أنت غير مسجل في منتديات الوئام . للتسجيل الرجاء إضغط هنـا

صائد الفرص للأسهم الأمريكية والاوبشن 
عدد الضغطات  : 20009
مساحة اعلانية 
عدد الضغطات  : 15720


العودة   منتديات الوئام > المنتدى العام >  ملتقى الأصدقاء

 ملتقى الأصدقاء تهانينا ، افرآحنا ، أخوتنا ، من هنآ نبدأ .. لاستقبال الأعضاء الجدد ، تكريم الأعضاء

إضافة رد
 
أدوات الموضوع
قديم 30 / 04 / 2001, 40 : 05 PM   #1
الشجي 
وئامي جديد

 


+ رقم العضوية » 192
+ تاريخ التسجيل » 30 / 04 / 2001

+ الجنسْ »

+ الإقآمـہ »

+ مَجموع المشَارگات » 41
+ معَدل التقييمْ » 10
شكراً: 0
تم شكره 0 مرة في 0 مشاركة

الشجي غير متواجد حالياً

قصص واقعية الاصدار الاول

بعد يوم مليء بالدماء و التبويس و مفاوضات اللحم مقابل السلام في ليلة ثاني أيام عيد الأضحى (عيد ضحية ) حيث كنت متواجد في منزل أخوالي بالخرج استطعت أن اخمد في نوم عميق و في أثناء النوم و إذا بي اسمع الشاب خليوي ( الجوال ) يغني عبد القادر يا بو قلب ذاق الحال عليا داوي حالي يا بو قلب سيدي روف عليا – المهم – استيقظت من النوم و إذا بالجوال يغني و ذلك في الساعة الرابعة صباحا رديت - بصوت خشن و كأنني بلغت بالأمس – (نعم) وإذا بشخص يقول لي معك سعيد من مركز شرطه القويعية قلت (هلا) وأنا لم استوعب الوضع بعد (نعم من بغيت يا الطيب) قال أبي فلان الفلاني قلت (معك – خير وش بغيتو ) قال أنت مطلوب عندنا و لازم تكون متواجد بالمركز قبل الساعة 8 الصبح ، قلت بس يا الطيب – وتوني بقول أني بعيد ما يمديني، ألا وسكر السماعة (اغلق الخط )- و صرت أدور حول نفسي (وش أسوي وش أسوي بستمر وياه لونه مصدر أحزاني مصدر أحزاني –آسف اندمجت مع الغنية و طلعت برى الموضوع ) أخيرا قررت أني اخذ سيارة أحد أخوالي و اطلع إلى القويعية – وذلك لأني ما جيت بسيارتي من الرياض – و بعد شيل و حط و مفاوضات دامت اكثر من تسعين ثانيه قرر خالي إعطائي السيارة ، شغلت السيارة و جيت طالع من الخرج إلى الرياض - و أنا خايف يستمر صمت الشفايف ........أنا احبك كلمة ناطرها و أبيها- رحت مع محمد عبده – المهم كنت خايف و أقول في نفسي أنا وش سويت أنا ما أتكلم في السياسة ولا افحّط ولا أغازل ولا اشتري صواريخ ( العاب نارية ) و حتى سيارتي ما أوقفها عند الجيران و صرت أفكر في اللي سويته في الإجازة (إجازة العيد ) . ويوم دخل موعد صلاة الفجر وقفت أبي اصلي في وحده من المحطات و يوم نزلت و دخلت –الله يكرمكم- دورة المياه و أغلقت الباب إلا و انتبه لوجود نقوشات و طلاسم و كتابات (واسأل نفسي) هذي وين علماء الآثار عنها –ماكان هذا همي- توضيت و صليت و شغلت السيارة و كملت طريقي إلى الرياض و ترجع لي هواجسي و ما ادري عن نفسي إلا و أنا في الرياض –كملت طريقي ناوي أروح إلى القويعية – و أنا داخل المدينة و انتبه إلى محل الكبده و قلت افطر ليش العجلة و أوقف سيارتي ( سيارة خالي ) و انزل ناوي دخول المحل و إذا المحل مليء (إذا كان مليان يعني انه ممتاز و شغله نظيف ) المهم المحل مليان ذبان (ذباب) و حشرات و كل أنواع ألا فقريات بعد ما شفت كل هذا شبعت و قررت اكمل طريقي ، و آثرت اني آكل أحد المنتجات الجاهزة في التموينات و اشرب مشروب غازي ، كملت طريقي و طلعت من حدود الرياض و رجعت لي هواجسي و أنا ماشي على الطريق قررت اني أنسى موضوع المركز و صرت أتخيل مرة أصير سوبر مان و مرة مطرب مشهور و مرة ممثل و مرة أتخيل اني دكتور في الجامعة اتسلى في معدلات الطلاب . المهم وصلت القويعية و اسأل الناس عن المركز و كل ما قربت من المركز جاني واحد يوصف غلط و يبعدني عنه و أخيرا ألقى ذيك الدورية و اسأل العسكري اسمه فواز قلت (يا الطيب مركز الشرطة وين ) قال وش تبابه (يعني وش تبغى به – ماذا تريد منه) قلت (انهم متصلين علي و قالوا اني مطلوب عندهم ) و ما أمداني اكمل كلمة مطلوب إلا و ألقى العسكري