اتحدى واحد فيكم او فيكن انمدح مثل مانمدحت انا..

06 / 12 / 2006, 43 : 10 PM

هذا ياجماعة الربع اخوي الله يحفظه ويصلحه ويصلح ذرية المسلمين قولوا امين..
طلبته يجيبلي علبة منديل لحجرتي لاني بزكبة الله يشافيني ويشافي الجميع..
وانا متعودة مع اخواني احاول بشتى الطرق اني استخدم معهم الالفاظ الزينة يعني الله يسعدك حبيبي جيب كذا او الله يوفقك يابابا صلح كذا وهكذا حتى يتعود الطفل على الكلمة الزينه يعني ياحظه وياسعده الي بتتاخذ واحد من اخواني الصغار وكلهم على بعضهم الاثنين قمرين يالله من الحين يابنات الي اشوفها سنعة وتعرف في امور البيت وتقدس الحياة الزوجية باخطبها لاخوي ولايدري الوافي علشان مايقول ان غزالة تسعى الى طلاق البنات من المنتدى..وعلى فكرة يالوافي اذا انت موجود لقيت الحل الي قاعدة اشتغل عليه وبانزلها في وقت قريب..
المهم مو هذا موضوعنا وعلى فكره ياجماعة الربع انا الاحظ في نفسي مشكله الاحظ اني اشطح واجد يعني اتكلم في مو ضوع الى وانا طابه في موضوع ثاني اتكلم مثلاً في اللبس والى وانا اسولفعن الطب هابالله ايش جاب الطب للبس اها اتوقع في تشابه لانه الطبيب مايقدر يروح للمستشفى من غير لبس اتوقع هذا من وجة نظري وجه التشابه والناس في اختلاف ولو اختلاف الاذواق لباءت السلع وعلى طاري السلع هالاسواق والله مو صاحيه وايش هذا الغلا والله ماتكفي ياجماعة الربع ان الوحده تنزل بالف ريال الله المستعان احنا لازم نخاطب المسؤولين في هذا الموضوع ونجيهم بصوت واحد اروح اقول لابوي
انا اقول: لو سمحت يابابا (ينقال ابي احنن قلبه علي ويرحمني بلفظ يابابا) بالله زدني 500 ريال
ابوي يقول............طبعاً هو قاعد يناظرني.
انا اقول: اقصد 400 ريال.
ابوي يقول: ...............................طبعاً هو مازال يناظرني
انا اقول:اعوذبالله منابليس اقصد 300 ريال
ابوي يقول:..................... اكيد انتم عارفين.
انا اقول : تعرف 300 و200 يتشابهون.
ابوي يقول....................... مازالت النظره عالقة
انا اقول : 100 اذا تكرمت.
ابوي يقول:..............................الي يقول اابوي اش قاعد يسوي له جائزة سحب على بيض عيون.
انا اقول :طيب 50
ابوي يقول...........................
انا اقول : ريال لوسمحت لاني ابي اشتري داناو لانه اذا مافي داناو مافي عصير
وهاذه المره ابشركم ابوي فك الحصار عن النظرة وقال كلمة لاحظت مؤخراً يرددها بكثرة لاحول ولاقوة الابالله اللهم اجرني في مصيبتي واخلفني بخير منها ..الله المستعان ابوي مدري اشفيه مدري من ضحك عليه وقاله اني مت المهم اعطاني ظهره..

انا اش كنت اقول؟ بالله دقيقة خلوني اشوف الموضوع اساساً وش هو..

ايه كنت اتحدث عن المدح لما ارسلت اخوي راح جاب لي علبة المنديل قلتله شكراً يااحلى ولد فيهالدنيا ..الولد تقطع وتشقق وضاعت علومه فشوفوا كيف مدحني تعرفين ياغزالة(راح استعين بلقبي)الوبر(والوبر حيوان يشبه الارنب لكن اذونه مثل الفار وحبيب والله الوبرخوي اخواني ) شفتي ياغزاله وجه الحلو وجهك والله احلى من وجه ..
يعني انا احلى من الوبر بشوي المهم قلتله صدق والله , قال : والله العظيم صحيح انه حلو بس انتي احلى منه قلته شكراً حبيبي بس لاعاد تمدح احد ثاني مره يابابا..
المهم الاطفال اذا صاروا يمدحون احد دائماً يمدحون بااحب الاشياء لهم..يعني مره وانا في فصلي(واختكم في الله معلمة ابتدائي)جت واحده من تلميذاتي وقالتلي انت يامعلمة اجمل من الفراشه والبنت تموت على شئ اسمه فراشه في رسوماتها ولزقاتها واقلامها وشنطها..قلتلها: ماما انتي شفتي وجه الفراشة؟ قالت أي تشبه النحله لكن انتى احلى.
الي كانت معي بيغمى عليها من الضحك ومن يومها ياشبيهة الفراشه ياشبيهة النحلة وخذها تريقه لكن مطنشه بمزاجي..
المهم في احد منكم انمدح مثل مانا ماانمدحت؟؟

06 / 12 / 2006, 55 : 10 PM


	ولايدري الوافي علشان مايقول ان غزالة تسعى الى طلاق البنات من المنتدى..وعلى فكرة يالوافي اذا انت موجود لقيت الحل الي قاعدة اشتغل عليه وبانزلها في وقت قريب..

