معـناة نوره

السلام عليكم ..


المرايا ..
صدق يطعن ..
في نوايانا الدفينة
طعن صادق ..
يفضح الزيف وسنينة
المرايا والله العالم .. هي أصدق شي ..
في عالم كذوب
في زمن مظلم وظالم .. ماتلاقي ضي ..
ينبض بقلب الدروب

المرايا ..
عشق ساكن داخل قلوب الكثير من الصبايا

إلا نورة ..
بنت غاية في الجمال ..
حسنها ياخذك من يمناك ..
لحدود الخيال
يوم نادت أمّها وبصوت عالي :
( يمّة .. يمّة بسرعة تعالي ) ..
لمّا جتها أمّها ..
قالت : علامك ؟
نورة قالت :
يمّة أرجوك بقيامك ..
إبعدي هذي المراية..
ابعديها ..
وإلا أقلّك ..
يمّة تكفين اكسريها ..
ما أبيها .. ما أبيها ..
ولو سألتوا ..ليه هي قالت كذا .. وإيش العلاقة ؟
قلت شوفوا ..

ماقدر أخبّي لذا .. نورة (مــــعــاقــة) !
*******

شلل نصفي ..

سرق منها طفولتها ..
سرق حتى ابتسامتها ..
تشرّب جسمها الطاهر على غفلة
ولا قدّر برائتها وهي طفلة
حواليها كثير أطفال ..
بنات العم .. والجيران ..
عيال الخال ..
تراقبهم .. تتابعهم
تشوف (أحمد) وهو يسحب شعر (سلمى)
و(علي) يلحق (مها) وبيده مسدس ما
و(خالد) قاعد يحاور (حسام) ..
بعلبة البيبسي
ويكسر ظهر هالمشهد ..
حزن (نورة) وهي تبكي على الكرسي
تحاول قد ماتقدر ..
لجل تخفي مدامعها
وثار الدمع واتحدر ..
وبدت رعشة باصابعها
تزم إيدينها لكن ..

يديها ماتطاوعها

*******

وتكبر نورة ويكبر ..

معاها الهم
ويجري حزنها الأقشر ..
بمجرى الدم
وياصل عمرها العشرين ..
وفي هالعشرين ..
تغيّر كل شي فيها ..
ملامحها .. - مع إن الحزن ماسحها -
أمانيها .. - ولو ماعاد تعنيها –
سوالفها .. – بعد مالهم والفها -
في هالعشرين ....
على نفس الألم تصبح ..
وعلى نفس القهر تمسي ..
على الكرسي .. !!
في هالعشرين ..
أبد ماتابعت موضة ..
ولاتعرف (جيفينشي) .. أو (كريستيان ديور)
أو (فيرساتشي) وعروضة
ولا مكياج وإكسسوار ..
وحتى عطور ..
تضج .. تثور
إذا قالوا لها ..
(نورة .. شرينا لك عطر ..
شوفي بعد فستان ..
يانورة إلبسيه ألحين ..
ترا بيطلع عليك جنان ..
بسرعة بس لاتبطين)

تجاوبهم :

(بسرعة ! ..
بسرعة ليه ؟
وإلا لمين ؟
وهو من كثرة العرسان ! )
تقاطعها أمها :
(نورة ..
وش تقولين !! )
ترد نورة :
(( يبه .. يمّه ..
كفاية وإسمعوني زين ..
أنا عمري ترا عشرين
ترا ما عادني طفلة ..
ياناس المسألة سهلة ..
مثل ما (1) و(1) يساوي (2)
معاقة .. خير ! ماتفرق ..
- وفي هاللحظة ..
بدت لحية أبونورة ..
تلم الدمع من عينه ..
وبدت تغرق !-

يبه .. يمّه
أنا مليت من روحي ..
نعم مليت
تعبت أداري جروحي ..
وياما أخطيت
خطاي إني تصنّعت السعادة ..
لجل خاطركم
لجل ماتـنجرح فيكم ..
مدامعكم
يبه تدري ؟ ..
كنت أتمنى من صغري ..
وهذي أمنية عمري ..
وإلا ألحين هي منوه
تمنيت أحضنك بالليل ..
إلا من جيت من شغلك
أبوسك فوق راسك حيل ..
وأفك الجزمة عن رجلك
أروح أجيبلك قهوه ..
وأجيك أجري
وحتى إنتي يا أمّي ..
لو تدرين كم عانيت ..
كم أتمنيت ..
أخفف عنك شغل البيت
مثل ما ( نجوى) ..
تساعد مرت عمّي
يبه .. يمّه
تراني ضقت
وربي ضقت من نفسي
ياربي شقد طفشانة ..
وتبغوني بعد ألبس !!
ألبس من علشانة ؟
أبد لاتصدقون إني ..
أبتزوّج وأجيب عيال
والله عال !!!
من إللي في الزمن هذا ..
بيرضى أكون له زوجة ؟؟
ويتزوّج معي كرسي !!
يبه إنسى ..
وحتى إنتي دخيل الله يايمّه ..
بعد إنسي ))

وهذي سالفة نورة ..