فواز في رقبتي يقول لي مطلوب ، قلت (ايه – وأنا ميت من الخوف) و يقول العسكري اركب اركب قلت ( ابلحقك بالسيارة) قال لا اركب قلت (يا الطيب أنا جاي من الخرج ما فيه أحد أجبرني ) قال لا بتنحاش أنت تبى تلعب علي يا الحظيري –يعني انه خايف اني انحاش- رضيت و أمري على الله و اترك السيارة أوقفها على جمب و اركب معه و اقعد اهوجس و أقول شكل الدعوة كبيرة مرررة ولا ليش يعممون علي و كلها دقيقه إلا و أنا في المركز و يجرني فواز على رئيس المركز ما اعرف ايش رتبته و يدفني عنده و يقول قبضنا على هذا قلت (يا الطيب وش السالفة ، ليش طالبيني انتم متصلين علي خير ) قال ايه اصبر لين يجي المحقق - وهو قاله إلا و تجيني أم الركب و انتفض كني ميت من البرد و أخيرا جاء المحقق و اطمر عليه قلت ( أنا ما سويت شي وش السالفة ) قال لي اهدأ اهدأ و اجلس ثم قال السالفة إن صديقك عندنا و يبغاك تكفله قلت ( نعم نعم نعم وشو اكفل مين من صديقي هذا ) إلا و يجيبونه وصار واحد من الشباب و أنا اللي اطمر عليه كالنمر و و أعانقه و ازنطه و أطب في بطنه طمر المحقق و فكه مني قال اهدأ يا آخي وش السالفة و أقوله ( مقومني من النوم و جايبني من الخرج عشان اكفله ) قام المحقق يضحك و قال خلاص انسى المهم الحمد لله على السلامة و آسفين على الربكة اللي صارت لك ، المهم جلست لي ربع ساعة و أنا اطبخ - ماهو طبخ لا اقصد منقهر و اغلي – قلت لصديقي ( وش جابك هنا أنا اعرف انك في الرياض أمس وشلون صرت هنا اليوم ) و قالي قصته - صار أبو الشباب ما جاه نوم أمس و طقته أم العبيد (يعني مسكت غلط ) و صنقرت معه ( للعبيد يعني مسكت غلط لانه عبد ) و طلع من الرياض يبي يسلم على صديقة في الطايف و يرجع (وش هذا الوصل كله ) و يقول انه على الطريق شغل شريط فيه ردح و استنزل الرجال و صار يموج بالسيارة يمين يسار و هو مستنزل حد شباب على الطريق و كبرت مع الشباب و أسرعوا و حدوه و قام أبو الشباب يشر لهم يبي يتهاوش معهم و قف و وقفوا و نزلوا الشباب و جاء واحد منهم و دخل يده على رفيقنا و كان يبي يطفي السيارة قام أبو الشباب و كبرت معه ليش يبي يطفي سيارتي و قم طف سيارته و قفلها و اطمر على سيارة الشباب يبي يطفيها و يأخذ مفاتيحهم و يوم دخل يده في السيارة تجمعوا عليه الشباب يبون يشدونه برى و هم يشدونه إلا الطبلون طلع مع ابو الشباب (العبد رفيقنا ) يعني مسك الطبلون بيده و جروه و كسر الطبلون و يوم شافوا الطبلون في يده- و تقفل مع الشباب- و توهم بيفرشونه إلا الشرطة جايتهم و ضافتهم كلهم وهذي هي قصته – طبعا القصة صارت قريب من القويعية- و قالوا له لازم تصلح السيارة و تجيب من يكفلك و لا صار حافظ إلا رقمي أنا بس ، عطينا الناس حقهم و اعتذرنا منهم و أصر واحد منهم انه يغدينا عنده قال أنت (يقصدني) من عيال العم و أنت و أنت المهم بعد شيل و حط وحلف و تحريم و طلاق ، أخيرا وافقت رحت عند الشباب و قلطنا عندهم و إلا فيهم واحد طويل أضنه من جيرانهم طويل و عسم ( يستخدم يده اليسار ) عازمينه معنا طبعا مثل العادة جابو لنا من الغنم اللي شوي و يموت و قلطونا على الغداء و يجلس الطويل السبهه جمبي و نسمي و نبدأ بالآكل و أول ما بديت الأمر عادي و بعدين صرت أحس أن كل شوي جمبي اليمين يوجعني تحملت لكن الألم يرجع كل شوي و أقول في نفسي عادي اصبر ، لكن الألم يرجع المهم قررت اني ابحث عن أسباب الألم و يوم ركزت ليقت الطويل يأكل باليسار و كل ما رفع لقمه اوجعني جمبي و اخيرا اكتشفت أن كوعه ينغزني مع جمبي و له كوع حااااد و أنا اللي أقوم واترك الغداء و اثني عليهم ومير يلزمون علي و انا ارفض - يلزمون علي و رفضت حتى لا يطيحون فيني دورية (الظاهر أن الغنم اللي بيموت عندهم واجد ) المهم صليت العصر و طلعت إلى الرياض و من ثم إلى الخرج و عدت إلى البيت الساعة 9 ليلا و انصى الفراش و بهذا يصير يوم كامل راح علي دون أدنى فائده