حسبي الله على بلايستك
والله ماباقي الا تعيني مأذون انكحه للمنتدى
نقره لعرض الصورة في صفحة مستقلة


	الوبر(والوبر حيوان يشبه الارنب لكن اذونه مثل الفار

هههههههههههههههه

والله كأني سمعت مرة وصف مثل هالوصف

نقره لعرض الصورة في صفحة مستقلة

وربي ضحكتيني غصب مع ان الظروف لاتسمح


	المهم في احد منكم انمدح مثل مانا ماانمدحت؟؟

لاوالله
بصراحة اول مرة اسمع مدح بهالصيغه

نقره لعرض الصورة في صفحة مستقلة

06 / 12 / 2006, 26 : 11 PM

ههههههههههههههههههههههاي لين يذن الفجر!!!

والله أنا اشك إنك مدرسه؟؟؟

عليك تسطيح بالكلام ولا تسديدات عبدالله الجمعان...

كلها شاطفه العارضه!!!

بعدين أنا ودي أسأل فخامتكم إنتي دققتي زين بوجه الوبر؟؟؟

إذا كنتي مستانسة على هالوصف فعلى الدنيا السلام...

أنا أنصحك ترجعين ثاني لوبر إخوانك ودققي زين في وجه...

وإذا رديتي علي ثاني ما أكون البرنس...خخخخخ

مشاكل...

07 / 12 / 2006, 24 : 12 AM

هههههههههههههههههههههههههههههههاي

مديح ولا ارووع

وعلى مسألة الوبر

أن أضمن لك وظيفة بحديقة الحيوان

ولا تتألقين هناكـ

يجوونكـ يسألوون عن الاسد

وتودينهم للقط البري

تقولين صغر من عوامل التعريه

ههههههههههههههههههههههههههههه

لا فيــه أمل كبير بعد

هههههههههههههههههههه

موضوع تحفـــه ياغزاالـــه

يعطيك العافيـــه

تحيــــاتي

07 / 12 / 2006, 08 : 02 AM

لا وغلا غزوله

انا اخواني ما يمدحوني الا اذا يبون فلوووووووووس
لوقلت لهم جيب شئ يقول كم تعطيني ...........؟؟؟

ابتذكر بوشو يمدحوني وارجع لموضوعك

يسسسسسسلموا يافراشة

07 / 12 / 2006, 17 : 05 AM


	المشاركة الأصلية كتبت بواسطة wafei


	حسبي الله على بلايستك والله ماباقي الا تعيني مأذون انكحه للمنتدى يالللللله اش دراك؟؟ فعلاً هذا من ضمن احد مخططاتي.. سبحان الله كيف يعني الافكار تتوحد.. لاتعليق انا مصقوعه الان لا استطيع لا لا لا.. والله يااني جهزتلك عقود انت استنى.. هههههههههههههههه والله كأني سمعت مرة وصف مثل هالوصف الل يسلمك يرجع هذه للمفهوميتي في علم الوصف الدقيق وماشاء الله عليك مثقف يااخوي والدليل قراتك لهذه المواضيع التي من النادر تقرأ .... وربي ضحكتيني غصب مع ان الظروف لاتسمح يااخي وسع صدرك واضحك غصب عن الظروف الظروف احنا الي صنعناها مو هي.. ادري اتفلفس ...لكن ماشيها وفكر فيها.. لاوالله بصراحة اول مرة اسمع مدح بهالصيغه

خلك تعرف اني شكخة نمبر ون..