ياهي بنت مقهورة ..
مضى من عمرها عشرين ..
وهي باقي على هالحال
حكايتها إنتهت ألحين ..
وخلّت داخلي ثورة ..
وأنا ما بيهدالي بال ..
ألين أعرف من الرجال..

ويتزوّج مثل نورة ؟؟

لااعلـم اذا كان لي تساولك غــاليتي أجاابه ام لا ..

ولكــن ..

اسال المــولى اللذي وسعت رحمته كل شي .

ان يرحم مرضانا ومرضى المسلمين ويمن عليهم بعافــيته ...

بعثــرني الهــم ..

موضوع يحمل بين طياتها واقع مريييير بالنسبه لنووره

والمعاقين اجمع ..

اللهم لكـ الحمد على كل حال ..

::

الف شـكر لك غاليتي

ان فكرنا جميعاً بعين العقل فلو كانت نورة وغيرها صحيحة معافاة فلن تتزوج الا ماقد كُتب لها عند الله قبل خلق الخليقة بخمسين الف سنة..
وقد يكون ماهي فيه رحمة من الله حتى تريح خلدها من التفكير فعند مقارنة نفسية فتاة جميلة معافاة غير متزوجة وفتاة جميلة مقعدة غير متزوجة لتجدي نفسية الاولى اشد هماً وغماً وقد تصل الا مرض نفسي هذا اذ لم تشبع رغبتها بماحرم الله..

احياناً تكون الاعاقة لاصحابها نعمة وليست نقمة..

لاادري كيف سيؤخذ كلامي ولكن فليقراء بناظر العقل وليس بمنظور العاطفة ...

ويانورة وكل من هم بمثل نورة متع هذه الحياة ليست مقصورة لجعل الفتاة تجذب الانظار وتتزوج من خلالها بل تمتعي وخذي الدنيا طولها بعرضها فالسعادة لم تكن يوماً مقصورة على الزواج....

السلام عليكم ورحمة الله وبركاته
المعاقين تكون لديهم حساسية عالية من ابسط الامور

الشيء الوحيد الذي يخفف معاناتهم التقرب الى الله والايمان بقدره
عسى ان تكرهو شيا وهوا خير لكم
الله يعطيك العافية

موضوع مؤثر جدا

عن معاناة المعاقين ..

مع حجم الألم ودوامه واتساعه الا ان الامل بالله عظيم , لابد من القرب من المولى عزوجل فهو الذي يهب السعادة

والأنس والطمأنينة للمحرومين والمصابين

اسأل الله أن يهب لها ولغيرها من المعاقين العافية والايمان والانس بالله

بعثرني الهم

شكرا لك

	اسال المــولى اللذي وسعت رحمته كل شي . ان يرحم مرضانا ومرضى المسلمين ويمن عليهم بعافــيته ...

آميييييييييييييييييييييييين ..




الدلع شرقاوي ..


شكرا لحظورك .. واتمنى تواجدك دائما يالغلا ..

	ان فكرنا جميعاً بعين العقل فلو كانت نورة وغيرها صحيحة معافاة فلن تتزوج الا ماقد كُتب لها عند الله قبل خلق الخليقة بخمسين الف سنة.. وقد يكون ماهي فيه رحمة من الله حتى تريح خلدها من التفكير فعند مقارنة نفسية فتاة جميلة معافاة غير متزوجة وفتاة جميلة مقعدة غير متزوجة لتجدي نفسية الاولى اشد هماً وغماً وقد تصل الا مرض نفسي هذا اذ لم تشبع رغبتها بماحرم الله.. احياناً تكون الاعاقة لاصحابها نعمة وليست نقمة..

صحيح كلامك يالغلا ..


غزاله الجنوب ..


حظورك انار صفحتي المتواضعه .. شكرا لكي ..

تووولين الله يعافيكي ..


اسعدني تشريفك الجميل ..



شكرا لكي ..

رعــــد الشكر لك ..


وابهجني تواجدك يالغلا ..

بعثرني الهم


معاناه يبكي لها القلب


الله يرفع عن كل مسلم ومسلمة ويفرج هم المهمومين
اللهم آمين


الله يعطيك الف عافية