أرجو أن تحوز القصة على إعجابكم و أرجو أن تعذروني على الأخطاء الإملائية


[معدل بواسطة الشجي بتاريخ 30-04-2001 عند 07:41 PM]

يا ظالمين المحبة ما ترحمون الشجي *** ضاعت حياتي معاكم ويش اللي عاد ارتجي


 

  رد مع اقتباس
قديم 01 / 05 / 2001, 10 : 06 PM   #2
AL-MSAFER 
عضو شرف

 


+ رقم العضوية » 3
+ تاريخ التسجيل » 17 / 04 / 2001

+ الجنسْ »

+ الإقآمـہ »

+ مَجموع المشَارگات » 2,412
+ معَدل التقييمْ » 10
شكراً: 0
تم شكره 0 مرة في 0 مشاركة

AL-MSAFER غير متواجد حالياً

افتراضي



الاخ العزيز الشجي تحياتي

يعطيك العافية والله يوفق اخوي يعين الله على كل حاااال تقدير

الله كذا والله يوفق تحياتي

المسافر........

  رد مع اقتباس
قديم 02 / 05 / 2001, 04 : 05 AM   #3
مظلوم 
عضو شرف

 


+ رقم العضوية » 26
+ تاريخ التسجيل » 17 / 04 / 2001

+ الجنسْ »

+ الإقآمـہ »

+ مَجموع المشَارگات » 2,201
+ معَدل التقييمْ » 30
شكراً: 0
تم شكره 2 مرة في 2 مشاركة

مظلوم غير متواجد حالياً

افتراضي

مرحبا


اسلوب حلو ورائع وملفت في الحقيقه اخوي شجي ...


والف شكر لك على هذي القصه ... في الحقيقه شديتني غصب الى ان قريتها كلها ...


يعطيك العافيه


مظلوم

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
حكم روعة (الجزء الأول) أبوعبدالعزيز  || اوْرآق مُلَوَنة .. 3 31 / 08 / 2013 04 : 04 PM
للمصممين فقط ...... الجزء الأول ! صوت من غير صدى رِيشَة تِقَنِية 24 08 / 08 / 2004 36 : 01 PM
ضحية شات(قصة : الجزء الأول) أخو التائبين  || اوْرآق مُلَوَنة .. 1 30 / 03 / 2003 49 : 07 PM
شرح Nero 5.5.8.2 .. (الجزء الأول) .. ِABO SSSSSSS شرح البرامج 2 31 / 05 / 2002 37 : 12 PM
قصص واقعية الجزء الثاني الشجي  ملتقى الأصدقاء 2 02 / 05 / 2001 07 : 05 AM


الساعة الآن 34 : 04 AM بتوقيت السعودية


Powered by vBulletin® Copyright ©2000 - 2024, Jelsoft Enterprises Ltd.
new notificatio by
9adq_ala7sas
[ Crystal ® MmS & SmS - 3.7 By L I V R Z ]