سرمدي روح الأمل ارحلي يم السديم=اكتبي هاك المشاعر وابعثيها للسحاب
كان ميلادك حضورٍ يشبه لمعنى فهيم=لاح في فكره مجرد طفل عابر ثم غاب
هل من مزن السوالف على ذكراه ديم=واستمر الملح يمطر على جرح الكتاب
برد متلحف كتوفه والليالي من بهيم=والمراكب روح في بحر من قطعه عذاب
شاخ في زهو انتظاره لحاضره الفطيم=وكان صدر امه ملاذه عن سباع الغياب
يبني من الصبح بيته ويمسي من هشيم=لعنة الغاية شواطئ مرافيها ضباب
دثره همه من الحزن والكرب العظيم=وامتلئ صدره غبون القرايب والصحاب
بين نفحات الألم والوساوس والرجيم=استحالة أرض الأحلام جنتها يباب
انتثر صبره فقر والامل جوف العديم=مابقى له غير خيطٍ فصل خيط السراب
كِسرة الامآل خبز العفاف عن اللئيم=لو عجينه يمزج النمل وغبار التراب
تسكب الأيام كاس المراره لليتيم=في شرايينه غرس واقعه روس الحِراب
وطار من وكر العقل كل فكرٍ مستقيم=اهتواه الصيد ذنب الحياة بلا عقاب
اخوي عبد الله العتيبي صح لسانك وبيض الله وجهك
قصيده جزله وجميله من شاعر جزل ومتمكن ومبدع ياعتيبي
دام ابداعك يامبدع ولك اجمل واطيب تحياتي حفظك الله ورعاك
اخي الاستاذ الشاعر عبد الله العتيبي
روعه مابعده وابداع يفرض نفسه وكلمات بالصميم لا يفهما الا فهيم عدى ذلك يهيم م0صور مليئه بالمواقف ومفاجآت الحياة
دمت ودام قلمك المبدع وصح لسانك ملايين تسلم ياراعي الفزعات 0كلك ذوق وتحياتي اليك
د0 ساري الرياض