خشف ريمٍ صابني عند الغدير !!!!!!!

خشف ريمٍ صابني عند الغدير =بالسهام الجارحه فوق الوجان
ناعم الملمس كما ثوب الحرير=جرّح القلب و سلاحه عود بان
و انعصر قلبي و خلاني حسير=ضاعت الحيله و ربي المستعان
عفت نومٍ فوق ملبود السرير=واتقلب وانهصر تحتي و لان
مقدر اصبر لو يصير الي يصير=كيف ابصبر والعقل عنده رهان
ليت لي جنحان يمه كان اطير=واستريح من المواجع و الحزان
من سمعني قال روفوا بالكسير=ما درى اني فارس فوق الحصان
ما يهاب الي تسلح بالشطير=وانطعن من دون سيف او سنان
كيف ابشكي واحد توه صغير=فضّله ربي على كل الحسان
كود ابوها عن قراره يستخير=ثم يقبل صاحبي صافي الثمان
عود اقشر ما يجير المستجير=ما طلبته غير قلبي و العيان
حطها سلعه يبي مهر كثير=ما يهمه شوق عيني لو يهان
قالت اصبر دام حبك في الضمير=ما تبي حاصل ولا ترخي العنان
رد سيفك واغمده وسط الجفير=مطلبك ما حققه غير اللسان
حلف بالله لو تقدم لي امير=ما بغيته والحشا لك به مكان
وش تقولو يا شهود بالغرير=هو صدوق او يغيره الزمان

الاخ الغالي الشاعر (الكبير)

سلمت يداااااك ولافض فووك


ابيات جزلة راااائعه

تصوير ولا اروع

سجل اعجابي

وتقبل تحياااااتي

خشف ريمٍ صابني عند الغدير =بالعيون الناعسه وانا المدان
ناعم الملمس كما ثوب الحرير=واجرح القلب و سلاحه عود بان
إنعصر قلبي و خلاني حسير=ضاعت الحيله و ربّي المستعان
عفت نومٍ فوق ملبود السرير=واتقلب وانهصر تحتي و لان
مقدر أصبر لو يصير الي يصير=كيف أبصبر والعقل عنده رهان
ليت لي جنحان يمّه كان أطير=واستريح من التوجع و الهوان
من نظرني قال روفوا بالكسير=ما درى اني فارسٍ فوق الحصان
ما يهاب الي تسلح بالشطير=وانطعن من دون سيف أو سنان
كيف أبشكي واحدٍ توه صغير=فضّله ربي على كل الحسان
كود أبيّه عن قراره يستخير=واهتني به طول عمري في امان
ما رحمني ما يجير المستجير=ما طلبته غير قلبي و العيان
حطها سلعه يبي مهر كثير=ما يهمّه شوق عيني لو يهان
قالت إصبر دام حبك في الضمير=ما تبي حاصل ولا ترخي العنان
رد سيفك واغمده وسط الجفير=مطلبك ما حققه غير اللسان
حلف بالله لو تقدم لي أمير=ما بغيته والحشا لك به مكان
وش تقولو يا شهود بالغرير=هو صدوقٍ أو يغيره الزمان

الشاعر الصغـير

سلمـت يدااكــ وصـح لسـانكــ


تحيـاتـي

صح لسانك اخوي

المتهور
مشاري

يا هلا بكم و يا مرحبا
نورتونا بطلتكم البهيه

و آسفيييييين على التأخير و اعذرونا يا حبايب

تسلموا يالغالين , والله يوفقكم
تقبلوا تحياتي و تقديري