سبحانه ذكر لهجتنا بالقرءان ..

فقال الرحمن تعالى في سورة الحاقه ..

ــ ((هاؤم اقرءو كتبيه )) ولم يقل كتابي ..

ــ (( اني ظننت اني ملق حسابيه )) .. ولم يقل حسابي

ــ (( فهو في عيشة راضيه )) .. ولم يقل راضي

ــ (( مااغنى عني ماليه )) .. ولم يقل مالي

ــ (( هلك عني سلطانيه )) .. ولم يقل سلطاني

فهـذا اكبر دليل على ان لهجة اهـل الأحساء لهجه عربيـه فصحـى ..

وهــذا كل اللي عنـدي ..

الدلع شرقاوي بنت الأحساء ..

(( بنـت الأحساء نجــمة مساء .... من شافــها اسمــى نسـى ))

ودمتم في حفظ الرحمن

ههههههههههههههههههههههههههههههههههه

هههههههههههههههههههه

نعنبووا إبليســكم ياهل الإحســاء


أغلــب كلمــاتكـم دااخلين فيها على إيرااان

ههههههههههههههههههه منتوا طبيعيين

	يا امطوطي في جليب اصنع لبو عايش عباه

هذا لاتعليــق


دلووعتـــهـم

سلمـت يداكـ ياذووقــ

موضووع راائــع وإضافـه تشكرين عليهــا

والله يحفظ الحسااويـه

بـس لهجـــه حلووة لاعدمنـاكـ يالدلـع


ويعطيـكـ العافيـه

..

يازين الحساء واهل الحساء لو يسلمون من التشفيره اللي تقولين

وعندكم خير منهم وعندنا خيرين

تسلم يمينك الدلع شرقاااااااااوي

..

..

	جظران : متملل

أذكرها ظجران .. وش اللي قلبها

..!!

	منطول....... مرمي

عندنا منطول يعني مسروق ههههههههههههه

..

اقول " بحل يااهل جده "
والله كلمات جده كلها فهمتها اما الاحساء """ فلا تعليق """

فيكم شوي من لهجة اهل الكويت ..

يبي لكم متعاطفه تزوركم بالاحساء وتحوس لهجتكم حوس

يسلمووو يابنت الحسـاويين
..

	المشاركة الأصلية كتبت بواسطة المتهور

	هههههههههههههههههههه

ياجعلهااا دووم مهيب بيووم ذا الضحكه مس متهور

	المشاركة الأصلية كتبت بواسطة المتهور

	أغلــب كلمــاتكـم دااخلين فيها على إيرااان

ايه هذا طول الله بعمري .. الاتراك منذو القديم الازلي ..

يوم احتلو حسانا فله ..

ماقصرو بنا اتركو بقايا لهجتهم عندنا وراحولي ايران

	المشاركة الأصلية كتبت بواسطة المتهور

	والله يحفظ الحسااويـه بـس لهجـــه حلووة لاعدمنـاكـ يالدلـع

ايه اصلا لازم تقوول لهجه حلوه ..

لانك عارف وش يبي يجيك لاقلت العكس خخخخخخخخ

المتهوور ..

دايم لك النصيب الاول من الردود في مواضيعي ..

ولاتلعم مدى سعادتي بتواصلك ..

كل الشكر لك متهورنا على تواصلك وزرع ابتسامتك هنا وهناك ..

..

تصدقين يالدلع

كثير من كلماتهم نقولها

القصمان صايرين بالوسط ومجمعين من كل الجهات

ههههههههههههههه

لهجة حلووووووهـ بصراحة

يسلمووووو الدلع

وبإنتظار لهجة القصمان هههههههه

..

..

لا عــاد ولا القصمــان

حنا القصمان وحنا اعرف بلهجتنـا .. دلوعه ترا بقص لسانك ههههههههههههههههههه

<< ودك تذبحينها عادي حلالك ياغلاتي خخخخخخخخ

..

	المشاركة الأصلية كتبت بواسطة وحيد الشرقيه

	.. يازين الحساء واهل الحساء لو يسلمون من التشفيره اللي تقولين ..

ماعليكـ زوود طالـ عمركـ ..

والله ياوحيد لو استلم قيادة الأحساء بيدي مايردهم الا ايران والا العراق ..

بس حكم الئوي على الضعيف وانا خيتك

	المشاركة الأصلية كتبت بواسطة وحيد الشرقيه

	.. وعندكم خير منهم وعندنا خيرين ..

ترى انا ماقلت شي ترى كله وحيد اللي يقوول ههههههههههه

يلا هذا نصيبنا وانا وخيتك ولازم نرضى به

وحيد الشرقيه ..

دائما تنير مطويتي بمرورك الهادئ كهدووءك ..

فكل الشكر لك ..

ودمت في رعاية الرحمن سبحانه

	المشاركة الأصلية كتبت بواسطة متعاطفه بحدود

	.. يسلمووو يابنت الحسـاويين ..

اشووف كنه مو عاجبك <<== لاتخافين ترى كله مهايط ههههههه

متعاطفتو اقوول لاتتريقين على لهجتنا ترى مايردك

الا العراق ولا ايران معى ذولييك خخخخخ

<<== امزح لاتزعلين ..

الكلماااات قصدي اللهجات تقريبا بين مدن المملكه وحده ..

واحيانا تفهمها من الكلام حتى لو كنت اول مره تسمع بها ..

متعاطفه بحدود ..

غاليتي يسعدني كثيرا امضاءك على مطوياتي ..

لااعلم ربما له ميزه عن غيره ربما لما لا ...

فكل الشكر لشخصك الراقي ..

دمتي ودام نبض قلبك

	المشاركة الأصلية كتبت بواسطة أضـــواء

	.. تصدقين يالدلع ..

ايــه اصدق ليه ماصدقك يالغلا

	المشاركة الأصلية كتبت بواسطة أضـــواء

	.. لهجة حلووووووهـ بصراحة .

اكييد مو احلى منك يااقمر ..

	المشاركة الأصلية كتبت بواسطة أضـــواء

	.. وبإنتظار لهجة القصمان هههههههه ..

اكييد حبيبة البي ..

مو اللهجه الجايه ان شالله وبأذن الرحمن ماراح تكوون الا عن القصمان لان ماباقي الا هم


شاكرو لك مرورك حبيبة البي اضواء ..

وربي يحفظك