07 / 12 / 2006, 25 : 05 AM

واااااااااااااااااو

يا غزوووله وربي انك فللللللللللللللللللللللللللللله

سواليفك عسل

انا بصراحه بحياتي احد مدحني مثلكـ

هذا مدح فريد من نوعه خااااص للحلوين اللي يشبهووون الوبر

هههههههههههههههههههه

يسلمووو على هيك موزوع بيزحك<<يسلمووو على هالموضوع اللي يضحك<ترجمه

تقبلي مروري

07 / 12 / 2006, 28 : 05 AM


	المشاركة الأصلية كتبت بواسطة The Dark Prince


	ههههههههههههههههههههههاي لين يذن الفجر والله أنا اشك إنك مدرسه؟؟؟ تصدق حتى اهلي ؟؟ تتوقع ليش؟؟ عليك تسطيح بالكلام ولا تسديدات عبدالله الجمعان... الصراحه انا من دربهم اش دراك انت.. تراني حريفه نمبر ون..خل عنك بس.. قال ايش قال عبدالله جمعان.. كلها شاطفه العارضه!!! الله يسلمك الزكبة لها دورها.. بعدين أنا ودي أسأل فخامتكم إنتي دققتي زين بوجه الوبر؟؟؟ تبعاً تبعاً.. يشبه الجرذ لكن ماعنده اذون..ليش السؤال؟؟؟ إذا كنتي مستانسة على هالوصف فعلى الدنيا السلام... بالفعل بعد التفحص والسؤال..على فكرة مستحيل انقل شئ من غير مااتاكد واسأل..وعلى الدنيا السلام؟؟ اللهم لك الحمد هذا ماننادي به.. أنا أنصحك ترجعين ثاني لوبر إخوانك ودققي زين في وجه... ماادري كانك منت متأكد تبي صورته.. او انه هذا.. شفت اني دقيقه في وصفي.. اشدراك انت.. وإذا رديتي علي ثاني ما أكون البرنس...خخخخخ مشاكل...

ماادري اشبلاك يالبرنس شكل البرنسوسيه ضيعت علومك..
راجع معلوماتك..
ولا مايحتاج اي معلومة اسئلني..

07 / 12 / 2006, 35 : 05 AM


	المشاركة الأصلية كتبت بواسطة المتهور


	هههههههههههههههههههههههههههههههاي مديح ولا ارووع الله يسلمكم احرجتوا مقاماتي.. يالله لهدرجة كلكم محرومين من المدح.. وعلى مسألة الوبر أن أضمن لك وظيفة بحديقة الحيوان ولا تتألقين هناكـ ق دمت عندهم كمرشدة سياحية للبحث عن الاثار الفرعونية في قلية.. لكن قالوا بيردون بعدين والى الان ماردوا.. ليش تتوقع؟؟؟ يجوونكـ يسألوون عن الاسد وتودينهم للقط البري تقولين صغر من عوامل التعريه فعلاً.. انت حسبالك ان القط البري نوع من انواع فصيلة البسس؟؟ لا..هو اسد صغر من الجوع وجاه تساقط شعر وتزوج لبوة ذبحها الجوع وصغرتهي الثانية..وانجبوا ورعان اخذوا خلقت والديهم في لحظة الانكماش الجوعي.. تبي تعلمني انك ماتدري؟؟ اذا ماتدري انا انصحك ترجع للقراءة..علشان تزيد اهدافك العلمية وتتاهل للمبارة الثقافية.. ههههههههههههههههههههههههههههه لا فيــه أمل كبير بعد على اني ماادري ايش السالفة..لكن نعم الامل كبير جداً.. هههههههههههههههههههه شكراً للمشاركة الضحكية الوجدانية.. تحيــــاتي

ولك تحياتي..

07 / 12 / 2006, 40 : 05 AM


	المشاركة الأصلية كتبت بواسطة النبض الحزين


	لا وغلا غزوله هلوين وغلوين وسهلين بنبوضتي.. انا اخواني ما يمدحوني الا اذا يبون فلوووووووووس لوقلت لهم جيب شئ يقول كم تعطيني ...........؟؟؟ انتي اعطيتيهم وجه..الورعان ماينعطون وجه لذا نصحتي كالتالي.. استمري باعطائهم الفلوس علشان تسمعين الحكي السنع..هذا وجهة نظري في الموضوع يعني.. ابتذكر بوشو يمدحوني وارجع لموضوعك استناااااااااااااااااااااااك.. يسسسسسسلموا يافراشة

الله يسلمك يازينة خوية نحول..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اتحدى واحد يطلع حرف الحاء	حووور	‏ \|\|ترفيه وَمسآبقآت	16	05 / 04 / 2009 07 : 06 PM
واحد اتحدي جماعته	المخلص	‏ \|\|ترفيه وَمسآبقآت	2	27 / 04 / 2002 00 : 02 AM
ياجماعة اتحدى على هاللغز وكلكم فيكم البركة لكن علشان التنافس	لمح البصر	الالغاز المحلولة	28	02 / 12 / 2001 51 : 05 AM
اتحدى اي واحد من الاعضاء حل هذا الغز	عيون الكون	منتـدى الألغـاز	22	19 / 09 / 2001 36 : 11 PM
لازم كل واحد فيكم يطل طله ويرد علي	رحايــــــــــــل	‏ بوحْ الشعِر والنثر ..	10	26 / 05 / 2001 46 : 12 AM

الذين يشاهدون محتوى الموضوع الآن : 1 ( الأعضاء 0 والزوار 1)