تبطون عظم

الروح له بمفارق الروح سكرات=و ما كل زول(ن) فارق بحفنه جروح
واللي اخذ روحي مثل هادم الذات=ابعد وخلاني وانا اقول مسموح
اي والله اني مسامحه لجل مافات=وهو مسامحني قبل عنّي يروح
حبه تخطّى في حياتي مسافات=واسقى حنانه بالعمر ظامي الدوح
ياللي تعذلوني فرادى وزرافات=وتعاتبوني ليه وشلون وشنوح
ماتفهمون الحب واحلى المقامات=وماتدركون معانق الروح للروح
وماتحسبون الشوق ويلات وآهات=وان الوداع يزلزل ديار وصروح
ولا ولجتوا عالم البوح لحظات=تبطووون عظم (بفلسفة) لحظة البوح
خلوني أشهق وازفر الحزن عبرات=حتى الثمالة ارسل الدمع مسفوح
انتم بشر لا شك رب السماوات=ماحط فيكم ذوق(ن) وشوق وطموح
وحتى لو اني بالفرح اكتب ابيات=واسطّر اشعور السعادة على لوح
والله حرام إلا تقولون هيهات=واني نظمت الشعر من شان مصلوح
اقول طسوا كل هالعمر ساعات= و تباً لكم ياحاسديني على النوح

حبه تخطى في حياتي مسافات
واسقى حنانه بالعمر ظامي الدوح

الله الله وش جالس تقول يا اخي

أبيات تكاد حروفها تنطق بين السطور

حبك شاعر فنان يجيد فن الزخرفة الشعرية

عندما هممت بالرد كان الكلام يتزاحم ولكن بعد الشروع

في الرد تبخرت الكلمات في ظل حضور شح التعبير ..

لله درّك ابا يوسف

وصح لسانك وتسلم يمينك ..

إبداع×إبداع

سلم شعرك وشاعريتك
وصح لسانك

ولاهنت

	المشاركة الأصلية كتبت بواسطة عبدالله بن يوسف هدلان العتيبي

	الروح له بمفارق الروح سكرات=و ما كل زول(ن) فارق بحفنه جروح واللي اخذ روحي مثل هادم الذات=ابعد وخلاني وانا اقول مسموح اي والله اني مسامحه لجل مافات=وهو مسامحني قبل عنّي يروح حبه تخطّى في حياتي مسافات=واسقى حنانه بالعمر ظامي الدوح ياللي تعذلوني فرادى وزرافات=وتعاتبوني ليه وشلون وشنوح ماتفهمون الحب واحلى المقامات=وماتدركون معانق الروح للروح وماتحسبون الشوق ويلات وآهات=وان الوداع يزلزل ديار وصروح ولا ولجتوا عالم البوح لحظات=تبطووون عظم (بفلسفة) لحظة البوح خلوني أشهق وازفر الحزن عبرات=حتى الثمالة ارسل الدمع مسفوح انتم بشر لا شك رب السماوات=ماحط فيكم ذوق(ن) وشوق وطموح وحتى لو اني بالفرح اكتب ابيات=واسطّر اشعور السعادة على لوح والله حرام إلا تقولون هيهات=واني نظمت الشعر من شان مصلوح اقول طسوا كل هالعمر ساعات= و تباً لكم ياحاسديني على النوح

ابويوسف صح لسانك مبدع ولاغرابه

قصيده جميله من شاعراجمل بيض الله وجهك عليها

اعجابي وكل الود

ابو يوسف

مبدع ويعجبني في قصايدك الجزاله


قصيدتك اعجبتني بجد


ولكن عندي ملاحظه واتمنى تقبلها مني

اخوي العزيز
لاحظة ان بعض الابيات فيها خلل وقد يكون خطا اواواو ماادري

المهم اني قريت لك كذا قصيده صراحه شااعر وكفو ولاصارت عندي عليه ملاحظات


عشان كذا انا استغربت الخلل بذا القصيده ولكن اقول ممكن تكون أخطا

وياليت يابعدي تعيد النظر فيها لتصحيحها


وهذي الملاحظات لاتؤثر على نصك الجميل وشعرك الراقي


دمت اخوي ابو يوسف

وصح الله لسااانك

	المشاركة الأصلية كتبت بواسطة أبو خـ البجادي ـالد

	حبه تخطى في حياتي مسافات واسقى حنانه بالعمر ظامي الدوح الله الله وش جالس تقول يا اخي أبيات تكاد حروفها تنطق بين السطور حبك شاعر فنان يجيد فن الزخرفة الشعرية عندما هممت بالرد كان الكلام يتزاحم ولكن بعد الشروع في الرد تبخرت الكلمات في ظل حضور شح التعبير .. لله درّك ابا يوسف وصح لسانك وتسلم يمينك ..

تذكر كلماتك قبل سنيييين

يوم كنت تقول

( بصمات ابو يوسف واضحه على الكلمات وجزالتها )

( انت مهندس للكلمة يا ابا يوسف)

كلمات كثيرة

كلمات

كانت

تأسرني وتدفعني للكتابة بكل ما اوتيت من قوة في الشعر

انت أستاذي من أخذ بيدي للكتابة من جديد

بعد انقطاع بسببه كدت انسى الشعر وبحوره

صح بدنك اخي الغالي ابا خالد

ووفقك في حلك وترحالك

	المشاركة الأصلية كتبت بواسطة الراقيــة

	إبداع×إبداع سلم شعرك وشاعريتك وصح لسانك ولاهنت

شكرا لك بحجم السماء

وصح بدنك ترليون

يا ايتها الراقية

في حفظ الرحمن

	المشاركة الأصلية كتبت بواسطة ابورائد الجابري

	ابويوسف صح لسانك مبدع ولاغرابه قصيده جميله من شاعراجمل بيض الله وجهك عليها اعجابي وكل الود

صح بدنك ترليون ولا يسدون

حضورك شاهق اخي القدير ابو رائد

لا هنت

وفي حفظ الرحمن

	المشاركة الأصلية كتبت بواسطة خلف الجابري

	ابو يوسف مبدع ويعجبني في قصايدك الجزاله قصيدتك اعجبتني بجد ولكن عندي ملاحظه واتمنى تقبلها مني اخوي العزيز لاحظة ان بعض الابيات فيها خلل وقد يكون خطا اواواو ماادري المهم اني قريت لك كذا قصيده صراحه شااعر وكفو ولاصارت عندي عليه ملاحظات عشان كذا انا استغربت الخلل بذا القصيده ولكن اقول ممكن تكون أخطا وياليت يابعدي تعيد النظر فيها لتصحيحها وهذي الملاحظات لاتؤثر على نصك الجميل وشعرك الراقي دمت اخوي ابو يوسف وصح الله لسااانك

اخي الغالي خلف

صح بدنك ترليون ولا يسدون

ومن منا لا يخطي سوا في الكتابة او في الوزن خصوصا ان كانت ( كيبورديه )

ارجو تعليم الاوزان او الأخطا باللون الأحمر وإعادت كتابتها

حتى اتعلم منك ياعزيزي

دمت في حفظ الرحمن

هلابك اخوي ابو يوسف

هنا ملاحظاتي فقط

ولا ولجتوعالم البوح لحظات

تبطون عظم بفلسفة

لحظة البوح

انتم بشر لاشك رب السماوات

ماحط فيكم

ذوق ن

وشوق وطموح

ياللي تعذلوني فرادي

وزرافات

وتعاتبوني ليه وشلون وشنوح


وسلامتك اخوي ممكن يكون بالنطق بس انا اعتقد انه بالوزن

وممكن اكون غلطان والراي للجميع